CYBER-BRO Kiberxavfsizlik kompaniyasi

#яқин_тарих

2018 йил 15 май санасида "Менинг фикрим" порталига ахборот хавфсизлигини ривожлантириш бўйича берилган таклиф ўша пайтда рад этилган эди. Хайриятки, ҳозирга келиб соҳага эътибор қаратиш бошланди. Лекин, қилиниши лозим бўлган долзарб вазифалар жуда кўп.

2023 йилда ёзилган ва ҳали эътибор қаратилмаётган таклифларни балки 2028 йилда чоп этармиз 😁

Бизнинг ижтимоий тармоқлардаги саҳифаларимиз
cyber-bro.uz | Telegram |

👮‍♂️ Интерпол онлайн фирибгарларнинг халқаро тармоғини йўқ қилди

Интерполнинг маълум қилишича, халқаро ҳуқуқ-тартибот идоралари томонидан онлайн молиявий жиноятларга қарши кураш - «Operation HAECHI IV» амалиёти натижасида 34 мамлакатда 3500 га яқин одам ҳибсга олинган ва уларнинг 300 миллион доллар активлари мусодара қилинган. Олти ой давом этган операцияда Осиё, Африка, Европа, Шимолий Америка ва Океания давлатларининг ҳуқуқ-тартибот идоралари иштирок этишди.
Операциядан кўзланган асосий мақсад етти турдаги кибер фирибгарликка қарши курашиш эди:

➖ овозли фишинг (вишинг);
➖ романтик-ишқий фирибгарлик;
➖ товламачилик;
➖ инвестицион фирибгарлик;
➖ ноқонуний онлайн қимор ўйинлари билан боғлиқ пул ювиш;
➖ бизнес электрон почта фирибгарлиги;
➖ электрон тижорат фирибгарлиги.

Ўтказилган операция натижасида 82 112 шубҳали банк ҳисоблари блокланди, 199 миллион доллар нақд пул ва 101 миллион доллар виртуал активлар мусодара қилинди. Инвестицион фирибгарлик, бизнес электрон почта фирибгарлиги ва электрон тижорат фирибгарлиги «Operation HAECHI IV» амалиёти доирасидаги барча тергов ишларининг 75 фоизини ташкил этган.

Бизнинг ижтимоий тармоқлардаги саҳифаларимиз
cyber-bro.uz | Telegram |

Президент ҳузуридаги IT соҳасига бағишланган йиғилишда киберхавфсизлик масалалари муҳокама қилинди.

Президент Шавкат Мирзиёев раислигида IT инфратузилмасини яхшилаш, соҳа ва тармоқларни рақамлаштириш юзасидан йиғилиш ўтказилди.

Унда IT cоҳаси ривожлангани сари киберхавфсизликни таъминлашнинг долзарблиги қайд этилди.

Таъкидланишича, 2023 йилнинг 11 ойида 5,5 мингта кибержиноят содир этилган. Шундан 70 фоизи банк карталари билан боғлиқ фирибгарлик ва ўғирлик жиноятлари ҳисобланади.

Бугунги кунда Ўзбекистонда 50 га яқин тўлов тизими бўлиб, уларнинг ҳаммаси ҳам киберхавфсизлик талабларига жавоб бермаслиги қайд этилди.

Мутасадди вазирлик ва идораларга барча электрон тўлов тизимлари учун ягона киберхавфсизлик талабларини ишлаб чиқиш ва ижросини қатъий назорат қилиш топширилди.

Бизнинг ижтимоий тармоқлардаги саҳифаларимиз
cyber-bro.uz | Telegram |

🚩 Барча киберхавфсизлик соҳаси ишқибозлар диққатига! Эртага, 20 декабрь куни бошланадиган Cyber-Bro дастлабки чораклик CTF турнирига ҳам бир неча соатлар қолмоқда! Ўз маҳоратингизни синаб кўришга тайёрмисиз?

Cyber-Bro CTF шунчаки ўйин эмас, бу реал кибер муҳитда маҳоратингизни ошириш имкониятидир. Бизнинг турнирда реал вазифалар мавжуд. Ўз қобилиятингизни намоён этадиган вақт келди.

Бугун тизимда рўйхатдан ўтиш бошланади. Рўйхатдан ўтиш манзилларини тез орада эълон қиламиз.

📅 Сана: 20 декабрь
⏰ Вақти: 10:00-17:00
📍 Ташкил этилиши: Онлайн

Бизнинг ижтимоий тармоқлардаги саҳифаларимиз
cyber-bro.uz | Telegram |

⚡️ Gonjeshke Darande ҳакерлар гуруҳи Эрондаги ёқилғи қуйиш шаҳобчаларига ҳужум қилди

❌ Эрондаги ёқилғи қуйиш шохобчаларининг деярли 70 фоизи бугунги киберҳужум натижасида ўз фаолиятини тўхтатди, бу эса ўз навбатида узоқ навбатлар ва аҳолининг норозилигига сабаб бўлмоқда.

🎙 Исроил оммавий ахборот воситалари ушбу ҳужумни Gonjeshke Darande ҳакерлар гуруҳига боғлашмоқда ва бу ҳаракат ўз навбатида “Ислом республикаси тажовузига” жавоб деб таъкидламоқда.

💻 Ҳакерлар ёқилғи қуйиш шохобчалари ахборот тизимларининг скриншотларини эълон қилишди. Ушбу тасвирлардан кўриш мумкинки, ҳакерлар гуруҳи ҳар бир шаҳобчанинг марказий серверидан индивидуал маълумотлар, тўлов тизими ва ёқилғи қуйиш шохобчаларини бошқарув тизими тизимларини қўлга олишган.

P.S. Маълумот ўрнида, кибер уруш бир неча кўринишда амалга оширилиши мумкин: тарғибот, вандализм, маълумот ўғирлаш ва шу кабилар. Лекин, кибер урушнинг энг оғир кўринишларидан бири бу - давлатнинг инфраструктура нуқталарига ҳужумдир. Сабаби, киберурушнинг (кибер террор) вандализм, пропаганда ва шунга ўхшаш турлари орқали маълум одамлар ёки гуруҳларга таъсир кўрсатиш мумкин бўлса, инфраструктура нуқталарига ҳужум орқали аҳолига оммавий равишда зарар етказиш мумкин.

Бизнинг ижтимоий тармоқлардаги саҳифаларимиз
cyber-bro.uz | Telegram |

#kun_iqtibosi

Дунёда фақат икки турдаги компаниялар мавжуд: аллақачон ҳакерлик ҳужумига учраган ва энди ҳужумга учрайдиган

Роберт Мюллер,

АҚШ Федерал Қидирув Бюросининг собиқ директори

Бизнинг ижтимоий тармоқлардаги саҳифаларимиз
cyber-bro.uz | Telegram |

Киберхавфсизлик соҳасида корпоратив ўқув курслари

Cyber-Bro компанияси ва Тошкент шаҳридаги Инҳа университети ҳамкорлиги асосида киберхавфсизлик соҳасида қуйидаги корпоратив ўқув курсларини ташкил этиш йўлга қўйилмоқда:

✅ “RED TEAMING” мутахассисларини тайёрлаш курси: ушбу ўқув курсининг асосий мақсади тингловчиларга кибер ҳужумчилар (кўпинча қонун доирасида ҳаракат қилувчи хакерлар деб аталади) каби фикрлашни ўргатиш, жумладан жараёнлар бевосита назорат қилинадиган ва ҳуқуқий муҳитда ташкилотларда pentesting хизматларини амалга ошириш ва хавфсизликни баҳолаш жараёнларини ўргатишдир.

✅ “BLUE TEAMING” мутахассисларини тайёрлаш курси: ушбу кенг қамровли курс киберхавфсизлик ҳимоясига ихтисослашишни мақсад қилган ахборот технологиялари мутахассислари учун мўлжалланган бўлиб, курс давомида тингловчилар тармоқ хавфсизлиги, ҳодисаларга жавоб бериш, хавфсизлик сиёсати, хавфларни баҳолаш, кибертаҳдидларни аниқлаш, уларга жавоб бериш ва олдини олиш усулларини ўрганадилар.

🎖 Ушбу корпоратив ўқув курсларида кибермудофаа жараёнларида иштирок этувчи давлат, ҳукумат, ҳуқуқни муҳофаза қилувчи орган ходимлари, ҳарбий хизматчилар ва ахборот технологиялари мутахассислари G2B, B2B форматида таълим олишлари мумкин.

Бизнинг ижтимоий тармоқлардаги саҳифаларимиз
cyber-bro.uz | Telegram |

⚡️ Xitoy xakerlari "SugarGh0st RAT" virusi orqali O‘zbekiston va Janubiy Koreyaning bir qancha davlat idoralariga hujum qilgani haqida Talosintelligence mutaxassislari eʼlon qilishdi.

Xakerlar O‘zbekiston tashqi ishlar vazirligiga yuborgan xabarida zararli hujjat bo‘lib u bir nechta bosqichlarda virusning asosiy modullarini xakerlarning serverlaridan yuklab oladi.

Dastlabki zararlash usuli sifatida xakerlar ijtimoiy muhandislikdan foydalanishgan, jumladan ular vazirlikga O‘zbek tilidagi matnga ega Word faylni yuborishgan.

Bu tashqi ishlar vazirligiga bo‘lgan birinchi ochiq eʼlon qilingan xakerlik hujumi emas, bu haqida biz oldin ham maʼlum qilgan edik.

Бизнинг ижтимоий тармоқлардаги саҳифаларимиз
cyber-bro.uz | Telegram |

🔴AXBOROT TEXNOLOGIYALARI VA KIBERXAVFSIZLIK

🟤Alfraganus universiteti rektori M.Maxmudov Kiberxavfsizlik sohasida samarali faoliyat olib borayotgan Cyber-Bro kompaniyasi vakillari bilan uchrashuv oʻtkazdi. Ushbu uchrashuvda Raqamli texnologiyalar fakulteti dekani hamda kafedra mudiri ham ishtirok etdi.

🟤Unda kiberxavfsizlik sohasida qoʻshma ilmiy-tadqiqot loyihalar olib borish, zamonaviy ilgʻor texnologiyalar boʻyicha tajriba almashish hamda kadrlar tayyorlash boʻyicha qoʻshimcha maxsus oʻquv dasturlarni ishlab chiqishda universitet va kompaniyaning oʻzaro hamkorlik asoslari belgilab olindi.

🟤Natijada ikki tomonlama anglashuv memorandumi imzolandi.

🟤Uchrashuvdan soʻng, kompaniya vakillari va Alfraganus universitetida tahsil olayotgan talabalar bilan kiberxavfsizlik sohasidagi dolzarb mavzular boʻyicha davra suhbati tashkil etilib, oʻzaro fikr-mulohazalar, taklif va tavsiyalar bildirildi.

Manba: Alfraganus Universiteti

Бизнинг ижтимоий тармоқлардаги саҳифаларимиз
cyber-bro.uz | Telegram |