Sanoat kooperatsiyasi va davlat xaridlari agentligi | ICPPA

#Market_Signal

📊 O‘zbekistonda qariyb $10 mlnlik bozor, mahalliy ishlab chiqarish esa yo‘q

O‘zbekistonda travmatologiya va ortopediyada qo‘llaniladigan sun’iy bo‘g‘imlar — endoprotezlarga talab asosan import hisobidan qoplanmoqda.

📍2025-yilda mamlakatimizga 9,9 mln dollarlik sun’iy bo‘g‘imlar import qilingan. Asosiy yetkazib beruvchi davlatlar — Xitoy, Hindiston va Germaniya.

Bu raqamlar mahalliy ishlab chiqaruvchilar uchun aniq bozor signali: mamlakatda talab bor, import hajmi yuqori, mahalliy ishlab chiqarish esa hozircha mavjud emas.

Sun’iy bo‘g‘imlar ishlab chiqarishni O‘zbekistonda yo‘lga qo‘yish import o‘rnini bosish bilan birga, tibbiyot sanoatida yuqori texnologiyali yangi ishlab chiqarish yo‘nalishini shakllantirish imkonini beradi.

🔎 Importi yuqori, ammo O‘zbekistonda hali ishlab chiqarilmayotgan yana qaysi mahsulotlarda bozor imkoniyati bor?
Keyingi “Market signal” sonlarida ko‘rsatib boramiz.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🔷 Saida Mirziyoyeva BMT qarorgohida Antoniu Guterrish bilan muloqot o‘tkazdi

Prezident Administratsiyasi rahbari Nyu-York shahrida BMT Bosh kotibi bilan uchrashdi. Unda o‘zaro aloqalarni rivojlantirish masalalariga e’tibor qaratildi.

Xalqaro munosabatlar tizimi uchun murakkab bo‘lgan hozirgi davrda global miqyosda yetakchilik salohiyatini namoyon etayotgani hamda xavfsizlikning barcha asosiy jabhalarida mamlakatimizni qo‘llab-quvvatlayotgani uchun janob Guterrishga samimiy minnatdorlik bildiraman,- dedi S.Mirziyoyeva.

Mamlakatimiz va BMT institutlari o‘rtasidagi munosabatlar bugun aniq ko‘rsatkichlar bilan mustahkamlanib bormoqda. Hozirgi vaqtda tashkilot tuzilmalari ishtirokida yurtimizda umumiy qiymati 293 million dollarlik 166 ta qo‘shma loyiha amalga oshirilmoqda. Ushbu dasturlar sog‘liqni saqlash, sifatli ta’lim, kambag‘allikni qisqartirish va ekologik barqarorlikni ta’minlash kabi eng muhim yo‘nalishlarni qamrab olgan.

Prezident Administratsiyasi rahbarining Antoniu Guterrish bilan muloqoti O‘zbekistonning BMT maydonida dunyo miqyosidagi dolzarb chaqiriqlarga yangicha g‘oyalar bilan javob berish, global muammolarga amaliy yechim topish bo‘yicha qat’iy intilishini namoyon etadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ “Milliy sanoat zanjiri”: ko‘rgazma ishtirokchilari safi kengaymoqda

29–30-sentabr kunlari Jizzax shahrida o‘tkaziladigan “Milliy sanoat zanjiri” avtomobilsozlik sanoati ko‘rgazmasiga tayyorgarlik qizg‘in davom etmoqda.

Bugungi kunga qadar 83 ta korxona ko‘rgazmada o‘z stendi bilan ishtirok etish uchun, yana 45 ta korxona esa tashrif buyuruvchi sifatida ro‘yxatdan o‘tdi.

Ko‘rgazmada avtomobilsozlik uchun detallar, butlovchi qismlar, xomashyo va materiallar, uskunalar hamda texnologik yechimlar ishlab chiqaruvchi mahalliy korxonalar o‘z imkoniyatlarini namoyish etadi.

Eng muhimi, ushbu maydon mahalliy ishlab chiqaruvchilarga avtomobilsozlik korxonalarining amaldagi va istiqboldagi ehtiyojlarini bevosita o‘rganish, o‘z mahsulotlarini yirik buyurtmachilarga taklif qilish, B2B muzokaralar o‘tkazish va yangi kooperatsiya loyihalarini shakllantirish imkonini beradi.

