🍎🏃📚✏️
99-جو درس
فعللر (28)
فعللرين شكيللرى (فورملارى)
(فعللرين زامان, شخص و فورما علامتلرينه گؤره دگيشمه سى)
3. خبر شکلی (فورمو)
د) ایندیکی زامان: ایندیکی زامانین شخص اکلری نقلی کئچميشده اوْلدوغو كيميدير. زامان و شخص اکلريله بيرليكده اينديكى زامانين صرفى بئله دير:
1. دوْداقلانمايان فعللرده
* قالين, سس سيزله بيتن:
آليرام, آليرسان, آلير(ى), آليريق, آليرسيز(نيز), آليرلار
* قالين, سسليله بيتن:
دوْلاییرام, دوْلاييرسان, دوْلايير, دوْلاييريق, دوْلاييرسيز, دوْلاييرلار
* اينجه, سس سيزله بيتن:
بيليرم, بيليرسن, بيلير, بيليريك, بيليرسيز, بيليرلر
* اينجه, سسليله بيتن:
گؤزله ييرم, گؤزله ييرسن, گؤزله يير, گؤزله ييريك, گؤزله ييرسيز, گؤزله ييرلر
اینكاريندا يا بير "م" فعلين كؤكونه آرتيريلار: آلميرام, بيلميرسيز, ... و يا "ما-مه" فعلين كؤكونه آرتيريلار. بئله حالدا ايكى سسلى يان-يانا گلنده اونلارين آراسينا بير "ى" سس سيز حرفى ده آرتيريلار: آلماييرام, بيلمه ييرم, ...
2. دوْداقلانايان فعللرده
* قالين, سس سيزله بيتن:
اوْلورام, اوْلورسان, اوْلور, اوْلوروق, اوْلورسوز, اوْلورلار
* قالين, سسليله بيتن:
قوْرويورام, قوْرويورسان, قوْرويور, قوْرويوروق, قوْرويورسوز, قوْرويورلار
* اينجه, سس سيزله بيتن:
هؤرورم, هؤرورسن, هؤرور, هؤروروك, هؤرورسوز, هؤرورلر
* اينجه, سسليله بيتن:
سوٌرويورم, سوٌرويورسن, سوٌرويور, سوٌرويوروك, سوٌرويورسوز, سوٌرويورلر
اینكاريندا يا بير "م" فعلين كؤكونه آرتيريلار: اوْلمورام, هؤرموروك, ... و يا "ما-مه" فعلين كؤكونه آرتيريلار. بئله حالدا ايكى سسلى يان-يانا گلنده اوْنلارين آراسينا بير "ى" سس سيز حرفى ده آرتيريلار: اوْلمايير, هؤرمه ييرلر, ...
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
#türkcə_danış_elnən_barış #türkcə_yazaq_elnən_qalaq
#kimliyimizə_birgə_dalaq
╰••••••••••••••••••••••••••••••••╯
Post #5630
5