platforma.uz

Иситиш мавсумида газлашмаган ҳамда газ етиб бормаган ҳудудларда электр энергияси бўйича базавий меъёрни 200 киловатт-соатдан 350 киловатт-соатга ошириш таклифи маъқулланди.

@platformauzb

470 минг оила газ ва электр энергияси тўловининг бир қисми давлат томонидан қоплаб берилади

Ижтимоий реестрга кирмаган эҳтиёжманд оилаларнинг электр энергияси, газ, кўмир ва коммунал хизматлар харажатларини қоплашда оиланинг ҳар бир аъзосига қўлланиладиган даромад мезонини 1 миллион 430 минг сўмгача ошириш таклифи кўриб чиқилди. Натижада қўллаб-қувватлаш қамрови яна 166 минг оилага кенгаяди.

Электр энергияси ва газ бўйича базавий меъёрдан ортиқ истеъмоли харажатларининг бир қисмини қоплаш муддатини 2028 йил 1 апрелгача узайтириш таклиф қилинди. Бу чора билан бир йилда 470 минг оилани қамраб олиш назарда тутилмоқда.

Шароити оғир маҳаллалардаги 3 мингта хонадонни иссиқлик жиҳатидан ҳимоялаш ва энергия тежовчи ускуналар билан таъминлаш ишлари ҳам давом эттирилади.

@platformauzb

Айтишларича, Таълим ва илм фан вазири лавозимига кўриб чиқилаётган номзодлар орасида Ёшлар ишлари агентлиги директори Алишер Саъдуллаев, Рақамли технологиялар вазири Шерзод Шерматов ва Термиз давлат университети ректори Абдуқодир Тошқулов бор.

Хабар расман тасдиқланмаган.

@platformauzb

Таълим кредити учун банкка бориш шарт эмас — аризани “xazna”да топшириш мумкин

Контракт асосида кундузги таълимда ўқиётган талабалар Таълим кредитини “xazna” иловаси орқали онлайн расмийлаштириши мумкин.

Кредит шартларига кўра, талаба хотин-қизлар учун фоиз ставкаси — 0%, талаба йигитлар учун эса 14%. Имтиёзли давр ўқиш муддати ва ундан кейинги 6 ойни қамраб олади.

Асосий қарзни қайтариш ўқишнинг расмий муддати якунланганидан кейин 7-ойдан бошланиб, 7 йил давом этади.

Кредит давлат, хусусий ва хорижий олий ҳамда профессионал таълим ташкилотларида кундузги таълим шаклида контракт асосида таҳсил олаётган талабаларга ажратилади.

📱 Ариза бериш учун банк филиалига бориш талаб этилмайди — жараённи “xazna” иловаси орқали амалга ошириш мумкин.

📌 Батафсил

Реклама
@platformauzb

Электрон савдо платформаларида истеъмолчилар ҳуқуқлари бузилмоқда

Эътирозларнинг катта қисми Uzum Market ва Uzum Nasiya хизматларига нисбатан билдирилмоқда

Рақобат қўмитасига кўра, айни пайтда истеъмолчилар ҳуқуқларининг бузилиш ҳолатлари кўпайиб бормоқда.

2026 йилнинг ўтган даври мобайнида Қўмита ва унинг ҳудудий бошқармаларига чакана савдо, электрон тижорат ҳамда умумий овқатланиш соҳалари бўйича жами 6 414 та мурожаат келиб тушган бўлиб, шундан 1 230 таси (19,2 фоизи) электрон тижорат соҳасига тўғри келган.

Мурожаатларнинг асосий қисми йирик электрон савдо платформалари ва муддатли тўлов хизматларига тўғри келади:

– Uzum Market — 446 та (36,2%),
– Uzum Nasiya — 184 та (14,9%),
– Alif Shop — 92 та (7,5%),
– Ishonch дўконлар тармоғи — 69 та (5,6%),
– Yandex хизматлари — 63 та (5,1%).

@platformauzb

“Президентимиз имконият берди”: кичик ишдан катта бизнесгача

Хивада “Жамол балиқчи” номи билан танилган Жамолиддин Рўзметов бир пайтлар кичик жойда иш бошлаган. Бугун эса кунига 200–250 кг, мавсумда ярим тоннагача балиқ сотади.

“Президентимиз имконият берди. Ҳозир банкирлар ҳам “Лаббай, нима керак?” деб турибди. Муаммо бўлса, бир-икки кунда ишинг битади”, — деди у.

Яратилган имконият ва меҳнат самараси унинг оиласи ҳаётида ҳам кўриниб турибди — тадбиркор бугун уч қизини олий таълимда ўқитяпти. Эндиги катта мақсади эса — Хоразм балиғини дунёга танитиш.

Контент марказининг янги “Иродали инсонлар” лойиҳаси — яратилаётган имкониятлардан фойдаланиб, ўз меҳнати билан ҳаётини, оиласи келажагини ўзгартираётган инсонлар ҳақида.

@platformauzb

Суд раиси кабинетига 50 000 АҚШ доллари яширган адвокат қўлга тушди

Бухоро вилояти ҳуқуқни муҳофаза қилиш органлари томонидан ўтказилган махсус тадбир давомида Бухоро шаҳар суди раисининг хизмат хонасидан 50 000 АҚШ доллари миқдорида пул топилди.

Пулнинг ўн минги раис билан хонада гаплашиб ўтирган адвокатнинг чўнтагидан, қолган қирқ минги кабинетдаги шкаф жавонидан олинган. Раис ва адвокатни ушлаб кетишган, тонда эса раисни қўйиб юборишибди. У ҳозир ишини давом эттирмоқда.

@platformauzb

Банк ходими 100 минг доллар пора олаётганда ушланди
 
У 2024 йилда Давлат активларини бошқариш агентлигининг ҳудудий бошқармаси томонидан электрон онлайн аукцион орқали ўзининг отасига чорвачилик мақсадида фойдаланиш учун ижара ҳуқуқи асосида сотилган, Қуйичирчиқ тумани ҳокимлиги балансидаги 16,05 гектар ер майдонини сотиш ҳамда ҳокимлик захирасида бўлган 4 гектар ерни мансабдор танишлари орқали расмийлаштириб бериш эвазига харидордан жами 4 млн 250 минг АҚШ доллари талаб қилган.

Тезкор тадбир давомида у сўралган пул маблағидан 100 минг АҚШ долларини олдиндан олган вақтида ашёвий далиллар билан ушланди.

@platformauzb

Сергей Безруковга 2 йил аввал "Дўстлик" ордени берилган экан

Россиялик актёр Сергей Безруков икки йил аввал "Дўстлик" орденини олганини маълум қилди.

"2024 йилнинг кузида Ўзбекистон Президенти Шавкат Мирзиёев мени "Дўстлик" ордени билан мукофотлаш тўғрисидаги фармонни имзолаган эди. Орадан икки йил ўтиб, бугун менга мана шу гўзал орден топширилганидан жуда хурсандман ва у билан фахрланаман", деб ёзди актёр.

Эслатиб ўтиш керак, Безруков бир неча йил олдин ўзбекларни масхара қилгани билан муҳокамалар марказига айланганди. Кейинчалик актёр буни тушунмовчилик деб атаб, ўзбекларни мақтаб чиққан.

@platformauzb

Конгратбай Шарипов Тошкент давлат иқтисодиёт университетига ректор, Эъзозхон Каримова эса Республика маънавият ва маърифат маркази директорининг биринчи ўринбосари этиб тайинланди.

@platformauzb

Ижтимоий тармоқларда тарқалаётган видеода айтилишича, Payme нинг сохта иловаси чиқибди.

Payme га кўра, бундай сохта илова мавжуд эмас экан ва видео сунъий интеллект ёрдамида яратилган экан.

@platformauzb

Аброржон Пулатов Президент Администрацияси раҳбари котибияти мудири ўринбосари лавозимига тайинланди.

@platformauzb

AI auditoriyaga kirib keldi. Universitet faoliyatida undan qanday foydalanish mumkin?

3-oktabr kuni Click hammuassisi va rivojlanish bo‘yicha direktor o‘rinbosari Rustam Fayziyev TIFT universitetida shu mavzuda amaliy seminar o‘tkazdi. Unda universitet rektorati va ta’lim yo‘nalishining barcha rahbarlari ishtirok etdi.

Ishtirokchilar sun’iy intellektni o‘quv jarayoniga qanday tatbiq etish, boshqaruvda qo‘llash va kundalik ishlarni yengillashtirish uchun undan foydalanish yo‘llarini muhokama qildilar.

Click o‘z bilim va tajribasini ulashishga e’tibor beradi. Bunday uchrashuvlar yangi texnologiyalarni tushunish va ularni kundalik ishda qo‘llashga yordam beradi.

Reklama
@platformauzb

Хоразмда Хитой университети филиали ташкил этилади

"Ўзбекистонда Хитой Халқ Республикасининг Ляонинг педагогика университети филиалини ташкил этиш тўғрисида”ги Президент қарори (ПҚ–359-сон, 02.10.2026 й.) қабул қилинди.

Қарорга кўра, Хоразм вилоятида Ляонинг педагогика университетининг Ўзбекистондаги филиали  ташкил этилади.

Таълим жараёни 2026/2027 ўқув йилидан бошланади.

Таълим ўзбек, хитой ёки инглиз тилларида олиб борилади.

Ўқиш кундузги ва муқобил таълим шаклларида ташкил этилади.

2030/2031 ўқув йилига қадар ўқишга қабул қилинган талабалар ўқишнинг бутун даври давомида тўлиқ давлат гранти асосида ўқитилади.

2030/2031 ўқув йилидан бошлаб  қабул параметрларининг 30 фоизи давлат гранти асосида шакллантирилади.

@platformauzb

Тўғри гап. Ўзимизга умуман дахли бўлмаган масалаларга бош қотириб, куйиниб, хавотир оламиз...

@platformauzb

Валюта ва фоиз хатарларини бошқариш компанияси ташкил этилади

Президент қарори лойиҳасига кўра, Ўзбекистонда “Валюта ва фоиз хатарларини бошқариш компанияси” АЖ ташкил этиш режалаштирилмоқда. Янги тузилманинг асосий вазифаси валюта курси ва фоиз ставкалари ўзгаришидан келиб чиқадиган молиявий хатарларни камайтириш ҳисобланади.

Компания банклар, халқаро молия институтлари ва бошқа ташкилотлар билан деривативлар бўйича тўғридан-тўғри битимлар тузиши, валюта биржаси ва биржадан ташқари бозорда чет эл валютасини сотиб олиши ва сотиши мумкин бўлади. Шунингдек, унга ички ва халқаро капитал бозорларидан маблағ жалб қилиш ҳамда хорижда ҳисобварақлар очиш ҳуқуқи берилади.

Энг муҳим жиҳатлардан бири — давлат улуши 50 фоиз ва ундан юқори бўлган тизимли йирик корхоналар учун валюта ва фоиз хатарларини бошқариш стратегияси мажбурий бўлади.

Компанияни 2027 йил 1 мартга қадар ташкил этиш кўзда тутилган.

@platformauzb

Агар бирор ишни имконсиз деб ҳисобласангиз, уни амалга ошириш йўлини ҳеч қачон топа олмайсиз.

Чон Жу Ён,
Hyundai асосчиси.

@platformauzb