Ayətullah Seyid Müctəba Xamenei

Ali Məqamlı İnqilab Rəhbəri ali məqamlı fəqih və şiə məzhəbinin ən qabaqcıl tədqiqatçılarından olan Həzrət Ayətullah əl-Üzma Şübeyrinin (Allah ona rəhmət etsin) vəfatı münasibətilə başsağlığı verib.

Həzrət Ayətullah Seyid Müctəba Xameneinin müraciətinin mətni belədir:

Bağışlayan və mehriban Allahın adı ilə

Böyük ustad, ali məqamlı fəqih Həzrət Ayətullah əl-Üzma Şübeyrinin (Allah ona rəhmət etsin) vəfatı ilə bağlı kədərli xəbər gəlib çatdı. Bu hörmətli alim ömrünün ilk bir neçə uşaqlıq ili istisna olmaqla, bütün şərəfli ömrünü elm öyrənmək, öyrətmək və tədqiqat aparmaq yolunda keçirib və yaşıdları, eyni dövrün alimləri və ustadları tərəfindən daim tədqiqatçı və dərin düşüncəli bir şəxs kimi qəbul olunub. Onun şəri hökmlərin istinbatı ilə bağlı müxtəlif elmlərə yiyələnməsi incə məqamları və təfərrüatları nəzərə almaqla müşayiət olunurdu. Həmin böyük alimin dərs məclisləri, hətta iştirakçıların sayı bir neçə nəfəri keçmədiyi zaman belə, araşdırma və elmi nöqtələri dəqiqləşdirmə məclisləri kimi tanınırdı və həqiqətən də, belə idi.

Allaha şükürlər olsun ki, son otuz ildən bir qədər artıq müddət ərzində çoxlu sayda insan onun qiymətli vücudundan öz bacarığı və imkanları ölçüsündə bəhrələnmək və öz elmi məclisləri və tədrisləri üçün ondan azuqə götürmək imkanı əldə etdi. Onun hüzuru elm öyrətmək və öyrənmək məclisi idi, hətta dərsdən sonra piyada addımlayaraq şərafətli evinə doğru getdiyi zaman belə. Onun hamılıqla qəbul edilmiş elmi məqamından əlavə, tələbələr və alimlərlə təvazökar və ata qayğısı ilə davranışı da göz qabağında olan və örnək götürüləsi bir xüsusiyyət idi.

Şübhəsiz ki, bu görkəmli şəxsiyyətin vəfatı müasir dövrdə şiə məzhəbinin ən qabaqcıl tədqiqatçıları sırasına elə bir boşluq yaradıb ki, bəlkə də onun doldurulması uzun illər çəkəcək. Mən bu müsibət münasibətilə Mövlamız Həzrət Zəmanın Sahibinə (Allah şərafətli zühurunu tezləşdirsin), elmi hövzələrə, xüsusilə onun tələbələrinə və ardıcıllarına, ən başlıcası isə alim və fəzilətli şəxsiyyətlər yetişdirən möhtərəm ailəsinə başsağlığı verir və Uca Allahın dərgahından həmin böyük şəxs üçün yüksək məqamlar diləyirəm.

Seyid Müctəba Hüseyni Xamenei

22.09.2026

@mkhamenei_az

Posterin keyfiyyətli forması

İmam Həsən Əskəri (əleyhissalam):
"İki xüsusiyyət və hal vardır ki, onlardan üstün heç nə yoxdur: Allaha iman və etiqad etmək, dostlara və tanışlara fayda vermək."

Müstədrəkül-vəsail, c,12. Səh,391 | Tühəfül-üqul, Səh. 489

Posterin keyfiyyətli forması

🔸Müqavimət yolu

Qarşıda cihad və müqavimətdən başqa heç bir yol qalmayıb.
"Ey iman gətirənlər! Kafirlərdən sizə daha yaxın olanlarla vuruşun. Qoy onlar sizdə möhkəmlik və sərtlik görsünlər..."

İslam İnqilabı Rəhbərinin Livan Hizbullahının baş katibi və döyüşçülərinin beyət məktubuna cavabından bir hissə

Posterin keyfiyyətli forması

Əziz İran xalqı və Müqavimət Cəbhəsinin Amerika düşməninə unudulmaz dərsləri var.

Ayətullah Seyid Müctəba Xamenei

17.07.2026

SEPAH tərəfindən qənimət götürülmüş Amerikaya məxsus avtonom sualtı aparatın görüntüsü

@mkhamenei_az

Bu gün, bazar günü, 13 sentyabr 1448-ci hicri-qəməri ilinin Rəbiüs-sani ayının ilk günüdür.

