🍎🏃📚✏️
57-جی درس
سای (7)
غیر معین سایلار:
کئچن درسده دئديكلريميزدن علاوه "چوْخ" و "آز" سؤزلرينين اؤزلرينه اؤزل آشاغيداكى اؤزلليكلرى ده واردير:
1. صيفتلرين اوٌستونلوك درجه سينى بيلديرن "ان, لاپ, داها, اوْلدوقجا" سؤزلرى "چوْخ" و "آز" سؤزلريله ايشلنه رك, اوْنلارین غيرمعين ليك كميتينى آرتيرير و يا آزالدير: لاپ چوْخ, لاپ آز, ان چوْخ, ان آز, ...
2. "چوْخ" و "آز" سؤزلريندن فعل يارانير: چوْخالماق, آزالماق.
3. بو ايكى سؤزدن ايسيم يارانير: چوْخلوق, آزليق.
4. "چوْخ" و "آز" سؤزلرى نيسبت (و, ى) اکلرى ایله غيرمعين كميتين سوْن حدودونو بيلديرير: چوْخو بير آى, آزى بير گوٌن, ان آزى, لاپ چوْخو, ...
5. "چوْخ" و "آز" سؤزلرى بيرگه ايشلنديكده "بير قدر" معناسى وئرير: اوْ دا آز-چوخ دانيشدى, آيناز دا آز-چوْخ بيلير, ...
بو ايكى سؤز بعضا "دان" اکى آليب و بيرليكده ده ايشلنر: آزدان- چوْخدان نه يين وارسا گتير مئيدانا.
6. "چوْخ" و "آز" سؤزلرى جمع علامتلريله غير معين كميت مضمونلو عوضلیک يارادير: چوْخلار آزلارا غاليب گلدى.
7. "چوْخ" و "آز" سؤزلرى "جا" اکى ايله غيرمعين كميتى يا چوْخالدير و يا آرتيرير: چوْخجا دانيشدى, آزجا دانيش.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5173
32
- ❤ 1