Eng tezkor axborotlar, dolzarb mavzudagi maqolalar, expertlarning chiqishlari, original surat va videolar shu yerda!
Админга ёзиш: @uzbplatforma_admin
Post #4076
2.18K
Davlat xaridlarida yangi elektron skoring tizimi: ishonchli tadbirkorlarga qo‘shimcha imkoniyatlar berilishi taklif etilmoqda
Davlat xaridlarida ishtirok etuvchi tadbirkorlik subyektlarini elektron skoring asosida baholash va ularning ishonchlilik darajasidan kelib chiqib qo‘shimcha imkoniyatlar taqdim etish nazarda tutilmoqda.
Vazirlar Mahkamasining tegishli qarori loyihasiga ko‘ra, davlat xaridlari maxsus axborot portalida ishtirokchilar faoliyatini idoralararo axborot almashinuvi orqali avtomatik baholaydigan elektron skoring tizimi joriy etilishi belgilangan.
Taklif etilayotgan tizimda ishtirokchilar to‘plagan ballariga qarab AAA dan D gacha bo‘lgan 10 ta skoring ko‘rsatkichiga ajratiladi. Jumladan, 80 va undan yuqori ball — AAA, 75 va undan yuqori — AA, 70 va undan yuqori — A darajasiga to‘g‘ri keladi. Ushbu uch toifa “yuqori” ishonchlilik darajasi hisoblanadi.
Skoring natijalari Portal va ishtirokchining shaxsiy kabinetida har kuni yangilanib borishi, hisob-kitobda esa davlat xaridlari jarayonidagi oxirgi 365 kungacha bo‘lgan faoliyatga oid ma’lumotlardan foydalanilishi ko‘zda tutilgan.
@platformauzb
Davlat xaridlarida ishtirok etuvchi tadbirkorlik subyektlarini elektron skoring asosida baholash va ularning ishonchlilik darajasidan kelib chiqib qo‘shimcha imkoniyatlar taqdim etish nazarda tutilmoqda.
Vazirlar Mahkamasining tegishli qarori loyihasiga ko‘ra, davlat xaridlari maxsus axborot portalida ishtirokchilar faoliyatini idoralararo axborot almashinuvi orqali avtomatik baholaydigan elektron skoring tizimi joriy etilishi belgilangan.
Taklif etilayotgan tizimda ishtirokchilar to‘plagan ballariga qarab AAA dan D gacha bo‘lgan 10 ta skoring ko‘rsatkichiga ajratiladi. Jumladan, 80 va undan yuqori ball — AAA, 75 va undan yuqori — AA, 70 va undan yuqori — A darajasiga to‘g‘ri keladi. Ushbu uch toifa “yuqori” ishonchlilik darajasi hisoblanadi.
Eng katta imkoniyatlar AAA ko‘rsatkichiga ega ishtirokchilar uchun nazarda tutilmoqda. Loyiha bo‘yicha ular elektron davlat xaridlarida zakalat va qo‘shimcha zakalat mablag‘larisiz ishtirok etishi, vositachilik yig‘imiga 50 foiz chegirma olishi mumkin. Shuningdek, davlat xaridlari to‘g‘risidagi shartnomalarda oldindan to‘lov miqdorini, qonunchilikda belgilangan ayrim istisnolarni hisobga olgan holda, 30 foiz etib belgilash nazarda tutilgan.
AA ko‘rsatkichiga ega ishtirokchilarga elektron davlat xaridlarida zakalat mablag‘larisiz qatnashish va shartnomalarda 25 foiz oldindan to‘lov, A ko‘rsatkichiga ega ishtirokchilarga esa zakalatning 50 foizini kiritgan holda ishtirok etish hamda 20 foiz oldindan to‘lov imkoniyati taklif etilmoqda.
Yana bir muhim yangilik — eng yaxshi takliflarni tanlash yoki tender takliflarini ball usulida baholashda ishtirokchining ishonchlilik darajasiga mutanosib ravishda qo‘shimcha ball berish mexanizmi nazarda tutilgan. Ushbu qo‘shimcha ball elektron tizim tomonidan avtomatik hisoblanadi. “Past” va “eng past” ishonchlilik darajasidagi ishtirokchilarga esa bunday qo‘shimcha ball berilmaydi.
Skoring natijalari Portal va ishtirokchining shaxsiy kabinetida har kuni yangilanib borishi, hisob-kitobda esa davlat xaridlari jarayonidagi oxirgi 365 kungacha bo‘lgan faoliyatga oid ma’lumotlardan foydalanilishi ko‘zda tutilgan.
@platformauzb
