EFFECT.UZ | Расмий канал

Ис гази — сезилмас хавф: бир хато ҳаётга зомин бўлиши мумкин

Иситиш мосламаларидан нотўғри фойдаланиш ёнғин ва ис газидан заҳарланишга сабаб бўлиши мумкин.

Фавқулодда вазиятлар вазирлиги фуқароларни иситиш мосламаларидан фойдаланишда хавфсизлик қоидаларига қатъий риоя этишга чақирди.

Эҳтиёт чораларини кўринг — ўзингиз ва яқинларингиз ҳаётини хавф остига қўйманг!

Telegram I Facebook I YouTube I Instagram

Эҳтиёжманд оилаларга 1 миллион сўмдан ёрдам берилиши мумкин

2026 йил ноябрь ойида эҳтиёжманд оилаларга иситиш мавсуми учун 1 миллион сўмдан бир марталик моддий ёрдам ажратиш режалаштирилмоқда. Бу ҳақдаги Президент фармони лойиҳаси жамоатчилик муҳокамасига қўйилди.

Маблағ 30 ноябрга қадар ижтимоий ёки банк карталарига ўтказилиши кўзда тутилган.

Ёрдам Ижтимоий реестрдаги оилалар, шунингдек, белгиланган мезонларга мос келувчи бошқа эҳтиёжманд оилаларга ҳам берилиши мумкин.

Бундан ташқари, табиий газ етиб бормайдиган ҳудудларда электр энергиясининг базавий истеъмол меъёрини ойига 200 кВт·соатдан 350 кВт·соатгача ошириш таклиф этилмоқда.

Telegram I Facebook I YouTube I Instagram

Адолат ва қонун устуворлиги — олий мақсад

Олий суд раиси Робахон Махмудова билан эксклюзив суҳбат.

Суд — ҳар бир фуқаро адолатни ҳис этадиган даргоҳ бўлиши керак.

Telegram I Facebook I YouTube I Instagram

Тошкентнинг 4 туманида газ вақтинча ўчирилади

14 октябрь куни соат 10:00 дан 18:00 гача Тошкентнинг айрим ҳудудларида таъмирлаш ишлари сабабли газ таъминоти вақтинча тўхтатилади.

Газ таъминоти Шайхонтоҳур ва Юнусобод туманларида, шунингдек, Чилонзор ва Яккасарой туманларининг айрим қисмларида узилади.

Таъмирлаш ишлари якунлангач, газ таъминоти босқичма-босқич тикланади.

Telegram I Facebook I YouTube I Instagram

Навоий шаҳрига янги ҳоким тайинланди

Айни дамда Навоий шаҳри ҳокимлиги биносида вилоят ҳокими Нормат Турсунов иштирокида Халқ депутатлари Навоий шаҳар Кенгашининг навбатдан ташқари 32-сессияси бўлиб ўтмоқда.

Сессия кун тартибидаги ташкилий масалага кўра, Навоий вилояти ҳокимининг 2026 йил 13 октябрдаги 229-5-0-Қ/26-сонли қарорига асосан Исломов Бобир Ҳуснидинович Навоий шаҳар ҳокими этиб тайинланди.

Бобир Исломов 1981 йилда Навоий вилоятининг Навбаҳор туманида туғилган.

⬛ 2003 йилда Навоий давлат кончилик институтини,
⬛ 2005 йилда Бухоро озиқ-овқат ва енгил саноат технологияси институтини,
⬛ 2012 йилда эса Олий бизнес мактабини тамомлаган.

Тайинловга қадар у «Ҳудудий электр тармоқлари» АЖ бошқаруви раисининг электр тармоқларидан фойдаланиш бўйича биринчи ўринбосари лавозимида фаолият юритган.

Маълумот учун, шу кунга қадар Навоий шаҳрига Эргашев Дилмурод Бекмурадович ҳокимлик қилиб келаётган эди.

