Даргинский Язык | Dargwa Language

ХIардирухIа, Марина. ч. 3

Нуни дамъван гъалагил бикIла камлишибад някъ шидибиркIира ва гIур си буранел пикрӣкIвисиира. Рурсилис бēли нуни си-белла пикрибакьараши хIаллихьадиис анцIбукьун бис, гьаларъван джагвали пишхьадяхъяли, ардукьяс далъдизур.
— Гьу, ну аркьяс. ГьачамгIи хIула паргъатдиш буънилишивад шивирхни тиладибикьулла.
— Селла ахIбирар гъари, — гьалакли ира нуни. «ГьилкьяйдāхIи лирил гIвямру хьадирхвараши дила паргъатдиш шинелла ахIбулъани бēлири», или шибатис биганиригва, ахIӣра.
— ХIу нам дирґаладулхъулēхIинни, — ира гьӣлис кьадин, — нушачуб вагIличу вакIибил ухIяйчу варсирнē гIя̄дат либил ахӀин, гIягIнибихьāли, гIурхIили ундза тIвяхIли абкили дашин; ну гьилъвайхIилира гьимахIурґус, корпусла администрация гьимахIбуґāли.
Рурси дукардяхӀяб ва ардикьвян, ардикьвян дила паргъатдишра арбухили. Бархьли бурасли, ахӀарил учIан, инсантēла гьил джагвал баяхъай дила паргъатдиш шилайшибалла гьамадли булъухъули бирар. Университетлизив учIухIили, гьар сессия битуґул мандзил гIякьлвā хвалалгъуна бутIа буцили, ца кудил-белла къуймуллишилари дила пикруми, историяла анцIбукьлумēла дусми гьилкIу кицахIдирули, джургъхьадикIули дириб, гьил сессия бихьили кIвиибил бахIбихьараши кьинна, ну дила уркIилиширти ламигъунти дигалишила мукIурахIвакIили ливай, гьил къуймур шис-белла шири аркьяб. ГIур кьинна, замāна аркьвяцад уркIилиши хъасалгьули бириб, амма гьанбирхьули саби, гьил багьанданалла ахIиннāра или ну, гьишкIу, орджоникидзела мякьлибил уркIби багьладикьул санаторийлизи дурайхьибил...

#хабурти

✏️ Грамматический очерк Урахинского диалекта
🔘1. Первая страница навигации
🔘2. Вторая страница навигации
🔘3. Третья страница навигации
#️⃣ Хештеги по темам

✈️ Даргинский язык. Урахинский диалект.

Читайте чаще даргинские произведения. Развивает речь

ХIардирухIа, Марина. ч. 2

Гьилкьяйда, цайкъа цурали цIумикIули, цунли убкIанири хIу, кашиш — гIясили някъ гьакIбикьули дирар абаан, шаб либтигъунти рурсбēла гIяхIтира вайтира шалуби сипатдякьибларгIи, дичулти гъайли гIурра пайда ахIхибхIили. — ЦIахлиригва шантēла гьалав! Балуллив гьилди хIуд си бикIулел?
ГIя, дишила гьил сабабли шаб ахIбурул ахIбирар. ГIяхIна бӣши кьалли, гьарил дила шанли гьиш нуниъван цулбēла гIилаб лидзми туснакъбикьани бēлири, амма, сунна вагI ибш, гьил чула гIилаб тIашаисцад цулби гьарилла кьаклизирра къаршехIдирхьур кьадин.
Гьилбагьандан бис гьил, бис хайрехIбирул дазура уббатулли, дурахьабулхъул. ДикIарил къуллукъри, рахли, аба дикIулиъван, шантēла гъайли дизибадгIилли адамъили италгьихъани бēлири, амма си бякьис ирарā, рахли ну алкIухIилел гьишгъуна "цIа дурахIдулхъанли" āкIунил эсли.
Гьеч, биур, гьиш гьакIлисалла "цIа" дурахIдухъухъуй хьалли асвахIбирар, сенахIинну гьих рурсили дила уркIи сен сабрел буссягIят суничу битIакIихъиб. Ну тIама лугIянбӣхъис хъахI-хъахIра бушили, рурси гIиладяхI чардибхIейс хIядурикIвисхьайъира. Гьала-гьала дяхIумцIайчу кицӣли, дизиб джагвадишла шайзиб битагьурил барсдиш агурал гьӣлизи хIаризурра, амма, дяхIумцIай бархьдиш дигIянабякьис кьасахIбякьиб ва тIанилгъуна хъвяблишиб бадзъван шалабикIул хвалал гидгаригъуна бикI либ тяхIялли диши вякьбизухъур. Гьалли хIулбаши шихьадаибти хъаджла рангти нудбаурад гаталаъван гъурша хIулби цIивдизулли сари.
— ХIу дишивад шивирхви, — хапли шихиб дила къакъла гIилабад гьил мандзиллизиб, — гьилиини ардукьяс гьалар ундза гIиларадра гIикIили дуули сари.
Ну хъярхъли ласвяхъяра ва рурсила дукардихIвяти хIулбаши хIар бархьбизулли, дила чIумъал кьаслишила гьитмадан хъумартурра.
— ХIу...хIура санаторийлизи дакIибиллив? — намра хабарагули дурабихьиб, урхIла тIамаличул.
— ГIя, ну гьишкIу даґ дакIибилла. ХIу кьинна, шибиуйши мишули, гьашкIув вахъхIе ӣли урґуд?
— АхIинна, нура даґ сайра вакIибил. Дуґи кьӣ-кьӣ сāира.
— Дуґи!? Дуґи хIукIун гьинтаъван лезгинкализи хьавхъуй тясикIули итухъуй ливри. ХIуши хIаръибхIили, нам хIу гьишкIувил "культмассовик" сайрēра или гьанбихьибилли.
Ну каниралла агварти дукарцIиличул дукарвяхIяра.
— Бархьли бурасли, ну дилхъла-дикIар гьилгъуна урибил устара ахIинна. Дирхагьадлира, ахIагьадлира, нуни гьилди дила гIвямрулизир бегI гьалар дякьибти дилхъ сарри.
— АхIбēли, дуґилиши бихьараши идбаглиъван гIвямру диркIили, дуґили илбисла гIямултау ихьили валанни.
— АхIин, анцIбукь гьилъвай-дикIар ахIин. Дуґилис гьаларра нам дилхъ-далай дигули ирира, амма нуъван ахIи нам царилти имцIали пагьмушибтили билзан, гьилбагьандан, ца шайшив тIашизулли хIарикIни имцIали яликьли шибиус.
ВяхI! ТамашāхIину гIади, гьанахIала ур дичул къаршидихьибил хьунул адамӣчу гъай дарґис ахIирули лихIхьайхъвял ну, гьанахIа дуристи таманахIдирули итухъуйра.
— АхIбēли, дуґи гьитцад гьит майдайшив хIуъван пагьмушив чалла уулēхIину? — дукарцIилишӣхьибил тIамали иб рурсили.
— Вари, вари, гьилъвай ахIинни! Дила вайяхIра милладякьили, царилташи хIарикIусра или дуравхъунилли. Мяваличу кицахIӣли ливай дила улкала макьам зяйбухъун. МаджяхIят, гьиткIув, Дягъистайзив эслилли дизир гьилдигъунти гъвабзадиш дакIудухъиши, амма гьишкIув, намра хабарагули, мявала байълив вагьарӣра. Ца бархIи хьалли шехIбаибил, гьитцадра адамъили вагIла гвандзалиши карцIирни ахIбагьурра.

#хабурти

✏️ Грамматический очерк Урахинского диалекта
🔘1. Первая страница навигации
🔘2. Вторая страница навигации
🔘3. Третья страница навигации
#️⃣ Хештеги по темам

✈️ Даргинский язык. Урахинский диалект.

Интересна эта цитата из статьи. Если Мудрак правильно реконструировал, кайтагское кван (по записи автора — кон) является прадаргинским вариантом. Если смотреть на остальные варианты, логичнее кажется квани, ведь кайтагцы часто отбрасывают окончание. Сегодня например имеются такие варианты:
Акуш., цудах., муир. — чина
Мекег. — кина
Губд. — кида
Урах. — кани
Кайт. — кван, кацци/квацци.

