🍎🏃📚✏️
98-جى درس
فعللر (27)
فعللرين شكيللرى (فورملارى)
(فعللرين زامان, شخص و فورما علامتلرينه گؤره دگيشمه سى)
3. خبر شکلی (فورمو)
ج) داواملی کئچميش: شخص علامتلرينى "فعللرده بيتيشن تایلیقلاری" بؤلومونده وئرميشيك. زامان و شخص اکلريله بيرليكده داواملى كئچميش زامانينين كاميل صرفى بئله دير:
1. دوْداقلانمايان فعللرده
* قالين, سس سيزله بيتن:
يازيرديم, يازيردين, يازيردى, يازيرديق, يازيرديز, يازيرديلار
* قالين, سسليله بيتن:
قالاييرديم, قالاييردين, قالاييردى, قالاييرديق, قالاييرديز, قالاييرديلار
* اينجه, سس سيزله بيتن:
بيليرديم, بيليردين, بيليردى, بيليرديك, بيليرديز, بيليرديلر
* اينجه, سسليله بيتن:
اله ييرديم, اله ييردين, اله ييردى, اله ييرديك, اله ييرديز, اله ييرديلر
اينكاريندا يا فقط بير "م" كؤكه آرتيريلار: وورموردوم و يا فقط "ما-مه" آرتيريلار و ايكى سسلى يان-يانا گلدیگی اوٌچون "ى" سس سيزى آرالاريندا گلر: يازماييرديم, بيلمه ييردى, ...
2. دوْداقلانان فعللرده
* قالين, سس سيزله بيتن:
ووروردوم, ووروردون, ووروردو, ووروردوق, ووروردوز, ووروردولار
* قالين, سسليله بيتن:
قوْرويوردوم, قوْرويوردون, قوْرويوردو, قوْرويوردوق, قوْرويوردوز, قوْرويوردولار
* اينجه, سسليله بيتن:
گؤروردوم, گؤروردون, گؤروردو, گؤروردوك, گؤروردوز, گؤروردولر
اينكاريندا يا كؤكه بير "م" آرتيريلار: گؤرموردوم, قوْيموردوم, و يا "ما-مه" آرتيريلار و ايكى سسلى يان-يانا گلديى اوٌچون آرالارينا بير "ى" سس سيزى ده آرتيريلار; وورماييرديم, سوٌرمه ييردين...
داواملى كئچميشين ايكينجى نوْعو: شخص تایلیقلاری "آردى, أردى"دير. (كچئميش درسلرده اوْخونوب.)
زامان و شخص اکلريله بيرليكده ايكينجى نوع داواملى كئچميشين صرفى:
* قالین, دوْداقلانان و دوْداقلانمايان, سس سيزله بيتن:
وورارديم, ووراردين, ووراردى, وورارديق, وورارديز, وورارديلار
* قالین, دوْداقلانان و دوْداقلانمايان, سسليله بيتن:
قالايارديم, قالاياردين, قالاياردى, قالايارديق, قالايارديز, قالايارديلار
* اينجه, دوْداقلانان و دوْداقلانمايان, سس سيزله بيتن:
بيلرديم, بيلردين, بيلردى, بيلرديك, بيلرديز, بيلرديلر
* اينجه, دوْداقلانان و دوْداقلانمايان, سسليله بيتن:
سوٌرويَرديم, سوٌرويَردين, سوٌرويَرديلر, سوٌرويَرديك, سوٌرويَرديز, سوٌرويَرديلر
اينكاريندا "آر, أر" اکينين يئرينه "ماز-مز" اکلرى قوْيولار: وورمازديم, بيلمزديلر.
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
#türkcə_danış_elnən_barış #türkcə_yazaq_elnən_qalaq
#kimliyimizə_birgə_dalaq
╰••••••••••••••••••••••••••••••••╯
Post #5629
8