EFFECT.UZ | Расмий канал

«Картошка пули» кимларга берилади? Барча ходимларга ҳам тегишлими?

Кузда кўпчилик кутадиган «картошка пули» — қишлоқ хўжалиги маҳсулотларини харид қилиш учун бериладиган бир марталик моддий ёрдам.

У қуйидагиларга берилиши мумкин:
🔹 тегишли ҳужжатларда назарда тутилган давлат органлари ва бюджет ташкилотлари ходимларига;
🔹 жамоа шартномаси ёки ички ҳужжатларида белгиланган корхона ходимларига.

Telegram I Facebook I YouTube I Instagram

Балида ёқилғи тақчиллиги: АЗСларда узун навбатлар юзага келди

Индонезиянинг Бали оролида бензин тақчиллиги кузатилмоқда. Ёқилғисиз қолишдан хавотирланган маҳаллий аҳоли автомобилларга ёқилғи қуйиш шохобчаларида узун навбатларга турмоқда.

Маълум қилинишича, таъминотдаги кечикишлар бензин танқислигига сабаб бўлган. Энг оғир вазият сайёҳлар орасида машҳур бўлган Улувату ва Убуд ҳудудларида кузатилмоқда.

Telegram I Facebook I YouTube I Instagram

"Бюрократияни йўқ қиламиз" — Президент Янги Тошкент ҳақида

Янги Тошкент замонавий бизнес, таълим, тиббиёт, туризм ва хизматлар соҳаларини бирлаштирган йирик иқтисодий марказга айлантирилади. Лойиҳа доирасида 50 миллиард долларлик инвестицияни амалга ошириш режалаштирилган.

Президент Шавкат Мирзиёев Янги Тошкент келажакда мустақил иқтисодий марказ сифатида шаклланиши зарурлигини таъкидлади.

«Янги Тошкент замонавий бизнес, таълим, тиббиёт, туризм ва хизматларни ўзига тортадиган мустақил иқтисодий марказга айланиши зарур», — деди давлат раҳбари.

Telegram I Facebook I YouTube I Instagram

Ҳукуматда янги лавозим: Бош вазирнинг биринчи ўринбосари таълим ва илм-фан вазири бўлди

Ўзбекистонда Вазирлар Маҳкамаси ижро этувчи тузилмасида ўзгаришлар амалга оширилди. Бош вазирнинг биринчи ўринбосари — таълим ва илм-фан вазири лавозими жорий этилиб, янги котибият ташкил этилди.

Бу Президентнинг 2026 йил 9 октябрдаги ПФ–217-сон фармонида белгиланган.

Янги лавозим эгаси таълим, илм-фан ва соғлиқни сақлаш соҳаларидаги вазирликлар, идоралар ҳамда ҳудудий раҳбарлар фаолиятини мувофиқлаштиради. Унга Таълим ва илм-фан вазирлиги, Соғлиқни сақлаш вазирлиги, Фанлар академияси ҳамда улар тизимидаги тегишли ташкилотлар бириктирилди.

Шунингдек, Ички ишлар вазирлиги таълим муассасаларида гиёҳвандлик воситалари ва психотроп моддалар тарқалиши, тазйиқ ҳамда зўравонликнинг олдини олиш масалалари бўйича, Ёшлар ишлари агентлиги эса ёшларнинг замонавий билим ва касб-ҳунар эгаллаши, уларни ватанпарварлик руҳида тарбиялаш йўналишида ҳамкорлик қилади.

Вазирлар Маҳкамасида янги йўналиш бўйича 12 штат бирлигидан иборат котибият ҳам ташкил этилади. Унинг бешта штат бирлиги ҳукуматнинг Ижтимоий ривожланиш масалалари бўлими ҳисобидан, қолган еттитаси эса тегишли вазирликлар штатларини мақбуллаштириш орқали шакллантирилади.

Фармонга мувофиқ, Ижтимоий ривожланиш масалалари бўлими Маданият ва спорт масалалари бўлими деб қайта номланади. Вазирлар Маҳкамаси ижро этувчи тузилмасидаги бошқарув ходимлари сони 243 нафар этиб белгиланди.

Ҳукуматга икки ҳафта муддатда янги лавозимнинг функционал вазифалари ва котибият фаолиятини тартибга солувчи низомни тасдиқлаш топширилди.

Telegram I Facebook I YouTube I Instagram

Таълим ва илм-фан вазирига қайси идоралар бириктирилди?