Значит, можно предполоджить что это слово прошло такой путь:
1) квани → квацци → кацци (кайт.)
2) квани → квина → кина → чина (цудах., акуш., муир.)
3) квани → квина → кина (мекег.)
4) квани → квина → кина → кида (губд.)
5) квани → кани (урах.)

Однако, достоверность реконструкции Мудрака под вопросом. Он вполне мог и ошибиться, поэтому пока ничего не утверждаем.

#dnatest • Y37 • *J-ZS3042

Салихов Мурад
с. Лища (Леҳа)
рег. Шуркант (Шурккант)

Совпадений по маркерам нет, но по базе ближайшим [но всё равно далёким] снова выходит кабардинец даргинского происхождения Юсупов.

Село Лища демонстрирует одну особенность организации былых кайтагских округов (мяькама). Хотя главным аулом Шурканта указывается Джирабачи, ключевые "офисы" были расположены именно в Лища: здесь проживали окружные глашатай (ччавш) и смотритель (чилми) [Алиева, 1998].

Ещё левобережный Кайтаг интересен некоторыми своими словами. Чего только стоит кон "где", которую А. Мудрак [2016] реконструирует как пра-даргинскую форму. В даргинском ей соответствует чина "куда", а в урахинском даргинском — ещё более близкое кани. А вот коцци > кацци в правобережном Кайтаге скорее всего является более поздней инновацией.

Возможно, ДНК и языковые данные именно шуркантских сёл помогут лучше понять раннюю хронологию той пра-даргинской популяции, что впоследствии стала кайтагами. BigY в процессе.

Старый аул Кубачи. Фото оживлено нейросетью.

ХIардирухIа, Марина. ч. 1

Ундзализи хапли кьутӀдяхъябхӀили, ну палтарра ширахIхьадатулли караватлиши гвирухъуйри. Хъярхъли харчизурра ва, буруш-гIвянила ункъдякьили, , ундзаличу ласвяхъяра.
— ГӀя, гӀя, асубирар!
Умъудиш ахтардибякьис лиркьвял нушила хъали ушкул духъна дурґар или гьанбихьиб, ва гьӣлила къвянкълишибад жибжирбухъунил гӀвябигъуна чинтӀ мурт гьаббикӀурал или хӀаллира. Огьогьой, дахъ кьяркьилла саригва гьил! ЧӀянкӀудякьили ца нушила хамхалишицун ахIбēли, гьӣлиини ишбархӀи нушила хъулиб хIарахIбякьибил мир батурил ахӀин. АхӀбалас гӀурра си либли гьил гьишкIу лиркьянел. Дичул варх хӀаиррул Кимлис бēли, бикӀлил мугьлатдиш битуґулēхӀин. ИшбархӀи гвӀяннучӀ адацӀибмад, чинтӀра лагра хьатра тярхӀбикӀухъули, сунтӀдикӀвисхьадиибилли.
ГӀурра хъулиб папруз битӀакӀирив? Кьяркьли хьарбаиб гьӣлиини Кимлизи.
— Ягъари, си дикIванире хIу дикIалла? — мугIялимла гьалаб учIайъинъван къакъла гӀила папрузра дигIянабикьули, марис кьасбякьиб Кимли.
— Папруз каниб битIакIаслилла, гвягI хъули гвачбирули ахIбисгва? Хъви бикьус, хъулиб нуни ишбархӀи папрус битӀахӀакӀира или.
Дирхалгьулла, дирхалгьулла. АхӀбēли гьилди къакъла гӀиларад дурадулхъути гав хӀула дурхъадишла нур дурґар...
ГьикӀ анцӀбукь ишбархӀи гӀвяннучӀ бӣбилли, гьанахIа кьинна ну генерал айцӀухӀили солдатъван вархьӣли тӀашизуллира, амма гьиш гьакӀлизир лирил сикӀал сен-сарел ну хӀаллēхӀинил шайшидяхӀ ласдухъун.
УндзалигӀирад ца хабаллира дурис ахIӣсил къуймур гьардакӀиб. Нуни хӀулби хӀвяшдякьира ва сагадан гьилкIу хӀаръира. Гьеч, нам селла гьанагьулли ахӀинни. Джагвати цулбēла царугил къвярра гьаббакӀихъили, рурси ахъли дукардяхӀяб.
— Шивирхви, хӀула бикӀликира, — хъули адицӀули иб гьӣлиини, — дичу дарх хIардирул хьунул адамӣ нушила хъā ибкла (🔑) суничу барх арбухили сари. Нам кьинна гьилкIу адацIис гӀягӀнили хьалли, дирулēхIинна.
— Силишивли кумеклайгьис ируса?
— Гьеч, селла гIягIнилēхIин. Ну хIушила мякьлибил хъулир хIардиранира. Нуша кIвибахIлалла ундзурби ца балкуйши хIардикIванти сари. Рахли асубирāли, хIушачураддихьили дила хъули адицIус.
— Хайрибирар гъари.
Нуни гьишкIу вакIис гьалаб мутIрусли билгIвяхъвяй дяхIумцIалаъван бархIē нур гьиткIу-гьишкIу пархдикIухъули лямцIбикIул бикIлишибад пашмай някъ шидибиркIира. Сунна вагI ибш! ГьишкIу ливкьни балули, шини сабē гьил лугIвяхъянелла? ХIеб сарину, бикIла кам гьигьбикIвихъис или билгIвяхъвянилли. Гьил билгIвяхъвяннаргIи, дичу гIибла бархIи районолизирад "хIуд гIягIнил путевка либну, къалабали ваши" или, зянкъдяхъябтири.
Ункъли балъбихьибил цIуба клеш-шалбалла кьялубира пялхъдикIухъули, сигъуна-сабрел дурхъал одеколонна гвягIра пухIбухъухъуй, рурси дила мякьлирад шалгIирдухъун. ну кьинна, макьлатIисла битIакIибил гIвябулъван, гьилис гIиргIи ласвяхъяра. ГьанахIа гьил сунила хъули адицIур, сунис гIягIнил āсили, сагадан дила хъулираддихьили аркьян. Си бикьанē? Муръул адамъулачул гъайикIухIили, нуни буссягIят силишила-дигара гъай дурґули ирус, амма хьунул адамъулази гъайикIвис дила гъвабзадиш сен-сарел мурталла ахIдиули дирар: гьилдилизи гъайикIули вахIихьасли, дила гъайла лугIи гьитмадан хьабурхули бирар. ВяхI, маллира, мурталла гьишъвай цайли хьалъанирав? ГьанахIа хIябцIали дуслиши кицирулла, амма дунēла гьил шайшибил нигIмат нам баибил ахIин.

