Бюро | Расследаванні пра Беларусь

Румынскі партнёр Зайцава прасоўвае рускі свет у Беларусі. Якімі праектамі займаюцца кампаніі «Шляхамі культуры» і «СаюзФорум» Віталіе Буздугана

Раней «Бюро» расказвала пра румынскага бізнэсоўца, які стварыў у Беларусі цэлую бізнэс-імперыю з набліжанымі да Лукашэнкі людзьмі. Як мы высветлілі цяпер, Віталіе Буздуган займаецца ў нашай краіне яшчэ і грамадскімі праектамі.

У 2023 годзе Буздуган стварыў кампанію «Шляхамі культуры». Кіруе фірмай жонка бізнэсоўца Таццяна.

Праекты кампаніі засяроджаныя на мерапрыемствах, прысвечаных Вялікай Айчыннай вайне, на «патрыятычным» выхаванні і прасоўванні ідэі агульнай культурнай прасторы Беларусі, Расіі і іншых краін былога СССР.

📌 «Бюро» паглядзела якія праекты робіць кампанія Буздугана

📌 Калі вы хочаце падтрымаць "БЮРО", то можна падпісацца на наш "Patreon".

Бізнес ляціць, калі бацька ў Адміністрацыі прэзідэнта. Стрым з расследавальнікамі "Бюро Медыя" Ксеніяй Вязнікоўцавай і Аляксеем Гуліцкім

Арганізацыя ідэалагічных святаў і канцэртаў — прыбытковая сфера з вялікай дзяржаўнай замовай. Расследавальнікі з @buroBY прааналізавалі вынікі тэндараў і знайшлі цікавую заканамернасць: перамагаць канкурэнтаў так проста, калі твой бацька працуе ў Адміністрацыі Лукашэнкі!

Як "Саўндкафэ Прадакшн" Вадзіма Рашэцькі гадамі зарабляла мільёны долараў у Расіі і Беларусі? Куды яго спрытная сям'я інвестуе грошы, заробленыя на дзяржаўнай ідэалогіі? Размаўляем пра гэта з супрацоўнікамі "Бюро" Ксеніяй Вязнікоўцавай і Аляксеем Гуліцкім: https://www.youtube.com/watch?v=6K_IsBgyAFc

Як кампанія з сувязямі ў адміністрацыі Лукашэнкі і ўзброеных сілах зарабляе на масавых мерапрыемствах

«Саундкафэ прадакшн» – адзін з галоўных гульцоў у індустрыі масавых мерапрыемстваў Беларусі. За бюджэтныя грошы кампанія праводзіць дзяржаўныя святы і пампезныя «патрыятычныя» канцэрты.

Часта гэтыя дзяржзамовы яна атрымлівае ў абыход тэндараў, паводле прамога распараджэння чыноўнікаў. Пры гэтым, як высветліла «Бюро», бацька кіраўніка «Саундкафэ» каля 20 гадоў прапрацаваў у адміністрацыі Лукашэнкі, а сама кампанія шчыльна супрацоўнічае з Прэзідэнцкім спартыўным клубам.

У новым расследаванні "Гукі распілу" мы раскрыем сакрэты поспеху «Саундкафэ прадакшн», растлумачым, як уладкаваная карупцыя ў сферы дзяржзакупак, і пакажам, як за яе расплачваюцца звычайныя беларусы.

📌 Падрабязней чытайце на сайце

📌 Калі вы хочаце падтрымаць "БЮРО", то можна падпісацца на наш "Patreon".

🔥 Журналіст "БЮРО" атрымаў ўзнагароду ў 2026 годзе на беларускім прафесійным конкурсе "Вольнае слова" ў намінацыі "Расследаванні"!

🥉Аляксей Гуліцкі атрымаў 3 месца за расследаванне "Бюро": «Макавая «крыша». Як беларускія сілавікі гадамі «крышавалі» наркагандляроў і дзякуючы каму пазбеглі адказнасці

Для нас гэта важнае пацверджанне каштоўнасці нашай журналісткай працы з боку калег і журы конкурса.

Нягледзячы на складаную сітуацыю з беларускай журналістыкай у выгнанні, "БЮРО" працягне працаваць над асвятленнем карупцыі ў Беларусі і разрастаннем шчупальцаў "бізнесаў" сям'і Лукашэнкі. Важна паказаць, што нават нягледзячы на тое, што ўлады Беларусі пераследуюць журналістаў, заводзяць крымінальныя справы і прызнаюць экстрэмістамі — незалежная журналістыка працягвае сачыць за уладамі і дакументаваць іх дзеянні.

📌 Калі вы хочаце падтрымаць "БЮРО", то можна падпісацца на наш "Patreon".

У Швецыі расследуюць парушэнне санкцый пасля нашай публікацыі пра перавозчыка Jenty

Шведская паліцыя расследуе магчымае парушэнне міжнародных санкцый пасля нашай сумеснай публікацы з SVT и Fundacja Reporterów пра буйнога беларускага перавозчыка «Дженці-спедзішн».

«Мы пачалі папярэдняе расследаванне на падставе гэтага рэпартажу. Гаворка ідзе пра парушэнне санкцыйнага заканадаўства. Але я не магу паведаміць больш», – пракаментавала SVT следчая Ульрыка Бергстром з Нацыянальнага аператыўнага аддзела паліцыі ў Стакгольме.

Раней у журналісцкім расследаванні «Круты паварот» мы расказалі пра перавозку медычных прэпаратаў са шведскай фабрыкі AstraZeneca. Для дастаўкі грузаў прыцягваліся польская кампанія DSPL і казахская кампанія «Тэхнабел». У нас атрымалася даказаць, што яны звязаныя з буйным беларускім перавозчыкам «Джэнці-спедзішн».

Транспартным кампаніям з Беларусі забаронена працаваць у Еўрасаюзе. Санкцыі былі ўведзеныя з-за падтрымкі беларускім рэжымам расійскай агрэсіі супраць Украіны. «Джэнці-спедзішн» працуе ў ЕС не наўпрост, а праз звязаных субпадрадчыкаў.

📌 Цалкам чытайце на сайце

📌 Падпісвайцеся на Patreon «Бюро» – цяпер там будзе эксклюзіўны кантэнт

Дзе працуюць новыя сваякі Абельскай?

Старэйшы сын Ирыны Абельскай жанаты з Дзінай эль-Дзіэфі. Яна працуе лекаркай у Рэспубліканскім клінічным цэнтры Кіраўніцтва справамі і значыцца сярод супрацоўнікаў «Фонду Першага».

Бюро вырашыла вывучыць біяграфіі і месцы працы іншых новаспечаных сваякоў Абельскай. Выявілася, што ўсе яны так ці інакш звязаныя з медыцынай.

📌 Родная сястра Дзіны Далья эль-Дзіэфі – аспірантка Беларускага дзяржаўнага медыцынскага ўніверсітэта і акушэрка-гінекалагіня прыватнага медцэнтра «Нардзін». Муж Дальі Ілья Сянько ўладальнік і дырэктар кампаніі «Дыстрымед», якая спецыялізуецца на гуртовай дыстрыбуцыі і прасоўванні вырабаў медычнага прызначэння, расходных матэрыялаў і медычнай тэхнікі ў Беларусі. Кампанія актыўна ўдзельнічае ў дзяржаўных закупках. У 2025 годзе выручка кампаніі склала 3,2 мільёна рублёў, а чысты прыбытак – 14 тысяч рублёў.