Таълим, илм-фан ва соғлиқни сақлаш соҳалари учун масъул бўлган Бош вазирнинг биринчи ўринбосари — таълим ва илм-фан вазирига бириктирилган республика ва маҳаллий ижро этувчи ҳокимият органлари, шунингдек, бошқа ташкилотлар рўйхати эълон қилинди.

Telegram I Facebook I YouTube I Instagram

«CITY TOWER»: Тошкент шаҳар суди ҳолатга аниқлик киритди

Тошкент шаҳар суди «CITY TOWER» иши бўйича тарқалган хабарларга муносабат билдириб, жиноят иши судда мазмунан кўрилмаганини маълум қилди.

Судга кўра, Тошкент шаҳар судида фақат «IQBOL ZAMIN SEVRIS» МЧЖ иши доирасида шахсга нисбатан қўлланилган қамоқ тарзидаги эҳтиёт чораси устидан берилган апелляция шикояти кўриб чиқилган.

Шунингдек, процессуал мажбурлов чораларига оид масалалар қонунга мувофиқ ёпиқ суд мажлисида кўриб чиқилиши, судьянинг процессуал тартибда назарда тутилмаган ҳолда манфаатдор шахслар билан мулоқот қилиши мумкин эмаслиги таъкидланган. Апелляция шикояти якунида эса эҳтиёт чораси ўзгаришсиз қолдирилган.

Шу билан бирга, 1700 нафар фуқаронинг «CITY TOWER» билан боғлиқ уй-жой ва молиявий манфаатлари масаласи ҳануз долзарб бўлиб қолмоқда.

EFFECT.UZ ушбу ишни кузатишда давом этади.

Telegram I Facebook I YouTube I Instagram

Ботир Қудратхўжаев Ўзбекистон мудофаа вазири бўлди

Олий Мажлис Қонунчилик палатаси Ботир Қудратхўжаев номзодини мудофаа вазири лавозимига маъқуллади. Маълумки, амалдаги қонунчиликка мувофиқ, вазирлар лавозимига номзодлар тайинловдан олдин Олий Мажлис Қонунчилик палатасида депутатлар томонидан кўриб чиқилади.

Қонунчилик палатасининг навбатдаги мажлисида Ботир Қудратхўжаевнинг Ўзбекистон Республикаси мудофаа вазири лавозимига номзоди депутатлар томонидан кўриб чиқилиб, маъқулланди.

Шу муносабат билан Шухрат Ғайратжонович Холмуҳамедов бошқа ишга ўтиши муносабати билан Ўзбекистон Республикаси мудофаа вазири лавозимидан озод этилди.

Telegram I Facebook I YouTube I Instagram

⚡️«CITY TOWER»: 1700 нафар фуқаронинг мурожаатидан сўнг Тошкент шаҳар биносида зиддият содир бўлди

Аввалроқ, EFFECT.UZ Тошкентдаги «CITY TOWER» қурилиш лойиҳаси ва «IQBOL ZAMIN SEVRIS» МЧЖ билан боғлиқ муаммолар юзасидан 1700 нафар фуқаронинг мурожаатлари асосида журналистик суриштирув эълон қилган эди.

Шундан сўнг Мирзо Улуғбек тумани ҳокими Баҳодир Ғоибназаров фуқаролар билан учрашиб, муаммолар тегишли ишчи гуруҳ томонидан ўрганилган.
Ўрганиш давомида «IQBOL ZAMIN SEVRIS» таъсисчиси Ш. Қурбоновга нисбатан жиноят иши қўзғатилгани, иш Бош прокуратура назоратига олингани ва унга
нисбатан халқаро қидирув эълон қилингани маълум қилинган.

Шу билан бирга, Ш. Қурбоновнинг турмуш ўртоғи Қурбоновага нисбатан қамоқ тарзидаги эҳтиёт чораси қўлланилган. Адвокатлар ушбу қарор устидан апелляция шикояти берган.

Апелляция суди куни «CITY TOWER»дан жабрланганини билдирган фуқаролар ҳам Тошкент шаҳар судига борди. Улар айрим хонадонлар банкка гаровга қўйилгани ва ўзларининг ҳам моддий ҳамда маънавий зарар кўрганини билдириб, судья билан учрашишни сўрашган. Фуқаролар ва суд ходимлари ўртасида тушунмовчилик юзага келиб, вазият кескинлашган.

Натижа қандай бўлди?

