خوجا ساغلام

🍎🏃📚✏️
 
56-جی درس
سای (6)
غیر معین سایلار:
دیلیمیزده ائله سايلار دا واردير كى, معين و بللى بير ميقدارى بيلديرمز, بلكه تام غير معين بير ميقدارى نظرده جانلانديرار. بو سايلار "آز, چوخ, بير قدر, بو قدر, او قدر, فيلان قدر, ... كيمى سؤزلردن عيبارتدير. غیرمعین سایلار "نقدر" سوالينا جاواب وئرر.
غير معين سايلارين گؤره ولَرى (وظيفه لرى) بونلاردير:
1. بوتون غير معين سايلار اشيانين بللى اوْلمايان بير ميقدارينى بيلديرير: چوخ دفتر, نه قدر قلم, ...
2. فعلدن قاباق گلنده حركتين غير معين ميقدارينى بيلديرير: چوْخ سؤيله يم, آز ايشله دين, بير قدر دانيشين.
بو سايلار ميقدار ظرفى كيمى ده قبول اوْلونا بيلر.
3. بو سايلار صيفتلردن قاباق گلديكده, اوْنلارین تعيين ليك درجه لرينى آرتيرار و يا اسكيلدر: چوْخ ياخشى ايشدير. بير قدر پيس اوْلدو. اوْ قدر گؤزل ايش گؤردو كى, ...
4. بو سايلار "چوْخ" سؤزونون اوّلينده ايشله نيب, اوْنون غيرمعين كميتينى آرتيرار: چوْخ-چوْخ يازديق, اوْ قدر چوْخ ايشله ديك,...
5. بو سايلار "آز" سؤزونون اوّلينده ايشله نيب اوْنلارين غيرمعين ليك كميتينى آزالدير: چوْخ آز اوْلدو, آز-آز گؤندر, ...
6. "بير" سؤزو "چوخ, آز, بوقدر, اوْقدر" سؤزلريله; "هر" سؤزو ايسه "نه قدر" سؤزو ايله ايشلننده غيرمعين ليك مضمونونو داها دا آرتيرير: بير چوْخ, بير آز, بير اوْ قدر, بير بو قدر, هر نه قدر.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️

اردم = هونر. اردمتو= هونرمند

🍎🏃📚✏️
 
توٌرکجه ده هوٌنر(هنر) سؤزجوٌکوٌنه قارشیلیق.
 
چوْخلاری واردی ایراد توتورلار توٌرکجه ده فارسجادا ایشله نن هوٌنر(هنر) یئرینه قارشیلیق یوْخدور. نییه کی توٌرکلر ده فارسلار کیمی هونر سؤزجوکونو ایشله دیرلر.
 
منجه هوٌنر سؤزجوکونه دوٌزگون قارشیلیق «اردم» سؤزودور.
دوٌزدوٌر دوکتور روشن خیاوی جنابلاری اردم سؤزونو ده  فارسلاردا ایشله نن هوٌنر سؤزو کیمی یئترلی بیلمیر و یئرینه باشقا سؤزلر قوْیور.  گله جکده بونلارا دا اشاره اوْلوناجاقدیر.
 