📌 Родны брат Дзіны і Дальі Хасан эль-Дзіэфі працуе дзіцячым хірургам таксама ў «Нардзіне». А вось кар’ера яго жонкі Юліі доўгі час развівалася зусім у іншым напрамку. Юлія эль-Дзіэфі працавала ў адміністрацыі Парку высокіх тэхналогій, а затым – у адміністрацыі Лукашэнкі. У даступных для «Бюро» дакументах яна фігуруе там як дарадчыца-кансультантка галоўнага ідэалагічнага ўпраўлення.

У красавіку 2021 года Юлія перайшла ў Рэспубліканскі клінічны медыцынскі цэнтр Кіраўніцтва справамі Лукашэнкі — той самы, якім кіруе Ірына Абельская. А пасля таго як Абельская ўвайшла ў Савет Рэспублікі, Юлія эль-Дзіэфі стала яе афіцыйнай памочніцай.

📌 Цалкам чытайце на сайце

📌 Падпісвайцеся на Patreon «Бюро» – цяпер там будзе эксклюзіўны кантэнт

💸 Цёплыя месцейкі для сваякоў Ліліі Лукашэнкі

«Бюро» высветліла, дзе працавалі і працуюць блізкія сваякі Ліліі Лукашэнкі – яе родная сястра Іна Гарусава і пляменнікі Кірыл і Уладзіслаў. 

Нядаўна мы расказвалі пра тое, што швагер Ліліі Лукашэнкі Аляксандр Гарусаў служыў у КДБ, а цяпер заняты ў бізнэсе Людмілы Няронскай. Цяпер «Бюро» вывучыла працоўную біяграфію ўсёй сям’і Гарусавых.

📌 Сястра Ліліі Лукашэнкі Іна Гарусава пачынала сваю кар’еру ў сістэме адукацыі, але ў 2009 годзе яна перайшла працаваць у Аператыўна-аналітычны цэнтр пры прэзідэнце. У наступных запісах працадаўцам Гарусавай пазначаная вайсковая частка № 08188, якую таксама звязваюць з ААЦ.

📌 Старэйшы сын Гарусавых Кірыл у 2014 годзе пачаў працу ў кампаніі «Зомекс Інвестмент», якая ўваходзіла ў дывелаперскую групу Dana Holdings, звязаную з сербскім сямействам Карычаў. На момант працаўладкавання яму было 17-18 гадоў. Пазней кампанію перайменавалі ў «Эмірэйтс Блю Скай».

З мая 2024 года працадаўцам Кірыла стала кампанія «Сцісхо». Яна ўваходзіць у бізнэс-імперыю набліжанага да Віктара Лукашэнкі бізнэсмена Аляксандра Зайцава. Кампанія рэалізуе праект па перапрацоўцы мяса на тэрыторыі адмысловай эканамічнай зоны «Брэміна – Орша», створанай паводле асобнага ўказа Лукашэнкі.

📌 Малодшы сын Аляксандра і Іны Уладзіслаў Гарусаў вучыўся па спецыяльнасці «сусветная эканоміка» на факультэце міжнародных адносінаў БДУ. Гуляе ў хакейнай камандзе Віктара Лукашэнкі «Бастыён-2», дзе трэнерам працуе Дзмітрый Баскаў.

Першым працадаўцам Уладзіслава, у 2023 годзе, стала брэсцкая кампанія «ЗахадТрансЭкспедыцыя», якая займаецца лагістыкай і транспартна-экспедыцыйнымі паслугамі. Кампанія ўваходзіць у бізнэс-імперыю Людмілы Няронскай.

📌 Цалкам чытайце на сайце

📌 Падпісвайцеся на Patreon «Бюро» – цяпер там будзе эксклюзіўны кантэнт

🏭 Грандыёзныя планы Людмілы Няронскай. Сяброўка Лукашэнкі замахнулася пабудаваць 7 прадпрыемстваў

Беларуская макетная майстэрня апублікавала рэферэнсы вытворчых пляцовак кампаніі «Марскія сезоны». Запланавана, што ў рыбны холдынг сяброўкі сям’і Віктара Лукашэнкі – Людмілы Няронскай – увойдзе ажно 7 прадпрыемстваў. 