Telegram I Facebook I YouTube I Instagram

Шавкат Мирзиёев Озарбайжонга амалий ташриф билан боради

Ўзбекистон Президенти Шавкат Мирзиёев Озарбайжон Президенти Илҳом Алиев таклифига биноан 14–15 октябрь кунлари ушбу мамлакатда амалий ташриф билан бўлади.

Ташриф доирасида давлат раҳбари Осиёда ҳамкорлик ва ишонч чоралари бўйича кенгашнинг еттинчи саммитида иштирок этади.

Telegram I Facebook I YouTube I Instagram

Озарбайжонда ҳижоб можароси: 37 киши ҳибсга олинди

Озарбайжон пойтахти Боку шаҳрида мактаб формаси бўйича янги талаблар жорий этилиши ортидан норозиликлар юзага келди. Бу ҳақда маҳаллий APA агентлиги хабар берди.

Маълум қилинишича, Гарадоғ туманида мактаб директорларидан бирининг автомобилига ўт қўйилган, Ясамал туманидаги мактаблардан бирига эса ўт қўйишга уриниш бўлган. Ҳар икки ҳолатда ҳам ҳеч ким жабрланмаган.

Telegram I Facebook I YouTube I Instagram

⚡️Пичоқ суякка тақалган: Қулаган «OLIMP» лойиҳаси, ҳокимнинг фуқароларга кўрсатаётган амалий ёрдами
 
Мирзо Улуғбек туманида қурилиши якунланмаган «OLIMP» лойиҳаси атрофидаги муаммолар яна кун тартибида ва аҳолининг ҳақли норозилигига сабаб бўлмоқда.
 
Туман ҳокими Баҳодир Ғоибназаров масалада аҳолига кўмаклашиш учун 30 сентябрь куни фуқаролар билан учрашув ўтказган бўлса, 3 октябрь куни объектнинг ўзига бориб, уларнинг мурожаат ва талабларини шахсан тинглади. Масъулларга қурилишни жадаллаштириш ва мавжуд муаммоларга ечим топиш бўйича топшириқлар берилди.
 
Бироқ масаланинг тарихи анча мураккаб. Ҳужжатларга кўра, объектнинг ер ва қурилиш тарихи бир неча босқични қамраб олади. Шунингдек, «ERNEST-HOLDING» МЧЖ мансабдор шахсларига нисбатан жиноят иши қўзғатилган, ишнинг бир қисми судда кўриб чиқилган ва айрим шахсларга нисбатан ҳукм чиқарилган. Жиноят ишининг бошқа қисми эса терговни давом эттириш учун Бош прокуратурага юборилган.
 
Ҳозирча асосий савол битта: «OLIMP» қурилиши қачон якунланади ва умри кутиш билан ўтаётган фуқаролар қайси муддатда уйларининг калитини қўлига олади? Ҳокимнинг маълум қилишича, бу ишлар 2027 йилнинг 1 январь кунига қадар тўлиқ якунланади. EFFECT.UZ вазиятни кузатишда давом этади.

👉 Мақола

👉 Тўлиқ видео

Telegram I Facebook I YouTube I Instagram

16 ёшли қизга тегажоғлик қилган робот мусодара қилинди

Германиянинг Кёлн шаҳрида робот 16 ёшли қизга нисбатан номақбул ҳаракатлар қилгани айтилмоқда. Бу ҳақда Bild нашри хабар берди.

Маълумотларга кўра, ҳодиса 11 октябрга ўтар кечаси, ярим тунда, шаҳар марказидаги овқатланиш шохобчаси яқинида содир бўлган. Қиз ўша вақтда 17 ва 18 ёшли дугоналари билан бўлган. Тахминан 1,2 метр баландликдаги қизил-олтинранг робот унга орқадан яқинлашиб, тегажоғлик қилган.

Нашр ёзишича, роботнинг 16 ёшли эгаси ва унинг 19 ёшли таниши воқеани видеога олган, ижтимоий тармоқларда жонли эфирга узатган ва роботнинг ҳаракатларини изоҳлаб борган.