اردم ندیر
 
اردم سؤزونو «اردم آخاغی» اؤزو « لیاقت و شایستگی) یازیبدیر.
دیوان لغات الترک : ادب، بزرگواری و منقبت یازیبدیر.  منقبت سؤزونون آنلاملاریندان بیری هوٌنر سؤزجوکودور.
منقبت :  ثنا، ستایش، فضل، مدح، مدیحه، نعت، تعریف، وصف، هنر، کمال، کار نیک.
فرهنگ جامع (شاهمرسی) سؤزلوگونده ۸ آنلاما اشاره ائدیبدیر. بو سککیز انلامین بیری هوٌنر دیر. : فضیلت، هنر، فرهنگ، معرفت، شخصیت، مردانگی، توانایی، تخصص.
خوجا سؤزلوگو (محمدنژاد) :دوْققوز آنلام یازیبدیر کی بیری ائله هوٌنر دیر. اَردم : آد. 1- دؤزوم. صبر. حؤوصله. اَردمین اوْلسون گؤر نه دئییرم. 2- دوْغرولوق و دوٌزگونلوک کیمی حالتلرین گئنل آدی. ۳- فضیلت. شخصیت. لیاقت. متانت. فرهنگ. شجاعت. هنر(صنعت). او اؤزگه لره گؤره باشقا آدامدیر چوخ اَردمی وار.
اَردمسل : کو̌لتوره ل. فرهنگی.
اَردمسیز : اؤناد. آداملیقدان اوزاق اولان. لیاقتسیز. باجاریقسیز.
اَردملی : اؤناد. فضیلتلی. لیاقتلی. شخصییتلی.
فرهنگ آذربایجانی – فارسی (بهزادی) ۷ آنلام یازیبدیر کی بیری هوٌنر دیر.  :
فضیلت، معرفت، لیاقت، هنر، شخصیت، صبر، و حوصله.
آذربایجان سؤزلوگو(اسماعیل جفرلی) هوٌنر سؤزونه اشاره ائتمه ییبدیر.
اردمərdəm آد. ادب،اخلاق، فضيلت، شخصيت (فا:لياقت)
personality ،virtue (تاريخي اؤزل آد) قيْرقيزلارين نايمان
اوْيماغي بگ لريندن(ارتَم) 7. {ديوان لغات تورك ده ايشله
نيبدير،دده /باخ:ارمك}
فرهنگ جامع ترکی – استامبولی به فارسی  ایسه ایکی آنلام یازیب و هوٌنره اشاره ائتمه ییبدیر. :
Erdem : فضل. فضیلت.
احتمال اشاره ائتمه ینلرین الینده قایناق یوْخوموش و اوْنلاردا اشاره ائتمه ییبدیلر.
 
Dr. Bormotucher آددا بیر آخاق واردیر ظاهرا کیریل خططینده دیر. اوْرادا موغول- فارس سؤزلوگوندن بیر صفحه قوْیوبدور و هوٌنر داها هوٌنرمند سؤزجوکلرین قارشیلیغینی یازیبدیر. آشاغیداکی گؤرونتویه باخین.
گؤرونتوده هوٌنر قارشیلیغی اردم. هوٌنرمند قارشیلیغی اردمتو یازیلیبدیر.
 
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
اوستدهکی گؤرونتو    دیشی بزگک
آشاغیداکی گؤرونتو   ائرکک بزگک آغ توق بوْینوندا گؤرونور
 
گؤرونتولرین اوٌستونه وورون گؤرونتو بوٌتونلوکده گؤرونسون

🍎🏃📚✏️
 
بزگک ندیر
 
ایبراهیم رشیدی جنابلاری سوْن یازاناغیندا اوٌچ قوشدان آد آپاریر : مزملدک، اؤردک، قاز.  سوْنرا توٌرک فوْلکلوریندان بیر شعر یازیر :
سن قال بوردا مزملدک
سیز اوٌچوزه بیر اؤردک
قوْی موللایا قاز قالسین
جانی دا چیخسین آز قالسین.
ساعاتلار سؤزلوکلری، داها گوگلده قوش آدلارینی الک-ولک ائله دیم مزملدک آددا قوش تاپا بیلمه دیم باشلادیم اوْخشار آدلارین اوٌستونده ایشله مه یه  گنه بیر یئره یئتیشمه دیم آنجاق لاتین الیفباسی ایله باشلادیم  Mezmeldek یازدیم قاباغیما Mezgeldekمزگلدک گلدی. سوْنرا ایشیمی دوام وئردیم. بیردن بیره اؤز یازدیغیم سؤزلوک یادیما دوٌشدو اؤز سؤزلوگومه باخاندان سونرا گؤردوم بو قوشو من یازمیشام آما مزگلدک و بزگک دئییمی ایله. قیساسین دئسم ایکی-اوچ ساعاتلیق ایش اولدو منه. بورادا دئمیرم رشیدی جنابلاری یانلیش یازیبدیر اولوکی خییوو- قاراداغ بؤلگه سینده مزملدک ایشلتسینلر. آنجاق کیتابلاردا مزگلدک دوغرودور.
مزگلدک : باخ بَزگه ک/بزگک.
بَزگه ک: آد. قارین و دؤش توکلری آغ، قالان اوست توکلری قهوه رنگده، ائرکه یینین بوینو توقلو، اؤلکه میزه گو̌زده گلن و یازدا گئدن کؤچَری بیر قوش.
ت.ت : مَزگه لده ک Mezgeldek.
 آرزبایجان : Bəzgək.
فا : زنگوله بال.
 (نام علمی: Tetrax tetrax)
 🌷👇👇🌷
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
تورکمنلر تندیره تامدور دئییرلر.
تامدور تامدورماق سؤزوندن گلیر.
تامدورماق = یاندیرماق/ سوزاندن آنلامیندادیر.  تامدورماق اسکی توٌرکجه ده اوْلان تامدیماق = سوختن سؤزوندیر. بو فعلدن دیوان لغات الترک کیتابیندا تامدوک/تامدو واردیر آتش فروزان آنلامیندا  . بو سؤزدن چاغداش ایشلک اولمایان «تامو» سؤزوموز ده واردیر. بو سؤز روسجایادا گئدیب تِندیر( لوکوموتیو اوجاغی) آدیندا ایشلکدیر.  
تامو اسکی تورکجه ده چاغداش دئییلن «جهنم» آنلامیندادیر.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

سالاملاز
نه قایداسی نان
بویوروسور تندیر توکجه دیر

🍎🏃📚✏️
 
مشهدده اوْلان مروی توٌرکلریندن یازیلمیش گوٌنگن(تقویم).
 
مروی شکیبانلی جنابلارینین اللری وار داها ایشی ایره لی.
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
تَندیر :
 
 آد. تامدیماق سؤزوندن(دیل دنیز).
 
قیرمیزی توْرپاغین چامیریندان دوٌزه لن،
 
ایچینده اود یاندیریب چؤره ک پیشیریلن،
 
چوخور یئره باسدیریلان، هاوا چکمک اوچون
 
کوٌفله سی اوْلان اوُزوُنسو֯و دایره وی کوٌره.
 
ت.ت : تاندیر.
 
فا : تنور.
 
اینگ : oven, furnace.
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
آچیق آغیر :
 
یاریم مئتیردن آرتیق بوْی آتان
 
گوٌنش و گؤلگه لیکده یاشایا بیلن ایکینجی ایلده چیچکله نن
 
 ساپاغی قیسا یوخسا ساپاقسیز
 
توخوم یارپاق، یاغیندان یارارلانیلان بیر جور گئجه گوٌلو. 
 
فا : هسپریس بانوان. شببوی لرستانی.
 
لاتین : hesperis acris. Cru یوخسا Hesperis matronalis.
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
54-جو درس
ساى (4)
سيرا سايلارى:
سيرا سايلارى شئيلرين سيراسينى بيلديرير. بو سايلار ميقدار سايلارينا دؤرد دچئشيدلى (ينجى (inci), يٌنجى (ıncı), ونجو (uncu), وٌنجو (üncü)) اکلرينى آرتيرماقلا دوٌزه لر. بو سايلار "نئچه نجى" سوالينا جاواب وئرر: اوٌچ --> اوٌچونجو, اوْن --> اوْنونجو, ...
"ایکی, آلتى, يئددى" سايلارى سسلى ايله بيتديكلرى اوٌچون, سيرا سايلارى شكيلچيلرى قوْشولاندا, ايكى "ى" سسليسيندن بيرى دوٌشر: ايكبنجى, آلتينجى, يئددينجى.
ميقدار سايلارى شئيلرين ميقدارينى بيلديرديكلرى حالدا, سيرا سايلارى شئيلرين سيراسينى بيلديرر.
سيرا سايلارينين ايكينجى خصوصيتى اوْنلارین صيفتلره ياخين اوْلماسيدير. صيفتلر كيمى بو سايلادا, عين زاماندا "هانسى؟" سوالينا جواب وئرر.
ميقدار سایلارينين ايسمى جمع اوْلا بيلمزدى, آنجاق سيرا سايلارينين ايسيملرى بعضى حاللاردا جمع علامتى آلا بيلر: اوٌچونجو شاگيردلر, بيرينجى قهرمانلار, ...
سيرا سايلارى موستقيل ايشلنديكده, ميقدار سايلارينا نيسبت, ايسيملره داها ياخين اوْلور. بو حالدا سيرا سايلارى تاماميله موٌستقيل اشيانى نظرده جانلانديرير و ايسيملر كيمى حاللانير و جَمعله نير: اوٌچونجونو گؤردوم, اوْنونجودان سوْروشدوم, سككيزينجىلرى چاغيرديلار, ايكينجىيه سؤزوم واردير, بئشينجىده ثروت واردير, ...
سيرا سايلارى ايسيم مقامينده ايشلننده, ايسيملر كيمى "كيم؟" سوالينا جاواب وئره بيلير: اوٌچونجولر گلدى. كيملر گلدى؟
55-جى درس
ساى (5)
كسر سايلارى:
بو سايلار ميقدار سايلاريندان يارانير. بو سايلار بوٌتؤو بير عددين معين ميقدارينى بيلديرير و ميقدار سايلارى سوالينا جاواب وئرير.
بو سايلار ايستر كسر اعشار (7.3), ايستر ايسه كسر متعارفى (3/5 4) ده آشاغيداكى شكيلده تلفوظ اوْلونار:
واحيدين بؤلوندويو عدد اول دئييلير و اوْندان سوْنرا "دان-دن" و يا "دا-ده" اکلرى گلر و اوْندان سوْنرا كيچيك عدد دئييلير. اؤرنك اوْلاراق يوخاريداكى كسر اعشار بئله دئييلير: يئددى تام و اوْندا اوٌچ. كسر متعارفى ايسه بئله دئييلير: دؤرد تام و بئشدن اوٌچ.
دئييلمه ليدير كى "دان-دن" شكيلچيسى داها دوْغرودور.
قایناق : سس ، صرف کیتابی پروفسور زهتابی-تخلیص ائدن ، سارای خانیم
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
❌ خسته ایدیم، به محض این کی ائوه چاتدیم، یاتدیم.
 