🗓️29–30-sentabr, 2026-yil

📍Jizzax shahri, “Olimpiya zaxiralari kolleji” binosi

⛓️ Ro‘yxatdan o‘tish

🔴Qo‘shimcha ma’lumot uchun:
+998 97 754 23 99
+998 97 888 10 01

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📍 Ochiq muloqotdagi tashabbus — tadbirkor uchun amaliy natija

Davlat xaridlarida ishtirok etuvchi tadbirkorlar uchun kafolat mablag‘larining o‘z vaqtida qaytarilishi aylanma mablag‘lardan samarali foydalanish va yangi shartnomalarda ishtirok etishda muhim ahamiyatga ega.

Quyosh stansiyalarini o‘rnatish va ularga servis xizmatlari ko‘rsatish bilan shug‘ullanuvchi mazkur korxona ham davlat xaridlarida faol ishtirok etib keladi. So‘nggi vaqtlarda korxonaning 406 million so‘mlik kafolat mablag‘ini qaytarish bilan bog‘liq masala yuzaga kelgan edi.

Prezident Shavkat Mirziyoyevning tadbirkorlar bilan VI ochiq muloqotida davlat xaridlarida shartnoma majburiyatlarini bajargan tadbirkorlarning kafolat mablag‘larini qaytarish masalasiga alohida e’tibor qaratildi.

Shundan so‘ng mazkur korxona misolida ham masala amaliy yechim topib, xorazmlik tadbirkorga 406 million so‘m mablag‘ qaytarildi.

Agar siz ham davlat xaridlarida ishtirok etish jarayonida zakalat mablag‘larini qaytarish bilan bog‘liq muammo yoki kechikishlarga duch kelayotgan bo‘lsangiz, Agentlikka murojaat qilishingiz mumkin.

Kelib tushgan murojaatlar mutaxassislar tomonidan o‘rganilib, shartnoma majburiyatlarini bajargan tadbirkorlarning zakalat mablag‘larini qaytarish bilan bog‘liq masalalarini hal etishda amaliy ko‘mak ko‘rsatiladi.

☎️Murojaat uchun: @Icppa_aloqa_bot

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Axborot24 | 19.09.2026

“Professional boshqaruv dasturi” doirasida o‘quv kursi o‘tkazildi

mtrk.uz | Instagram | Youtube | Facebook | Telegram | X (twitter)

🏛️ HAFTALIK DAYJEST | 14-19 sentabr, 2026-yil

Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

🇨🇳Agentlik xodimlari Xitoy Xalq Respublikasining Suzhou shahrida “Rivojlanayotgan mamlakatlar uchun past balandlik iqtisodiyoti” (Seminar on Low-Altitude Economy for Developing Countries) mavzusida tashkil etilgan xalqaro seminarda ishtirok etmoqda.

🏛️ Sanoat kooperatsiyasi va davlat xaridlari agentligi tomonidan davlat xaridlari sohasida faoliyat yuritayotgan mutaxassislarning bazaviy bilim va ko‘nikmalarini shakllantirish maqsadida edu.icppa.uz platformasi orqali bepul onlayn o‘quv kursi tashkil etildi.

✔️ Metallurgiyada yangi imkoniyat: 100 mln dollarlik kooperatsiya loyihalari muhokama qilindi.

🇨🇳Shenchjen shahrida davlat xizmatlarini raqamlashtirish bo‘yicha maxsus seminar o‘tkazilmoqda.

🇺🇿 🇲🇾O‘zbekiston va Malayziya o‘rtasida davlat xaridlari va sanoat kooperatsiyasi bo‘yicha hamkorlik kengaytiriladi.

🏛 Xitoyning “Jiangsu Yiershan Group” kompaniyasi bilan uchrashuv o’tkazildi.

🏭 Hududlarda sanoat loyihalari va mahalliylashtirish bo‘yicha amaliy ishlar.

🏛️ Xorazm viloyatidagi mahalliylashtirish dasturiga kiritilgan korxonalar o‘rganilmoqda.

🤝 Farg‘onada tadbirkorlar uchun sayyor qabul o‘tkazildi.

🏛️ Farmatsevtika sohasida davlat xaridlari: tadbirkorlar bilan ochiq muloqot o‘tkazildi.

🏛️ Avtomobilsozlik sanoatiga kirish uchun yangi imkoniyat: “Milliy sanoat zanjiri”ga sanoqli kunlar qoldi.

🏛️ “Professional boshqaruv dasturi”ning ilk o‘quv kursi yakunlandi.

✅ Qoraqalpog‘istonda mahalliy ishlab chiqarish va sanoat kooperatsiyasi imkoniyatlari o‘rganildi.