Политсия чақирувдан сўнг воқеа иштирокчиларини яқин атрофда аниқлаган. Робот эса Volkswagen русумли автомобил юкхонасидан топилган.

Ҳозирда терговчилар робот қандай бошқарилгани ва унинг ҳаракатларига кимдир атайлаб таъсир кўрсатган-кўрсатмаганини аниқламоқда.

Telegram I Facebook I YouTube I Instagram

Тошкентда 62 та янги сайр ва туризм ҳудуди ташкил этилади

Тошкент шаҳри туманларида соҳилбўйи ҳудудлар, гавжум кўчалар, туризм маҳаллалари, фестиваль кўчалари ва сояли сайр масканларидан иборат 62 та объект ташкил этилади.

Ушбу лойиҳалар учун лойиҳа-смета ҳужжатларини ишлаб чиқишга 22 миллиард сўмдан ортиқ маблағ ажратилади.

Telegram I Facebook I YouTube I Instagram

Ўзбекистонлик шифокор самолётда аёлнинг ҳаётини сақлаб қолди

Маълум қилинишича, 11 октябрь куни парвоз вақтида аёл йўловчининг аҳволи кескин ёмонлашган. Самолёт бортидаги бошқа йўловчининг айтишича, ўша пайтда аёлнинг диастолик қон босими 20 гача тушиб кетган. Экипаж аъзолари шифокор излаган, самолёт капитани эса фавқулодда қўниш имкониятини кўриб чиққан.

Айнан шу пайтда Чунгбук университетида амалиёт ўташ учун Жанубий Кореяга кетаётган ўзбекистонлик шифокор Ҳасан ёрдамга келган. У аёлга кислород бериб, укол қилган ва биринчи тиббий ёрдам кўрсатган. Бошқа йўловчилар ҳам сув, конфет ва шоколад таклиф қилиб, ёрдам беришга ҳаракат қилган.

Кўрсатилган ёрдамдан сўнг фавқулодда қўнишга эҳтиёж қолмаган ва самолёт Сеулга белгиланган жадвал асосида етиб борган.

Telegram I Facebook I YouTube I Instagram

Доллар ва евро нархи кўтарилди

Марказий банк 14 октябрь учун валюта курсларини маълум қилди. Ўзбекистон Республикаси Марказий банки хорижий валюталарнинг сўмга нисбатан 14 октябрдан амал қиладиган расмий курсларини белгилади. Унга кўра, доллар, евро, Россия рубли ва Хитой юани қимматлади.

Долларнинг расмий курси 14,26 сўмга ошиб, 11 930,35 сўмни ташкил этди. Евро курси 30,24 сўмга кўтарилиб, 13 328,66 сўм этиб белгиланди. Россия рубли 0,68 сўмга ошиб, 142,39 сўмни, Хитой юани эса 1,87 сўмга кўтарилиб, 1 779,76 сўмни ташкил қилди.

Шунингдек, олтиннинг 1 грамм нархи 200 сўмга арзонлашиб, 1 миллион 804 минг 200 сўмга тушди.

Telegram I Facebook I YouTube I Instagram

Покистонда йўловчиларни олиб кетаётган поезд релсдан чиқиб кетди

Покистонда 13 октябрь куни йўловчи поезди релсдан чиқиб кетиши оқибатида тўрт киши ҳалок бўлди, 30 киши жароҳатланди. Маълум қилинишича, Карачи шаҳридан Пешоварга йўл олган поезд Панжоб вилоятидаги Шер Шоҳ шаҳри яқинида ҳалокатга учраган.

Қутқарувчилар ҳалок бўлган тўрт кишининг жасадини топган. Шунингдек, поезднинг 14 та вагонида бўлган йўловчилар эвакуация қилинган. Жароҳатланганлар шифохонага етказилган, ҳодиса жойига фавқулодда хизматлар ва тиббиёт ходимлари юборилган.