✅ یوْرغونویدوم، ائوه چاتارکن یاتدیم.
 
✅ یوْرغونویدوم، ائوه چاتار-چاتماز یاتدیم.
 
 
🔘 فارسجا: خسته بودم، به محض رسیدن به خانه خوابیدم.
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
داغ قارپیزی :
 
 اوت. یارپاقلاری کیچیک،
 
اوزون و یئره سره له نن بازیکلری،
 
کؤکو قالین قابیقلی و چوخ اوزون،
 
یاشیل، ایچی قیرمیزی، آجی تَهَر مئیوه سی اوْلان،
 
تورشو دا  یئییلن، بیر چؤل بیتگی.
 
بو بیتکینین ایچیندن بیر ماده اله گلیر
 
روماتیسمه و سیاتیکه فایدالیدیر.
 
ق.آذ. تیکانلی کَوَر.
 
ت.ت. گَبَره اوتو.
 
فا : کَبَر.
 
لاتین : Capparis spinosa.
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
ابوجهل قارپیزی :

ایرانین گونئی بؤلگه لرینده یئتیشن،

تانیدیغیمیز قارپیزدان چوْخ بالاجا و

دادی آجی اوْلان

حکیملیکده قویانغو(سیاتیک)،

ایت آخساغی(واریس) و شکر

سایرولیغینا قوللانیلان بیر بیتکی.

عربجه : حنظل، مراره الصحاری.

فا : خربزه روباه، کدوی تلخ، سیبِ تلخ.

لر: خیار گُرگو، نایین، خور،

بیابانک : هندوانه مار یا هنوانه ماری.

تور : ایت خیاری. جین قارپیزی. قارقا دوٌلَگی.

لاتین : Capparis spinose.
Capparis spinose. 
 

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
کوٌره کن(کوٌراَکن) ندیر :
 
توٌرک ائللری ایچینده چئشیدلی دئییملر :
کوٌره کن(آذربایجان). بَی(آذربایجان). گییوْو. یئزنه (بوٌتون توٌرکلر). کویکو/گؤیکوٌ(صحاح).  کؤیه و/ کویئو/کویاو(سنگلاخ). کوٌذه کو(موغول)، گوٌوئی(تورکییه)،کوٌیتوٌ(توٌرکمن) داماد(فارسجا)،
 
دیوان لغات الترک کیتابیندا بیز دئدیگیمیز و یازدیغیمیز کوٌره کن ه بنزر  «کِرکِن» واردیر. دبیر سیاقی جنابلارینین چئوریسی بئله دیر :   خواهانی گُشن. میل نر به گُشنی کردن. گویند : «بُغرا کِرکِنی کِردی» هنگام گُشن خواهی نر شد.
 