#хабурти

✏️ Грамматический очерк Урахинского диалекта
🔘1. Первая страница навигации
🔘2. Вторая страница навигации
🔘3. Третья страница навигации
#️⃣ Хештеги по темам

✈️ Даргинский язык. Урахинский диалект.

БУКIУЙС ХIЯБКУБ

Азир маза тIенбазер
Делкьунте дзели далхуй
Дарш мукьара хъарахълер
Дердиле кьалли далхуй
Илдас букIуй хвяла вегI
ЛасбукIуй тIергьала вегI
ХIела азир мазали
КIвел азир мукьара даркь.

***

Хъар диркьайла хIяллишир
Гъвари мурхьил гутенчи
Хьунул гушдӣлāхьалли
Къвяджа бякьис битIвāгвар
ГIвярбукIила шилизив
Маджуртайкьул ГIялимяхI
АрхIялеркьвяллāхьалли
Шихья̄хъис тупанг агвар
Хваджала хвалал махьи
Дякьибил михъиртēла
Хъар диркьайла хвалал ши
Дучибил гидгурēла
Дякьибил хвалал чуду
ХIула шини дукая?

***

Иш хъалла вегIла хъали
ДицIаб азир мирхъили
КьутIкьули бакIиб гIяхIли
Мурили арбашахъес
Иш хъалла вегIла азбар
ДицIаб хIунтIен тяй-урча
Хьурали бакIиб гIяхIли
Мурдали арбашахъес.

#поэзия

Скан.

#книги_документы

Попытался оживить Ванашимахи. Фото слишком плохого качества, плохо выходит. Да и не само село получается, а будто из другого села снимаешь

Текст поправил.

