🤝 Hunarmandchilik mahsulotlarini turizm obyektlarida kengaytirish masalalari muhokama qilindi

8-sentabr kuni Toshkent shahar hokimligida Sanoat kooperatsiyasi va davlat xaridlari agentligi, Turizm qo‘mitasi, “Hunarmand” uyushmasi vakillari hamda hunarmandlar ishtirokida ochiq muloqot o‘tkazildi. Unda oflayn va videokonferensaloqa orqali jami 170 nafar ishtirokchi qatnashdi.

Uchrashuvda hunarmandchilik mahsulotlarini turizm obyektlari, yirik buyurtmachilar va davlat xaridlariga kengroq olib kirish, ularga barqaror talab yaratish hamda eksport imkoniyatlarini kengaytirish masalalari muhokama qilindi.

Shuningdek, hunarmandlarning turizm obyektlari bilan to‘g‘ridan-to‘g‘ri ishlashi, xomashyo va sotuv bozori, yirik buyurtmalarni bajarish, mahsulotlarni qadoqlash va brendlash bilan bog‘liq muammo va takliflari tinglandi.

Qayd etilganidek, hunarmandchilik nafaqat milliy an’ana va qadriyatlarni asrab-avaylash, balki yangi ish o‘rinlari yaratish, aholi daromadlarini oshirish hamda mahalliy mahsulotlarning ichki va tashqi bozordagi ulushini kengaytirish imkonini beradigan muhim iqtisodiy yo‘nalishdir.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin