🍎🏃📚✏️
58-جی درس
سای (8)
غیر معین سایلار:
كئچن درسلرده دئييلنلردن باشقا "چوْخ" سؤزونون اؤزونه اؤزل اؤزلليكلرى ده واردير:
1. چوْخ كلمه سى جمع و نيسبت اکلرى ايله, غير معين كميت مضمونلو غيرمعين عوضلیک كيمى ايشله نير: چوْخلارى اؤز ايشينى گؤرمور.
2. بو سؤز نيسبت اکى ايله (وُ (u) ) غيرمعين عوضلیک كيمى ايشله نير: چوْخو هله اؤز ايبتيدايى حاقلارى ايله تانيش دئييلدير.
بعضا بو سؤزه "سو" نيسبت اکى ده آرتيريليب و همن معنانى وئرير: چوخوسو اؤز حقينى بيلير.
3. "چوْخ" سؤزو "لو" صيفت شكيلچيسى ايله ايشله نير, آنجاق يئنه ده غيرمعين كميتى بيلديرير: چوْخلو كيتاب آلديم, چوْخلو سؤزلر بيلير.
بو سؤز "جا" اکى ايله ده ايشله نير و همن معنانى ايفاده ائدير: چوْخلوجا كيتاب گتيرديم.
4. "چوخ" سؤزو "دان" اکى ايله ظرف يارادير: بو اثر منه چوْخدان معلومدور, چوْخداندير بو فيكيرده يم.
5. "چوخ" سؤزو "دان" اکیندن سوْنرا "كى" اکينى آليب, صيفت اوْلور: بو چوْخدانكى مسئله دير, چوْخدانكى سؤزدور.
6. "چوْخ" سؤزو "دان" اکيندن سوْنرا يييه ليك حال اکينى آليب, زامان ظرفى اوْلور: چوْخدانين مسئله سيدير, چوْخدانين اؤلوسودور.
7. "چوْخ" سؤزو بعضا "دا" باغلاييجيسى, بعضا ده هم "دا", هم ده "كى" باغلاييجیسی ایله ايشله نير و هئچ بير كميت مضمونو ايفاده ائله مير: چوْخ دا ياخشيدير, چوْخ داكى قهرماندير.
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5174
31
- ❤ 1