ХУЖАИМ БАТИРХАН
Хужаим Батирхан бикІван адими кьай бархӀяхъ хъайгІи уллевкьяли уибли сай михъличир. Илили гьуни гӀяхӀли, хӀабалгьули уибли сай, гьунира вацӀалиццир буибли саби. Хабар акквали ил укайчибли сай гӀама, ил мусса гӀяйрикьали бицІ буцара хІядурбаркьибил буибли саби. ГӀямар чІярикули уибли сай, наб кумек баркьа викӀули.

Рахли илили тама бакьибли сай ганцла:
— Наб кумекбаркьа, гӀяхӀиган адими, хӀала гӀяхІдихь чирбиркьис, — викӀули чІярикӀули уибли сай Батирхан. Утулхьан адимили хӀркатӀибли хужаим адими чиваибли сай.

Валлагь, ишиццир гӀяхІли сикІал биркурну кумекбиркьис, — викули сай ил.

Ассибли ххулаган тӀирхьа бухІнакабатулли саби, урцуй ттураабукъибли саби бицІ.
— Баркалла, наб кумекбаркьибил, — бикули бицІ гьарбухьуй саби вацӀалицци.

Урухвигьубли цахІри муссани гьарухъана биккули уибли сай, амма цӀирра хужаим адимила тама бакьибли тӀашкайццулли сай.

ЦӀирра тӀирхьа бухІнакабатули гІама ттураабукъибли саби ккуртта. БикӀли хъумхӀартис хӀала гӀяхӀдихь, — бикӀули ккуртта цІирра вацІалицци гьарбухъуй саби.

Ил адими цӀирра ташкайццули сай, цӀирра тІама бакьибли, цӀирра тӀирхьа кабатулли сай, нахӀа ттурабитІуй сай хъисхъа.
— Их цӀуттара муссанир нура ттураабухъунра, — бикІули саби хъисхьа.

Ил адимили тӀашкаибли хъисхъа атӀибли сай илицци:
— АтӀа бархьли, ихев Батирхан хиву?
— ГӀа, гъари, хив, — бикӀули саби хъисхъа.
— НахӀа биурну нуни ттураадукъиби хӀу ттуравхъин, Батирхан, — викІули сай ил, кабатулли сай тІирхьа ттуравхъуй сай Батирхан.
— Си битаура хӀатт, вагьиган адими, гьанахӀара ну ттурайтӀана хӀайгьубил, — викІули сай Батирхан.
— Нуни си баркьиша ледил ттураадитӀуй, амма хІу ттураавхъана хІайгьубри-жаваб биччибли сай илили. ГӀяхӀиган саби, ваши дичу хӀат багьа луккасну, — викӀули чӀяратӀибли сай Батирхай.

ХъайгІи витаибхІили ил адимили хІиратІибли сай сунна, гӀяйнад урцул тид, гьалли тидаккварти.
— Иштти чинар дичибти сади, — викӀули хьарбаибли сай хьунуйцци.

Хуни бицӀлис кумекбаркьни багьандан бицІли садукъкъиб, цӀили ккурттали садукъкъиб ппала, хъисхъали садукъкъиб ччакквати урцІри, — рикІули сари хьунул.
Илтти урцІри цІакьли дурхъати дуибли сади. Ил адимили дукъибли сай урцІри базалличи дицара.

— ХӀуни ишди урцІри дигӀатти, — бикІули уцибли сай ил адими.
— Нуни хІадигӀанра, нуни кумекбаркьибхІили хъисхъали садукъкъиб дирхдитхӀаргьули дигьутталли хьарваа Батирхан.

Биркьвай саби урхІ Батирхайчу:
— Батирхан, викІули сай: дигӀанти сади иштти урцІри!
Ишвай чирбаркьибли саби гӀяхІдихь жанивартали, ишвай чирбаркьибли сай хужаим адимили.

Падежи в даргинском языке, ч. 7

Сегодня поговорим о седьмом падеже — сабаб кабик. Происходит от слова сабаб — причина.
Сабаб кабик отвечает на вопросы: чичибли? — по причине кого?; селичибли — по причине чего?;

Имеет различные диалектные варианты:
⏺гьиябле/селлеябле — цудахарский
⏺гьикебле/селикебле — мекегинский
⏺шишибли/силишибли — урахинский
⏺чичибли/силичибли — муиринский

В литературу же, вошел акушинский вариант.

