Sanoat kooperatsiyasi va davlat xaridlari agentligi | ICPPA

Davlat xaridlari bo‘yicha bepul onlayn o‘quv kursini qanday boshlash va sertifikatni qanday olish mumkin?

Jarayon oddiy: OneID orqali ro‘yxatdan o‘tasiz, bir hafta davomida 20 ta modulni o‘zlashtirasiz, test va amaliy keyslarni bajarasiz hamda yakuniy imtihondan o‘tasiz.

Kursning umumiy hajmi — 36 akademik soat. Ta’lim onlayn va mustaqil shaklda tashkil etilgani sababli darslarni bir haftalik muddat davomida o‘zingizga qulay vaqtda o‘rganishingiz mumkin.

Yakuniy natija 60 foiz yoki undan yuqori bo‘lsa, kurs muvaffaqiyatli yakunlangan hisoblanadi. Birinchi urinishda yetarli natija qayd etilmasa, imtihonni qayta topshirish imkoniyati mavjud.

Barcha talablarni bajargan tinglovchiga platforma orqali 2 yil amal qiladigan onlayn sertifikat beriladi.

🎥 Videoda ro‘yxatdan o‘tishdan boshlab sertifikat olishgacha bo‘lgan barcha bosqichlarni batafsil tushuntirdik.

Davlat xaridlari bo‘yicha bilimingizni oshiring — o‘qishni bugunoq boshlang.

edu.icppa.uz — bepul onlayn o‘quv platformasi

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇨🇳Shenchjen shahrida davlat xizmatlarini raqamlashtirish bo‘yicha maxsus seminar o‘tkazilmoqda

Ayni kunlarda Xitoy Xalq Respublikasining Shenchjen shahrida davlat xizmatlarini raqamlashtirish va takomillashtirish masalalariga bag‘ishlangan maxsus seminar bo‘lib o‘tmoqda. Unda Sanoat kooperatsiyasi va davlat xaridlari agentligi xodimlari ham ishtirok etmoqda.

Seminar Shenchjen xalqaro iqtisodiy va texnologik hamkorlik assotsiatsiyasi tomonidan tashkil etilgan bo‘lib, dastur davlat xizmatlarini raqamlashtirish, zamonaviy texnologiyalarni davlat boshqaruviga joriy etish hamda aholi va tadbirkorlik subyektlariga ko‘rsatilayotgan xizmatlarning tezkorligi va qulayligini oshirish bo‘yicha Xitoy tajribasini o‘rganishga qaratilgan.

✅ O‘quv dasturi doirasida ishtirokchilar elektron hukumat infratuzilmasi, davlat xizmatlarini ko‘rsatish jarayonlarini avtomatlashtirish, raqamli boshqaruv yechimlari hamda fuqarolar va biznes uchun qulay elektron xizmatlarni tashkil etish bo‘yicha Shenchjen tajribasi bilan tanishmoqda.

Shuningdek, seminar davomida o‘rganilayotgan amaliy yechimlarni O‘zbekiston sharoitida qo‘llash imkoniyatlari, davlat xizmatlarini raqamli transformatsiya qilish va bu borada ikki tomonlama tajriba almashinuvini kengaytirish masalalariga ham alohida e’tibor qaratilmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Metallurgiyada yangi imkoniyat: 100 mln dollarlik kooperatsiya loyihalari muhokama qilindi

Sanoat kooperatsiyasi va davlat xaridlari agentligi tomonidan yirik metallurgiya korxonalari atrofida sanoat kooperatsiyasini kengaytirish va yangi mahalliylashtirish loyihalarini shakllantirish masalalariga bag‘ishlangan tadbirkorlar bilan onlayn muloqot o‘tkazildi.

Muloqotda Samarqand viloyatidagi “Aziya metall prof”, Jizzax viloyatidagi “Sifatli sof po‘lat”, Namangan viloyatidagi “Tay Chang Stil” hamda Sirdaryo viloyatidagi “Vangda” yirik metallurgiya korxonalari atrofida jami 100 mln dollarlik kooperatsiya loyihalarini shakllantirish masalalari muhokama qilindi.

Asosiy e’tibor ushbu korxonalarning xomashyo, materiallar, butlovchi qismlar, asbob-uskunalar va xizmatlarga bo‘lgan ehtiyojlarini mahalliy tadbirkorlarning ishlab chiqarish imkoniyatlari bilan bog‘lashga qaratildi. Shuningdek, bugungi kunda import qilinayotgan mahsulotlarni mahalliylashtirish va yangi kooperatsiya zanjirlarini yo‘lga qo‘yish bo‘yicha takliflar ko‘rib chiqildi.

Tadbirkorlarning mavjud ishlab chiqarish quvvatlari va istiqbolli loyiha tashabbuslari o‘rganilib, ularni yirik metallurgiya korxonalari bilan uzoq muddatli sanoat kooperatsiyasiga jalb etish bo‘yicha navbatdagi amaliy choralar belgilab olindi.

Mazkur loyihalar orqali mahalliy ishlab chiqarishni kengaytirish, import o‘rnini bosuvchi mahsulotlarni o‘zlashtirish, yangi qo‘shilgan qiymat zanjirlarini shakllantirish hamda hududlarda yangi ish o‘rinlari yaratish ko‘zda tutilgan.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ Davlat xaridlarini o‘rganish endi bepul: yangi onlayn platforma ishga tushdi

Sanoat kooperatsiyasi va davlat xaridlari agentligi tomonidan davlat xaridlari sohasida faoliyat yuritayotgan mutaxassislarning bazaviy bilim va ko‘nikmalarini shakllantirish maqsadida edu.icppa.uz platformasi orqali bepul onlayn o‘quv kursi tashkil etildi.

Platformada davlat xaridlari jarayonlarini bosqichma-bosqich o‘rganishga mo‘ljallangan 20 ta modul jamlangan. Videodarslar, testlar va amaliy keyslar orqali foydalanuvchilar xaridlarni rejalashtirishdan tortib, xarid tartib-taomillari va shartnomalarni boshqarishgacha bo‘lgan jarayonlar bo‘yicha zarur bilimlarni egallashi mumkin.

Muhimi, ta’lim to‘liq bepul va onlayn. Foydalanuvchi o‘ziga qulay vaqtda darslarni o‘zlashtirishi, har bir modul bo‘yicha bilimini sinovdan o‘tkazishi mumkin.
Kursni muvaffaqiyatli yakunlagan tinglovchilarga 2 yil muddatga amal qiluvchi elektron sertifikat beriladi.

Platforma nafaqat davlat buyurtmachilari va xarid bo‘yicha mutaxassislar, balki davlat xaridlarida ishtirok etishni istagan tadbirkorlar hamda ushbu sohani o‘rganmoqchi bo‘lgan barcha foydalanuvchilar uchun ochiq.

Davlat xaridlarini o‘rganish uchun endi alohida joy va vaqt izlash shart emas — zarur bilimlar bir platformada jamlangan.

✅ edu.icppa.uz — ro‘yxatdan o‘ting va bepul o‘qishni boshlang.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📢 “Milliy sanoat zanjiri” ko‘rgazmasida ishtirok etish uchun ro‘yxatdan o‘tish boshlandi!

Avtomobilsozlik sanoatining yirik korxonalari bilan kooperatsiya o‘rnatish, o‘z mahsulotingizni bevosita buyurtmachilarga taklif qilish yoki tarmoq ehtiyojidan kelib chiqib yangi mahsulot va butlovchi qismlar ishlab chiqarishni yo‘lga qo‘yishni rejalashtiryapsizmi?

29–30-sentabr kunlari Jizzax shahrida “Milliy sanoat zanjiri” avtomobilsozlik sanoati ko‘rgazmasi bo‘lib o‘tadi.

Ko‘rgazma mahalliy ishlab chiqaruvchilarga yirik sanoat korxonalari bilan bevosita muloqot qilish, ularning mavjud va istiqboldagi ehtiyojlarini o‘rganish, o‘z ishlab chiqarish imkoniyatlarini namoyish etish hamda yangi kooperatsiya loyihalarini shakllantirish imkonini beradi.

✅ Ishtirok etish uchun ro‘yxatdan o‘tish boshlandi. Buning uchun yuqoridagi QR-kodni skanerlang va ro‘yxatdan o‘ting.

🗓 29–30-sentabr, 2026-yil

📍Jizzax shahri, “Olimpiya zaxiralari kolleji” binosi

☎️Qo‘shimcha ma’lumot uchun:
+998 97 754 23 99
+998 97 888 10 01

Zanjirda siz uchun ham joy bor.

✔️ Ro‘yxatdan o‘tish

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇨🇳Agentlik xodimlari Xitoy Xalq Respublikasining Suzhou shahrida “Rivojlanayotgan mamlakatlar uchun past balandlik iqtisodiyoti” (Seminar on Low-Altitude Economy for Developing Countries) mavzusida tashkil etilgan xalqaro seminarda ishtirok etmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✏️Prezident Shavkat Mirziyoyevning "O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik" maqolasi e’lon qilindi

Koreya Respublikasining yetakchi nashrlaridan biri — "The Chosun Daily"da Prezident Shavkat Mirziyoyevning "O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik" sarlavhali maqolasi e’lon qilindi.

Maqolada O‘zbekiston va Koreya o‘rtasidagi tarixiy rishtalar, bugungi alohida strategik sheriklik, savdo-investisiya aloqalari hamda munosabatlarni yangi texnologik bosqichga olib chiqish istiqbollariga alohida e’tibor qaratilgan.

❗Maqolada qayd etilganidek–

🔵so‘nggi yillarda O‘zbekiston va Koreya o‘rtasidagi ikki tomonlama savdo hajmi 5 barobarga oshgan;

🔵Koreyaning O‘zbekiston iqtisodiyotiga kiritgan investisiyalari hajmi 8 milliard dollardan oshgan;

🔵Ayni paytda mamlakatimizda Koreya kapitali ishtirokida 700 dan ziyod qo‘shma korxona va loyihalar amalga oshirilmoqda;

🔵KOICA, Koreya Eksimbanki va EDCF bilan hamkorlikdagi loyihalarning umumiy portfeli 3,5 milliard dollardan ortiq;

🔵2025 yilda Markaziy Osiyo davlatlarining umumiy yalpi ichki mahsuloti 500 milliard dollardan oshgan.

Prezident ikki mamlakat iqtisodiyotining o‘zaro to‘ldiruvchanligi yangi o‘sish drayverlarini yaratish uchun katta imkoniyat ekanini ta’kidlab, hamkorlikni umumiy ishlab chiqarish tizimlari, texnologik platformalar va yangi bozorlarni shakllantirish darajasiga olib chiqish muhimligini ta’kidladi.

"Ishonchim komilki, aynan shu asosda hamkorligimizning yangi sahifasini ochishimiz — alohida sohalardagi muvaffaqiyatli hamkorlikdan umumiy ishlab chiqarish tizimlari, texnologik platformalar va yangi bozorlarni shakllantirishga o‘tishimiz mumkin. Bu esa mamlakatlarimiz barqaror va uzoq muddatli farovonligining yanada mustahkam poydevorini barpo etadi".

Maqolada sun’iy intellekt, yarim o‘tkazgichlar, robototexnika, elektr transport vositalari, biofarmasevtika, aqlli qishloq xo‘jaligi va “aqlli shaharlar” istiqbolli hamkorlik yo‘nalishlari sifatida belgilangan. Shuningdek, ta’lim va inson kapitaliga investisiya kiritish, akademik almashinuv va qo‘shma ilmiy tadqiqotlarni kengaytirish muhimligi e’tirof etgan.

Prezident, shuningdek, Markaziy Osiyo-Koreya Respublikasi sammiti O‘zbekiston va Koreya munosabatlari bilan bir qatorda, butun mintaqa bilan hamkorlikni yangi bosqichga olib chiqish uchun muhim maydon ekaniligiga alohida urg‘u berdi.

"...O‘zbekiston siyosiy muloqotni chuqurlashtirish, amaliy hamkorlikni kengaytirish va sheriklikning yangi, samarali mexanizmlarini shakllantirishga qaratilgan qator dolzarb tashabbuslarni ilgari surish niyatida. Bu tashabbuslar “Markaziy Osiyo — Koreya Respublikasi” formatini sifat jihatidan yangi bosqichga olib chiqish, uni yanada tizimli, dinamik va uzoq muddatli mintaqaviy ustuvor vazifalarga yo‘naltirilgan mexanizmga aylantirishga qaratilgan".

Prezident maqolasida qayd etilganidek, O‘zbekiston va Koreya Respublikasi o‘rtasidagi strategik sheriklik nafaqat ikki tomonlama munosabatlarni, balki Markaziy Osiyoda tinchlik, barqarorlik, innovatsiya va umumiy taraqqiyot uchun yangi imkoniyatlarni shakllantirishga xizmat qilmoqda.