🏛️Sanoat kooperatsiyasi va davlat xaridlari agentligi mahalliy ishlab chiqarishni yo‘lga qo‘yish uchun istiqbolli mahsulotlar haqidagi “Market signal” loyihasini boshlaydi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿🇷🇺 O‘zbekiston va Rossiya: tovarlarning kelib chiqish sertifikatlarini elektron shaklda o‘zaro tan olish

17-sentabr kuni “O‘zbekekspertiza” AJ Bosh direktori U. A’zamxo‘jayev hamda Rossiya Federal bojxona xizmatining O‘zbekistondagi vakili N. Xaryushin o‘rtasida ishchi uchrashuv bo‘lib o‘tdi.

Uchrashuvda O‘zbekiston va Rossiya o‘rtasida tovarlarning kelib chiqish sertifikatlarini elektron shaklda o‘zaro tan olish va qabul qilish bo‘yicha Bitimni amalga oshirish masalalari muhokama qilindi.

Rossiya O‘zbekistonning eng yirik tashqi savdo hamkorlaridan biri bo‘lib, 2026-yilda aynan Rossiyaga eksport qilinayotgan tovarlar uchun 75 522 ta kelib chiqish sertifikati rasmiylashtirilgan.

Bugungi kunda “O‘zbekekspertiza” AJ tomonidan elektron axborot almashinuvi uchun zarur texnik shart-sharoitlar yaratilgan. Uchrashuv davomida sertifikatlarni elektron shaklda almashish tizimini test rejimida sinovdan o‘tkazishga tayyorgarlik ko‘rish, jumladan, zarur texnik va tashkiliy choralarni amalga oshirish masalalariga alohida e’tibor qaratildi.

Mazkur tizim to‘liq ishga tushirilishi bilan eksportyorlar uchun qog‘oz shaklidagi sertifikatlarni taqdim etish zarurati bartaraf etilib, tovarlarning bojxona rasmiylashtiruvidan o‘tkazilish jarayonini tezlashtirish va yanada shaffof tashkil etishga xizmat qiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

“Qo‘ng‘irot – Qorao‘zak – Taxiatosh” yo‘nalishi Qoraqalpog‘istonning “yashil sanoat yo‘lagi” – “intellektual iqtisodiyot uchburchagi”ga aylanadi.

Sun’iy intellekt va data markaz loyihalari uchun tashkil etilgan maxsus zonada 8 milliard dollarlik 6 ta loyiha amalga oshiriladi.

Mutasaddilarga 1-oktabrgacha besh yillik dastur ishlab chiqib, investorlar uchun 1 gigavatt quvvatli barqaror elektr ta’minotini yo‘lga qo‘yish topshirildi.

Uch yilda Nukus shahri, Qo‘ng‘irot, Qorao‘zak va Taxiatoshda 1,5 ming yuqori daromadli ish o‘rni yaratish, bulutli texnologiyalar va sun’iy intellekt sohasida yillik eksportni 600 million dollarga yetkazish vazifasi belgilandi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✅Nukus shahrida Prezident Shavkat Mirziyoyev raisligida Qoraqalpog‘istonni ijtimoiy-iqtisodiy rivojlantirish masalalariga bag‘ishlangan yig‘ilish bo‘lib o‘tmoqda.

Bu yil Qoraqalpog‘iston iqtisodiyoti eng tez o‘sayotgan hududlardan biriga aylandi. Joriy yilning birinchi yarmida iqtisodiyot 10,2 foiz o‘sib, hudud Toshkent shahridan keyingi ikkinchi o‘rinni egalladi.

✅2030-yilgacha jami quvvati 3 ming 300 megavattli shamol stansiyalari ishga tushirilib, “yashil” energiya ulushi 76 foizga yetkaziladi, 400 megavattli energiya saqlash quvvati yaratiladi.

Qoraqalpog‘iston “yashil” energiya ishlab chiqarish bo‘yicha mintaqaning eng yirik markazlaridan biriga aylanadi.

✅Kelasi yil mart oyidan Toshkent – Nukus tezyurar poyezdi qatnovi yo‘lga qo‘yilib, safar vaqti 16 soatdan 7 soatga qisqaradi.

“Tuyamo‘yin” suv tozalash inshootini rekonstruksiya qilish va Qo‘ng‘irotdan Mo‘ynoqqa 100 kilometr ichimlik suv tarmog‘ini tortish boshlanadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Market_Signal

📊“Market signal”: 21 million dollarlik bozor

Sanoat kooperatsiyasi va davlat xaridlari agentligi mahalliy ishlab chiqarishni yo‘lga qo‘yish uchun istiqbolli mahsulotlar haqidagi “Market signal” loyihasini boshlaydi.

2025-yilda O‘zbekistonga 21 million dollarlik gerbitsidlar import qilingan. Mahsulot asosan Xitoy, Rossiya va Fransiyadan olib kelinadi.