Тошкент шаҳар суди апелляция шикоятини қаноатлантирмади. Яшнобод тумани жиноят ишлари бўйича судининг Қурбоновага нисбатан қамоқ тарзидаги эҳтиёт чораси ҳақидаги қарори ўзгаришсиз қолдирилган. Савол шуки: 1700 нафар фуқаронинг уй-жойи, маблағлари ва ҳуқуқлари қандай таъминланади? EFFECT.UZ ушбу ишни кузатишда давом этади.

👉 ТЎЛИҚ ВИДЕО

Telegram I Facebook I YouTube I Instagram

Ўзбекистон ва Туркманистон етакчилари телефон орқали мулоқотлашди

Шавкат Мирзиёев Гурбангули Бердимуҳамедовни Туркманистон томонидан Авазада бўлиб ўтган Марказий Осиё ва Озарбайжон давлат раҳбарларининг Маслаҳат учрашуви, МДҲ саммити ва Каспий экологик форумига самарали раислик қилингани ҳамда уларни муваффақиятли ўтказилгани билан самимий табриклади.

Суҳбат давомида изчил ривожланиб, амалий мазмун билан бойиб бораётган Ўзбекистон – Туркманистон стратегик шериклигининг барқарор ижобий суръати мамнуният билан қайд этилди.

Томонлар ўзаро савдо ҳажмини янада ошириш, саноат кооперациясини кенгайтириш, энергетика, транспорт ва қишлоқ хўжалиги соҳаларида лойиҳаларни амалга ошириш, транспорт-логистика соҳасидаги ўзаро боғлиқликни мустаҳкамлаш ҳамда маданий-гуманитар алмашинувни фаоллаштириш муҳимлигини таъкидладилар.

Telegram I Facebook I YouTube I Instagram

Зайнилобиддин Низомиддинов истеъфога чиқарилмаган – Тошкент вилояти ҳокимлиги

Айрим оммавий ахборот воситалари ва ижтимоий тармоқларда Бекобод тумани ҳокими Зайнилобиддин Низомиддинов бошқа ишга ўтгани муносабати билан эгаллаб турган лавозимидан озод этилгани ҳақида хабарлар тарқалмоқда.

Маълум қиламизки, ушбу хабарлар ҳақиқатга тўғри келмайди. Айни вақтда Зайнилобиддин Низомиддинов Бекобод тумани ҳокими сифатида ўз фаолиятини давом эттирмоқда.

Ҳокимлик, оммавий ахборот воситалари ва ижтимоий тармоқ фойдаланувчиларидан жамоатчиликка ахборот тақдим этишда холислик ва масъулият тамойилларига амал қилишларини, турли хабарларни тарқатишдан аввал уларнинг ҳаққонийлигини текшириш ҳамда фақат расмий манбаларга таянишларини сўраган.

Telegram I Facebook I YouTube I Instagram

Сирдарёга ким ҳоким бўлди: Зайнилобиддин Низомиддинов ҳақидаги хабарлар тасдиғини топмади
 
Вилоят ҳокимлигининг матбуот хизматининг маълум қилишича, бир қатор расмий ва норасмий каналларда 12 октябрь куни Ўзбекистон Республикаси Бош вазири иштирокида Сирдарё вилояти ҳокимлигида йиғилиш ўтказилгани ҳамда унда вилоят ҳокими вазифасини бажарувчи тайинлангани ҳақида хабарлар тарқалди.

Мазкур хабарлар ҳақиқатга тўғри келмаслигини маълум қиламиз. 12 октябрь куни Ўзбекистон Республикаси Бош вазири томонидан Сирдарё вилоятида ҳеч қандай йиғилиш ўтказилмаган.
 
Бундан ташқари, бошқа оммавий ахборот воситалари Президент администрацияси Жамоат хавфсизлиги ва қонун устуворлиги бўйича департаменти раҳбари Дониёр Қодировни вилоята вақтинча ҳоким этиб тайинланганини ёзмоқда.

Telegram I Facebook I YouTube I Instagram

Доллар нархи яна ошди

Ўзбекистон Республикаси Марказий банки 13 октябрь куни амалда бўладиган хорижий валюталарнинг сўмга нисбатан расмий курсларини эълон қилди.

Унга кўра, доллар курси 1,19 сўмга ошиб, 11 899,09 сўмни ташкил этди. Евро 39,74 сўмга арзонлашиб, 13 298,42 сўм этиб белгиланди.