پروفسور محمدزاده صدیق ین چئوریسی بئله دیر :‌
کِرکِنkirkin زمان گرم و گُشنی خواهی شتر نر. «بُغرا کِرکِنی کِردی»  هنگام گشنی خواهی شتر نر فرا رسید.
 دبیر سیاقی عمومیلشدیریب  و هامی ائرککلره نسبت وئریبدیر. آما پروفسور محمدزاده بو سؤزو دَوه یه دئییبدیر.
دبیر سیاقینین چئویریسی ایله سؤز بیر اوْلوب حکیم کاشغرینین سؤزونو چاغداش کوٌره کن  قبول ائتسک کوٌره کن سؤزو ان اسکی چاغلاردان ایشلکدیر و بیر سؤزجوک اوْلاراق باخیشا آلینیبدیر.
باشقا
کوٌره کن سؤزونو چاغداش کِرکِن سؤزونون قارشیلیغیندا باخیشا آلساق و گئت گئده دَوه دن اینسانا گلمه یین قبول ائتسک اوْندا کوٌره کن بئله اوْلمالیدیر : اوْغلان اوشاغی یئتکینلیک(بلوغ) چاغینا یئتیشیب جوٌتلشمه لیدیر یعنی کوٌره کن اولمالیدیر... . 
سنگلاخدا کورَکان(کوره کان) یازیلیبدیر:  به معنی داماد بود و آنرا «کویاو» هم گویند و نیز لقب امیر تیمور است به سبب اینکه خواهر امیر حسین  چوپان پادشاه بلخ در حباله نکاح او بوده به این لقب ملقب شده است.
 
صحاح العجم : کویکو یازیبدیر > چاغداش گؤیکو.
 
بورادا چوْخلاری کوٌره کن سؤزونو بیله شیم سؤزجوک بیلیب و ایکی کلمه دن اوْلوشماغین یازیرلار. کوٌر+ اکن یوْخسا کوٌرو + اکن.  
توْخوم آنلامیندا اوْلان «کوٌر» سؤزونه گؤره توٌرکجه یازیلان سؤزلوکلر هئچ بیری اشاره ائتمه ییبدیرلر. آما کوٌروٌ سؤزونو بوتون سؤزلوکلر یازیبدیرلار.
آنجاق کوٌر سؤزوده چوْخ یئرده-تاریخده- گؤزه چارپیر. کوٌر تئیمور= احتمال کوٌره کن سؤزونون قیسالمیشی یوْخسا ... .
یاقوتجادا ایسه بالیق توْخومونا ایشله نن بیر سؤزدور. بو آنلامدا اوْلان کوٌر سؤزجوکونو ایلک دؤنه رحیم آغ بایراق دیلیندن ائشیتدیم.
 
بوٌتون سؤزلوٌکلر بالیق توْخومونا کوٌروٌ سؤزجوکوٌنو ایشله دیبلر.
بهزادی :
تخم ریزی : توْخوم تؤکمه. کوٌروٌله مه.
تخم ریزی کردن : توْخوم تؤکمک. کوٌروله مک.
اسماعیل هادی :
کوٌروٌ : تخم ماهی. خاویار.
کوٌره مک/گوره مک : طلب نر کردن.
فرهنگ جامع(شاهمرسی)
کوٌروٌ : تخم ماهی.
آذربایجان سؤزلوگو(اسماعیل جفرلی)
كوٌروٌ kürü [آد، ديرگي] 1-باليق و سوُدا ياشايان حئيوانلارين
يومورتاجيق لاري(فا: تخم ماهي وآبزيان) 2-قاييق{باخ: كوٌر}.
خوجا سؤزلوگو(محمدنژاد)
کوٌروٌ : آد. 1- باخ کوٌروک. 2- بالیق یومورتاجیغی. سودا یاشایان حئیوانلارین توْخومو. 3- خاویار. 4- چوخ نارین دوْغرانمیش گؤیَرتی.
قوزئی آذربایجان :
balıq yumurtaları
توٌرکییه ده کوٌروٌ ایشلک ده ییل. هاویار(خاویار) ایشله نیر.
 اوستده کی آچیقلامانی باخیشا آلساق و کوٌرو یوْخسا کوٌر سؤزونو عمومیلشدیرسک و یالنیز بالیق توخومو یوْخ بلکه اینسانادا ایلتسک دئیه بیلریک :
کوٌره کن = نوطفه اکن! من کسینلیکله بو سؤزو دئمیرم. اوستادلارین باخیشین گؤزله ییرم. ساغ  داها باش اوجالیقلا. 
 
·         یئزنه {(اسکی زاماندا توٌرکجه ده ایشله نن بیر سؤزجوک. دهخدا اؤز سؤزلوگونده  یَزنَه یازیب :
 [ یَ نَ / نِ ] (ترکی، اِ) شوهر خواهر. (ناظم الاطباء) (از فرهنگ جهانگیری) (از غیاث) (آنندراج) (از انجمن آرا). آیزنه. ظأم. ظأب. شوی خواهر. (یادداشت مؤلف). در تداول امروز آذربایجان به کسر یاء تلفظ شود.)}
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