"Markaziy Osiyo va Koreya Respublikasi tinchlik, innovatsiyalar, o‘zaro ishonch va umumiy farovonlikka asoslangan hamkorlikning yangi makonini shakllantira olishiga chin dildan ishonaman"- deydi Davlatimiz Rahbari maqolada.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇨🇳Agentlik xodimlari Xitoy Xalq Respublikasining Suzhou shahrida “Rivojlanayotgan mamlakatlar uchun past balandlik iqtisodiyoti” (Seminar on Low-Altitude Economy for Developing Countries) mavzusida tashkil etilgan xalqaro seminarda ishtirok etmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ HAFTALIK DAYJEST | 7-12 sentabr, 2026-yil

Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

✔️ Davlat xaridlarida ishtirok uchun 17,5 mlrd so‘mga yaqin kredit ajratildi.

🇨🇳Xitoy Xalq Respublikasining Uxan, Chansha va Yichan shaharlarida “5G va sanoat internetining asosiy texnologiyalari hamda ularni qo‘llash” mavzusida o‘quv seminari bo‘lib o‘tmoqda.

🏛 Loyiha boshqaruvi bo‘yicha yangi o‘quv dasturi boshlandi.

🏛 Tadbirkorning 1 milliard 14 million so‘m zakalat mablag‘i qaytarildi.

🇺🇿 Oʻzbekiston Respublikasi Oliy Majlisi Qonunchilik palatasining yalpi majlisida davlat xaridlari tizimini yanada takomillashtirishga qaratilgan qonun loyihasi birinchi o‘qishda qabul qilindi.

🤝 Hunarmandchilik mahsulotlarini turizm obyektlarida kengaytirish masalalari muhokama qilindi.

📢Davlat xaridlarida narxlarni aniqlashning yangi tartibi tasdiqlandi.

🏛️ Tog‘-kon sanoati uchun kimyoviy mahsulotlarni mahalliylashtirish: BASF bilan hamkorlik yo‘nalishlari muhokama qilindi.

⚡️Elektrotexnika sanoati vakillari bilan ochiq muloqot o‘tkazildi.

🇨🇳Agentlik xodimlari Xitoy Xalq Respublikasining Suzhou shahrida “Rivojlanayotgan mamlakatlar uchun past balandlik iqtisodiyoti” (Seminar on Low-Altitude Economy for Developing Countries) mavzusida tashkil etilgan xalqaro seminarda ishtirok etmoqda.

🏛️“Yashil iqtisodiyot” texnik ko‘mak dasturi doirasida navbatdagi ishchi uchrashuv o‘tkazildi.

✅ Respublikada ishlab chiqarish tavsiya etiladigan mahsulotlarning yangi ro‘yxati e’lon qilindi.

🏛️ Yirik sanoat loyihalarini boshqarish tajribasi OKMK misolida o‘rganildi.

🌐Jahon banki bilan istiqbolli hamkorlik yo‘nalishlari muhokama qilindi.

✅ 29–30-sentabr kunlari Jizzax shahrida avtomobilsozlik sanoati yo‘nalishidagi “Milliy sanoat zanjiri” ko‘rgazmasi bo‘lib o‘tadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ Yirik buyurtmachilar bilan yangi kooperatsiya imkoniyati: “Milliy sanoat zanjiri” Jizzaxda

Mahsulotingizni avtomobilsozlik sanoatining yirik korxonalariga taklif qilmoqchimisiz? Yoki ushbu tarmoq uchun yangi mahsulot va butlovchi qismlar ishlab chiqarishni yo‘lga qo‘yishni rejalashtiryapsizmi?

29–30-sentabr kunlari Jizzax shahrida avtomobilsozlik sanoati yo‘nalishidagi “Milliy sanoat zanjiri” ko‘rgazmasi bo‘lib o‘tadi.

“Milliy sanoat zanjiri” — mahalliy ishlab chiqaruvchilarni yirik buyurtmachilar bilan bevosita bog‘lash, ularning real xarid ehtiyojlarini tadbirkorlarga yetkazish va yangi kooperatsiya loyihalarini shakllantirishga xizmat qiluvchi amaliy platforma.

📈 Oldingi ko‘rgazmalar buning amaliy natijasini ko‘rsatdi.

Davlatimiz rahbari Shavkat Mirziyoyevning tadbirkorlar bilan VI ochiq muloqotida qayd etilganidek, ushbu ko‘rgazmalar doirasida 4 trillion so‘mlik kooperatsiya buyurtmalari xususiy sektorga berildi. Shuningdek, 650 dan ziyod mahsulotni mahalliylashtirish orqali tadbirkorlar uchun qo‘shimcha 1 milliard dollarlik bozor yaratish imkoniyati shakllandi.