На сёння працуе толькі адно – вытворчы комплекс па перапрацоўцы рыбы і морапрадуктаў у Мінску, у прамвузле «Калядзічы». Другое рыбаперапрацоўчае прадпрыемства будуецца проста цяпер у СЭЗ «Віцебск». Запуск анансаваны на канец 2026 года. 

📌 Цалкам чытайце на сайце «Бюро»

📌 Падпісвайцеся на Patreon «Бюро» – цяпер там будзе эксклюзіўны кантэнт

🏒 Колькі траціць хакейны клуб, за які гуляюць браты Лукашэнкі

У распараджэнні «Бюро» з’явілася гадавая справаздачнасць пра паступленні і расходы хакейнага аматарскага клуба – «Бастыён». 

Юрыдычная асоба «Хакейны клуб «Бастыён», створаная ў 2019 годзе, аб’ядноўвае ў сабе адразу дзве структуры. Непасрэдна сам «Бастыён» – асноўная каманда з першай лігі, за якую гуляюць Мікалай Лукашэнка і Дзмітрый Баскаў. 

І фарм-клуб «Бастыён-2» у другой лізе. За яго гуляюць Віктар Лукашэнка, ягоны сын Аляксандр Лукашэнка – малодшы і пляменнік Уладзіслаў Гарусаў. 

📌 Колькі траціць хакейны клуб, за які гуляюць браты Лукашэнкі і хто ім кіруе — чытайце на сайце «Бюро»

📌 Падпісвайцеся на Patreon «Бюро» – цяпер там будзе эксклюзіўны кантэнт

🔶 Раскошнае жыццё Алены Казак. Як жыве асабістая доктарка Лукашэнкі

Алена Казак шмат гадоў уваходзіць у блізкае атачэнне Аляксандра Лукашэнкі. Яна сочыць за ягоным здароўем, збірае з ім кавуны і суправаджае на спартовых мерапрыемствах. 

У жніўні 2020 года яна апублікавала пост, дзе ў тым ліку было напісана: 

"Я не хачу, каб навязаныя з Захаду думкі туманілі галаву майму народу. Я хачу, каб людзі нарэшце ўключылі мазгі і сталі цаніць тое, што яны маюць!"

Аднак, як высветліла «Бюро», «ідэалы», якія Казак публічна транслявала ў сваёй сацыяльнай сетцы, палярна разыходзяцца з яе сапраўднымі перакананнямі.

Нягледзячы на гучныя словы пра «любоў да радзімы» і нянавісць да «гнілых заходніх каштоўнасцяў», Алена Казак вядзе неверагодна раскошнае жыццё, у тым ліку і ў краінах Еўрасаюза.

«Бюро» атрымала доступ да асабістага фотаархіва Алены Казак і даведалася мноства эксклюзіўных падрабязнасцяў пра лад жыцця доктаркі Лукашэнкі.

📌 Падрабязней чытайце на сайце «Бюро»

📌 Падпісвайцеся на Patreon «Бюро» – цяпер там будзе эксклюзіўны кантэнт

Новае расследаванне «Бюро» — «Рускі свет з дастаўкай дадому»

У самым цэнтры Мінска працуе Дом Масквы — фармальна культурна-дзелавы цэнтр, а фактычна адна з пляцовак расійскай мяккай сілы ў Беларусі.

Пад дахам Дома Масквы ў Мінску рэгулярна праходзяць прапагандысцкія мерапрыемствы і збіраюцца пракрамлёўскія актывісты накшталт удзельнікаў «Руху Саюз».

📌 «Бюро» атрымала доступ да ўцечкі з больш як 270 тысяч лістоў Маскоўскага дома суайчынніка. Дакументы паказваюць, як маскоўскія ўлады будуюць у Беларусі ўласную сетку ўплыву — і не толькі праз Лукашэнку.

Мы разабраліся, хто прасоўвае «рускі свет» у Беларусі, як гэта працуе і колькі Масква на гэта траціць.

📌 Падрабязней чытайце на сайце «Бюро»

📌 Падпісвайцеся на Patreon «Бюро» – цяпер там будзе эксклюзіўны кантэнт

🧪 Асабістая лекарка Аляксандра Лукашэнкі Алена Казак стала ўладальніцай сеткі аптэк у Беларусі.

Як даведалася «Бюро», у жніўні 2024 года кампанія «Лігматон», якой раней валодалі Георгій Тапузідзіс і ягоная маці Галіна Пятровіч, была перааформленая на Алену Казак. Дзякуючы «Кіберпартызанам» мы змаглі высветліць, што асабістая лекарка Лукашэнкі працаўладкаваная ў кампаніі з ліпеня 2024 года.

Георгій Тапузідзіс – сын буйнога беларускага бізнэсоўца і «кашалька» Лукашэнкі Паўла Тапузідзіса. 

Кампанія «Лігматон» валодае сеткай аптэк ва ўсёй Беларусі, а таксама ўдзельнічае ў дзяржаўных тэндарах на пастаўку разнастайных медыкаментаў. Выручка кампаніі ў 2025 годзе склала 83,6 мільёна рублёў, а чысты прыбытак 2,79 мільёна.

Раней «Бюро» здолела даведацца, што яшчэ адна фаварытка Аляксандра Лукашэнкі звязаная з кампаніяй «Лігматон». З ліпеня 2024 года Марыя Васілевіч, былая дэпутатка, лічыцца там вядучай спецыялісткай па камерцыйнай дзейнасці.

📌 Цалкам чытайце на сайце

📌 Падпісвайцеся на Patreon «Бюро» – цяпер там будзе эксклюзіўны кантэнт

💊 Дзмітрый Абельскі пабудуе фармацэўтычны комплекс за 10 мільёнаў долараў. Прадпрыемства будзе базавацца ў адмысловай эканамічнай зоне «Вялікі камень»

У снежні 2024 года ў Беларусі з’явілася новая фірма – ЗАТ «ФармаСайнс». У планах кампаніі – выпуск і продаж кропляў для вачэй. «Бюро» высветліла, хто стаіць за гэтай кампаніяй.

Як нам стала вядома, «ФармаСайнс» мае чатырох бенефіцыяраў.

📌 Сярод іх — Дзмітрый Абельскі, старэйшы сын сенатаркі і кіраўніцы лечкамісіі кіраўніцтва справамі Лукашэнкі Ірыны Абельскай. Другі — Алег Пазняк. Ён сузаснавальнік і намеснік дырэктара буйной сеткі афтальмалагічных клінік Voka ў Беларусі. Менавіта ў Voka з 2018 года ўрачом-афтальмолагам працуе Дзмітрый Абельскі.

Абельскі & Со паставілі перад сабой амбітныя мэты – будаўніцтва ўласнага завода па вытворчасці кропляў для вачэй. Фармацэўтычны комплекс размясціўся ў адмысловай эканамічнай зоне «Вялікі камень».

Абельскі з партнёрамі разлічвае на выручку ў 10 мільёнаў беларускіх рублёў (каля 3,5 мільёна долараў) і не менш як 3 мільёны рублёў (1,05 мільёна долараў) чыстага прыбытку.

Агульны кошт праекта ацэньваецца ў 10 мільёнаў долараў. Фінансаваць будаўніцтва завода хочуць за кошт банкаўскіх крэдытаў, уласных сродкаў, пазык і інвестыцый. У верасні 2025 года «ФармаСайнс» ужо выпусціла аблігацыі на 3,5 мільёна беларускіх рублёў (каля 1,2 мільёна долараў), каб прыцягнуць фінансаванне ад інвестараў.