İslam İnqilabı Rəhbərinin ofisinin Ayın Müşahidəsi üzrə Qərargahı tərəfindən 1448-ci hicri-qəməri ilinin Rəbiüs-sani ayının hilalının müşahidəsi ilə bağlı hesabatı yayımlanıb. Hesabata əsasən, Rəbiül-əvvəl ayı 30 gün olub və 1448-ci hicri-qəməri ilinin Rəbiüs-sani ayının başlanğıcı bazar günü, 13 sentyabr tarixinə təsadüf edir.

@mkhamenei_az

Ayətullah Seyid Müctəba Xameneinin rəsmi sosial şəbəkələri

X: mkhamenei_az

Telegram: mkhamenei_az

Instagram: mkhamenei_az

Facebook: mkhamenei_az

İkinci dərs küfr qarşısında bir-birini müdafiə etmək, üçüncü dərs isə müsəlmanların maddi və mənəvi həyatının müxtəlif sahələrində – sərvət, təhlükəsizlik, elm və tərəqqi baxımından – müxtəlif əməkdaşlıq və qarşılıqlı imkanların gücləndirilməsidir. Bu yolun sonu yeni İslam sivilizasiyasına çatmaqdır.

Buna görə də müsəlmanlar arasında vəhdət əziz və qalib İslam sivilizasiyasına nail olmağın əsas təməl daşıdır. İslam dünyası ilə bağlı arzumuzu özündə ehtiva edən bu anlayış və düşüncə sistemi öz növbəsində əziz İranda müəyyən dərəcədə gerçəkləşmişdir. Yenə də bu xidmətkarın bütün xalqa tövsiyəsi budur ki, heç bir vəchlə aralarında hər hansı ixtilafın yaranmasına imkan verməsinlər.

Sonda ümid edirəm ki, İslamın möhtərəm Peyğəmbərinin və onun pak Əhli-beytinin (Allahın salavatı və salamı Onların hamısına olsun) şəfaəti sayəsində İlahi lütfün mərhəmət və bərəkətlə dolu kölgəsi İslam cəmiyyətlərinin üzərinə olsun və onlar Allahın əmrlərinə əməl etməklə tərəqqi və izzət pillələrini gündən-günə daha yüksək səviyyədə qət etsinlər.

Allahın salamı, rəhmət və bərəkəti üzərinizə olsun.

Seyid Müctəba Hüseyni Xamenei

30 avqust, 2026

17 Rəbiül-əvvəl, 1448

@mkhamenei_az

Bu qayda İslam İnqilabının əsas prinsiplərindən və mühüm mesajlarından biridir. İlk "Vəhdət həftəsi"nin keçirilməsi 1978-ci ilin fevral ayına, yəni Pəhləvi zülm rejiminə qarşı mübarizə dövrünə təsadüf edir. Həmin vaxt şəni uca olan şəhid Rəhbər (Allah məqamını ucaltsın) sürgündə olduğu İranşəhr şəhərində bu fikri irəli sürmüş, şiələr və sünnilər də onu böyük rəğbətlə qarşılamışdılar. İslam İnqilabının qələbəsindən az sonra isə İslam Respublikasının banisi Həzrət İmam Xomeyninin (ruhu şad olsun) uzaqgörən tədbiri ilə "Vəhdət həftəsi" rəsmiləşdirildi. Uca Yaradanın lütfü ilə müsəlman xalqının bütün təbəqələri arasında birlik məsələsi İran xalqı daxilində uğurlu bir nümunəyə çevrilmiş və düşmənlərin onu pozmağa yönəlmiş işləri ciddi nəticə verməmişdir.

Lakin şübhəsiz ki, bədxahlar həmişə bu böyük neməti hədəfə almaq üçün fürsət gözləyirlər. Onları ümidləndirən isə ixtilafların qabardılmasıdır. Etiqadi və məzhəbi ixtilaflar düşmənin İslama qarşı məqsədinin mühüm bir hissəsini təşkil etsə də və düşmən bundan istifadə etməyə böyük ümid bəsləsə də, bununla kifayətlənməyəcək. O, irqi, mədəni, sosial, iqtisadi, siyasi və coğrafi fərqlərin bütün növlərini İranda və digər İslam ölkələrində yaşayan müsəlmanlar arasında parçalanma yaratmaq üçün bəhanələrə çevirməyə çalışacaq. Beləliklə, İslam ümmətinin parçalanmasını və güclərinin zəifləməsini izləyərək, münasib fürsət yarananda onların üzərində öz hakimiyyətini bərqərar etməyə çalışacaq. Qurani-Kərimin bu məsələlərdəki göstərişi "Bir-birinizlə çəkişməyin ki, zəifləyər və heybətiniz aradan gedər" ayəsində bəyan edilmişdir. Deməli, hansı mövqedə olmasından asılı olmayaraq, müsəlmanlar arasında parçalanmaya səbəb olan və İslam cəmiyyətində qarşıdurma yaradan hər hansı bir işi görən şəxs bunu bilərək və ya bilməyərək, istəyərək və ya istəməyərək, İslam düşmənlərinin məqsədinin həyata keçməsinə xidmət etmiş olur.

Bəs bu dövrdə kimsə belə bir əməli öz cahilliyi və qəfləti ilə necə əlaqələndirə bilər? Halbuki artıq dünyanın tağutları, başda cinayətkar Amerika olmaqla, müstəmləkəçi məqsədlərinin, hegemonluq və hökmranlıq planlarının çirkin üzünü gizlədən aldadıcı və saxta maskaları üzlərindən çıxarmış, hiyləgər məxmər əlcəklərini kənara atmış və qanlı caynaqlarını bütün dünyaya göstərmişlər.

İndi müsəlmanların düşünməsinin və hadisələrə daha diqqətlə nəzər salmasının vaxtıdır. Əgər müsəlmanlar bir yumruq kimi birləşmiş və əllərini möhkəm birləşdirərək vahid qüvvə təşkil etmiş olsaydılar, Fələstin xalqı bu şəkildə müdafiəsiz halda işğalçıların zülm və cinayətlərinə məruz qalardımı? Əgər Fars körfəzi sahillərində yaşayan xalqlar və dövlətlər İslam bayrağı altında öz birliklərini təmin etmiş olsaydılar, kimliksiz və fasiq quldurlar minlərlə kilometr uzaqdan onların torpaqlarına və sərvətlərinə göz dikməyə cürət edərdilərmi?

Mənim İslam ölkələrinin, xüsusilə Qərbi Asiya və Fars körfəzi sahili ölkələrinin hakimlərinə təkidli və dəfələrlə verdiyim tövsiyə budur ki, həqiqi düşməninizi tanıyın, onun planını anlayın və ona qarşı mübarizə aparın. İslam ümmətinin problemlərinin çarəsi söz birliyi, dostluq, xeyir və yaxşılıq yolunda əməkdaşlıqdır. Cinayətkar Amerika hakimləri və qondarma sionist rejim bu birlik və dostluğun qatı düşmənləridir. Onlar yalnız İslam Respublikasının, İran xalqının və əzəmətli İslam Müqavimət Cəbhəsinin düşməni deyillər, bütün İslam ümmətinə, o cümlədən Qərbi Asiya və Şimali Afrika xalqlarına qarşı düşmənçilik bəsləyirlər. Bu məsələdə həmin ölkələrin hakimləri də istisna deyillər, onların bir çoxu bu güclərlə əməkdaşlıq edən hesab olunsalar belə. Necə ki, hegemon güclərin rəhbərləri tərəfindən bəzi İslam ölkələrinin rəhbərlərinə açıq şəkildə hörmətsizlik edilməsi və onlar haqqında nalayiq ifadələrin işlədilməsi yaxın keçmişdə həm sizin, həm də bizim yaddaşımızda qalmışdır.

Birlik və çəkişmədən uzaq durmaq dərsi İslam məktəbinin düşmənə və dosta münasibətdə ilk mühüm dərsidir.

İslam İnqilabı Rəhbərinin Vəhdət Həftəsi münasibətilə müraciəti

Bağışlayan və mehriban Allahın adı ilə

"Məhəmməd Allahın Rəsuludur. Onunla birlikdə olanlar kafirlərə qarşı sərt, öz aralarında isə mərhəmətlidirlər."

Uca Allahın seçilmişi, məxluqatın ən şərəflisi, nurlu çıraq, ən əzəmətli nur, elm şəhəri, aləmlərə rəhmət olaraq göndərilmiş, İslamın möhtərəm Peyğəmbəri Həzrət Məhəmmədin (Allahın salamı Ona və Əhli-beytinə olsun) və onun pak və pakizə övladı, Allahın höccəti Həzrət İmam Cəfər Sadiqin (Allahın salamı Ona olsun) mövlud günlərini İranın şərəfli xalqına və böyük İslam ümmətinə təbrik deyirəm.

Peyğəmbərlərin sonuncusu olan Həzrətin varlıq günəşi Məkkeyi-Mükərrəmədə doğduğu andan etibarən, Uca və Əzəmətli Haqq qarşısında kamil bəndəlik və itaətdən asılı olan səadət mənzərəsi daha parlaq bir görkəm aldı. Peyğəmbərlərin, İlahi mələklərin və müqəddəs varlıqların ruhları sevincə qərq oldu, insan və cindən olan şeytanlar isə qəzəb, həsrət və kədərdən barmaqlarını gəmirərək qaldılar. Çünki Allahın bütün saysız-hesabsız yaradılış aləmlərində yaratdığı ən üstün məxluq torpaqdan olan ərsəyə qədəm qoyurdu və tezliklə nübüvvət və xatəmiyyət libasına bürünərək, əzəmətli Qurana sahib olmaqla və insanın hərtərəfli hidayəti vəzifəsini üzərinə götürməklə bəşəriyyətin böyük karvanının Allaha bəndəlik və kamilliyə doğru hərəkət istiqamətini müəyyən edəcəkdi.

O Həzrətin və onun məsum canişinlərinin bütün həyatı hidayət və bəndəlik dərsi, mərifət və məhəbbət, əqidə və cihad, həyat və fərdi və ictimai gözəl əxlaq, əmanət və sədaqət, habelə izzət və kəramət, elm və əməl, rəhmət və qətiyyət, haqq və ədalət, birlik və qardaşlıq dərsidir. Bu dərslər nə qədər yaxşı öyrənilər və onlara əməl olunarsa, bəşər övladlarının səadət və xoşbəxtlik zirvələrinə çatması bir o qədər asanlaşar. Biz inanırıq ki, Rəhmət Peyğəmbərinin müqəddəs ruhu, həmçinin onun pak canişinlərinin və pak höccətlərinin (Allahın salavatı və salamı Onların hamısına olsun) ruhları həmişə müsəlmanların və İslam cəmiyyətinin vəziyyətinə nəzarət edir, onları hidayət edir və onlara mərhəmət göstərirlər. Bu mehriban və böyük atanın övladlarından biri xəta etdikdə, onun könlü inciyir, müsəlmanlar isə onun dərslərinə və göstərişlərinə əməl etdikdə, mübarək qəlbi sevinclə dolur.

Bu gün İslam və onun ardıcılları İslamın ilk dövründən bu günədək çətin və təlatümlü mərhələlərdən keçdikdən, çoxsaylı eniş-yoxuşları geridə qoyduqdan sonra taleyüklü və həlledici bir mərhələyə çatmışdır. Bu gün müsəlmanlar çox təsirli və tarix yaradan bir rol oynaya bilərlər. Bu gün haqqın batil üzərində, İslamın küfr üzərində son qələbəsinin mənzərəsi bütün keçmiş dövrlərlə müqayisədə daha çox həqiqətə yaxınlaşmışdır.

Bu mühüm işin ilk şərti müsəlmanların söz birliyi və həmrəyliyidir. Müsəlmanların qlobal küfr qarşısında vəhdəti Qurani strategiya və xalis Məhəmmədi İslamın (Allahın salavatı və salamı Ona və Əhli-beytinə olsun) əsas təlimlərindən biridir, səthi və ötəri bir məsələ deyil. Vəhdət dedikdə məqsəd budur ki, İslam cəmiyyətlərinin ümumi səviyyəsində hamı arasında olan ortaq məqamlar əsas və meyar kimi qəbul edilsin. Əlbəttə, dəlillərə söykənərək, qardaşlıq və həmrəyliyin bütün qaydalarına riayət etməklə və Quran təlimlərindən irəli gələn şəkildə tam sülh və səfa şəraitində fikir ayrılığı olan məqamların ortaq nöqtələrə çevrilməsinə çalışılmalıdır.

Şübhəsiz ki, İslam cəmiyyətlərində bütün müsəlmanlar qlobal küfr qarşısında Quranın "Kafirlərə qarşı sərt, öz aralarında isə mərhəmətlidirlər" prinsipini öz düşüncə, söz və əməllərinin əsası və meyarı etməlidirlər. İslam vəhdəti və həmrəyliyi məhz belə əldə olunur. Bu İlahi mesajın iki hissəsindən hər hansı biri müsəlmanların əməli həyatından uzaqlaşdığı zaman onlar İslam Mədinəsində haqlı olaraq qazandıqları izzətli mövqedən də uzaqlaşacaqlar. Bu, heç bir istisnası olmayan bir qaydadır.

Peyğəmbərin mövludu münasibətilə 2500-dən çox məhkumun əfv edilməsi və cəzalarının yüngülləşdirilməsi

Həzrət peyğəmbərlərin sonuncusu Məhəmməd Mustafanın (Allahın salamı Ona və Əhli-beytinə olsun) və İmam Cəfər Sadiqin (əleyhissalam) mübarək mövlud günləri münasibətilə Məhkəmə strukturunun rəhbəri məktubla İslam İnqilabının Rəhbərinə müraciət edərək ümumi və inqilab məhkəmələri, Silahlı Qüvvələrin Məhkəmə qurumu və Dövlət Cəza Təşkilatının məhkəmələri tərəfindən məhkum edilmiş 2577 nəfərin əfv olunmasını, cəzalarının yüngülləşdirilməsini və ya cəzalarının dəyişdirilməsini xahiş etmişdi. Həzrət Ayətullah Seyid Müctəba Hüseyni Xamenei bu məsələ ilə bağlı qərar qəbul edilməsini Məhkəmə strukturunun rəhbərinə həvalə etdi.

Höccətül-İslam vəl-müslimin Ejei də lazımi araşdırmaları apardıqdan sonra bu məhkumların əfv edilməsi, cəzalarının yüngülləşdirilməsi və ya dəyişdirilməsi barədə qərarın icra olunması əmrini verdi.

@mkhamenei_az

İslam İnqilabının Ali Məqamlı Rəhbərinin Vəhdət Həftəsi münasibətilə müraciəti bu gün səhər, Həzrət Peyğəmbərin və İmam Sadiqin mübarək mövlud gününə təsadüf etdiyi bir vaxtda İslam Birliyi Beynəlxalq Konfransın sona çatması mərasimində oxunmaqla eyni vaxtda yayımlanacaq.

@mkhamenei_az

Allahın salamı, rəhmət və bərəkəti üzərinizə olsun.

Seyid Müctəba Hüseyni Xamenei

28.08.2026

@mkhamenei_az

istehsalın canlandırılmasına, dolların mühüm rol oynayan valyuta statusundan tədricən çıxarılmasına və nəhayət, müqavimət iqtisadiyyatı siyasətlərinin məcmusunun əsas istiqamət kimi götürülməsinə xüsusi diqqət göstərilməsidir. Bu sahədə bütün məsələlərin həlli üçün əsas açar daxili istehsala getdikcə daha çox söykənməkdədir. Əlbəttə, kifayət miqdarda ümumi və ixtisaslaşmış malların mövcudluğunun təmin edilməsi də qəti zərurətdir. Buna görə də daxili istehsalın kifayət qədər olmadığı hallarda idxaldan düzgün və uzaqgörən şəkildə istifadə edilməlidir. Təbii ki, istehsalın təşviqi ilə yanaşı, idxal və qiymətlərin idarə olunması ölkə iqtisadiyyatının mənzərəsində özünü göstərən qaranlıq ləkələrin tədricən kiçilməsinə və nəhayət, tamamilə yox olmasına gətirib çıxara bilər. Bu sahədə düşmənin müharibə zamanı və ondan sonra davranışının müəyyən təsiri olsa da, bu sahənin müxtəlif tərkib hissələrinin daha ağıllı idarə olunması, bəzi hallarda xalqın ayrı-ayrı təbəqələrinin, digər hallarda isə mütəxəssis və texnoloqların köməyindən istifadə edilməsi və yeni imkanların reallaşdırılması ölkəni işlərin genişləndirilməsi və abadlıq istiqamətinə yönəldəcək. Bu xalqın and içmiş düşməni belə bir təsəvvür yaratmağa çalışır ki, abadlıq və tərəqqi yolu ona və onun yersiz tələblərinə tabe olmaqdan keçir. Halbuki onun keçmiş dövrlərdə, hətta İslam İnqilabından illər əvvəl bu ölkə və onun sərvətləri ilə etdiklərinə baxmaq bunun əksini göstərir.

Digər mühüm məsələlərdən biri də gənc mütəxəssislərin təklif etdiyi texnologiya və yeniliklərdən istifadə edilməsidir. Bəzən müəyyən sahədə bu üstünlükdən vaxtında istifadə etmək, adi gedişatdan və ənənəvi vərdişlərdən imtina etmək ölkənin tərəqqi və inkişaf yolunda əhəmiyyətli sıçrayışlara səbəb olur. Bu məsələ kənd təsərrüfatı, sənaye, mədəniyyət və tərbiyə, kommunikasiya və sosial məsələlər daxil olmaqla, qüdrət yaradan müxtəlif sahələrdə mümkündür.

Ölkənin hər zaman hökumətin, dövlət xadimlərinin, bütün məsul şəxslərin və hakimiyyətin bütün strukturlarının diqqət mərkəzində saxlamalı olduğu digər əsas məsələlərdən biri vəhdət və ictimai həmrəyliyin qorunmasıdır. Mədəni, sosial, siyasi, təhlükəsizlik və iqtisadi sahələrin hər birində həyata keçirilən tədbirlər ictimai həmrəyliyə dair müvafiq tələblər nəzərə alınmaqla həyata keçirilməlidir. Bəzi tədbirlər zahirən ölkənin müəyyən təbəqələri arasında tərəfdarlara malik ola bilər. Lakin belə işlərdə bu əlavə tədbirlər alınmadıqda və ya onunla bağlı hazırlanmış müddəalar praktiki mərhələdə diqqətdən kənarda qaldıqda, həmin təbəqələrə və digərlərinə zərər vura bilər. Şübhəsiz ki, naümidlik yaradan, milli və ümumi maraqları zəiflədən hər bir söz, eləcə də keçmişdə əziz xalqımıza birbaşa və ya dolayı şəkildə zərər vurmuş müharibə və ya danışıqlar, həmrəylik və ya radikallıq, saziş və ya müharibə ardınca olmaq kimi xəyali ikitirəlik hər biri bundan sonra da eyni təsiri göstərə bilər. Buna görə də qətiyyətlə bəyan edirəm ki, ictimai həmrəyliyə zərər vuran hər bir işin görülməsi qadağandır.

Digər mühüm məsələlərdən biri mədəniyyət, təhsil və tərbiyə məsələsinə fövqəlstrateji yanaşmadır. Fövqəlstrateji ifadəsi o deməkdir ki, digər strategiyalar müəyyən edilərkən bu məsələ nəzərə alınmalıdır. Bu baxımdan müsbət və qurucu mədəniyyətin yayılmasının mənbəyi olan təbəqələrə, yəni təhsil və tərbiyə sistemində müəllimlərə, universitet və hövzə müəllimlərinə, eləcə də özlərini qeyri-özəl qurumlarda vəzifələrinin icrasına həsr etmiş tibb bacıları və həkimlərə xüsusi diqqət yetirilməlidir. Eyni zamanda, gələcəyin gözəl və arzuolunan mədəniyyətinin ən incə cizgilərini bu ölkənin hər bir övladına ailə ocağında öyrədən evdar qadınların roluna diqqət yetirilməsi də xüsusi əhəmiyyət daşıyır.

Ümidvaram ki, bu məsələlərin və hökumətin proqramlarında, Allaha şükür, tapılması mümkün olan digər faydalı məsələlərin həyata keçirilməsi əziz ölkəmizi "Getdikcə daha güclü İran" istiqamətində irəlilədərək, bu yolda fəaliyyət göstərənləri Ağamızın (Allah şərafətli zühurunu tezləşdirsin) xüsusi inayətinə, xeyir-dua və hidayətinə layiq etsin.

Ali Məqamlı Rəhbərin Dövlət Həftəsi münasibətilə müraciəti

Həzrət Ayətullah Seyyid Müctəba Hüseyni Xamenei, İslam İnqilabının Ali Rəhbəri Dövlət Həftəsi münasibətilə müraciətində hökumətin, xüsusilə də sədaqətli və qayğıkeş Prezidentin bütün məhdudiyyətlərə, Amerika–sionist düşməninin müxtəlif fitnələrinə, sanksiya və mühasirələrin gücləndirilməsinə baxmayaraq həyata keçirdiyi layiqli tədbirlərə görə təşəkkürünü bildirib. O, "İranın qüdrət və gücünün" izah və təqdim edilməsinin, bunun önə çıxarılmasının, "Ümidsizlik yaradan və milli və ümumi maraqları zəiflədən" hər cür sözdən və "Xəyali ikitirəlik"dən çəkinməyin zəruriliyini vurğulayıb: "Qətiyyətlə bəyan edirəmki, ictimai həmrəyliyə zərər vuran hər bir işin görülməsi qadağandır."

İslam İnqilabının Ali Rəhbərinin müraciətinin tam mətni:

Bağışlayan və mehriban Allahın adı ilə

Hər il şəhrivər ayının (İran aylarından altıncı ay) ilk həftəsi İran İslam Respublikası hökumətinin xidmətlərindən söz açmaq üçün bir fürsətdir. Bu il İran İslam Respublikası hökuməti üçün Dövlət Həftəsinin Rəbiül-əvvəl ayındakı iki mübarək və bərəkətli mövludun ildönümü ilə eyni vaxta təsadüf etməsi bir şərəfdir.

Bu fürsətdən istifadə edərək bütün dövlət qurumlarının fəal əməkdaş və müdirlərini, xüsusilə də on dördüncü hökumətin sədaqətli və qayğıkeş Prezidentini, Amerika–sionist düşməninin müxtəlif məhdudiyyət və fitnələrinə, sanksiya və mühasirələrin gücləndirilməsinə baxmayaraq, üçüncü məcburi müharibə dövründə və ondan sonra xalqın ehtiyac duyduğu malların və müxtəlif xidmətlərin təmin edilməsi, mühüm zədələnmiş sahələrin bərpası və enerjinin idarə olunması istiqamətində gördükləri layiqli tədbirlərə görə təbrik edir, onlara “Allah qüvvət versin” deyirəm. Həmçinin şəhid prezidentlər Rəcai və Rəisinin, şəhid Baş nazir Bahünərin, hökumətin müxtəlif dövrlərində şəhid olmuş əməkdaş, müdir və nazirlərin, hər şeydən əvvəl isə iki prezidentlik dövrünə yaxın müddətdə prezident vəzifəsini daşımış şəni uca olan şəhid Rəhbərin xatirəsini yad etmək, onların hamısı üçün yüksək məqam və İlahi inayət diləmək yerinə düşər.

Xalqa və İslam Respublikasının məqsədlərinə xidmət etmək fürsəti qorunmalı olan dəyərli bir nemətdir. Hazırkı dövrdə "Getdikcə daha güclü İran" hədəfinə çatmağın qarşısında duran mürəkkəb və həssas şəraitdə bu məqsədə nail olmaq üçün gecə-gündüz səylə çalışmaq və daim yeni təşəbbüslər göstərməklə yanaşı, İranın və onun əziz xalqının qüdrət və gücünü izah etmək və önə çıxarmaq zəruri məsələlərdəndir. Zəiflik, çatışmazlıq və nöqsanların izah və önə çıxarılmasına ehtiyac yoxdur, bunun əvəzinə problemi aradan qaldırmaq və həll etmək üçün proqram tökülməli və tədbir görülməlidir. Bəzən düşmənin ruh yüksəkliyinə ehtiyac duyduğu bir vaxtda öz zəifliklərimizi sədaqətli şəkildə ifadə etmək ona böyük kömək göstərmək deməkdir və hətta dostların və tərəfdarların qəlbində narahatlıq yarada, onları çaşqın və tərəddüddə qoya bilər. Bəli, bu sədaqətli sözlərin dinləyiciləri yalnız xalqımız və xeyirxahlarımız olduqda problem nisbətən azalır. Lakin qüdrət, güc və müsbət cəhətlər Qurani-Kərimin "Və Rəbbinin nemətindən söhbət aç!" təliminə əsasən danışılmalı və önə çıxarılmalıdır.

Əziz İran xalqı son altı ay ərzində düşmənlə mübarizənin müxtəlif təzahürlərində, meydanlarda iştirakı, birlik, həmrəylik və dəstəyi ilə öz həqiqi məziyyətini ortaya qoymuşdur. Onlar İslam Respublikasında məsuliyyət daşıyan qüvvə və qurumların bu müqəddəs quruluşun layiqli səviyyəsinə və ayağa qalxmış xalqın yüksək məqamına çatmaq yolunda göstərdiyi xidmətləri hiss etməyə layiq və haqlıdırlar.

Şübhəsiz ki, aşağıda qeyd edilən məsələlər xidmət göstərən hökumətin proqramlarının əsas istiqamətində və ya müəyyən formada məqsədləri sırasında yer alır və burada onların qeyd edilməsi yalnız xatırlatma məqsədi daşıyır.

Bunlardan biri inflyasiya, işsizlik, qiymətlərin və mal və xidmət bazarının idarə olunması kimi iqtisadi-məişət problemləri zəncirinə ciddi diqqət yetirilməsi, həmçinin iqtisadiyyatın digər bəzi elementlərinə — inkişaf, investisiyaların artırılmasına və onların faydalı və ehtiyac duyulan istiqamətlərə yönəldilməsinə,

Ali Məqamlı Rəhbərin Dövlət Həftəsi münasibətilə müraciəti bir neçə dəqiqədən sonra yayımlanacaq.

@mkhamenei_az

Bu cümə günü, 14 avqust 2026-cı il, 1448-ci hicri-qəməri ilinin Rəbiül-əvvəl ayının ilk günüdür.

Ali Məqamlı Rəhbərin ofisinin Hilalın müşahidəsi üzrə qərargahı tərəfindən 1448-ci hicri-qəməri ilin Rəbiül-əvvəl ayının hilalının müşahidəsi ilə bağlı hesabat yayımlanıb. Hesabata əsasən, Səfər ayı 29 gün olub və 1448-ci ilin Rəbiül-əvvəl ayının ilk günü 14 avqust, cümə günüdür.

@mkhamenei_az

Həzrət Ayətullah Xameneinin sərəncamı ilə həyata keçirildi

Höccətül-İslam vəl-müslimin Hüseyn Taibin İslam İnqilabı Keşikçiləri Korpusunun Müstəzəflər Bəsici (zor gücünə zəiflədilmiş məzlum insanların birliyi) Təşkilatının rəhbəri vəzifəsinə təyin edilməsi

Ali Baş Komandan, Həzrət Ayətullah Seyid Müctəba Hüseyni Xamenei sərəncamla Höccətül-İslam vəl-müslimin Hüseyn Taibi İslam İnqilabı Keşikçiləri Korpusunun Müstəzəflər Bəsici Təşkilatının rəhbəri vəzifəsinə təyin etdi.

Ali Baş Komandanın sərəncamının mətni belədir:

Bağışlayan və mehriban Allahın adı ilə

Höccətül-İslam vəl-müslimin Hüseyn Taib,
SEPAH general-mayoru Qulamrza Süleymaninin sionist-Amerika düşməni tərəfindən şərəfli və başıuca şəkildə şəhid edilməsini, Sizin vəzifənizə olan öhdəliyinizi, ləyaqətinizi və dəyərli təcrübənizi, həmçinin SEPAH baş komandanının təklifini nəzərə alaraq, Sizi İslam İnqilabı Keşikçiləri Korpusunun Müstəzəflər Bəsici Təşkilatının rəhbəri vəzifəsinə təyin edirəm.

Ölkənin yeni tələbləri və şəraiti nəzərə alınmaqla, SEPAH baş komandanının göstərişləri çərçivəsində aşağıdakı tələblərin həyata keçirilməsi gözlənilir:

1. Güclü və vahid İranın qurulması və İslam İnqilabının qorunması istiqamətində xalqın bütün təbəqələrinin imkanlarından, canını fədakarcasına vermək istəyən milyonlarla insanın potensialından istifadə etməklə "Hər bir iranlı – bir Bəsic üzvü" şüarının həyata keçirilməsi məqsədilə Bəsic və müqavimət mədəniyyətinin dərinləşdirilməsi və genişləndirilməsi;

2. Düşmənin təhdidlərinə qarşı xalq əsaslı mübarizə aparmaq üçün xalqın informasiya şəbəkəsinin gücləndirilməsi, lazımi bacarıq və təlimlərin artırılması, bəsirətin yüksəldilməsi ilə yanaşı, müasir texnologiyalardan istifadə edilməsi;

3. Digər hakimiyyət, dövlət və ictimai qurumlarla konstruktiv və səmərəli əməkdaşlığın qurulması, məscid mərkəzli səmərəli sosial xidmətlərin inkişaf etdirilməsi məqsədilə cihad qruplarının, müxtəlif sosial təbəqələr və məhəllələr üzrə Bəsic qruplarının genişləndirilməsi;

4. Bəsic mədəniyyətinin sionist-Amerika hegemonluğuna qarşı bütün dünyada xalq müqaviməti və davamlılığının nümunəsi kimi təbliğ edilməsi.

Ümidvaram ki, Ağamızın (Allah şərafətli zühurunu tezləşdirsin) diqqəti və duaları Sizin və bütün əziz Bəsic üzvlərinin getdikcə artan uğurlarına səbəb olsun.

Seyid Müctəba Hüseyni Xamenei

@mkhamenei_az