Jizzaxda “Milliy sanoat zanjiri” ko‘rgazmasi davom etmoqda

Avtomobil uchun ehtiyot qismlar, elektron komponentlar yoki boshqa butlovchi mahsulotlar ishlab chiqarasizmi? Bu ko‘rgazma mahsulotingizni yirik avtomobilsozlik korxonalariga bevosita taklif qilish imkonini beradi.

29–30-sentabr kunlari o‘tkazilayotgan ko‘rgazmada 100 dan ortiq korxona ishtirok etmoqda. Birinchi kunning o‘zida 700 dan ortiq ishtirokchi tashrif buyurdi.

📊 Avvalgi ikki ko‘rgazmada 556 turdagi mahsulot bo‘yicha 2,9 trln so‘mlik shartnomalar tuzilgan. Shuningdek, yangi mahsulotlarni ishlab chiqarish uchun 673 mlrd so‘mlik 76 ta kafolatli xarid shartnomasini tuzish bo‘yicha kelishuvga erishilgan.

Jizzaxdagi ko‘rgazmada ham tadbirkorlar yirik buyurtmachilar bilan uchrashib, mahsulotlarga qo‘yiladigan texnik talablar va hamkorlik shartlarini muhokama qilmoqda.

🤝 Ko‘rgazma bir zavodga o‘ndan ortiq tadbirkor bilan hamkorlik o‘rnatish, ilgari bitta zavodga mahsulot yetkazib bergan tadbirkorga esa boshqa korxonalarga ham chiqish imkonini beradi.
Bugun ko‘rgazmaning ikkinchi kuni. Yangi buyurtmachi va hamkor izlayotgan bo‘lsangiz, tashrif buyuring!

📍 Jizzax shahri, “Olimpiya zaxiralari kolleji” binosi.

@platformauzb