Шунингдек, Россия рубли 1,35 сўмга қимматлаб, 141,53 сўмни, Хитой юани эса 0,01 сўмга ошиб, 1 777,89 сўмни ташкил қилди.

Марказий банк маълумотларига кўра, олтиннинг бир грамми нархи ҳам 4 400 сўмга ошиб, 1 миллион 804 минг 400 сўмга етди.

Telegram I Facebook I YouTube I Instagram

Жарқўтонда бронза даврига оид боланинг қабри топилди

Сурхондарё вилояти Шеробод туманида жойлашган Жарқўтон ёдгорлигида навбатдаги археологик тадқиқотлар бошланди.

👉 https://effect.uz/n/269

Telegram I Facebook I YouTube I Instagram

Ўзбекистонда 3,4 миллион тонна пахта териб олинди

Қишлоқ хўжалиги вазирлиги маълум қилишича, 2026 йил 12 октябрь ҳолатига мамлакатда 3,4 миллион тонна пахта хомашёси йиғилган. Бу мавсум учун белгиланган 4,5 миллион тонналик шартномавий кўрсаткичнинг 76 фоизини ташкил этади.

Ҳосилнинг 2,6 миллион тоннаси машиналарда, 848 минг тоннаси қўлда терилган. Вазирлик қайд этишича, умумий теримнинг 75 фоизи механизациялашган терим ҳиссасига тўғри келмоқда.

Мавсумга 3 мингга яқин пахта териш машинаси жалб қилинган. Шундан мингдан зиёди жорий йилда фермер хўжаликлари ва агрокластерларга лизинг асосида етказиб берилган.

Telegram I Facebook I YouTube I Instagram

Сурхондарёда 16 ёшли ўқувчи онасининг машинасида аварияга учради: бир ўсмир ҳалок бўлди

9 октябрь куни Сурхондарё вилоятининг Термиз туманида 2010 йилда туғилган мактаб ўқувчиси онасига тегишли Cobalt автомобилини бошқариб, йўл-транспорт ҳодисасига учради.

Ҳодиса оқибатида автомобиль салонида бўлган унинг синфдоши воқеа жойида вафот этди.

Мазкур ҳолат юзасидан жиноят иши қўзғатилган.

Telegram I Facebook I YouTube I Instagram

«Аҳолида кибержиноятларга қарши ҳуқуқий маданият ҳозирча етарли эмас» — мутахассис

Биргина сохта APK файлни очиш — телефондаги маълумотлар ва маблағлар хавфсизлигига жиддий таҳдид солиши мумкин.
Кибержиноятларга қарши курашиш департаменти бошлиғи ўринбосари Жаҳонгир Сагдуллаевнинг таъкидлашича, бугунги кунда фуқароларнинг 50 фоизи сохта APK файлларни очиш орқали киберҳужумга учрамоқда.

Унинг айтишича, бундай ҳолатларнинг асосий сабабларидан бири — аҳоли ўртасида кибержиноятларга қарши ҳуқуқий ва рақамли маданиятнинг етарли даражада шаклланмагани.

«Юртимиз аҳолисида кибержиноятларга оид ҳуқуқий маданият ҳали етарли эмас. Шу боис барча журналист ва блогерларни кибержиноятларнинг олдини олиш билан боғлиқ ҳуқуқий тарғиботларда фаол иштирок этишга чақирамиз», — деди Жаҳонгир Сагдуллаев.

У журналист ва блогерларни кибержиноятларнинг олдини олишга қаратилган ҳуқуқий тарғибот ишларида фаол иштирок этишга чақирди.

Telegram I Facebook I YouTube I Instagram

Непалда сел уйлар ва кўприкларни вайрон қилди: беш киши бедарак

Непалнинг Горкха ҳудудида 11 октябрь куни содир бўлган кучли сув тошқини оқибатида ўнлаб уйлар, кўприклар ва инфратузилма объектлари вайрон бўлди.

Маълумотларга кўра, беш киши бедарак йўқолган, 49 киши эса қутқариб қолинган. Тошқинга кўчки оқибатида дарё ўзанининг тўсилиб қолиши сабаб бўлган.

Табиий офат Катмандудан тахминан 100 километр ғарбда юз берди. Бу Непал ва Хитой чегарасидаги йирик тошқиндан қарийб бир ярим ой ўтиб содир бўлди.

Telegram I Facebook I YouTube I Instagram

«Таълимга бекорга энг ишонган кадримни олиб келмадим» — Шавкат Мирзиёев нега Эркинжон Турдимовни танлади?

Президент Шавкат Мирзиёев Янги Тошкентда тадбиркор ва инвесторлар билан учрашувда янги ташкил этилган Таълим ва илм-фан вазирлиги ҳамда уни бошқараётган Эркинжон Турдимов ҳақида гапирди. Президентнинг таъкидлашича, Турдимовнинг ушбу лавозимга келиши тасодифий эмас.

«Сон кўпайди, сифат эса кам. Бундан кейин ҳар бир университет ким учун қандай кадр тайёрлашини ўзи учун аниқ белгилаб олиши керак. Тўртта вилоятга ҳоким бўлган одамни Таълим вазирлигига бекорга олиб келмадим», — деди Шавкат Мирзиёев.

Бу гаплар Турдимовнинг янги лавозимига қандай вазифа ва масъулият юкланганини ҳам кўрсатади. У 9 октябрь куни Бош вазирнинг биринчи ўринбосари — Таълим ва илм-фан вазири этиб тайинланган. Шу билан бирга, Вазирлар Маҳкамаси тузилмасида биринчи ўринбосар — таълим ва илм-фан вазири лавозими жорий этилди.

Янги лавозим эгаси таълим, илм-фан ва соғлиқни сақлаш йўналишларида вазирликлар, қўмиталар, агентликлар ҳамда ҳудудлар раҳбарлари фаолиятини мувофиқлаштириш ваколатига эга бўлади.

Telegram I Facebook I YouTube I Instagram

Эркинжон Турдимов: Таълимдаги ҳар бир ўзгариш ёшлар ҳаётида сезилиши керак

Бугун Ўзбекистон Республикаси Бош вазирининг биринчи ўринбосари — таълим ва илм-фан вазири Эркинжон Турдимов вазирлик тизими ходимлари билан учрашув ўтказди.

Бола боғчага бориши, ўқувчи мактабда пухта билим олиши, талаба эса эгаллаган билими ва касби билан ҳаётда ўз ўрнини топиши керак. Шу мақсадда мактабгача таълим қамровини кенгайтириш, таълим сифатини ошириш, ёшларни касбга тайёрлаш ва илм-фанга қизиқишини қўллаб-қувватлаш масалалари муҳокама қилинди.

Ўқитувчининг жамиятдаги обрўси ва нуфузини юксалтириш, унинг меҳнати қадрланиши, ўз устида ишлаши ва бор эътиборини таълимга қаратиши учун муносиб шароит яратиш ҳам муҳим вазифалардан бири сифатида қайд этилди.

Эркинжон Турдимов муаммоларни санаб ўтиш билан чекланмасдан, ҳар бири бўйича амалий ечим қилиш зарурлигини таъкидлади. Ходимларга ўқувчи, талаба ва педагог ҳаётида ижобий ўзгариш берадиган аниқ таклифлар тайёрлаш вазифаси қўйилди.

Telegram I Facebook I YouTube I Instagram

ИИВ: 5 мингга яқин бедарак йўқолган фуқаро оиласи бағрига қайтарилди

2026 йилнинг 9 ойида Ўзбекистонда олдини олиш мумкин бўлган 24 828 та жиноят қайд этилди. Бу ўтган йилнинг мос даврига нисбатан 4 021 тага кам. Хусусан, ёшлар иштирокидаги жиноятлар 24 фоизга, аёллар томонидан содир этилган жиноятлар 20,7 фоизга камайди.

Ҳисобот даврида ички ишлар органлари ходимларининг ташаббуси билан 31 917 та жиноят аниқланди. Гиёҳвандлик воситаларининг ноқонуний муомаласи билан боғлиқ 13 293 та жиноят фош этилиб, 3 тонна 357 килограмм гиёҳвандлик воситаси ва 2 миллион 773 минг дона назорат остидаги дори воситаси мусодара қилинди.

Тезкор тадбирлар натижасида аввал содир этилган 20 мингдан ортиқ жиноят фош этилди, қидирувдаги қарийб 8 минг нафар шахс ушланди. Бундан ташқари, 4 863 нафар бедарак йўқолган фуқаро оиласига қайтарилди.

Ҳисобот даврида коррупцияга қарши курашиш йўналишида 6 293 та жиноят аниқланган.

Telegram I Facebook I YouTube I Instagram