Малылэн лыэз вань

В газете «Удмурт дунне» опубликованы воспоминания Михаила Карепанова — внука удмуртского классика Кедра Митрея 🙂 (Дмитрия Ивановича Корепанова). Корепанов превратился в Карепанова из-за ошибки сотрудника паспортного стола.
Кедра Митрей был дважды репрессирован, из-за этого внукам о нём не рассказывали. Михаил Владимирович приезжал в Игру, Ижевск, читал книги о своём деде, великом удмуртском писателе. У меня при чтении слёзы навернулись, спасибо за публикацию Ларисе Дмитриевой, специалистке по творчеству Кедра Митрея.

Китап сөючеләр, бу яңалык сезнең өчен!

Татар китабы йортында яңа клуб ачыла. Биредә татар әдәбиятының күренекле әсәрләре турында фикерләребез белән уртаклашачакбыз һәм таныш булган классиканы яңа яклардан ачарга тырышачакбыз.

🗓 1 октябрь, 18:00
📖 Әсәр: Әмирхан Еники — «Матурлык»
📍 Татар китабы йорты, Островский ур., 15
✨ Билет: 150-300 сум

Китап клубының җитәкчесе «Безнең мирас» журналының баш мөхәррир урынбасары, блогер, татар мәдәниятен популярлаштыручы Ихтыяр Кыямов.

Әсәрне алдан укып килегез — бергәләп аның геройлары, идеясе һәм бүгенге көндәге яңгырашы турында сөйләшербез.

Бигеръёслэн вань одиг блогерзы, кудиз бигер литература сярысь куаш-куаш постъёс но видеороликъёс поттэ - Ихтыяр Кыямов. Кыче мон солэн ужамезлы синмаськемын! Куке но мынысал Кузонэ книжной клубаз сое кылзиськыны!

37. Николай Васильев. Бадӟым кызлэн вужерез. Повестьёс, веросъёс, выжыкылъёс. Ижевск: Удмуртия, 1980. 190 бам.

Книга гожтэмын нылпиос понна. Валтӥсь геройёс – 12-13 аресъем пиос. Бичет кылдытэмын вакчи произведениослэсь, соос гожтэмын капчи литературной кылын вакчиесь предложениосын. Персонажъёслэн репликаосазы Николай Васильев быгатыса пыртэ огшоры вераськон кылэз но. Кылсярысь, тунсыко лымшор диалектизм синйылтӥ: «Умме усиськем, лэся, эньгек», – вера пӧраськись Одоть кенак «Шур дурын палаткаос» повестьын. Энгек кыл ӝожомон, йыркуръяськон эмоциез возьматэ. «Какая досада!» шуыса мон берыктысал мон сое ӟуче. Яке мукетыз пример: «Петька! Тон просто визьпог» – черетске мукетыз персонаж та ик повестьын. Комической эффект кылдытэ ӟучо-удмурто веран, куке чылкыт удмурт литературной кылын гожтэм текстын со шоры мырӟиськиськод.

Мукетыз мае мон синйылтӥ – со инкуазь. Сборникысь ужъёс пичиесь, сюжетъёс воштӥсько, но котькудаз текстын пумиськоно нюлэсэн но шурен – та интыосын кыӵе ке учыр азинске. Пиналъёс понна нюлэс чик но кышкыт но кӧшкемано кадь ӧвӧл. Соос отчы шудыны ветло, нюлэс пиналъёсты ватэ соосты вӧсь карись бадӟым муртъёслэсь. «Шур кузя нюлэскытӥ» веросэз ке лыдӟоно – со книгалэн шораз ик пуктэмын – лыдӟыса, нюлэслэсь шокамзэ шӧдон тужгес но золоме. Мыным зэмзэ но потӥз, мон шокасько нюлэс зынэн – ӝокыт но нюр интыен, яке сазь-сазь но кезьытэн. Берло дыре Карина Шаинянлэсь «Саспыга» романзэ лыдӟыса, сыӵе эффектэз шӧдӥ вал.

Сюжетъёс ке сярысь, мон шуысал, та книгаын ваньзы соос кылдытэмын одӥг но кужмо эмоциез поттон вылысь – маин ке выленыз абдратӥсеныз пумиськон, ватӥськемзэ шараян. Валамон, малы со озьы кулэ: лыдӟись нылпилэсь саклыксэ возён понна. Николай Васильевлэн пӧрмиз, шуыны луоз, ачим ке сярысь.

Эшшо мар монэ паймытӥз: одӥгаз повестьын, нылпиослы повестьын (!) валтӥсь герой быре. Гожтэмын, кызьы со быре, озьыен, лыдӟись син азяз пуктоз писателен гожтэм эпизодэз. Монэ та ваньмыз куалектытӥз. Нош пинал лыдӟись мар шуоз? Пусъемын ини, удмурт литературалэн со сыӵе аспӧртэмлыкез шуыса – натурализм.

36. Михаил Петров. Старый Мултан. Роман. Москва: Советский писатель, 1956. 420 с.

 Бератаз лыдӟыса быдэстӥ ик романэз ӟучен но. Предложениос вакчиесь, но котькудӥз мертамын – адӟиське мастерлэн трос, тыршыса ужам ужез.

Ӟучсэ переводэз но лыдӟыкум, бӧрдытэк ӧй чида. Судын оправдать карем удмуртъёс, ньыль ар ӵоже гуртсылэсь кужмысь люкем муртъёс, доразы, Вуж Мултанэ, берто. Бусы капка дорын пумисько солдатэ келясьёсын: одӥгезлэсь мозмытэм муртлэсь, Никифорлэсь, пизэ черодтэк армие басьто вылэм... Пумисько атаен пиез нош ик оло весяклы люкиськон понна – макем ӝож сцена!

Нялтас вераса, роман кинематографичной. Эпизодъёс – со син азе пуксись сценаос. Малыез валамон но: романэз гожъян вакытэ автор сое сценалы дасяз, драма гожтӥз но трос пол удмурт театрын пуктӥз.

Романлэн ӟуч кылэ берыктэмез но удмурт оригиналэз пуштросъя туж ик уг висъясько ке но, ӟуч берыктэм удмуртэзлэсь 20 бамлы кузьгес. Малпай, Михаил Петров переводзэ дасяса, романзэ идеология ласянь тупатӥз. Кылсярысь, кыти-оти со азьвылзэ, удмуртэн гожтэмзэ, шонератэ. Яке, шуом, одӥгез валтӥсь персонаж – Герей – переводной версиын берпумети суд дыръя удмуртаз кадь ик кылъёссэ вера, нош мыным потӥз, ӟуч кылын вераськемез меӵкытгес, золгес, кужмогес пӧрмиз. Озьыен, автор кужмо эмоциональной синонимъёсты но интонациосты шедьтыны быгатэм.

Эшшо, мар тунсыкоез: нылкышно персонажъёслы автор ӟуч версияз тросгес саклык висъям – идеология ласянь соосты тупатон понна. Кылсярысь, Вера Сергеевна дышетӥсь ӟучаз переводын келямын луэ пермь палъёсы ссылкае, отысь егит нылкышно пегӟе, пегаса ветлонъяз, пумиське Фросяен, романысь мукетыз персонажен. Удмурт версиын соос ноку валче уг вуо: укыр пӧртэмесь сямзыя. Нош переводной произведениын Фрося но Вера Сергеевна одӥг кадь адӟонтэм каро узыръёсты.  Удмурт романын Фрося ӧвӧл – со Фроська – «сӧриськем ныл». Озьы, пе, шуо нылмуртэз гуртын, гожтэ повествователь, но, калыкын вӧлдӥськем кылъя кариськыса, мыскыл карысагес, серемпыргес ик суреда та персонажез.

Нош ӟуч переводын мадёсчи чылкак мукет интонациен со сярысь маде. Фрося табере ини йӧно нылмурт луэ. Но таӵе выль образ Михаил Петровлэн переводаз нокызьы уг лякиськы Фросялэн мукет функциеныз: ведь со отчы пыртэмын костаськись нылмуртэз возьматон понна. Но кызьы ке но автор ог-огезлы тупасьтэм сямъёсты Фросялы сётэ но куштэ сое: романлэн шораз, нылмуртэз Раевский но гыжкалъёсыз сантэмамзы бере, Фрося уг адӟиськы ни. Мар соин луиз тодмо ӧвӧл. Ма, кулэ но ӧвӧл: Фрося функция понна гинэ пыртэмын вал. Но удмурт оригиналысь Фроська мыным жальгес потэ, малы ке шуоно, нокин но сое уг жаля, мадёсчи гинэ но.

35. Петр Чернов. Кион кар. Повесть. Ижевск: Удмуртия, 1987. 295 бам.

Повестен тодматски, «Ӵык-ӵык» книга лыдӟон клублы луыса. Книга быдэ вуымтэос понна гожтэмын, малпасько, малы меда мон сое ӧй лыдӟы школаын дышетскыкум дыръя. Соку мон утчасько вал подростокъёс сярысь произведениосты. Гурт библиотекаысь шедьтӥ но яратӥ «Мой брат играет на кларнете» (Анатолий Алексин), «Черные кипарисы» (Анатолий Мошковский), «Мальчик со шпагой» (Владислав Крапивин) повестьёсты. Петр Черновлэн но «Кион карез» соосын оградын сылыны быгатысал. Со дыре киулам ӧз сюры, собере озьы ик кылиз…

Лыдӟыны кутски «Кион карез»,но  амалтэк ӵошатӥ берлоеныз лыдӟемен – «Юбера пиос» повестен. Кыказ ик повестьын огкадьгес учыръёс возьматӥсько, но соос пӧртэм палысен суредамын. Оло, со герӟаськемын соцреализм методэн но. Кылсярысь, ю лушкан учыр пумиське – со понна геройёсты пытсэтэ келяло. Но П. Черновлэн повестяз лушкаськись мурт – Чиган нимо воргорон – произведениелэн кутсконаз ик возьматэмын отрицательной персонаж карыса (со колхоз ошез лушкемен тышка но сое ярантэм каре). Г. Павлов повестяз возьматэ: усто адямиосты, ӟеч ужасьёсты но пытсэтэ келяны быгато: колхозэн кивалтӥсьёсты сизьым арлы пукто, ужасьёссылы лушкемен огпол нянь пыжымон пызь сётъямзы понна.

Озьы ик войнаысь бертэм воргоронъёс но повестьёсын пӧртэм сямен суредамын. «Кион кар»-ысь Ӟичы агай – положительной герой – сӧсырмыса бертыса, колхозын тыршыса ужаса, бурмемез бере, выльысь оже кошке. Г. Павловлэн огез героез – юыны яратӥсь Коллё Гирыш войнаысь сӧл-таза берытске, эшшо зарни часэн, сое оже уг басьто ни. Соцреализмлэн куронъёсыз шоры сокем уг учкы ни, дыр, Геннадий Павлов, солэн повестез мукет вакытэ гожтэмын: войнае ветлэм мурт одно ик ӧвӧл ни положительной персонаж но... Нош Петр Черновлэн повестьёсыз нырысьсэ печатласькизы  1977-тӥ – 1980-тӥ аръёсы.

П. Черновлэн повестезлэн инъетэз автобиографической шуыны луоз, малпасько, Геннадий Павловлэн но. Мае автор сюлмаз возе, кыӵе улонэз адӟиз – со сярысь ик гожъя. Кедра Митрей но литературае йыгмыт вамыштӥз, литературной автобиографизэ гожтыса. Нош война вакытэз ортчем пинал, будыса но кызьы сое палэнэ кельтоз – тужгес но золэсь – яркытэсь но курекытӥсь тодэ ваёнъёсыз та вакытэн герӟаськемын луозы. Гожъясь муртлэн творчествояз со одно ик кылдэ.

PS. Повестьёсысь эшшо одӥг огкадь тодметсэ пусъеме потэ. «О чем поет вотячка» каналын Анастасия Шумилова гожтэ: произведениын пусъемын ке, геройлэн пуныез вань шуыса, пуны тросаз учыре быре. «Кион кар»-ын но Лусьтро пуны быре, нош Геннадий Павловлэн повестьысьтыз Пави туж яратэ Джек пунызэ – со улэп кыле, нош эшезлэсь Варлилэсь пунызэ кионъёс кесяло.

34. Геннадий Павлов. Юбера пиос. Повестьёс. Ижевск: Удмуртия, 1991. 224 с.

Геннадий Павловлэн книгаяз пыртэмын кык повесть:«Юбера пиос» но «“Эзель” кизилилэн быремез яке Ладилэн паймымон ужъёсыз».  Фантастической повесть сярысь пусйысал гинэ, сюжетэз ӟеч шуыса, лыдӟисьлы тунсыко потоз, киносценарий выллем гожтэмын, чаляк вошъяськись суредъёс тодэ кылё: мон быгатӥсько та кузьмадёсысь эпизодъёсты син азям пуктыны. Сюжетлэн завязкаез усто, нош кульминациез но развязкаез соин ӵошатыса, золгес мед луысал кадь потэ, но ӧвӧл… Озьы ке но, со туж тунсыко, туж. Кызьы совето вакытлэн берло аръёсаз учкиллям совето адямиос мукет кунъёс шоры, кызьы син азязы пуктӥллям отысь улон-вылонэз. Геннадий Павлов тае ваньзэ возьматэ удмурт гуртысь адямилы, крестьянлы валамон луись понятиосын.
 
«Юбера пиос» повесть усьтэ асьмелы война вакытэз, 1941-тӥ – 1945-тӥ аръёсы удмурт гуртысь улонэз пичи пилэн учкемез пыр. Ож кутскон аре Пави нырысетӥ классэ мынэ. Куректыса, бӧрдыса семьяез атайзэ оже келя. Собере быдэс повесть пыр шӧдӥське пичи пиналлэн атайзэ витён мылкыдыз, дырын-дырын ӝожомемез, фронтысь гожтэт возьмаса улэмез. Со куректон пыр чильпыра шумпотон но серекъян – Пави ведь пичи пинал на. Павилэн аслыз пуны басьтэмез, сое будэтэмез-утемез сярысь но маде. Кучапиезлы Джек ним сётӥз вал но, нош  гуртоос сое Ӝӧк нимазы.  

Гуртлэн улонэз арлэн вакытъёсыз пыр возьматэмын: пырпотоно ӟар-кезьыт толэз. Тулыс вуон – сиёнлы ёрмон. Вань запасъёс быремын тол ӵоже, Павилэн анаез чурыт куртчем бускелезлэсь пызь курыны мынэ. Гужем – аран дыр но выль нянь пыжон нунал. Озьы ке но, нянь сиыны туж ёрмоно. Нош куке пичи пи ӧвӧлтэм няньзэ бускель пунылы сюдӥз – кыӵе ӝожомиз анаез. Сӥзьыл, нош толалтэ вуэ. Озьы мынэ гуртысь улон, арлэн вакытъёсыз пыр. Мар но ӧй вал соку гуртын: войнаысь берто сӧсырмем воргоронъёс,  гуртын секыт висён вӧлмыса, пиналъёс куло, мукет кайгу – пудо быре. Бен мар но уг луыта гуртлэн улоназ.Трос вакчи историос-веросъёс маде повествователь. Куректон мылкыдэн валче шумпотонъёсыз вань – кунояськонъёс, сюлмысь вераськонъёс, гыронбыдтон праздникъёс но чебер инкуазь суредъёс.

«Шундыберганъёс сяськаяськыку учкы ай Юбера шоры иншыр гурезь йылысен: нап-вож бакчаостӥ  юг-юг  ӵуж лентаос кыскемын, кожалод. Озьы пишто тэркы быдӟаесь шундыберган йыръёс… Кӧня шундыос та вакытэ бакчаосын! Котькудӥз котырын тыршись, сюреласькем куко мушъёслэн, майсыослэн ужгурзы лумбытъёсын уг дугдыло».

Мар шуод! Быгато удмурт писательёс инкуазьмылэсь чеберзэ возьматыны. Геннадий Павловлэн пичи гинэ повестяз кӧня сыӵе чебересь суредъёс-сюжетъёс, кудъёсаз шока поэзия.

Мускоысь удмурт культурая клублэн @https://t.me/zhilityar кылем пумиськоназ лыдӟи Кедра Митрей сярысь доклад. Кедра Митрей сярысь мон куать-сизьым ар пыр-поч, кузь лекциен выступать ӧй карылы. Котьку но тросгес, мургес, шонергес верам потэ, но жаляса верано, тодосчи луон – со нуналлы быдэ ужан, лыдӟиськон, малпаськон но гожъяськон. Огдырлы вис кариськод но – тон чигнаськод ини. Соин мон шумпотӥсько лекция верай шуыса, тодам ваи Кедра Митрейлэсь творчествозэ, малпаськи, дунъет лэсьтӥ.

Озьы ик туж дуно, куке ужам уждэ дунъяло но мар ке пайдазэ дэмлало. Ужрадэ пыриськиз Вера Григорьевна Пантелеева – усто тодосчи, литературовед. Со мыным сётӥз идея: Кедра Митрейлэсь печатламтэ рукописьёссэ поттоно. Зэмзэ вераса, мон ачим куке но та сярысь малпаськи вал – малпай но куштӥськи талэсь, ой секыт, уг вормы шуыса. Нош укмыс ар ортчиз диссертациме гожтэме но утеме бере но – табере мон уг кышкаськы ни та уж борды кутскыны. Йӧскалык библиотекаын «Литературно-выставочный центр» ёзэтын ужасько бере, аслам уж дурам но та проект борды басьтӥськыны луысал. Малы мон тае гожтӥсько ваньзэ – планъёсме? Ӧй ке быдэсты мон та малпанме, кин ке, та гожтэмме лыдӟыса, уз вунэты но, улонэ пыӵатоз – малы ке шуоно, Кедра Митрейлэн автобиографиез одно ик печатласькыны кулэ.

Газета с заметкой Ф. Васильева и со стихотворением некоего Ф. Иванова. На самом деле в ранний период своего творчества Флор Иванович часто скрывался за таким псевдонимом.

33. Мария Векшина. Лякиё дунне: гурт мадёсысь люкетъёс, верос, новеллаос. Ижевск: Удмуртия, 2025. 160 б.

Туала гожъясьчиос чеберлыко литератураен вырыса, кӧтсэс тырыны уг быгато. Ма, совето писательёс но куинетӥ сменае, уин гожъяськылӥзы. Но соослы тыризы ӟеч гонорар, сётӥзы творческой отпуск, соос быгатылӥзы шутэтскыны санаторийёсын, веранэз ӧвӧл, лыдӟисьёс но тросгес вал – учке ай удмурт газет-журналъёслэсь совето вакытысь тиражъёсссэс. Али югдур воксё мукет, соин удмурт чеберлыко литературамы но воштӥськиз. Солэн вань огъя тодметэз: прозаын ӧвӧл сюжетъёс, драматургиын ӧвӧл конфликт, ӵошатоно ке азьвылэныз удмурт совето литератураен.

Туала югдурын но удмурт авторъёс – асьсэды писатель ке шуо, ӟеч ужало. Конфликт ӧвӧл ке но ужъёсазы, отын асьме вакыт шока. Мария Векшиналэн «Лякиё дунне» книгаяз котырысь улонлэн тодметэз усто возьматӥське. Мон та ужез шуысал мемуарной, автобиографической прозалы матын. Тодэ ваёнъёсын адямилэн улонэз но матысь муртъёс сярысь малпанъёсыз пусъемын луо. М. Векшиналэн книгаысьтыз «Кӧтерын» уж – со быдэстымтэ повестьысь люкетъёс. Автор суреда туала гуртысь улон югдурез. Сюжеттэм повествованиын геройёсты но учыръёсты автор матэ карыса уг возьматы – огъя кылъёсын но кыдёкысенгес. Но озьы ке но – туж тунсыко, Кӧтер нимо туала удмурт гуртлэн тусыз лыдӟись азе яркыт пуксе.

Книгалэн кыкетӥ люкетэз – со вакчи ужъёс – новеллаос но одӥг верос. Котькудӥз гожтэмез лыдӟись пушкын мае ке бугыртэ, тодмо малпанэн валче мае ке выльзэ усьтэ, кыӵе ке выль идея новеллаын бычыраны кутске кадь, но автор сое пыр-поч уг усьты, произведение кыле набросок луыса – мон нош верасько – та ваньмыз мемуаристика ӧрлэн тодметэз. «Перфиллэн киосыз» верос та ласянь мукетгес - татын дунне шоры учкон но геройлэсь сямзэ усьтон мур пӧрмем.

Новеллаосын автор суреда Ижкарез – урамъёсты но из юртъёсты, студенческой огъяулонниез но отысь егитъёсты, малпаськемзэс – улонэз огъя концепциен валаны тыршемзэс. Новеллаосын мукетыз тунсыко тема – поездын проводник луыса ужась нылмуртэн кылэм-адӟемез – возьматэмын. Сюрес вылын пумисько удмурт гуртысь нылмурт-проводница но Мускоысь туж узыр воргорон, солдатъёс, гастарбайтеръёс – пӧртэм выжы калыкысь, мукет религиен но мукет осконэн улӥсь муртъёс. Ваньмыз та егит адямилэсь быдэ вуонзэ, кыдамзэ сэрттӥсь-пертчись темаез усьтэ. Та темаен удмурт литературалэн историяз Мария Векшина аслэсьтыз интызэ басьтӥз ини – «Оӵ /Ӧч кар» (2019) романэз ик пусйытэк кельтоно ӧвӧл. Роман сярысь «Кенеш» журналын бадӟым отзыв гожтӥ вал.

32. Трофим Архипов. Ортчеменыз пумиськон: повесть. Ижевск: Удмуртия, 1971.

Яндекс музыкаен наушникъёсты куштылыса (акыльтыса аудиороманлэсь), удмурт кылын повестез лыдӟон борды берытскылыса (сое психологически лыдӟыны секыт вал), быдэстӥ ик Трофим Архиповлэсь «Ортчеменыз пумиськонзэ».

Татын суредамын Гозег гуртысь Онтон Прошка нимо пияшлэн пичи дырыз – вордскемез дырысен подросток луытозяз. Пичи дырыз солэн учыраз туж секыт вакытэ: 1917-тӥ арын кунын кивалтэт воштӥськиз но ар ортчыса граждан ож пуромиз, ёрмыса улон кутскиз, гуртын – кулаке поттон. Трофим Архипов (1908–1994) – бадӟым удмурт писатель – та огыр-бугыр вакытэз векчи детальёс но трос сюжетной линиос пыр яркыт, син азе пуктымон суреда.

Повесть 1967-тӥ – 1970-тӥ арын гожтэмын. Но татысь отрицательной геройёс – узыръёс Кондӥ Павол, Пужей Миктаен Пужей Балян возьматэмын кужымзэс гажаса: соос ужась, шаплы муртъёс, узырлыксэс но эриксэс утён понна зол жугисько.

Вакчи но капчи предложениосын автор лыдӟисьлэн син азяз пуктэ сӥзьыл нюлэскысь вазь ӵукнаез, гужем возьвылэз но гуртысь тол куазез – детальёс пыр, но удмурт фольклорысь инкуазез возьматон амалъёсты кутыса.

Нош атайтэк-анайтэк кылем Прошкалэн куректэмез но солэн огнын улэмез – макем со жаль потэ. Висись анаезлэсь кулэмзэ пичи пилы огназлы адӟыны кылдӥз – кӧшкемыт но сюлэмез позыртӥсь эпизод! Прошка котьку огназ. Александр Шкляев критик вераз вал, Трофим Архипов пичиысен сирота кылиз шуыса. Жаль, со, пе, тодэ ваёнъёссэ ӧз гожты пичи дырыз сярысь. Прошка сярысь повестяз Трофим Архипов оген кылем пиналлэсь улэм-вылэмзэ возьматыкуз, аслаз ортчеменыз пумиськиз, дыр. Сотэк гожтысал меда такем зол повесть?

Али трос лыдӟисько но кылзӥсько Яндекс музыкаысь ӟуч литератураез. Гожты вал татчы но лыдӟемме, “Удмурт дуннелы” гожтӥ ук. Кемаласьсэ лыдӟемзэ гожтӥськем - озьы пӧрмиз малы ке но.

Ӵуказе Йӧскалык библиотекаын луоз лекция: кызьы удмурт фольклорын но мифъёсын возьматэмын но валэктэмын мугор. Вераськоз этнограф Татьяна Русских - удмурт кылын! Ижын улӥськоды ке, лыктэ 16.00 часлы.

Upd: Та лекция мытэ удмурт кылын лекториез. Озьыен, толэзьлы огпол быдэс ар ӵоже удмурт тодосчиос удмурт кылын лекциос лыдӟозы.

Ӟечкыласько “Кенешез” 100 ареныз! Асме но гажано редакция праздникысь таӵе кузьымъёсын келяз. Бинетэз сэрттӥськод но - нош со упаковка ӧвӧл - со шопер! Мар шуизы ужрадын: критической статьяос уг тырмо но кыложъёс (дискуссиос). Комплиментарной критической статьяосын уж уз мыны, пе. 😀 я, валай.

Мынам уже туж тунсыко: Йӧскалык библиотекае ваисько удмурт писательёслэсь доразы но уж дуразы люкам книгаоссэс. Таиз тани люкет - Василий Ванюшевлэн аслаз библиотекаысьтыз. Пыр-почгес: https://unatlib.ru/udm-news/9320-vasilij-vanyushev-todoschien-lyukam-knigaos-pyrozy-j-skalyk-bibliotekalen-fondaz

Мон тае лыдӟи кадь потӥсько школаын но, университетын но. Номыриз но тодам ӧз кыль, одӥг образ но, эпизод но. Кызь ар ортчыса кисьмай кадь выль ужез сямен тае лыдӟыны. Тау Анастасия Шумиловалы но лыдӟиськон клубезлы та понна! Библиотекарь бере, кагаз книгаез но киям кутэме луэ.

31. Николай Никифоров. Толэзен вераськон: веросъёс, повестьёс: [быдэ вуымтэос понна] / Суредаз Расиф Батыршин. Ижевск: Удмуртия, 1995. 199 с.

Нимысьтыз 13–17 аресъем пиналъёслы гожтэм романтической яратон темаен удмурт чеберлыко книгаосты мон уг тодӥськы. Тодам ваисько Фатих Пукроковлэсь «Кизили ныл» повестьсэ гинэ. Николай Никифоровлэн книгаез – адямиослэн ог-огзэс ватытэк, шара яратэмзы сярысь, та выллем яратон туж дуно, туж бадӟым ценность, кинлэн сыӵе яратонэз вань - солы вожъяськыса вӧсь карыны туртто.

Книгаысь «Пунэмзэ берыктон» но «Куартолэзе кисьмам узы» повестьёсыз экранизировать карыны ярасал: отын событиосын сюжетэз вошъяське но ваньмыз син азе яркыт пуксе. Гуртысь адямилы матын но валамон пусъем ужпумъёс но ситуациос, автор быгатыса суреда инкуазез, юртъёсты, корка пушез. Автор лэчыт луись ужпумъёсты синйылтэ но возьматэ гуртысь адямилэн синмыныз ик. Шуом, кыӵеен учко егит пиосмурт шоры – одӥг сямен, нош нылмурт шоры ке – мукетгес ини.

Ульфат Бадретдиновлэн «Туннэ – ӵуказелэн кутсконэз» романаз сямен ик пиосмурт быгатэ ас мылкыдызъя аслэсьтыз но, яратоно нылмуртэзлэсь улонзэ воштыны, эрикез солэн тросгес ик. Николай Никифоров нош героиняезлэсь адӟонзэ быгатэ возьматыны мукет геройёсызлэн вакчи фразаоссы пыр гинэ: нылмуртэз ведь ваньзы жаляло. Жаляло ке, жаляло, но вот озьы гожтэмын ини: улон тонэ нуэ, тон соя кариськиськод. Автор трос уг бугыръяськы геройёслэн пушказ, но соос ваньзы туж оскымон суредамын: сямъёссы улонысь, удмурт гуртлэн улонысьтыз басьтэмын.

📊 Channel Analysis Results by @ScratchAuthorEgoBot

🎯 Channel: @malylenlyez

🧠 Personal Analysis:

Лариса Дмитриева – мур малпаськись, эмоциональной ласянь узыр но эмпатичной адями. Солэн психологической портретэз герӟаськемын ас выжыоссэ но калыклэсь идентичностьсэ утчанэн. Авторлэн когнитивной стилез аналитической но интуитивной огазеяськемын: со текстъёсты филолог синмен эскере ке но, соослэсь мистической но лул-сюлэм пуштроссэс шӧдэ.

Солэсь эмоциональной интеллектсэ пусъемын котькуд книгалы отзыв гожтъякуз: со геройёслэн курадӟонъёссылы, шугъяськонъёссылы сюлмысь жаля, соосты ас пыртӥз ортчытэ. Со понна книга лыдӟон – со просто шутэтскон ӧвӧл, со – зэмос психологической уж, дуннеез валан амал. Лариса Дмитриева – туж ответственной анай но ныл, со гажа аслаз семьязэ, песяй-песянайёсызлэсь тодэ ваёнъёссэс утча. Солэн валтӥсь мотивациез – удмурт кыллэсь но лулчеберетлэсь кужымзэ возьматон, сое быронлэсь утон.

Decision-making (решение кутон) ласянь со куддыръя ассэ оскытӥсьтэм кадь шӧдэ (imposter syndrome шӧмъёс вань), но уж кутскиз ке – сое пумозяз вуттэ. Со стрессэз секыт чида: питчинг бере чиньы йылъёсыз кема висё, йырыз поромылэ. Но соку ик со «growth mindset» (азинскон мылкыд) возьматэ: со дышетске подкастъёс гожтыны, выль технологиосты уже кутыны, аслаз кышкатонъёссэ вормыны тырше.

Солэн социал кусыпъёсыз пыӵамын гажанэн но одӥг малпанэн улӥсь адямиосты дунъянэн. Со котьку тупатоно кыл шедьтыны тырше, куддыръя ассэ но, муртъёсты но «токсичной» кусыпъёс понна пыкылэ. Со – зэмос гурт философ, кудӥз Ижкарын улыса но, аслэсьтыз Кукмор/Шошма палъёссэ, отысь диалектлэсь чеберзэ ноку уг вунэты. Авторлэн дуннешоры учконыз – со жалян мылкыд (сострадание), кыл борды кыстӥськон но азинскон понна котькуд нунал ужаны дась луэм. Со – зэмос интеллигент, кудӥз понна лулчеберет но литература – со улон инты.