Этот падеж наращивает окончание -чибли к форме джигар кабик, а иногда и к самой основе.

Приведем примеры этого падежа:
⏺Ну — я; набчибли — по причине меня;
⏺ХIу — ты; хIечибли — по причине тебя;
⏺Нуша — мы; нушачибли — по причине нас;
⏺ХIуша — вы; хIушачибли — по причине вас;
⏺Удзи — брат; удзичибли — по причине брата;
⏺ХIяйван — скотина; хIяйванличибли (или хIяйвайчибли) — по причине скотины; Это случай когда наращивание произошло к джигар кабик: хIяйван → хIяйванли → хIяйванличибли → хIяйвайчибли. Очевидно, что наращение всегда было таким, просто в некоторых словах как удзи, ада, и др., окончание падежа действия было выброшено, поэтому удзиличибли → удзичибли.

Приведем примеры предложений с этим падежом:
⏺Ну хIечивли вакIибилра иша — я пришел сюда из-за тебя (букв. я по причине тебя пришедший сюда).
⏺Набчирли диубтив илди лерилра? — все это произошло по причине меня? (букв. по причине меня произошло ли это все?).
⏺Нушачирли хIянчиличи кариибилри хIу! — ты устроилась на работу благодаря нам! (букв. по причине нас на работу устроилась ты).
⏺ХIяйвантачибли хIербиубти саби дила бегIти — мои родители прожили по причине скота (т. е. разведение скота помогло им выжить) (букв. по причине скотины прожившие являются мои родители).

#разборы

🪶 Dargwa Language

В формах презенса, хабитуалиса и футурума северных диалектов представлено несколько глаголов, в которых классные показатели оказываются в непосредственном соседстве с корневыми согласными: лебху ("принесет"), лебку ("приведет"), лябкьян (получено из лебкьян) ("придет" по направлению к говорящему).

Они образованы присоединением к глаголам бикес ("водить"), бихес ("носить"), букьес ("пойти") преверба ле-, который встречается лишь в данных глаголах; гласные основы при этом выпадают: ле + биху → лебху [Мусаев 1980, 32]. Преверб -ле же, в свою очередь, восходит к указателю ил.

Для передачи значения «по направлению от говорящего» к ним присоединяется преверб ар-, который также встречается лишь в данных глаголах; однако при его присоединении классный показатель не сохраняется: арху ("унесет"), арку ("уведет"), аркьян ("уйдет"). Следовательно, глагольным корнем в данных словах выступает лишь один согласный. Данные формы являются новообразованиями, поскольку не отмечены в архаичных даргинских диалектах.

#разборы

Несколько форм вспомогательного глагола биэс «быть», в которых гласный звук в силу исторических изменений следует за корневым согласным: леб «имеется», кIеб «имеется вверху», хеб «имеется внизу», теб «имеется в стороне», саби «есть». Корнями в данных глаголах выступают са-, ле-, ке-, хе-, те-. Они образованы от указательных местоимений ил «этот (у слушателя)», икI «тот (наверху)», их «тот (внизу)», ит «тот (в стороне)», иш «этот (у говорящего)» посредством присоединения вспомогательного глагола би «есть, имеется», функционирующего в архаичных диалектах — кайтагском (би), чирагском, кункинском, амухском, анклухском (имеет форму бу):

· ил+би → либи → леби → леб,
· икI+би → кIeби → кIeб,
· их+би → хeби → хeб,
· ит+би → теби → теб,
· иш-би → шаби → саби.

Ауслаутный гласный и сохраняется в ряде диалектов (напр. урахинский диалект: либ, кIиб, хиб, тиб)

Относительно образования данных глаголов А.А. Магометов пишет: «Вспомогательный глагол бу (би) лег в основу двух вспомогательных глаголов: цаби (→ саби) с более абстрактным значением "есть" и либ (либу) с более конкретным значением "есть, имеется"» [Магометов 1978, 227].

М.-С.М. Мусаев выделяет промежуточную ступень в образовании данных глаголов — превербы ла, ка, та, ха, которые функционируют в чирагском диалекте и возводятся к тем же указательным местоимениям: ла+ви → лави → леви → лев [Мусаев 1980, 5].

При присоединении преверба к глаголу 1 грамматического класса в акушинском диалекте нередко наблюдается выпадение классного показателя и следующего за ним гласного основы: ка+ваъес → ка-ъ-ес «дойти вниз». Корнем в данном случае выступает лишь согласный ъ.

#разборы

Падежи в даргинском языке, ч. 6

Сегодня поговорим о шестом падеже — гьалабихь кабик. Происходит от слова гьалабихьес — предложить. Является эквивалентом предложного падежа в русском языке.
Гьалабихь кабик отвечает на вопросы: чичила? — о ком?; селичила — о чем?;

Имеет различные диалектные варианты:
⏺гьияла/селлеяла — цудахарский
⏺гьикела/селикела — мекегинский
⏺шишила/силишила — урахинский
⏺чичила/силичила — муиринский

В литературу же, вошел акушинский вариант.

Этот падеж наращивает окончание -чила к форме джигар кабик, а иногда и к самой основе.

Приведем примеры этого падежа:
⏺Ну — я; набчила — обо мне
⏺ХIу — ты; хIечила — о тебе;
⏺Нуша — мы; нушачила — о нас;
⏺ХIуша — вы; хIушачила — о вас;
⏺Удзи — брат; удзичила — о брате;
⏺Рудзи — сестра; рудзичила — о сестре;
⏺Къурдаш — друг; къурдашличила — о друге;
⏺Ада — отец; адачила — об отце;
⏺ХIяйван — скотина; хIяйванличила (или хIяйвайчила) — о скотине; Это случай когда наращивание произошло к джигар кабик: хIяйван → хIяйванли → хIяйванличила → хIяйвайчила. Очевидно, что наращение всегда было таким, просто в некоторых словах как удзи, ада, и др., окончание падежа действия было выброшено, поэтому удзиличила → удзичила.

Приведем примеры предложений с этим падежом:
⏺Ну хIечила гIяхIли пикриикIира — я был о тебе лучшего мнения (букв. я о тебе хорошо думал).
⏺Набчила се балулри хIуни? — что ты обо мне знаешь? (букв. обо мне что знаешь тобой?).
⏺Нушачила хабар бакьадив? — слышал новость о нас? (букв. о нас новость слышал ли?).
⏺ХIяйвантачила макьала белчIунра — прочитал статью о скотине (букв. о скотине статью прочитал).

#разборы

🪶 Dargwa Language

Если у кого есть старые фото селений, покидайте в комментарии. Будет интересно собрать какой-то архивчик нейросетевых ретроаулов

Старый аул Уркарах. Нейросеть оживила фотографию.

✅Приведем несколько примеров для вышеобозначенных форм от ливра.