Endi navbat — avtomobilsozlik sanoatiga.
Jizzaxdagi ko‘rgazma mahalliy ishlab chiqaruvchilarga o‘z mahsulot va texnologik imkoniyatlarini namoyish etish, yirik sanoat korxonalari bilan bevosita muloqot qilish, ularning mavjud va istiqboldagi ehtiyojlarini o‘rganish hamda yangi kooperatsiya loyihalarini shakllantirish uchun maydon yaratadi.

🗓️ 29–30-sentabr, 2026-yil;

📍Jizzax shahri, “Olimpiya zaxiralari kolleji” binosi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🌐Jahon banki bilan istiqbolli hamkorlik yo‘nalishlari muhokama qilindi

11-sentyabr kuni Sanoat kooperatsiyasi va davlat xaridlari agentligi mutaxassislari Jahon bankining O‘zbekistondagi vakillari bilan uchrashuv o‘tkazdi.

Uchrashuvda davlat xaridlari va sanoat kooperatsiyasi sohalariga ilg‘or xalqaro tajribani joriy etish, tizimlarni institutsional va raqamli jihatdan rivojlantirishga qaratilgan istiqbolli hamkorlik yo‘nalishlari muhokama qilindi.

Xususan, davlat xaridlari sohasida faoliyat yuritayotgan mutaxassislarning kasbiy bilim va ko‘nikmalarini xalqaro standartlar asosida muntazam oshirib borish, xalqaro almashinuv dasturlarini yo‘lga qo‘yish hamda ilg‘or xorijiy professional tayyorgarlik modellarini o‘rganishga alohida e’tibor qaratildi.

Shuningdek, tomonlar:

⏹️davlat xaridlari qonunchiligini takomillashtirish;
⏹️xarid jarayonlarining shaffofligi va samaradorligini oshirish;
⏹️sohani raqamlashtirish va zamonaviy raqamli yechimlarni keng joriy etish bo‘yicha hamkorlik imkoniyatlarini ko‘rib chiqdi.

🏭Uchrashuvning yana bir muhim yo‘nalishi ilm-fan, innovatsiya va sanoat integratsiyasi bo‘ldi. Ilmiy-tadqiqot va innovatsion ishlanmalarni ishlab chiqarishga joriy etish, ularni tijoratlashtirish mexanizmlarini takomillashtirish hamda sanoatda amaliy qiymat yaratayotgan innovatsiyalar ulushini oshirish bo‘yicha xalqaro tajribani o‘rganish masalalari muhokama qilindi.

🤝 Uchrashuv yakunida mazkur yo‘nalishlarda Agentlik va Jahon banki o‘rtasidagi istiqbolli hamkorlik imkoniyatlari yuzasidan fikr almashildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Yirik sanoat loyihalarini boshqarish tajribasi OKMK misolida o‘rganildi

11-sentyabr kuni Sanoat kooperatsiyasi va davlat xaridlari agentligi tomonidan KPMG bilan hamkorlikda tashkil etilgan “Professional boshqaruv dasturi” doirasida tinglovchilar uchun Olmaliq kon-metallurgiya kombinatiga amaliy tashrif tashkil etildi.

Tashrifdan ko‘zlangan asosiy maqsad — dastur davomida olingan nazariy bilimlarni yirik sanoat korxonasidagi real ishlab chiqarish va boshqaruv jarayonlari bilan uyg‘unlashtirish, shuningdek, yirik investitsiya loyihalarini boshqarish va mahalliy kontentni oshirish orqali qo‘shilgan qiymat yaratish tajribasini o‘rganishdan iborat.

⏹️ Tashrif davomida ishtirokchilar OKMKning konchilik faoliyati va ishlab chiqarish jarayonlari, amalga oshirilayotgan yirik investitsiya loyihalari bilan yaqindan tanishdi. Shuningdek, mahalliy mahsulot va xizmatlardan foydalanishni kengaytirish, sanoat kooperatsiyasini rivojlantirish hamda ishlab chiqarishda qo‘shilgan qiymatni oshirishga qaratilgan yondashuvlar muhokama qilindi.

📍 Amaliy tashrif tinglovchilarga zamonaviy boshqaruv mexanizmlarini bevosita yirik sanoat korxonasi misolida o‘rganish, mahalliylashtirish va sanoat kooperatsiyasi bo‘yicha amaliy bilimlarini mustahkamlash imkonini berdi.

🤝 “Professional boshqaruv dasturi” doirasidagi bunday amaliy mashg‘ulotlar nazariy bilimlarni real ishlab chiqarish tajribasi bilan bog‘lashga xizmat qiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin