SUDLARDA RAQAMLASHTIRISH

#RaqamliSud #OliySud #Raqamlashtirish

🌐 Raqamlashtirish zamonida axborot tizimlarining o‘rni

Bugungi kunda raqamlashtirish — faqat qog‘oz hujjatlarni elektron shaklga o‘tkazish emas, balki boshqaruv, xizmat ko‘rsatish, ish jarayonlari va qaror qabul qilish mexanizmlarini tubdan o‘zgartirish jarayonidir.
Bu jarayonning asosiy tayanchi esa — zamonaviy axborot tizimlari.
💻 Axborot tizimlari:
ma’lumotlarni yagona elektron muhitda jamlaydi;
davlat organlari va tashkilotlar o‘rtasida axborot almashinuvini avtomatlashtiradi;
inson omili va ortiqcha byurokratik jarayonlarni qisqartiradi;
elektron xizmatlarni aholi uchun yanada qulay va ochiq qiladi;
jarayonlarni monitoring qilish va nazorat qilish imkoniyatlarini kengaytiradi;
sun’iy intellekt va zamonaviy tahliliy texnologiyalarni joriy etish uchun raqamli asos yaratadi.

⚠️ Ammo raqamlashtirish — faqat texnologiya masalasi emas
Raqamlashtirish — mavjud jarayonni shunchaki elektron shaklga o‘tkazish emas. Bu — texnologiya, biznes-jarayon va inson omilini birgalikda o‘zgartirish jarayonidir.
Ayniqsa, yillar davomida an’anaviy usulda bajarib kelingan bitta biznes-jarayonni raqamlashtirishda texnik yechim bilan bir qatorda xodimlarning yangi tizimga munosabati va moslashuvi ham muhim ahamiyat kasb etadi.

👥 Amaliyotda quyidagi holatlar kuzatilishi mumkin:
👤 O‘rganib qolingan ish uslubidan voz kechishga qarshilik;
🔄 Yangi tizim qo‘shimcha ish va nazorat yukini keltirib chiqarishidan xavotir;
💻 Raqamli vositalardan foydalanish ko‘nikmalarining yetarli emasligi;
❓ Yangi jarayonning maqsadi, afzalliklari va natijalari xodimlarga to‘liq tushuntirilmaganligi;
🛡 Vakolatlar, vazifalar yoki ish o‘rni o‘zgarishidan xavotir;
📋 Eski va yangi jarayonlarni bir vaqtning o‘zida yuritish natijasida qo‘shimcha ish yuki yuzaga kelishi;
📉 Raqamlashtirish natijasida ish samaradorligi va shaxsiy mas’uliyatning yanada shaffof nazorat qilinishiga nisbatan qarshilik;
🎓 Xodimlarni qayta tayyorlash va yangi tizimdan foydalanish bo‘yicha amaliy ko‘nikmalarni shakllantirishga yetarlicha e’tibor berilmasligi.
🔑 Asosiy xulosa
Samarali raqamlashtirish uchun uchta omil bir vaqtning o‘zida ta’minlanishi kerak:

Texnologiya + optimal biznes-jarayon + tayyor inson kapitali = samarali raqamlashtirish

Shuning uchun yangi axborot tizimini yaratishning o‘zi yetarli emas. Mavjud jarayonni qayta ko‘rib chiqish, ortiqcha bosqichlarni qisqartirish, xodimlarni o‘zgarishlarga tayyorlash va yangi tizimdan foydalanish ko‘nikmalarini shakllantirish raqamli transformatsiyaning muhim shartlaridan hisoblanadi.

Raqamlashtirishning maqsadi — insonni texnologiyaga moslashtirish emas, balki texnologiya orqali inson mehnatini samarali, qulay va natijador qilishdir.

🌐 Raqamlashtirish — bir tashkilot yoki bir guruhning emas, balki butun soha vakillarining birgalikdagi intilishi va mas’uliyati natijasidir.

⚖️ Sudlarda prokuror ishtirokini raqamlashtirish yo‘lida yangi imkoniyat
O‘zbekiston Respublikasi Prezidentining 2025-yil 3-noyabrdagi “Raqamli prokuratura — 2030 strategiyasini tasdiqlash va uni samarali amalga oshirish chora-tadbirlari to‘g‘risida”gi PF-204-son Farmoni 2-ilovasi 7-bandida “Sudlarda prokuror ishtiroki” axborot tizimini yanada takomillashtirish bo‘yicha muhim vazifalar belgilangan.
Mazkur vazifalardan biri — ma’muriy, jinoiy, fuqarolik, iqtisodiy hamda ma’muriy huquqbuzarliklar to‘g‘risidagi ishlar bo‘yicha sud qarorlari va ularning metama’lumotlarini belgilangan tartibda elektron shaklda olish imkoniyatini yaratishdan iborat.

📌 Ushbu topshiriq ijrosini ta’minlash maqsadida “Adolat” axborot tizimlari kompleksida sud majlisiga prokurorni jalb qilish bo‘yicha tegishli funksional imkoniyat yaratildi.

🔗 Shuningdek, mazkur funksiya Bosh prokuraturaning axborot tizimi bilan integratsiya qilinib, sud va prokuratura organlari o‘rtasida tegishli axborot almashinuvini elektron shaklda amalga oshirish imkoniyati ta’minlandi.

💻 Mazkur raqamli yechim sud va prokuratura organlari o‘rtasidagi axborot almashinuvini yanada takomillashtirish, sud jarayonlarida prokuror ishtirokini elektron tarzda tashkil etish hamda “Raqamli sud” va “Raqamli prokuratura” tizimlarini o‘zaro integratsiyalashuvini rivojlantirishga xizmat qiladi.

Ayni vaqtda yakuniy sud hujjatlarini internet tarmog‘ida e’lon qilishga qaratilgan “public.sud.uz” axborot tizimini texnik va funksional jihatdan takomillashtirish, tizim barqarorligini oshirish hamda foydalanuvchilar uchun qulayligini yaxshilashga qaratilgan kompleks ishlar amalga oshirilmoqda.
Jumladan:
🔹 qidiruv natijalarini shakllantirish tezligi va aniqligini oshirish;
🔹 sud hujjatlariga biriktirilgan PDF fayllarni ochish va ko‘rish bilan bog‘liq texnik muammolarni bartaraf etish;
🔹 axborot tizimining yuklamalar ostida barqaror va uzluksiz ishlashini ta’minlash;
🔹 ma’lumotlar bazasi va server infratuzilmasini optimallashtirish;
🔹 tizimning ayrim dasturiy komponentlarini yangi texnologik yechimlar asosida yangilash;

Shuni alohida ta’kidlash lozimki, sud hujjatlarini elektron shaklda ochiq e’lon qilishning o‘zi yetarli emas. Foydalanuvchi kerakli hujjatni tez topishi, uni ochishi va to‘liq o‘qish imkoniyati ham ta’minlanishi kerak. Shu nuqtai nazardan, bildirilgan tanqidiy fikrlar va takliflar axborot tizimini yanada takomillashtirishda muhim ahamiyatga ega.
Hozirda olib borilayotgan yangilanishlardan asosiy maqsad — faqat mavjud texnik muammolarni bartaraf etish emas, balki “public.sud.uz” axborot tizimini zamonaviy, barqaror, tezkor va foydalanuvchiga qulay elektron platformaga aylantirishdir.
Tizimdagi yangilanishlar bosqichma-bosqich amalga oshirilmoqda. Ayrim texnik ishlar jarayonida tizimning muayyan funksiyalarida vaqtinchalik uzilishlar yoki ishlash tezligida o‘zgarishlar kuzatilishi mumkin.
Foydalanuvchilar tomonidan bildirilayotgan murojaatlar, takliflar va texnik kamchiliklar tegishli mutaxassislar tomonidan tahlil qilinib, tizimni takomillashtirish ishlarida inobatga olinmoqda.

⚖️ Ma’muriy ishlar bo‘yicha dastlabki eshituv joriy etildi
Sud ishlarini ko‘rib chiqish jarayonida taraflarning huquq va manfaatlarini yanada samarali ta’minlash maqsadida dastlabki eshituv bosqichi joriy etildi.

📌 Dastlabki eshituv — ishni sud muhokamasiga tayyorlash bosqichi bo‘lib, unda sudya:
🔹 arizachining talablari va javobgarning e’tirozlarini aniqlashtiradi;
🔹 arizadagi kamchiliklarni bartaraf etish choralarini ko‘radi;
🔹 dalillarni taqdim etish tartibini tushuntiradi;
🔹 taraflarning talablari va dalillariga dastlabki huquqiy baho beradi.

📅 Dastlabki eshituv ariza sudga kelib tushgan kundan e’tiboran 20 kundan kechiktirmay o‘tkaziladi.
❗️Muhimi, ushbu bosqichda ishni mazmunan hal etish bo‘yicha yakuniy fikr bildirilmaydi.

⚖️ Dastlabki eshituv — ishni xolis, to‘liq va puxta ko‘rib chiqishga tayyorgarlik bosqichidir.

📨 Sud tizimida “Gibrid pochta” xizmati joriy etildi

Sudlarda chiquvchi xatlarni yuborish jarayonini soddalashtirish hamda xodimlarning vaqt va mehnat sarfini kamaytirish maqsadida elektron hujjat almashinuvi tizimi (EDO) orqali “Gibrid pochta” xizmatidan foydalanish imkoniyati yaratildi.

Endilikda xatlar suddan elektron shaklda pochta xizmatiga uzatiladi, pochta xizmati tomonidan chop etilib, konvertga joylanadi va qabul qiluvchining manziliga yetkaziladi.
Mazkur xizmat orqali:
🔹 xatlarni pochta xizmatiga tezkor yuborish;
🔹 sudlarda xatlarni chop etish va konvertlash ishlarini qisqartirish;
🔹 xodimlarning vaqti va mehnatini tejash;
🔹 yuborilgan xatlarning elektron ro‘yxatini yuritish va ularni qulay qidirish imkoniyati yaratiladi.

“Gibrid pochta” — sudlarda xatlarni jo‘natishning qulay va zamonaviy usuli.

🏆 ICTWEEK 2026: O‘zbekiston Respublikasi Oliy sudi taqdirlandi!

📅 24-sentyabr kuni ICTWEEK 2026 doirasida “Raqamli davlat: yagona yondashuv, zamonaviy boshqaruv va fuqarolar uchun yangi imkoniyatlar” mavzusidagi forum yakunida raqamli texnologiyalarni joriy etish, innovatsion yechimlarni amaliyotga tatbiq etish va raqamli transformatsiya jarayonlarida faol ishtirok etayotgan davlat organlari hamda tashkilotlarni taqdirlash marosimi bo‘lib o‘tdi.

🏆 “Sud-huquq tizimini raqamlashtirish bo‘yicha tashabbuskor tashkilot” nominatsiyasida O‘zbekiston Respublikasi Oliy sudi g‘olib deb topildi.

🎯 Mazkur e’tirof sud-huquq tizimida raqamli texnologiyalar, zamonaviy axborot tizimlari va sun’iy intellekt yechimlarini joriy etish, sud xizmatlarini takomillashtirish hamda fuqarolar uchun yanada qulay va shaffof raqamli imkoniyatlar yaratish yo‘lidagi ishlarning munosib bahosi bo‘ldi.

💻 Raqamli sud — zamonaviy adolat sari muhim qadam!

#ICTWEEK2026 #RaqamliSud #OliySud #Raqamlashtirish #SuniyIntellekt #DigitalUzbekistan

🚫 TAQIQLANGAN KANALLAR — yangi interaktiv xizmat

📌 MY.SUD.UZ interaktiv xizmatlar portalida “Taqiqlangan kanallar” xizmati joriy etildi.

Mazkur xizmat orqali O‘zbekiston Respublikasi Oliy sudi tomonidan internet jahon tarmog‘ida diniy ekstremistik, terroristik va aqidaparastlik g‘oyalari bilan yo‘g‘rilgan deb topilgan hamda O‘zbekiston Respublikasi hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar haqida ma’lumot olish mumkin.

🔎 Xizmat orqali:
▫️ taqiqlangan manba va kanallarni izlash;
▫️ turli platformalar bo‘yicha ma’lumotlarni ko‘rish;
▫️ tegishli manba va kontentlar bilan tanishish;
▫️ taqiqlangan kanallar ro‘yxatini qulay shaklda ko‘rib chiqish imkoniyati mavjud.

🌐 Xizmatdan foydalanish:
MY.SUD.UZ → Interaktiv xizmatlar → “Taqiqlangan kanallar”

⚖️ SUDGA MUROJAAT QILISHDA YANGI IMKONIYAT

Iqtisodiy va ma’muriy sudlarga murojaat qilishda eksterritorial sudlovga tegishlilikni tanlash imkoniyati yaratildi.

🔹 Iqtisodiy sudlarda — taraflarning kelishuviga asosan;
🔹 Ma’muriy sudlarda — arizachining ariza bilan birga taqdim etilgan iltimosnomasiga asosan amalga oshiriladi.

💻 Ishni ko‘rib chiquvchi sud avtomatlashtirilgan axborot tizimi orqali aniqlanadi. Bunda ariza taqdim etilgan sudning o‘zi tanlanishi istisno etiladi.

✅ Mazkur tartib sudga murojaat qilish imkoniyatlarini kengaytirish, ishlarni sudlar o‘rtasida taqsimlashda inson omilini kamaytirish, xolislik va shaffoflikni oshirishga xizmat qiladi.

#RaqamliSud #OliySud #Raqamlashtirish #Adolat #eksterritorial

#RaqamliSud #OliySud #Raqamlashtirish #Integratsiya #mygovuz

Oliy sudning Interaktiv xizmatlari portalida foydalanuvchilar uchun “Mening suddagi ishim” interaktiv xizmati ishga tushirildi.

✅ Mazkur xizmat orqali fuqarolar va yuridik shaxslar o‘zlariga tegishli sud ishlarining joriy holati to‘g‘risidagi ma’lumotlarni onlayn tarzda tezkor kuzatib borish imkoniyatiga ega bo‘ladilar. Xizmat sud ishining ko‘rib chiqilish bosqichlari hamda sud jarayoniga oid muhim ma’lumotlardan masofadan turib xabardor bo‘lish imkonini yaratadi.

✅ Yangi interaktiv xizmat sud tizimida raqamli texnologiyalarni keng joriy etish, fuqarolar uchun qulay va zamonaviy elektron xizmatlarni rivojlantirish hamda sud faoliyatining ochiqligi va shaffofligini ta’minlashga xizmat qiladi.

#RaqamliSud #OliySud #Raqamlashtirish #Integratsiya

Muomalaga layoqatsizlik reyestri: fuqarolar huquqlarini himoya qilishda muhim raqamli qadam

Sud tizimida raqamlashtirish jarayonlarini yanada chuqurlashtirish, fuqarolarning huquq va qonuniy manfaatlarini ishonchli himoya qilish maqsadida sud tomonidan muomalaga layoqatsiz deb topilgan shaxslar bo‘yicha elektron ma’lumotlar bazasi — “Muomalaga layoqatsizlik reyestri” shakllantirildi.

Mazkur reyestr O‘zbekiston Respublikasi Prezidentining 2025-yil 9-sentabrdagi PQ-280-son qarorida belgilangan vazifalar ijrosi doirasida joriy etildi.
Yangi tizimning muhim jihati — reyestrning Ijtimoiy himoya milliy agentligi hamda Adliya vazirligining “Notarius” AAT bilan integratsiya qilinganidir. Bu orqali sud qarorlari asosida shakllantirilgan ma’lumotlarni tegishli axborot tizimlari orqali elektron tarzda olish va tekshirish imkoniyati yaratildi.

Bu fuqarolarga nima beradi?
🔹 Elektron reyestr, avvalo, muomalaga layoqatsiz deb topilgan shaxslarning huquq va manfaatlarini himoya qilishga, shuningdek, ularning huquqiy maqomi inobatga olinmagan holda turli yuridik ahamiyatga ega harakatlar amalga oshirilishi natijasida yuzaga kelishi mumkin bo‘lgan xavflarni kamaytirishga xizmat qiladi.
🔹 “Notarius” AAT bilan integratsiya orqali notarial harakatlarni amalga oshirish jarayonida zarur ma’lumotlarni elektron tarzda tezkor olish va tegishli huquqiy holatni inobatga olish imkoniyati kengayadi.
Bu esa fuqarolarni turli huquqiy oqibatlarga olib kelishi mumkin bo‘lgan shartnomaviy va mulkiy munosabatlarda qo‘shimcha himoya qilishga xizmat qiladi.

🔹 Shu bilan birga, ma’lumotlarni qog‘oz shaklida so‘rash va taqdim etish zarurati kamayib, davlat organlari o‘rtasida tezkor, ishonchli va elektron axborot almashinuvi ta’minlanadi.

✅ Muomalaga layoqatsizlik reyestri — oddiy ma’lumotlar bazasi emas, balki sud qarorlarida belgilangan huquqiy holatni o‘z vaqtida inobatga olish, fuqarolarning huquq va manfaatlarini himoya qilish hamda davlat xizmatlarini yanada qulay va ishonchli ko‘rsatishga xizmat qiluvchi raqamli yechimdir.

#RaqamliSud #OliySud #Raqamlashtirish #Integratsiya #MuomalagaLayoqatsizlikReyestri

Videokonferensaloqa tizimi orqali sud majlislarida masofadan turib ishtirok etish xavfsizligi va kiberhimoya choralari

So‘nggi yillarda sud tizimida videokonferensaloqa vositalari orqali masofaviy sud majlislarini o‘tkazish keng joriy etilmoqda. Bu fuqarolar uchun qulaylik yaratsa-da, kiberxavfsizlik nuqtai nazaridan jiddiy tahdidlarni ham keltirib chiqaradi. Sud jarayonining maxfiyligi, dalillarning yaxlitligi va ishtirokchilarning shaxsiy ma’lumotlari doimiy himoyani talab qiladi.

Asosiy xavf-tahdidlar:
🔹Ruxsatsiz shaxslarning videokonferensaloqaga kirishga urinishi
🔹 Uzatilayotgan audio-video oqimni ushlab qolish yoki tinglash
🔹 Soxta havolalar orqali ishtirokchilarni firibgarlik saytlariga yo‘naltirish
🔹 Tizimga DDoS hujumlari orqali Videokonferensaloqa rejimidagi sud majlisini izdan chiqarish
🔹 Ishtirokchilarning shaxsiy ma’lumotlari va hujjatlarining oshkor bo‘lishiga bo‘lgan urinish

Ko‘riladigan kiberhimoya choralari:
🔹 Har bir videokonferensaloqa sud majlisi uchun noyob, murakkab parol va online kutish funksiyasidan foydalanish
🔹 Ma’lumotlar uzatilishi jarayonida foydalanuvchi va server o‘rtasida shifrlashni qo‘llab-quvvatlaydigan sertifikatlangan dasturiy ta’minotdan foydalanish
🔹 Ishtirokchilarni ko‘p bosqichli autentifikatsiya (2FA) orqali tasdiqlash
🔹 Videokonferensaloqa dasturiy ta’minotlarini rasmiy vka.sud.uz veb havolasi orqali, oldindan tekshirilgan tarzda yuklash
🔹 Tizimni doimiy monitoring qilish va shubhali faoliyatni real vaqtda aniqlash
🔹 Videokonferensaloqa rejimida o‘tkazilgan sud majlisi yozuvlarini shifrlangan holda himoyalangan serverlarda saqlash va kirishni cheklash

❕Masofaviy sud jarayonlari axborot tizimlarini zamonaviylashtirish muhim bosqich hisoblanadi. Biroq bu jarayonning ishonchliligi to‘g‘ridan-to‘g‘ri uning kiberxavfsizlik darajasiga bog‘liq. Texnik choralar bilan bir qatorda, sud xodimlari va fuqarolarning kiberxavfsizlik bo‘yicha ko‘nikmalarini oshirish ham ushbu tizimning barqaror va xavfsiz ishlashini ta’minlashning muhim omilidir.

✅Videokonferensaloqa tizimining kiberxavfsizlik hodisalarining oldini olish, kiberhujumlarni aniqlash va ulardan himoya qilish, kiberhujumlarning oqibatlarini bartaraf etish, telekommunikatsiya tarmoqlari, axborot tizimlari hamda resurslari faoliyatining barqarorligini va ishonchliligini saqlash, shuningdek maʼlumotlarni kriptografik va texnik jihatdan himoya qilish chora-tadbirlari orqali ushbu tizimning kiberhimoyasi ta’minlanadi.

#RaqamliSud #OliySud #kiberxavfsizlik #Raqamlashtirish

Oliy sud va “O‘zsuvta’minot” AJ axborot tizimlari integratsiya qilindi

Sud tizimida raqamlashtirish jarayonlarini yanada kengaytirish maqsadida “O‘zsuvta’minot” AJ va O‘zbekiston Respublikasi Oliy sudi axborot tizimlari o‘zaro integratsiya qilindi.

Mazkur integratsiya orqali suv ta’minoti sohasiga oid nizolar bo‘yicha sudga murojaat qilish, qarzdorlik holatini aniqlash hamda sud hujjatlarini olish jarayonlari avtomatlashtirildi.
Xususan, endilikda:
🔹 sudlarga kiritilgan da’vo arizalari bo‘yicha qarzdorlik mavjudligi onlayn tarzda aniqlanadi;
🔹 agar qarzdorlik sudgacha bo‘lgan bosqichda to‘liq bartaraf etilgan bo‘lsa, ushbu holat axborot tizimi orqali avtomatik aniqlanib, da’vo arizasini qaytarish bilan bog‘liq jarayonlar raqamlashtiriladi;
🔹 “O‘zsuvta’minot” AJ tomonidan sudlarga murojaatlarni elektron shaklda yuborish imkoniyati yaratildi;
🔹 sud tomonidan qabul qilingan sud hujjatlarini avtomatlashtirilgan tarzda elektron shaklda olish imkoniyati ta’minlandi.

✅ Natijada sudgacha bartaraf etilgan qarzdorliklar bo‘yicha ortiqcha sud jarayonlarini davom ettirishning oldi olinadi, hujjatlar aylanishi qisqaradi hamda sudlar va “O‘zsuvta’minot” AJ o‘rtasida axborot almashinuvi tezkorligi va ma’lumotlar aniqligi oshiriladi.
Mazkur integratsiya sud ishlarini avtomatlashtirish, inson omilini kamaytirish va sudlov jarayonlarini bosqichma-bosqich raqamli muhitga o‘tkazish yo‘lidagi navbatdagi muhim qadam bo‘lib, ish samaradorligini oshirish hamda fuqarolar va tashkilotlar uchun ortiqcha ovora bo‘lish holatlarining oldini olishga xizmat qiladi.

#RaqamliSud #OliySud #Integratsiya #Ozsuvtaminot #Raqamlashtirish

⚡️ YANGI INTERAKTIV XIZMAT

Oliy sudning interaktiv xizmatlari portalida sun’iy intellekt texnologiyalariga asoslangan “Sud muhokamasining taxminiy natijasi hamda sarflanadigan xarajatlarni hisoblash” yangi interaktiv xizmati ishga tushirildi.

Yangi xizmat orqali foydalanuvchilar sudga murojaat qilishdan oldin ish holatiga oid zarur ma’lumotlarni kiritgan holda, sun’iy intellekt yordamida nizoning huquqiy jihatlarini dastlabki tahlildan o‘tkazish, amaldagi qonunchilik normalari va kiritilgan ma’lumotlar asosida sud muhokamasi natijasining taxminiy ko‘rsatkichlari bilan tanishish imkoniyatiga ega bo‘ladi.

Xizmat foydalanuvchiga nizoning mavjud holatini oldindan baholash, o‘z talab va vajlarining huquqiy istiqboli haqida umumiy tasavvur hosil qilish hamda sudga murojaat qilish bo‘yicha yanada asoslantirilgan qaror qabul qilishda ko‘maklashadi.

Sun’iy intellekt tomonidan shakllantiriladigan natijalar tavsiyaviy xususiyatga ega bo‘lib, sudning yakuniy qarorini belgilamaydi.

Sizning fikr va mulohazalaringiz biz uchun muhim @raqamlisudbot

O‘ZBEKISTON RESPUBLIKASI OLIY SUDI RAQAMLI TEXNOLOGIYALAR VA SUN’IY INTELLEKT DEPARTAMENTI KANALIGA XUSH KELIBSIZ!

Bu yerda siz sud tizimini raqamlashtirish bo‘yicha amalga oshirilayotgan ishlar haqida birlamchi manbadan xabardor bo‘lib borasiz.

Kanal orqali biz:
🔹 yangi interaktiv xizmatlar
🔹 “Raqamli sud” konsepsiyasi doirasidagi loyihalar
🔹 sudlarda sun’iy intellekt texnologiyalarini joriy etish
🔹 eng muhimi, bularning fuqarolar uchun qanday qulaylik yaratishi haqida ma’lumot berib boramiz.

Biz nima bilan shug‘ullanamiz?
Raqamli texnologiyalar va sun’iy intellekt departamenti quyidagi yo‘nalishlarda faoliyat yuritadi:
✅ sud hokimiyati organlari faoliyatini raqamlashtirish
✅ axborot tizimlarini ishlab chiqish va joriy etish
✅ ma’lumotlar xavfsizligini ta’minlash
✅ sud faoliyatida sun’iy intellekt texnologiyalarini qo‘llash

Qisqacha aytganda:
fuqarolarga sudga murojaat qilish, ish holatini kuzatish va yakuniy qarorlarni onlayn olish imkoniyatlarini yaratamiz.

Bugungi holat — bir necha muhim raqamlar
▪️ “Adolat” axborot tizimlari kompleksi sud ishlarini ko‘rish tartib-taomillarining 90 foizini avtomatlashtirgan
▪️ my.sud.uz portalida 17 ta interaktiv xizmat mavjud
▪️ ishlar sudyalar o‘rtasida inson omilisiz, avtomatik taqsimlanadi
▪️ 400 ga yaqin sud zali videokonferensaloqa uskunalari bilan jihozlangan
▪️ har oy 82 mingdan ortiq fuqaro o‘z ishi harakatini onlayn kuzatib boradi.

Kanalda nimalar bo‘ladi?
📌 Yangiliklar — yangi tizim va xizmatlarning ishga tushirilishi, qabul qilingan hujjatlar
📌 Loyihalar — “Raqamli sud”, sun’iy intellekt modullari, tizimlararo integratsiyalar
📌 Raqamlar — oylik va choraklik statistika, erishilgan natijalar
📌 Qo‘llanmalar — elektron xizmatlardan foydalanish bo‘yicha sodda va bosqichma-bosqich yo‘riqnomalar
📌 Xalqaro tajriba — dunyo sudlaridagi raqamli yechimlar va ulardan olinadigan foydali tajribalar

Fikringiz biz uchun muhim
Qaysidir xizmat qanday ishlashini bilmoqchimisiz?
Taklif yoki savolingiz bormi?
Izohlarda yozing yoki @raqamlisudbot ga murojaat qiling — savollaringiz asosida alohida postlar tayyorlaymiz.

Kanalga obuna bo‘ling va ulashing!
Sud tizimidagi raqamli o‘zgarishlardan birinchilardan bo‘lib xabardor bo‘ling.

#RaqamliSud #Sud #Raqamlashtirish #Adolat #MySud #SuniyIntellekt #EXSUD

Channel created