📌 Цалкам чытайце на сайце

📌 Падпісвайцеся на Patreon «Бюро» – цяпер там будзе эксклюзіўны кантэнт

🔎 Дэпартамент міграцыі Літвы звярнуўся да супрацоўнікаў дзяржбяспекі з просьбай праверыць былога зяця Віктара Шэймана беларускага бізнэсоўца Андрэя Шымановіча. З 2023 года ён мае дазвол на жыхарства ў Літве як стартапер.

Праверку ініцыявалі пасля публікацыі ліпеньскага расследавання «Бюро». У ім мы расказалі, што Шымановіч, будучы зяцем Віктара Шэймана, распрацоўваў і абслугоўваў мабільныя дадаткі ў Беларусі, але публікаваў іх праз літоўскую юрыдычную асобу.

Некаторыя праграмы збіралі адчувальную інфармацыю кліентаў, адпраўлялі звесткі ў Расію і атрымлівалі надзвычай шырокія правы на кантэнт карыстальнікаў. Да запуску бізнэсу ў Беларусі і Літве Шымановіч быў звязаны з шпіёнскім сэрвісам mSpy.

📌 Для праверкі распрацовак Шымановіча Дэпартамент міграцыі Літвы мае намер звярнуцца ў Нацыянальны цэнтр кібербяспекі і ў Кіраўніцтва крымінальнай паліцыі.

«Гэтым установам будзе прапанавана ініцыяваць кансультацыі і ў межах сваёй кампетэнцыі ацаніць надзейнасць згаданых у публікацыі дадаткаў і іх унутранага праграмнага кода, патэнцыйныя ўразлівасці ў сістэме бяспекі і іншыя аспекты, якія дапамогуць праясніць магчымы шкодны характар такіх дадаткаў. Дэпартамент міграцыі, атрымаўшы ўсю неабходную інфармацыю ад іншых дзяржаўных устаноў, прыме рашэнне аб прававым статусе згаданага ў публікацыі іншаземца ў Літве», – сказана ў прэс-рэлізе, які Дэпартамент міграцыі апублікаваў на сваім сайце раніцай 30 ліпеня.

📌 Цалкам чытайце на сайце "Бюро"

📌 Падпісвайцеся на Patreon «Бюро» – цяпер там будзе эксклюзіўны кантэнт

🏒Колькі траціць хакейны клуб Дзмітрыя Лукашэнкі?

У распараджэнні «Бюро» аказаліся справаздачы пра паступленне і расходаванне сродкаў аматарскай хакейнай каманды «Шчыт», за якую гуляе Дзмітрый Лукашэнка. Мы даведаліся, адкуль прыходзяць грошы і колькі выдаткоўваецца на дзейнасць клуба.

📌 Усяго за апошнія 4 гады мы налічылі на балансе аматарскай каманды Дзмітрыя Лукашэнкі амаль 2,3 мільёна беларускіх рублёў, або без малога 724 тысячы еўра.

Якое ж паходжанне гэтых грошай? У дакументацыі яны пазначаныя як «паступленні, атрыманыя ў якасці бязвыплатнай (спонсарскай) дапамогі». Хто тыя мецэнаты, якія ахвяруюць такія нечуваныя сумы на аматарскі хакей, невядома.

📌 Таксама з дакументацыі мы даведаліся, на якія патрэбы гэтыя грошы «Шчыт» траціць. Падрабязней на сайце "Бюро".

Агент 00SIM. Як зяць Шэймана стварыў шпіёнскі сэрвіс і збірае даныя мільёнаў карыстальнікаў? Стрым з журналістамі-расследавальнікамі "Бюро Медыя" Ксеніяй Вязнікоўцавай і Аляксеем Гуліцкім.

Андрэй Шымановіч — беларускі бізнесмен, вядомым па распрацоўцы шпіёнскага сэрвісу mSpy. Праграма дазваляла сачыць за чужымі тэлефонамі і збіраць велізарныя масівы асабістых даных.

Пасля буйных уцечак інфармацыі Шымановіч пераключыўся на іншыя мабільныя праграмы. Але і яны, як высветліла расследаванне, атрымліваюць доступ да геалакацыі, кантактаў, фота, мікрафона і іншых даных карыстальнікаў. Пры гэтым бізнэс Шымановіча звязаны ў тым ліку і з Еўропай, а сам ён — з сям'ёй вернага паплечніка Лукашэнкі Віктара Шэймана.

Як працуе сетка кампаній бізнесмена? Чаму беларускія дадаткі прадаюцца як еўрапейскія? Куды трапілі даныя мільёнаў карыстальнікаў? І як чалавек з такімі сувязямі і гісторыяй атрымаў від на жыхарства ў Літве? Абмяркоўваем гэта з журналістамі-расследавальнікамі @buroBY Ксеніяй Вязнікоўцавай і Аляксеем Гуліцкім: https://www.youtube.com/watch?v=YjLPwABbKGQ

Агент 00SIM. Як беларускі бізнэсовец Андрэй Шымановіч стварыў вядомы ва ўсім свеце шпіёнскі сэрвіс, а затым парадніўся з Віктарам Шэйманам.

А таксама запусціў дзясятак небяспечных мабільных дадаткаў і стаў партнёрам фігуранткі найбуйнейшага афшорнага скандалу ў гісторыі.

Сёння Андрэй Шымановіч жыве ў Еўропе і развівае там бізнэс, паралельна працягваючы працаваць у Беларусі. Гэта, аднак, не перашкодзіла яму атрымаць дазвол на жыхарства ў Літве.

📌 У новым расследаванні «Бюро» падрабязна раскажа пра тое, як расла кар’ера бізнэсоўца Андрэя Шымановіча, і пра ягоныя сувязі з сям’ёй Шэймана.

📌 Падпісвайцеся на Patreon «Бюро» – цяпер там будзе эксклюзіўны кантэнт

Дзмітрый Лукашэнка стварыў мерч для беларускіх ВНУ. Сярод яго бізнэс-партнёраў – экс-чыноўнік, які гандляваў вайсковай дзяржаўнай таямніцай

У 2017–2018 гадах адразу ў трох вышэйшых навучальных установах Беларусі з’явіўся свой універсітэцкі мерч з фірмовай сімволікай – брэндаванае адзенне і сувенірная прадукцыя. Продаж ішоў праз студэнцкія крамы ў карпусах ВНУ.

📌 «Бюро» высветліла, што ў момант адкрыцця пунктаў з мерчам «Універсітэцкія традыцыі» мелі трох уласнікаў. Першы – Прэзідэнцкі спартыўны клуб (ПСК), бяззменным кіраўніком якога больш за дваццаць гадоў з’яўляецца Дзмітрый Лукашэнка.

📌 Другая фірма – «Саюзтрэйд». Яе асноўны від дзейнасці – гуртовы гандаль іншымі бытавымі таварамі. Аднак мы высветлілі, што кампанія з’яўляецца партнёрам «Яндэкс.Таксі» – яна мае ўласны аўтапарк і займаецца падборам і наймам кіроўцаў. Фірму заснаваў Яўген Кукушкін. Вывучыўшы яго біяграфію, «Бюро» можа сцвярджаць, што фірма «Саюзтрэйд», як і сам Кукушкін, звязаныя з Дзмітрыем Лукашэнкам.

У пачатку нулявых Яўген Кукушкін займаў пасаду інспектара ў камітэце па каштоўных паперах пры Савеце міністраў РБ. Але ў 2002 годзе яго затрымалі супрацоўнікі КДБ за спробу прадаць «расійскім бізнэсоўцам» вайсковую дзяржаўную таямніцу пра дзейнасць абароннага прадпрыемства «Пеленг». На ўгодзе Кукушкін планаваў зарабіць 4,3 тысячы долараў.

Кукушкіна асудзілі на 5 гадоў паводле артыкула 433 КК РБ – атрыманне незаконнага ўзнагароджання службоўцам дзяржапарату. Аднак, як высветліла «Бюро», экс-чыноўнік не сеў, а атрымаў тыя самыя 5 гадоў умоўна. У 2004 годзе, калі скончыўся выпрабаваўчы тэрмін, судзімасць яму анулявалі.

Як мінімум апошнія чатыры гады Яўген Кукушкін займае пасаду старшыні савета ў аматарскай хакейнай камандзе «Шчыт». Менавіта ў гэтай камандзе гуляе ягоны партнёр па студэнцкіх крамках з мерчам – Дзмітрый Лукашэнка.

📌 Трэцяя фірма, якая валодала «Універсітэцкімі традыцыямі», – ЗАТ «Аблрапсаграсэрвіс». Гэтая юрыдычная асоба займаецца вытворчасцю алеяў і шроту. Структура ўласнасці ЗАТ не прадугледжвае раскрыцця канцавых бенефіцыяраў, аднак «Аблрапсаграсэрвіс» звязаны з электроннай поштай, якая выкарыстоўвалася для рэгістрацыі некалькіх юрыдычных асоб, звязаных з Яўгенам Кукушкіным і Дзмітрыем Лукашэнкам

Такім чынам, усе тры ўласнікі, якія адказвалі за стварэнне і продаж мерчу беларускіх ВНУ, наўпрост ці ўскосна звязаныя з сярэднім сынам Аляксандра Лукашэнкі.

📌 Падрабязней чытайце на сайце "Бюро"

📌 Падпісвайцеся на Patreon «Бюро» – цяпер там будзе эксклюзіўны кантэнт

"Навошта заканчваць універсітэт, калі можна проста паўдзельнічаць у "Міс Беларусь", "Міс БРЫКС", а пасля ўсё ў цябе будзе ў шакаладзе?"

Які прыклад прыгажуні з "кавуновага батальёна" Лукашэнкі паказваюць маладым беларускам? Якую ролевую мадэль дэманструюць як паспяховую? На гэтую тэму задумаліся журналісты-расследавальнікі з @BuroBY Ксенія Вязнікоўцава і Аляксей Гуліцкі.

Глядзіце эфір пра новае расследаванне "кавуновага батальёна": https://www.youtube.com/watch?v=1lyfIpedd9o

📌 Падпісвайцеся на Patreon «Бюро» – цяпер там будзе эксклюзіўны кантэнт. Расказваем пра рубрыкі і фарматы.

Кожны тыдзень будзем расказваць пра тое, што звычайна застаецца па-за кадрам: пра камандзіроўкі і прафесійныя сустрэчы, рэдакцыйную кухню, падрыхтоўку расследаванняў, іх уплыў і пра тое, чым канкрэтна «Бюро» дапамагаюць данаты.

Напрыклад, журналістка «Бюро» расказала нашым патронам, як з’ездзіла ў камандзіроўку ў Осла, сустрэла там аднаго з аўтараў расследавання «Ашуканец з Tinder» – і пачула ад яго нешта вельмі нечаканае.

Таксама падпісчыкі Patreon першымі будуць даведвацца пра тэмы расследаванняў «Бюро» – а пасля публікацыі змогуць задаць пытанні аўтарам.

Кожны месяц рэдакцыя будзе пісаць патронам ліст з вынікамі працы і асабістымі заўвагамі журналістаў.

Калі вам падабаецца тое, што робіць «Бюро», раскажыце пра наш Patreon сябрам або падзяліцеся спасылкай з тымі, каму важная незалежная беларуская журналістыка. А калі вы даўно думалі падпісаццца або павялічыць сваю падтрымку – цяпер самы час. Кожны данат вельмі дапамагае нам

📌 Падпісацца на Patreon