⏺-Ча ливā улкьайъув? -ХIула удзи ливра — -кто находится под окном? -твой брат нахожусь (т.е. твой брат это);
⏺-Дуґи хIучув ча ливрē? -дила унна ливри — -кто находился (был) у тебя прошлой ночью? -мой сосед находился (был);
⏺Ада хIянкилигIи арикьʷян,ну ливалла гьишкIув — отец ушел на работу, я все еще здесь;
⏺Царилти хIяжлербикьʷянгʷа, ну ливалла — другие ушли в хадж, я еще тут;
⏺Маза души ахIдухьили хъайгIир лирал — овцы на пастбище не отогнаны, все еще дома;
⏺ГIинē бурхIни лирал ахIхьадихьили — зимние дни все еще есть, не прошли;
⏺ХIучув дила удзи ливни ахIбагьурра — не знал что у тебя находится мой брат;
⏺ХIу гьишкIув ливни багьāли дила удзи ливкьахIливкьян — если узнает что ты здесь, мой брат сюда не придет;
⏺Ну шулгIив ливли бицIли унц хьабушиб — я будучи подле, волк убил быка;
⏺ГIяхIна урчи либхIили вайна бицира — Тогда как имелась хорошая лошадь, продал плохую;
⏺ХIу гьишкIув ливларгIи ну шигIивалла урухахIкIус — раз уж ты здесь, я никого не убоюсь;
⏺Ну гьишкIув ливлā дичу чаллахIвакIиб — пока я тут, ко мне никто не приходил;
⏺ЦадахI унци лиргʷа, чIукьадӣли хIянкилис хайрēгу (хайри агу) — хоть и имеется пара-тройка быков, исхудавши не годятся (для работы);
⏺Уриъ дила къарчигъа либригʷа, битяхъиб — в прошлом году у меня был сокол, но пропал;
⏺Арц лирхIилигʷа хIуд нуни луґути — так как деньги есть же я их тебе даю;
⏺ХIянкили дикьис хайрēгухIа (хайри агухIа) нуша — выполнять работу не годны мы;
⏺ХIула удзēгу нушачув — твоего брата не т у нас;
⏺ХIуша цалла дила удзилизēгуда (удзилизи агуда) — ни один из вас не сойдет за моего брата (не сравняется с ним);
⏺Дуґи хIушачув агʷира ну — вчера меня не было у вас;
⏺Ну вакIибхIили хIушачу, хIуша хъайгIир агʷадā — когда я пришел к вам, вас не было дома;
⏺Нушилайшир дахъал хIурбунēгʷиб (хIурбуни агʷиб) шилалла — чем у нас больше войск не было ни у кого;
⏺Гьитиин нам ґиб кьацI агули дзи — он мне дал без хлеба соль;
⏺Адамъилēгули — без человека;
⏺Урхьʷāгули — без моря;
⏺Кьаркьай хIула удзицад агусу? — телом не с твоего брата я?
⏺Дилацад мазāгув хIушила? — у вас нет овец как у меня (примерное количество)?
⏺Дила ада ибкIибхIили хIуша шар агʷадав? — когда мой отец умер, в селе вас не было?
⏺ХIула ада ливāра хъулив? — твой отец есть ли дома?
⏺Гьиш хъулив ну ливрел, агʷирал, хIуни сили балада? — в этом доме я был ли или не был ли, откуда тебе знать?

#очерк

✏️ Грамматический очерк Урахинского диалекта
🔘1. Первая страница навигации
🔘2. Вторая страница навигации
🔘3. Третья страница навигации
#️⃣ Хештеги по темам

✈️ Даргинский язык. Урахинский диалект.

Падежи в даргинском языке, ч. 5

Сегодня поговорим о пятом падеже — барх кабик. Происходит от слова барх — совместно, вместе.
Барх кабик отвечает на вопросы: чичил? — с кем?; селичил — с чем?

Имеет различные диалектные варианты:
⏺гьиццела/селиццела — цудахарский
⏺гьичал/селичал — мекегинский
⏺шичул/силичул — урахинский
⏺чичвал/силичвал — канасирагинский
⏺чичули/силичули — муиринский

В литературу же, вошел акушинский вариант.

Этот падеж наращивает окончание -чил к форме джигар кабик, а иногда и к самой основе.

Приведем примеры этого падежа:
⏺Ну — я; набчил — со мной;
⏺ХIу — ты; хIечил — с тобой;
⏺Нуша — мы; нушачил — с нами;
⏺ХIуша — вы; хIушачил — с вами;
⏺Удзи — брат; удзичил — с братом;
⏺Рудзи — сестра; рудзичил — с сестрой;
⏺Къурдаш — друг; къурдашличил — с другом;
⏺Ада — отец; адачил — с отцом;
⏺ХIяйван — скотина; хIяйванличил (или хIяйвайчил) — со скотиной; Это случай когда наращивание произошло к джигар кабик: хIяйван → хIяйванли → хIяйванличил → хIяйвайчил. Очевидно, что наращение всегда было таким, просто в некоторых словах как удзи, ада, и др., окончание падежа действия было выброшено, поэтому удзиличил → удзичил.

Приведем примеры предложений с этим падежом:
⏺Ну хIечил варх лявкьяс — я приду с тобой (букв. я с тобой вместе приду).
⏺Набчил ууду хIу? — ты останешься со мной? (букв. со мной останешься ты?).
⏺Нушачил мякьяд — не иди с нами (букв. с нами не иди).
⏺ХIяйвантачил мазара дарх хер — вместе со скотом и овцы (букв. со скотом и овцы вместе есть).

#разборы

🪶 Dargwa Language