Chunchon O’zbeklar Jamiyati

📢 Chunchon O‘zbeklar Jamiyatida yangi prezident faoliyatini boshladi!

📅 15-oktyabr kuni Chunchon O‘zbeklar Jamiyatining navbatdagi yig‘ilishi bo‘lib o‘tdi.

Yig‘ilish davomida saylov natijalariga muvofiq, Dr. Valijon Turakulovga Jamiyat prezidentligi yorlig‘i topshirildi.

Shuningdek, Jamiyatning birinchi prezidenti Hasanboy Juraturg‘unovga shu vaqtga qadar olib borgan faoliyati va Jamiyat rivojiga qo‘shgan hissasi uchun mas’ullar tomonidan minnatdorchilik bildirildi. Unga Jamiyatning maxsus faxriy yorlig‘i topshirildi.

🤝 Dr. Valijon Turakulov shu kundan e’tiboran prezidentlik faoliyatiga rasman kirishdi. Yig‘ilish davomida Jamiyatning kelgusidagi faoliyati va rejalari yuzasidan dastlabki kelishuvlarga erishildi.

Yangi prezidentga mas’uliyatli faoliyatida muvaffaqiyatlar, Jamiyatimizga esa yanada rivojlanish va birdamlik tilaymiz!
————————————
CHO’J - Birgalikda tarix yaratamiz!

📱Telegram | 🌐Instagram | 🔥YouTube | 🌐Facebook

🕌 SEULDA ISLOM MADANIYATI KUNI! 🌙

🇺🇿 Assalomu alaykum, hurmatli Chuncheon shahridagi vatandoshlar!

📢 24-oktabr kuni Seul markaziy masjidida “ISLAMIC CULTURE DAY 2026” — Islom madaniyati kuni tadbiri bo‘lib o‘tadi!

Ushbu tadbirda turli millat vakillari bilan birgalikda Islom madaniyati, tarixi va an’analari bilan yaqindan tanishish imkoniyati mavjud.

✨ Tadbir dasturida:

📚 Book Exhibition — Kitoblar ko‘rgazmasi

🛍 Bazaar — Sharqona bozor va savdo rastalari

🎤 Lecture — Islom madaniyatiga oid ma’ruzalar

📅 Sana: 24-oktabr, 2026-yil (shanba)

⏰ Vaqt: 11:00 – 16:00

📍 Manzil: Seoul Central Masjid (서울중앙성원), Itaewon, Seul

🌏 Dam olish kunini mazmunli o‘tkazish, yangi bilimlar olish va turli madaniyatlar bilan tanishish uchun ajoyib imkoniyat!

🤝 Do‘stlaringiz va yaqinlaringiz bilan tashrif buyurishingiz mumkin.

🇺🇿 Chuncheon O‘zbeklar Jamiyati

Birgalikda tarix yaratamiz!

📱Telegram | 🌐Instagram | 🔥YouTube | 🌐Facebook

🎤 TED TALK | 2-UCHRASHUV

📚 20-oktyabr kuni TED Talk loyihamizning navbatdagi uchrashuvini o‘tkazamiz!

Birinchi tadbirimizda 5 nafar ma’ruzachimiz turli mavzularda o‘z fikr va qarashlarini biz bilan bo‘lishishdi. Endi esa bu an’anani davom ettiramiz.

🧠 Maqsadimiz shunchaki ma’ruza tinglash emas. Yangi narsalarni o‘rganish, o‘zimizni qiziqtirgan savollarga javob izlash va turli mavzularda fikr almashish.

🎙 Sizda ham boshqalar bilan bo‘lishishga arziydigan g‘oya yoki qiziqarli mavzu bormi? Unda bu gal tinglovchi emas, ma’ruzachi bo‘ling!

💡 O‘z g‘oyangizni taqdim etish, omma oldida nutq so‘zlash tajribasini orttirish va fikrlaringizni boshqalar bilan bo‘lishish uchun ayni imkoniyat.
📩 Ma’ruzachi yoki tinglovchi sifatida qatnashmoqchi bo‘lsangiz, hoziroq ma'sul shaxslarga murojaat qiling! O‘zingiz qiziqqan mavzuni tanlang, qolganini birgalikda tayyorlaymiz.

📅 Sana: 20-oktyabr, 19:30
Ro'yxatdan o'tish uchun: @ganiev_akhrorjon

Yaxshi g‘oya faqat o‘zimizda qolib ketmasin. Uni boshqalar bilan ham bo‘lishaylik! 🚀

Chunchon O'zbeklar Jamiyati
Ta'lim va Akademik Rivojlanish Bo'limi

📱Telegram | 🌐Instagram | 🔥YouTube | 🌐Facebook

🗣️ English Speaking Club

Our English Speaking Club meets every week!

Want to improve your English speaking skills in a friendly, fun, and relaxed environment? Come join us, make new friends, share ideas, and practice English naturally!

No pressure, just practice and fun!

Don’t wait — join us and take your English to the next level!
————————————
CHO’J - Birgalikda tarix yaratamiz!

📱Telegram | 🌐Instagram | 🔥YouTube | 🌐Facebook

📢 RASMIY E’LON | SAYLOV YAKUNLANDI 🗳️

Hurmatli Chunchon O‘zbeklar Jamiyati a’zolari!

Jamiyatimiz Prezidenti saylovi o‘z nihoyasiga yetdi. Saylov jarayonida faol ishtirok etib, o‘z ovozini bergan barcha a’zolarimizga samimiy minnatdorlik bildiramiz! 🤝

Tez orada Chunchon O‘zbeklar Jamiyatining yangi Prezidenti rasman tanishtiriladi, shuningdek, jamiyatning mas’ullar tarkibi ham e’lon qilinadi.

📌 Batafsil ma’lumot va navbatdagi rasmiy e’lonlarni kutib qoling! Yangiliklarni o‘tkazib yubormaslik uchun kanalimizni kuzatib boring.

Barchangizga ishonchingiz, faolligingiz va hamkorligingiz uchun rahmat!

CHO’J - Birgalikda tarix yaratamiz!

Hurmat bilan,
Chunchon O‘zbeklar Jamiyati

📱Telegram | 🌐Instagram | 🔥YouTube | 🌐Facebook

📢 RASMIY BAYONOT | SAYLOV NATIJALARI 🗳️

Hurmatli Chunchon O‘zbeklar Jamiyati a’zolari!

Bugun bo‘lib o‘tgan Jamiyat Prezidenti saylovi o‘z nihoyasiga yetdi. Saylov jarayonida ishtirok etib, o‘z ovozini bergan barcha a’zolarimizga samimiy minnatdorlik bildiramiz.

📊 SAYLOV YAKUNIY NATIJALARI:

🥇 G‘olib nomzod: Valijon aka Turakulov

🗳 Jami berilgan ovozlar: 322 kishi

📈 Nomzodlar bo‘yicha natijalar:

▪️ 1-nomzod: 202 ovoz
▪️ 2-nomzod: 61 ovoz
▪️ 3-nomzod: 59 ovoz

Saylovda ishtirok etgan barcha a’zolarga faolligi, ishonchi va befarq bo‘lmagani uchun rahmat aytamiz.

G‘olibni tabriklaymiz va yangi rahbariyat faoliyatiga muvaffaqiyat tilaymiz! Umid qilamizki, kelgusida hamjihatlik, o‘zaro hurmat va umumiy maqsadlar yo‘lida birgalikda ishlashda davom etamiz.

Jamiyatimizning kuchi - hamjihatligimizda! 🤝

Hurmat bilan,
Chunchon O‘zbeklar Jamiyati

📱Telegram | 🌐Instagram | 🔥YouTube | 🌐Facebook

📢 SO‘NGGI ESLATMA! 🗳️

Hurmatli Chunchon O‘zbeklar Jamiyati a’zolari!

⏰ Saylov yakunlanishiga atigi 2 soat vaqt qoldi! Ovoz berish jarayoni bugun soat 22:00 da yakunlanadi.

Hali ovoz bermagan bo‘lsangiz, sizdan o‘z tanlovingizni amalga oshirib, saylovda faol ishtirok etishingizni so‘raymiz. Har bir ovoz muhim!

Keling, jamiyatimiz kelajagiga befarq bo‘lmaylik va o‘z fuqarolik mas’uliyatimizni namoyon qilaylik! 🤝

Hurmat bilan, CHO'J

📢 Hurmatli jamiyat a’zolari!

🗳 Ovoz berish jarayoni allaqachon boshlangan va qizg‘in davom etmoqda! Siz ham saylovda faol ishtirok etib, o‘z ovozingizni berishni unutmang!

Shu bilan birga, saylovning xolis va adolatli o‘tishini ta’minlash maqsadida, ayni vaqtda Chunchon shahridan tashqarida yashayotgan yoki O‘zbekistonga qaytib ketgan a’zolarimizdan ushbu ovoz berish jarayonida ishtirok etmasliklarini so‘raymiz.

Tushunishingiz va hamkorligingiz uchun rahmat! 🤝

Hurmat bilan, CHO'J

📱Telegram | 🌐Instagram | 🔥YouTube | 🌐Facebook

Assalomu alaykum ahli Chunchon!
Barchamizga ma'lum Chunchon O'zbeklar jamiyatimiz tashkil topganiga 1 yil to'ldi. Bu vaqt davomida birgalikda ko'p ishlar qildik, turli xil loyihalar amalga oshirdik. Ishonamanki jamiyatimiz vatandoshlarni birlashtirish, yurtimiz va yurtdoshlarimiz obro'sini Korea davlatida yuqorilarga ko'tarish uchun davomli xizmat qiladi. Bu post orqali o'tgan 1 yil davomida qilgan ishlarimizni qisqacha eslab o'tmoqchiman:

1. 2025-yil 29-Sentyabr kuni yangi tashkil topgan jamiyatimiz Prezidentini rasman e'lon qilgan edik

2. 2025-yil 14-Oktyabr kuni Jamiyatimiz tarixida ilk bor Zakovat bellashuvi o'tkazildi

3. 2025-yil 23-Noyabr kuni 30 dan ortiq o'yinchilar ishtirokida Shaxmat turniri o'tkazildi

4. 2025-yil 21-Dekabr kuni Zakovat bellashuvining 2-sonini muvaffaqiyatli o'tkazdik

5. 2026-yil 25-Mart kuni O'zbeklar orasida taniqli bo'lgan Umidjon Eshmuhammedov hamda Muhammadali Eshonqulovlar ishtirokida vatandoshlar bilan uchrashuv o'tkazildi

6. 2026-yil 5-Aprel kuni Korea huquq sohasida o'z o'rniga ega bo'lgan Jamshiddin Hojimuhammedov, data base engineer Azamat Rashidov StudyHub agency asoschisi Ne'matjonov Ma'rufjonlar ishtirokida seminar tashkil qilindi

7. 2026-yil 24-Aprel kuni "Chunchon O'zbeklar Jamiyati" shaxar hokimyatidan rasman jamiyat sifatida ro'yhatdan o'tkazildi

8. 2026-yil 9-May kuni Korea bo'ylab yeg'ilgan jamoalar ishtirokida katta Futbol chempionati o'tkazildi

9. 2026-yil 30-May kuni WAYU hamda O'zbekiston respublikasining Koreadagi elchixonasi bilan birgalikda katta Zakovat bellashuvi o'tkazildi

10. 2026-yil 5-Sentyabr kuni O'zbekiston mustaqilligining 35 yilligi munosabati bilan bayram tadbiri ko'tarinki ruhda o'tkazildi

Shuningdek jamiyatimizda vatandoshlarimiz orasida odatga aylanib ulgurgan bir nechta loyihalarni ham takidlab o'tmoqchiman:

1. Book club
2. Speaking club
3. Ted Talks
4. Hot spot Podcast
5. Hiking club

kabi kichik loyihalar ham jadallik bilan davom etmoqda.

So'z o'rnida bir narsani aytib o'tmoqchiman, o'tgan 1 yil jamoamiz uchun katta tajriba davri bo'ldi. Bu davr mobaynida samarali loyihalar bilan katta muvaffaqiyatlarga erishgan bo'lsak, jarayon davomida qilgan xato va kamchiliklarimizdan ham kerakli saboqlarni chiqardik. Kelasi reja va maqsadlarimiz yo'lida boshlang'ich tajribalarimiz jamiyatimiz rivoji va vatandoshlarimiz manfaatlari yo'lida munosib ahamiyat kasb qiladi deb o'ylayman.

Yillik hisobot yakunida e'tirof etib ketishim kerak bo'lgan masalalar bor. Avvalo bizni qo'llab-quvvatlab turgan jamiyatimiz vakillari aziz vatandoshlarimiz sizlarga katta rahmat! Yurtdoshlarimiz birligi uchun xizmatda bo'lib turgan barchaga samimiy minnatdorchiligimni bildiraman.
Jamiyatimiz tashkil topganidan buyon hech qanday manfaat ko'zlamasdan, oilasi, o'qishi, shaxsiy hayotidan ortib boshqaruv ishlarida mas'uliyatni olib kelayotgan jamoamiz a'zolariga tashakkurlar aytaman.

Jamiyatimiz nizomiga muvofiq Prezidentlik saylovi har 1 yilda qilib belgilangani sababidan o'tgan yil davomida bizga bosh bo'lgan Hasanjon Jo'raturg'unov sizga chuqur minnatdorchiligimizni bildiramiz. Yuqorida sanab o'tilgan ishlar boshida turib o'z vaqtingizni, energiyangizni yurtdoshlarimiz manfaatlari uchun ayamaganingiz tahsinga sazovor. Tobora rivojlanib borayotgan jamiyatimiz poydevori qurilishida bosh bo'lganingiz jamiyatimiz tarixida qolishiga ishonaman.

Aziz vatandoshlar, musofir yurtda birlashib, birgalikda vatanimiz sha'nini yuqoriga ko'tarib, bir-birimizni qo'llab-quvvatlab yurishligimiz bardavom bo'lsin. Birgalikda boshqalar havas qiladigan birdamlik va natijalar ko'rsatishligimiz nasib etsin. Katta rahmat!

Hurmat bilan, "Chunchon O'zbeklar Jamiyati" vitsa prezidenti: Shahzodbek Komilov

📱Telegram | 🌐Instagram | 🔥YouTube | 🌐Facebook

🔥🔥🔥 RASMIY E’LON | SAYLOV JARAYONI

Hurmatli Chunchon O‘zbeklar Jamiyati a’zolari!

Ertaga, 11-oktyabr kuni, Chunchon O‘zbeklar Jamiyati Prezidenti saylovi bo‘lib o‘tadi. Saylov jarayoni Telegram platformasi orqali onlayn ovoz berish shaklida tashkil etiladi.

Saylovni tartibli, xolis va adolatli o‘tkazish, shuningdek, ovoz berish jarayoniga tashqi ta’sirlarning oldini olish maqsadida ertaga soat 10:00 dan 22:00 ga qadar (12 soat davomida) ushbu guruhda xabar yozish va xabarlarni ulashish imkoniyati vaqtincha cheklanadi.

Mazkur cheklov faqat belgilangan vaqt oralig‘ida amal qiladi. Soat 22:00 dan boshlab guruhning faoliyati odatdagi tartibda davom ettiriladi.

Barcha jamiyat a’zolarini saylov jarayonida faol ishtirok etishga, o‘z tanlovlarini erkin va mas’uliyat bilan amalga oshirishga chaqiramiz. Har bir ovoz jamiyatimiz kelajagi uchun muhim ahamiyatga ega.

Vaqtinchalik noqulayliklar uchun uzr so‘raymiz. Tushunishingiz va hamkorligingiz uchun rahmat!

Hurmat bilan,
Chunchon O‘zbeklar Jamiyati

CHO’J - Birgalikda tarix yaratamiz!

📚 Chunchon O‘zbeklar Jamiyatining navbatdagi Book Club yig‘ilishi bo‘lib o‘tdi!

Unda klub a’zolari o‘tgan bir oy davomida o‘qib tugatgan kitoblari haqidagi taassurotlari, olgan saboqlari va qiziqarli fikrlari bilan o‘rtoqlashdilar.

Uchrashuv, odatdagidek, qiziqarli va foydali suhbatlar, fikr almashuvlari hamda yangi g‘oyalarga boy bo‘ldi. 📖

Keyingi uchrashuvga qadar siz ham o‘zingiz tanlagan kitobni o‘qib tugating va ilm bilan hamnafas bo‘ling! 📚
————————————
CHO’J - Birgalikda tarix yaratamiz!

📱Telegram | 🌐Instagram | 🔥YouTube | 🌐Facebook

📢 NOMZODLAR BILAN UCHRASHUV

Chunchon O‘zbeklar Jamiyati prezidentligi uchun o‘tkazilayotgan saylov tadbiri doirasida prezidentlikka nomzodlarning faollar va jamiyat a’zolari bilan uchrashuvi bo‘lib o‘tadi.

🤝 Uchrashuv davomida nomzodlar o‘zlarining saylovoldi dasturlari bilan tanishtirib, asosiy maqsad va tashabbuslari haqida ma’lumot beradilar.

❓Shuningdek, uchrashuv ishtirokchilari nomzodlarga o‘zlarini qiziqtirgan savollarni berishlari va bevosita javob olishlari mumkin.

Barchangizni ushbu uchrashuvda faol ishtirok etishga taklif qilamiz!

🇺🇿 Keling, birdamlik yo‘lida birlashaylik va Chunchon O‘zbeklar Jamiyatining kelajagini birgalikda belgilaylik!

🗓 Sana: 09.10.2026, juma
⏰ Vaqt: 19:00
📍 Manzil: 만나카페 [link]

Kofe uchun 5,000 won olib kelish tavfsiya etiladi.

————————————
CHO’J - Birgalikda tarix yaratamiz!

📱Telegram | 🌐Instagram | 🔥YouTube | 🌐Facebook

📚 “O‘ZBEK ADABIYOTI” — KITOBXONLAR UCHRASHUVI YAKUNLANDI!

3-oktyabr kuni Seoul Forest Parkda kitobxonlik, bilim va jamoaviy ruhni birlashtirgan navbatdagi uchrashuvimizni muvaffaqiyatli o‘tkazdik.

Tadbir davomida ishtirokchilar 6 ta jamoaga bo‘linib, o‘zbek adabiyotiga oid turli intellektual va ijodiy shartlarda o‘zaro bellashdilar. Quiz, mantiqiy topshiriqlar va jamoaviy o‘yinlar orqali ishtirokchilar nafaqat o‘z bilimlarini sinovdan o‘tkazdilar, balki yangi do‘stlar orttirdilar va maroqli vaqt o‘tkazdilar.

🏆 Tadbirning faxrli 1-o‘rinini “Yangi Avlod” jamoasi qo‘lga kiritdi!

G‘olib va faol ishtirokchilar munosib ravishda kitoblar hamda esdalik sovg‘alari bilan taqdirlandilar.

Tadbirda ishtirok etgan barcha jamoalar, mehmonlar va tashkilotchilarga o‘z minnatdorchiligimizni bildiramiz. Sizlarning ishtirokingiz tadbirimizni yanada mazmunli va unutilmas qildi.

Hamkorlikda:
WAYU Korea × Bir Ilm × Chunchon O'zbeklar Jamiyati, Book club × Sanoattor × coinshot

ChUJ
Ta'lim va akademik rivojlanish bo'limi

NOMZOD DASTURI
Mavlonbek Tulanboev

Prezidentlikka nomzod sifatida mening dasturim 5 ta asosiy yo‘nalishga tayanadi:
1. 🤝 OCHIQLIK - hamma uchun teng va do‘stona muhit
Jamiyatda kelib chiqishi, yoshi, kasbi, ijtimoiy mavqei, qarashlari yoki faoliyatdagi ishtirok darajasidan qat’i nazar, barcha uchun ochiq, teng va o‘zaro hurmatga asoslangan muhitni shakllantirish ustuvor vazifadir.
2. 🌱 DAVOMIYLIK - boshlangan ishlarni qo‘llab-quvvatlash
Jamiyat mas’ullari, faollari va yoshlari hozirda amalga oshirayotgan ilm-fan, sport, ta’lim, madaniyat va boshqa yo‘nalishlardagi loyihalarni hamda ularning tashkilotchilarini faol qo‘llab-quvvatlashni davom ettirish. O‘zbekiston Respublikasining Janubiy Koreyadagi elchixonasi, mahalliy hokimiyat organlari va boshqa aloqador tashkilotlar bilan mavjud hamkorlikni mustahkamlash.
3. 📋 TIZIM - shaffof va professional boshqaruv
CHO‘J faoliyatini o‘zbekona qo‘ni-qo‘shnichilik va mahalliychilik tamoyillari bilan birga, aniq tartib-qoidalar, shaffof boshqaruv va qonuniy-huquqiy asoslarga tayangan professional jamoatchilik tashkilotiga aylantirish siyosatini jadallashtirish va yakuniga yetkazish:
• faoliyatni tartibga soluvchi mexanizmlarni takomillashtirish;
• ichki mas’uliyat va hisobdorlik tizimini kuchaytirish;
• jamoatchilik nazorati mexanizmlarini shakllantirish.
4. 🗣 MULOQOT - turfa fikrlarga hurmat
Turli fikr va qarashlarning mavjudligi tabiiy holat, xilma-xillik esa qarama-qarshilik manbai emas, rivojlanish imkoniyatidir. Jamiyat faoliyati quyidagilarga asoslanadi:
• turli qarashdagi insonlar bilan ochiq muloqot;
• konstruktiv tanqidni qabul qilish;
• shaxsga emas, masalaga munosabat bildirish;
• o‘zaro hurmat va muomala madaniyatini saqlash;
• kelishmovchiliklarni tinch va madaniyatli yo‘l bilan hal etish.
Jamiyatning asosiy kuchi ichki nizolarga emas, foydali va birlashtiruvchi tashabbuslarga yo‘naltiriladi.
5. ✅ YANGI AVLOD - faollar va yoshlarni qo‘llab-quvvatlash
Jamiyatning uzoq muddatli rivoji faol fuqarolar va yoshlar tashabbusisiz mumkin emas. Tashabbuskor a’zolarni qo‘llab-quvvatlash, ularning salohiyatini rivojlantirish va kelajakdagi tashkilotchilar hamda yetakchilar bo‘lib yetishishiga ko‘maklashish:
• “New Generation” yoshlar harakati faoliyatini qo‘llab-quvvatlash;
• “Faollar Harakati” faoliyatini rivojlantirish va tashabbuslarini rag‘batlantirish.

🙋 Nega aynan men?
Men CHO‘Jning doimiy faoliyatida bevosita ishtirok etib kelayotgan mas’ullardan biri sifatida Jamiyatning imkoniyatlari, yo‘nalishlari va dolzarb muammolarini yaqindan bilaman. O’zim asosiy tashabbuskorlaridan bo’lgan va yana ko’plab mas’ullar tomonidan olib borilayotgan tizimlashtirish siyosatini yakuniga yetkazib boshqa loyihalar uchun ishonchli asos yaratish kerak deb hisoblayman.

CHO‘J — Birgalikda tarix yaratamiz! 🤝

NOMZOD DASTURI
Dr Akhrorjon Ganiev

Prezidentlikka nomzod sifatida mening dasturim 7 ta asosiy yo‘nalishga tayanadi:

1. 🇺🇿🇰🇷 Yagona tarmoq - Koreyadagi o‘zbeklarni bog‘lash
Chunchon shaxri bilan cheklanib qolmay, Koreyaning boshqa shaharlaridagi o‘zbek jamoalari, talabalar va yoshlar bilan hamkorlik tarmog‘ini yaratish. Universitetlar, jamoalar va faol yoshlar o‘rtasida tajriba almashish va qo‘shma loyihalarni yo‘lga qo‘yish.

2. 🎓 TA’LIM - imkoniyatlarni bir joyga jamlash
Koreyada o‘qish, TOPIK, stipendiyalar, grantlar, magistratura va doktorantura imkoniyatlari bo‘yicha yagona ma’lumot va maslahat platformasi yaratish. Tajribali talabalar va bitiruvchilarni yangi kelganlarga mentor sifatida bog‘lash.

3. 🔬 ILM - Koreya va O‘zbekiston o‘rtasida akademik ko‘prik
O‘zbek talabalarining ilmiy salohiyatini birlashtirish: maqola yozish, tadqiqot metodologiyasi, konferensiyalar va grantlar bo‘yicha seminarlar tashkil etish. Koreyadagi yosh tadqiqotchilarni O‘zbekistondagi universitet va ilmiy doiralar bilan bog‘laydigan hamkorliklarni rivojlantirish.

4. 💼 KASBIY RIVOJLANISH - diplomdan keyingi imkoniyatlar
Talabalarni faqat o‘qishga emas, kelajakdagi kasbiga ham tayyorlash. Koreyada faoliyat yuritayotgan o‘zbek mutaxassislari bilan uchrashuvlar, CV/intervyu treninglari, networking va amaliy tajriba almashish imkoniyatlarini kengaytirish.

5. 🤝 JAMOAVIY HAMKORLIK - kuchni birlashtirish
Koreyadagi o‘zbek jamoalari, talabalar tashkilotlari, universitetlar va tegishli tashkilotlar bilan qo‘shma loyihalarni ko‘paytirish. Maqsadim alohida-alohida kichik tashabbuslar emas, bir-birini to‘ldiradigan hamkorlik tizimini yaratish.

6. 🇺🇿 O‘ZBEKISTON BILAN ALOQA - diaspora salohiyatini qaytarish
Koreyada o‘qiyotgan va ishlayotgan yoshlarning bilim, tajriba va professional aloqalarini O‘zbekiston rivojiga yo‘naltirish. O‘zbekiston universitetlari, yoshlar va ilmiy tashkilotlar bilan qo‘shma seminarlar, loyihalar va tajriba almashinuvlarini tashkil qilish.

7. 🧠 INSON - jamiyatning markazida
Koreyada yashash va o‘qish bilan bog‘liq stress, moslashuv, yolg‘izlik va akademik bosim kabi muammolarga e’tibor qaratish. Psixologik maslahat, moslashuv seminarlar va o‘zaro qo‘llab-quvvatlash mexanizmlarini rivojlantirish.

Dastur g‘oyasini esa bitta jumlada shunday berish mumkin:
Chunchondagi faol jamoani Koreyadagi o‘zbeklar tarmog‘iga, Koreyadagi imkoniyatlarni esa O‘zbekiston bilan bog‘laydigan ko‘prikka aylantirish.

Mening nazarimda, jamiyatning kuchi bir kishining qarorida emas, har bir a’zoning ishtirokida.

Har bir jamiyat a'zosi - teng ovoz.
Har bir fikr - e’tiborli.
Har bir imkoniyat - birgalikda yaratiladi. 🤝
Ovozingiz - kelajagimiz.

Nima uchu menga ovoz berishingiz kerak:
Men bu saylovda o‘zimni emas, birgalikda qura oladigan jamiyatimizni taklif qilyapman. Men uchun prezidentlik - boshqalardan ustun turish emas, boshqalarga ko‘proq mas’ul bo‘lish degani. Agar siz ham har bir talabaning fikri eshitiladigan, imkoniyatlar ko‘proq, ishtirok kengroq va qarorlar ochiq qabul qilinadigan jamiyatni istasangiz, men shu yo‘lda ishlashga tayyorman. Chunki kuchli jamiyat bir kishining emas, har birimizning hissamiz bilan quriladi. Men esa o‘z hissamni amalda qo‘shishga tayyorman.

NOMZOD DASTURI
Dr. Valijon Turakulov

1. TASHKILOTNI MUSTAHKAMLASH
- Aniq nizom, saylangan qo'mita va vakolat muddatlari
- A'zolar uchun ochiq hisobotlar (faoliyat, a'zolik, moliya)

2. CHUNCHON HOKIMLIGI BILAN ALOQA
- "Uzbekistan Day" kunini rasman tasdiqlatish uchun murojaat qilish
- Talabalar uchun grant dasturlari va maktablarda o'zbek madaniyati kunlari (o'qitish orqali daromad imkoniyati)

3. MENTORLIK VA AKADEMIK MARKAZ
- Yuqori kurs talabalari yangi kelganlarga yo'l-yo'riq ko'rsatadi (o'qish, koreys tili, viza, kundalik hayot)
- Chunchonni o'zbek talabalari va professorlari uchrashadigan akademik markazga aylantirish

4. HUMBLEBEE AI ACADEMY FILIALI
- A'zolar uchun amaliy sun'iy intellekt va raqamli ko'nikmalar bo'yicha o'qitish
- Karyera va loyiha imkoniyatlari

5. O'ZBEKISTONGA KO'PRIK
- Elchixona bilan hujjat ishlarida qulay va tezroq yo'l topish
- Universitetlar va biznes tarmoqlari bilan almashinuv, mehmon ma'ruzalari, stajirovkalar

6. OVOZ VA TARG'IBOT
- Yosh o'zbek influencerlari va tarmog'imni onlayn va oflayn jalb etish
- Muvaffaqiyat obunachilar sonida emas, yordam berilgan a'zolar soni bilan o'lchanadi

Nima uchun menga ovoz berishingiz kerak:

Yosh jamiyatga eng avval tizim kerak: aniq qoidalar, ochiq hisobotlar va har bir a'zoga yo'l ochadigan mentorlik. Men Koreyada 10 yildan ortiq yashadim, o'qidim va hozir talabalar bilan ishlayman. Yangi kelganlarning qiyinchiliklarini bilaman.

Men Chunchonni o'zbeklar uchun bir-biridan o'rganadigan, hokimlik va elchixona bilan hamkorlik qiladigan kuchli markazga aylantirmoqchiman. Va'dalarimni hisobot bilan tekshirasiz.