🍎🏃📚✏️
 
#زومار‌آیی : یای دؤنَمینین سوْن آیینا توٌرکجه ده #زومار‌آیی دئییلیر.
بو آی ایچینده آذربایجان شهرلرینه یوْخسا کندلرینه یوْلون دوٌشسه و دریندن چئوره ین سای سالسان، دریندن قوْخولاسان هر طرفده بیر منظره ایله اوٌز اوٌزه گلمه لیسن بیر طرفده یارمالیق بوغدا سریلیب، بیر ائوده بادیمجان ازیرلر، بیر ائوده  روب پیشیریلیر. باشقا بیر یئرده/ ائوده نانه عراغی چکیلیر  و قوْخوسو کوچه-باجایا یاییلیر، بیر یئرده لومو سویو چکیلیر، ائولرین چوْخوسوندا گؤی گؤیرنتی دوْغرانیر یوْخسا سریلیر،  و ... بو ایشلرین هامیسی بو آنلامدادیر : اؤنوموزده قیش دؤنمینه یئمکلر آنیقلانمالیدیر.
دوٌزونه باخسان  تزه قورولان ائولرده، آپارتماندا اوْتوران آداملاردان دا بئله بیر حرکت گؤروشمه سه حیطلی ائولرده، کندلرده بونلاری یاخچیراق گؤرمک اولار.
زومار ندیر :
زومار سونرالاردا دیلیمیزده یئر ائله میش اوْلسادا چاغداش توٌرکجه ده یایقین سؤزلردن بیریسیدیر. بیلیریک  «ز» ایله باشلانان سؤزجوکلر توٌرکجه ده یوْخدور اوْلسادا طبیعتدن آلینمیش سؤزلردیر. 
زوُمار : آد. ائر. قیش اوٌچون ساخلانیلان تاخیل یوْخسا هر هانسی یئمه لی بیر زاد.
 
╰➤@chgrmn