Покистон президенти Асиф Али Зардарий ва бош вазир Шаҳбоз Шариф қурбонларнинг яқинларига ҳамдардлик билдириб, жароҳатланганларга зарур тиббий ёрдам кўрсатиш бўйича масъул идораларга топшириқ берган.

Покистонда темирйўл ҳалокатлари аввал ҳам кузатилган. Бунга темирйўл инфратузилмасининг эскиргани ва тизимга етарлича сармоя киритилмагани сабаб сифатида кўрсатилади.

Telegram I Facebook I YouTube I Instagram

Тошкентда автобус йўлакларида ҳаракатланганлик учун жарима ёзадиган камералар ўрнатилмоқда

Тошкентда автобуслар учун ажратилган йўлакларда ҳаракатланиш қоидаларига риоя этилишини назорат қилувчи камералар ўрнатилмоқда.

Маълум қилинишича, камералар Фарғона йўли шоссесининг ҳар икки йўналишида, умумий узунлиги 6 километр бўлган йўл қисмига ўрнатилган.

Эслатиб ўтамиз, соат 06:00 дан 23:00 гача оддий автомобилларнинг махсус "А" белгиси билан ажратилган автобус йўлакларида ҳаракатланиши тақиқланган.

Шунга ўхшаш камералар пойтахтнинг бошқа кўчаларида ҳам босқичма-босқич ўрнатилмоқда.

Telegram I Facebook I YouTube I Instagram

Пискент тумани ҳокимига ҳайфсан берилди

Тошкент вилояти Пискент тумани ҳокими Музаффар Ариповга давлат хизматчиси одоб-ахлоқ қоидаларини бузгани учун ҳайфсан жазоси қўлланилди.

Бунга Вазирлар Маҳкамасининг 2022 йил 14 октябрдаги 595-сон қарори талабларига риоя этилмагани ва касб этикаси бузилгани сабаб бўлган.

Telegram I Facebook I YouTube I Instagram

Тошкент ва Хоразмда янги тайинловлар

Дониёр Юсупов Тошкент шаҳар ҳокимининг ўринбосари — шаҳар каналларидан фойдаланиш ва уларга туташ ҳудудларни ободонлаштириш бошқармаси бошлиғи этиб тайинланди. У бунга қадар Юнусобод тумани ҳокими ўринбосари бўлган.

Музаффар Қаландаров Хоразм вилояти ҳокимининг қурилиш, коммуникациялар, коммунал хўжалик, экология ва ободонлаштириш масалалари бўйича ўринбосари бўлди. У аввал вилоят Қурилиш ва уй-жой коммунал хўжалиги бош бошқармасини бошқарган.

Telegram I Facebook I YouTube I Instagram

Пахтачида даҳшатли ЙТҲ: буви ва 2 ёшли набира ҳалок бўлди

Самарқанд вилояти Пахтачи туманида скутер ва Кобалт автомобили иштирокида содир бўлган йўл-транспорт ҳодисаси оқибатида 57 ёшли аёл ва унинг 2 ёшли набираси ҳалок бўлди. Скутерни бошқарган эркак оғир аҳволда шифохонада қолмоқда.

Ҳодиса 9 октябрь куни туманнинг Миркан маҳалласида содир бўлган. Маҳаллада яшовчи эркак скутерда ҳаракатланаётиб, Кобалт автомобили билан тўқнашган. Скутерда унинг турмуш ўртоғи ва набираси ҳам бўлган.

Тўқнашув оқибатида 57 ёшли С. А. ва унинг 2 ёшли набираси Х. Ҳ. ҳалок бўлган. Скутер ҳайдовчиси эса тан жароҳатлари билан шифохонага ётқизилган. Унинг аҳволи оғир экани айтилмоқда.

Марҳумлар ҳақида Миркан маҳалласи гуруҳида ҳам маълумот берилган. Ҳозирча Самарқанд вилояти Йўл ҳаракати хавфсизлиги бошқармаси ҳодиса юзасидан расмий маълумот бермаган.

Telegram I Facebook I YouTube I Instagram