🍎🏃📚✏️
⛔️پانتُرک⛔️ دئییمی نین انَ دوٌزگون و کامل اینجَله مه سی
♦️بریتانیا نین گوٌجلو پروپاگانداسی پان-تورکیسم اصطلاحی نی ایلک دفعه اوْلاراق دوٌنیا نین سیاسی - توْپلومسال اصطلاحاتینا آرتیردی!
پان توٌرکیسم و یا سوْنرالار دا پان تورانیسم آنادوْلو دان قالخان و آنادوْلو ، بالکان ، بین النهرین ، آذربایجان و توٌرکستان و کریمه ده یاشیان بوٌتؤو توٌرک - تاتار میلت لرین بیرلشدیرمه سی آماجینا دئییلیردی و بو دوٌشونجه نی سیاست مئیدانینا گتیرن ده توٌرکیه اؤلکه سینده اتحاد و ترقی نین گنچ توٌرک لر (تورکان جوان) حزبی اوْلموشدو!
پان توٌرکیسم اصطلاحی بریتانیا پروپاگانداسیندا بیر رادیکال ، ایرقچی (نژادپرست) و تئرورچو آنلامینا صاحبی ایدی!
🟢 اما بو آرادا بیر اؤنملی سوْرغو (سوال) اوْرتایا چیخماقدا دیر!
ائرمنی لرین بؤیوک ائرمنستان آرمانلاری اوْلدوقلاری زمان
آشوری لرین بؤیوک آشوریا (آشورستان) آرمانلاری اوْلدوقلاری زمان
کوٌردلرین بؤیوک کوٌردستان خیال لاری اوْلدوقلاری زمان
فارس لارین بؤیوک ایرانشهر آرمان لاری اوْلدوقلاری زمان
عرب لرین باغیمسیز و اؤزگوٌر عربستان آرمان لاری اوْلدوقلاری زمان
❓ نیه یالنیزجا توٌرک لرین بؤیوک توران آرمانلارینا (پان) تورکیسم اصطلاحی ایشلنمک ده ایدی؟
❓به نیه هئچ کیمسه پان ائرمنی ، پان آشوری ، پان عرب ، پان فارس و ... سؤزلرینی دیلینه گتیرمیردی؟
🔵 بو سوْرغونو دَرین اینجَلَمک (بررسی ائله مک) اوٌچون ، ایلک دوٌنیا ساواشینا قاییتمالیییق!
عثمانلی ، آلمان و اتریش-مجارستان "متحدین" جناحیندا و اوْنا قارشی دا بریتانیا ، روسیه و فرانسه ده "متفقین" جناحیندا بؤلونموشدولر!
یعنی عثمانلی و بریتانیا علنا ایکی دوشمن کیمی ایلک دوٌنیا ساواشیندا قارشیلاشماقدا ایدی لار!
🟣 عثمانلی دولتی اؤز گوٌجونو آرتیریب و داها چوْخ متحد و یوْلداش تاپماق اوٌچون ایکی ایدئولوژی نی ساواش زمانیندا ایشلدیردی
❕بیریسی اسلامچیلیق و سوْنرالار دا ایکینجی سی توٌرکچولوق!
اسلامچیلیق یوْلو ایله هند ، پاکستان ، ایران ، عراق ، عربستان ، بالکان ، روسیه و ... ده یاشییان مسلمان میللت لرینی بیر اعلامیه ایله دینی بیر "جهاد" اوٌچون چاغیردی.
سوْنرالار دا قفقاز و آذربایجان دا ، توٌرکوستان و کریمه و بالکان و بین النهرین ده یاشییان توٌرک میللت لری ده توٌرکچولوق و بؤیوک توران آرمانی ایله اؤز اوْردسونو قاتدی و بو توْرپاقلاری اؤزونه آرتیرماق ایله الدن وئرمیش گوٌجونو دیریلدیب و احیاء ائتمیه چالیشدی
‼️هم اسلامچلیق و هم ده تورکچولوق ایکی سی ده بریتانیا نین هندوستان و پاکستان و ایران و عربستان دا کی سیاسی - اقتصادی منفعت لرینه بؤیوک بیر خطر ایدی!
- بریتانیا ، عینی زمان دا کی ائرمنی لری سلاح وئرمک ایله بؤیوک ائرمنستانین قوْرماغینا چاغیردی
- عرب لری ادوارد لارنس طریقی اؤزلرینه عاید اوْلان بیر دولت قورماق ایله آلداتدی
- فارس لاری بؤیوک بیر تمدن و تاریخه صاحب اوْلماق لاری ایله آلداتدی
- آشوری لری مار شیمون بنیامین طریقی ایله بؤیوک آشورستان دولتین قورولماسینا تحریک ائله دی
-کوٌرد لری بارزانی و سیمیتقو ایله بؤیوک کوٌردستان دولتی خیالی ایله اوْیناتدی
- یونانلی لاری کنستانتینپوْل(استانبول) ون فتح اوْلماسی ایله هَوَسه گتیردی
گلدی توٌرک لرین میللی دویغولارینی دا پان تورکیسم یا پان تورانیسم آدی ایله تخریب ائله مه یه چالیشدی
مسیحی لرین سوْی قیریمی اتهامی ، ایلک دفعه بریتانیا نین طرفیندن توٌرک لری داها چوخ دونیا دا باسقی آلتینا قوْیوب و توٌرکچولوغو پیس گؤرستمک آماج (هدف) ایله یاییلدی!
✅ پان تورکیسم اصطلاحی تماما بیر بریتانیا پروپاگانداسی ایدی
⚪️ نیه پانتُرک اصطلاحی ایران دا بونجا وایرال اولدو؟
ایران ایللر بوْیو بریتانیا نین نفوذونون آلتیندا اوْلان بیر اؤلکه ساییلماقدا ایدی ، فارسچیلیق دویغوسو مشروطه دؤنمین دن سیاسی مئیدان تاپیب و پهلوی دؤنمینده بریتانیا نین آدام لاری نین طریقی ایله ایران دا تثبیت اوْلوندو
پانتُرک اصطلاحی اوْ دونم دن ایرانین سیاسی ادبیاتینا گیریب و توٌرک میللتی نین حق و حقوقو اوٌچون پهلوی حکومتینه اعتراض ائله ین لره سؤیلَنمکده اوْلدو!
✅عینا کوروش و داریوش و هخامنشیان کیمی ، پانتُرک اصطلاحی دا بریتانیا نین پروپاگاندا سی نین وارداتی دیر و داها اؤنجه ده توٌرک لره قارشی اوْلان پروپاگاندا دا ایشلنمیشدی و بوگوٌنه کیمی ده دوامی وار!
✨بیریسی بیزه پانتُرک دئدیغینده اؤز اربابی بریتانیا نین سیاست لری نین یوْلون گئتمک ده دیر!
✍️Urmumediaa@dadaminandi ╭•••••••••••••••••••••• ••••••••••╮╰➤@chgrmn #تورکجه_دانیش_ائلنن_باریش