Qishloq xo‘jaligida begona o‘tlarga qarshi qo‘llaniladigan ushbu mahsulot paxtachilik, g‘allachilik, bog‘dorchilik va boshqa yo‘nalishlarda doimiy talabga ega.

✅ Yana qaysi mahsulotlarda katta bozor va mahalliy ishlab chiqarish uchun imkoniyat bor? “Market signal”ni kuzatib boring.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Davlatimiz rahbari Qoraqalpogʻistonda yakunlangan loyihalarni ishga tushirdi, yangi quvvatlarning qurilishiga start berdi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Qoraqalpog‘istonda mahalliy ishlab chiqarish va sanoat kooperatsiyasi imkoniyatlari o‘rganildi

Sanoat kooperatsiyasi va davlat xaridlari agentligi direktori Baxtiyor Xaydarov Qoraqalpog‘iston Respublikasiga tashrifi davomida hududdagi bir qator mahalliy ishlab chiqaruvchi korxonalar faoliyati va mavjud ishlab chiqarish quvvatlarini o‘rgandi.

Tashrif davomida farmatsevtika, to‘qimachilik, qurilish materiallari, kimyo hamda boshqa sanoat yo‘nalishlarida faoliyat yuritayotgan korxonalardagi ishlab chiqarish jarayonlari, mahsulot turlari va mahalliylashtirish imkoniyatlariga alohida e’tibor qaratildi.

Xususan, “RAUIYA MED” MChJda dori vositalari ishlab chiqarish jarayoni o‘rganildi. Korxonada 2026-yilda 31 mln dona mahsulot ishlab chiqarish va ishlab chiqarish hajmini 15,3 mlrd so‘mga yetkazish ko‘zda tutilgan.

“QARAQALPAQ QAG'AZ QAYTA ISLEW” MChJda to‘qimachilik korxonalari uchun ipni kalavalashda foydalaniladigan konusli vtulkalar ishlab chiqarilmoqda. Joriy yilda korxonada 2 mln dona mahsulot ishlab chiqarish rejalashtirilgan. “NUKUS SSP TEXNOPARK” MChJda esa sun’iy va paxta tolasidan ip ishlab chiqarish yo‘lga qo‘yilgan bo‘lib, 2026-yil uchun ishlab chiqarish hajmi 200 mlrd so‘m yoki 22,4 ming tonnani tashkil etishi ko‘zda tutilgan.

Shuningdek, “OSTEN TECHNOLOGIES” MChJning isitish radiatorlari ishlab chiqarish quvvatlari ham ko‘zdan kechirildi. Korxonada joriy yilda 400 ming dona radiator ishlab chiqarish rejalashtirilgan.

“AKFA BUILDING MATERIALS” MChJda ikki komponentli poliuretan germetik hamda poliamid termomost ishlab chiqarish loyihalari bilan tanishildi. Mazkur yo‘nalishlarda 2026-yilda mos ravishda 648 tonna va 1 080 tonna mahsulot ishlab chiqarish rejalashtirilgan.

Bundan tashqari, “AAR CLEAN” MChJda kimyoviy yuvish va tozalash vositalari, Kegeyli tumanidagi “DANIYAR AVTO SERVIS” MChJda asfalt ishlab chiqarishda qo‘llaniladigan qo‘shimcha xomashyo, “LANKO MIYA” MChJda esa DVP mahsulotlari ishlab chiqarish jarayonlari o‘rganildi.

Tashrif doirasida “COALS KS” MChJning gazoblok ishlab chiqarish faoliyati va mavjud quvvatlari bilan ham tanishildi.

Korxonalarda ishlab chiqarish hajmlarini oshirish, mahalliy xomashyo va butlovchi qismlardan foydalanishni kengaytirish, korxonalar o‘rtasida sanoat kooperatsiyasini rivojlantirish hamda mavjud imkoniyatlardan samarali foydalanish masalalari muhokama qilindi.

Shuningdek, ishlab chiqaruvchilar faoliyatida uchrayotgan masalalar va takliflar o‘rganilib, ularni hal etish yuzasidan tegishli mutaxassislar bilan birgalikda amaliy choralarni belgilashga e’tibor qaratildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Toshkentda shahar muhitini yanada obod va zamonaviy qilish, madaniyat va kino sohasini rivojlantirishga qaratilgan yangi loyihalar amalga oshirilmoqda.

Prezident Administratsiyasi rahbari Saida Mirziyoyeva Shayxontohur tumanidagi yangi istirohat bog‘i loyihasi, Yangi Toshkentdagi qurilish jarayonlari hamda “O‘zbekfilm” kinostudiyasining faoliyati bilan tanishdi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin