By_Help

Чацвёрты. Памерлы. Наш.

А колькі іх насамрэч? Колькі забітых дзяржавай, сваякі каго застрашаныя да мёртвай цішыні? Маўчання, якое забівае памяць.
А колькі яшчэ наперадзе некралогаў, заяў, збораў? Размоваў са сваякамі памерлых за кратамі?

Вадзім Храсько. Замардаваны за салідарнасць. Памятаем. Не прабачым.

Яшчэ адзін палітвязень памёр за кратамі.

Гэта Вадзім Храсько, які атрымаў 3 гады па арт. 361-4 (садзейнічанне экстрэмісцкай дзейнасці). Хутчэй за ўсё, за данаты. За краты яго адправіў сумнавядомы Сяргей Хрыпач, хоць ведаў, што стан здароўя Вадзіма можа не дазволіць яму перажыць зняволенне.

Паводле прысланай нам інфармацыі, яго вывезлі ў шпіталь ужо тады, калі не было шанцаў на выратаванне.

Гэта ўжо чацвёртая смерць палітзняволенага ў турме. Нажаль, не апошняя, бо ўладзе абсалютна напляваць на стан здароўя тых, каго яна трымае ў закладніках. Праваабаронцы маюць спіс людзей, стан здароўя якіх амаль не пакідае ім шанца выйсці з турмы жывымі, і ўсё гэта адбываецца ў цэнтры Еўропы, на нашых вачох.

Просьба да сваякоў - не маўчыце, калі ваш сваяк у цяжкім стане ў турме, паведамляйце пра гэта праваабаронцам. Своечасовы візіт адваката да арыштанта можа ўратаваць жыццё, але на яго не заўсёды ёсць грошы. Не саромцеся звяртацца па дапамогу.

Мы выказваем спачуванні сваякам і паведамляем, што сем'і памерлых у турмах палітвязняў, якія звернуцца да нас па дапамогу, атрымаюць усю магчымую падтрымку. Гэта тое, што мы можам рэальна сёння зрабіць у гэтай вусцішнай сітуацыі.

Фонд салідарнасці BYSOL
Кампанія BY_help
Праваабарончы цэнтр Вясна

----
Кантакты да "Вясны": @viasnainfo, @viasnasos
Кантакт да BY_help: @eolonir

Толькі я пасьпеў парадавацца, што колькасьць заявак у чарзе на аплату ўпала да адназначнай лічбы, як іх ужо ізноў больш за дваццаць і яшчэ куча ў чарзе на апрацоўку. І гэта пры тым, што я плачу іх у рэжыме рэальнага часу.

Ну што ж. Нагадваю формы заяўкі на дапамогу:

bit.ly/byhelpme - штрафы, адвакаты
bit.ly/recoveryby - рэабілітацыя палітзьняволеных

І нашыя афіцыйныя тг-кантакты:

t.me/eolonir - для верыфікацыі нашых супрацоўнікаў

t.me/michas_help - для кантактаў па рэабілітацыі былых палітзьняволеных

t.me/alisa_helpby - для дапамогі дзецям зьняволеных.

Эпілёг да дыскусіі пра Nizkiz.

Сёньня на вочы мне трапіўся артыкул "Нівы" з уводзінамі "уладальнікі карты паляка з'яжджаюць, а іх месца займаюць расейцы".
Гэта яшчэ адна з прычын, чаму я больш не хачу крытыкаваць тых, хто адмовіўся з'яжджаць. Ясна, што BY_help будзе куды меней працы, калі ўсе засьветленыя актывісты зваляць, бо паляваць у тых, хто трапляецца на ўсяго пары фотак - больш складана чым на Нізкізаў ці Торбэнд ці падобных ім. Зь іншага боку - "іх месца займаюць расейцы".

Мы ведаем, што такое, калі твае месца займаюць расейцы. Мы, балты, украінцы, казахі прайшлі гэта ў трыццатых - васьмідзесятых. Вынікам стала нашая амаль поўная русіфікацыя, а латышы ледзь ня сталі меншасьцю на сваёй зямлі, патрывай савок яшчэ год пяць.

З гэтай сітуацыі няма нармальнага выхаду. Ясна, што калі ты ўцёк, бо былі падставы - то вяртацца ня трэба. Гэта самабойства. На свабодзе можна зрабіць куды больш. Але для тых, хто не з'ехаў, мы вырашаць, усё ж, права ня маем. Мы можам патлумачыць ім усе рызыкі і тое, што мы можам зрабіць для іх і іх сваякоў, калі здарыцца найгоршы сцэнар. Я штодзень кансультую па 5-7 чалавек, якія спрабуюць для сябе вырашыць, што рабіць. Але рашэньне ім прымаць самім.

Для сябе я вырашыў так.

Галоўнае ўсё ж правільна расстаўляць прыярытэты.

1. Пасадзіла Nizkiz ня іхная пастава да паездак празь мяжу, а рэжым. Як і дзясяткі тых, каго штодзень арыштоўваюць у Беларусі.

2. У людзей ёсьць сотні прычын не пакідаць Беларусь. З'ехала паўмільёны, засталося дзевяць. Нават былыя палітвязьні, каторыя штодзень рызыкуюць паўторным арыштам, далёка не заўсёды выяжджаць. Менавіта таму мы ў BY_help і разьвіваем праграму рэабілітацыі былым палітычным унутры краіны. Іх настолькі шмат, што мы пакуль пакрывае ня больш за 1/3 патрэбы. Мо ў 2024 удасца дацягнуць да большага.

3. Тэрміны залежаць выключна ад асабістых акалічнасьцяў. Нам вядомыя два выпадкі, калі праз арыштаваных спрабавалі раскруціць сетку структур унутры краіны. Доўга спрабавалі. Не ўдалося. І помстай за марна патрачаны час сталі цяжкія артыкулы і тэрміны 8+.

4. Супраца не дапамагае. Зянковіч адзіны пайшоў на яе з усёй кагорты арыштаваных, сярод каго быў Фядута. Атрымаў на год больш. У лепшым выпадку скінуць паўгады з тэрмінам ў 15 год.

5. Тых, хто пойдзе на зусім поўнае ратаваньне сваёй скуры, як Пратасевіч, паюзаюць і выкінуць. Так, ён на волі, але для іх ня стаў сваім, для нас стаў чужым. І Пратасевіч - тавар штучны. Як і Васкрасенскі.

Бо сістэма, калі ня садзіць, імкнецца чалавека зьнішчыць маральна. Нічога новага. У "1984" апісваецца акурат такая гісторыя.

Nizkiz, якіх сёньня затрымалі, усю дарогу жылі у Беларусі. Гэта быў іх сьвядомы выбар не з’яжджаць.

Чаму прапаганда сьцьвярджае, што яны з’ехалі? Бо прапаганда пздзць. І ім таксама вельмі трэба карцінка, як там за мяжой кепска, што людзі вяртаюцца нават каб сесьці ў турму.

Правярайце факты, калі ласка. А то выйдзе як з NYTimes, якая лічыла Хамас слушнай крыніцай інфармацыі.

Ну і давайце ўсё ж ня кідацца на тых, хто застаецца. З’ехаўшы вяртацца ня трэба. Але на не з’яжджаць ёсьць тысячы прычын. Ня ўсе былыя палітычныя выязджаюць з краіны, нават пад пагрозай паўторнага арышту.

Вядома, мы спадзяемся, што нашыя паслугі не спатрэбяцца ўжо ў 2024 годзе, але пакуль яны патрэбныя - мы працуем.

Кампанія BY_help працягвае кампенсаваць штрафы, адсідкі6 адвакатаў і так званыя "пазовы" ўнутры Беларусі і за мяжой. Форма заяўкі - bit.ly/byhelpme

Мы таксама вядзем найбуйнейшую праграму рэабілітацыі былых палітычных вязьняў за мяжой і ўнутры Беларусі. Форма заяўкі: bit.ly/recoveryby

Мы таксама дадалі кірунак рэабілітацыі дзяцей палітзьняволеных, якія ўсё яшчэ сядзяць. Пакуль мы можам узяць да 50 дзетак. Форма заяўкі bit.ly/recoveryby

Верыфікаваныя кантакты праграм у тэлеграме:
@michas_help - для праграмы рэабілітацыі палітычных
@alisa_helpby - для праграмы дапамогі дзецям палітзьняволеных
@eolonir - для верыфікацыі асабістых працоўных акаў валянтэраў.

Швецыя адмовіла ў палітычным прытулку сям’і Канстанціна Сярогіна - аператара Ціханоўскага. Сёння практыка шведскай міграцыйнай службы у падтрымцы беларускіх аплікацый пра ўцякацтва найгоршая ў ЕС. Калі прымаеце рашэнне шукаць прытулку менавіта ў Швецыі, маеце выключна высокі шанец на адмову.

Я вам добрых навінаў прынёс.

У BY_help ад сёньня з’явілася магчымасьць дапамогі дзецям палітычных, якія яшчэ сядзяць. Кірункі - любая медыцына, рэабілітацыя (у тым і доўгатэрміновая), санаторыі. Геаграфія - унутры Беларусі і замежжа.

Мы ўжо некалькі месяцаў апякуемся некалькімі дзеткамі, але гэта было з нашага рэзэрву. Цяпер з’явілася магчымасьць ахапіць 50 дзетак.

Заяўкі можна падаваць на bit.ly/recoveryby, дзе іх падхопіць валянтэр кірунку.

Як звычайна, мы каардынуемся з Фонд солидарности BYSOL/Belarus solidarity foundation ды іншымі праграмамі.

Былы палітвязень атрымаў два гады па справе Зэльцэра й быў вызвалены ў студзені 2023 года. Цяпер яму далі яшчэ год за камэнтары.

Сістэма не адпусьціць. Будуць саджаць паўторна, ці дадаваць да тэрміну, як Шарэндзе-Панасюк.

Каб зусім забясьпечыцца, выхад адзін: выйшаўшы - з’яжджаць.

Кантакты BY_help:

bit.ly/byhelpme - штрафы, адсідкі, адвакаты, пазовы, зьвязаныя з пратэстамі
bit.ly/recoveryby - медычная рэабілітацыя былых палітычных

Нашыя тг і емайл-кантакты:
@michas_help (для рэабілітацыі)
@eolonir (мой просты кантакт)
byhelp@belarus97.pro

- Быў там адзін сьпявак, у якога была песьня пра хараство ягонага роднага горада. І яны на радыё ўзялі й дадалі ў трэк гук салдацкіх ботаў па жвіры. І пусьцілі пагалоску, што калі гэтая песьня з’явіцца ў этэры - значыць рэвалюцыя пачалася.
- Як называлася тая песьня?
- Grandola Vila Morena.

Партугальская рэвалюцыя мела лідарамі сярэднюю ланку армейскага афіцэрства, агульную стому ад дэлюзій Салазара й дзесяць год перакананьняў. У яе не было лідараў на верхнім шчэблю арміі ці грамадства. Яны з’явіліся пазьней.

Таму нашая бязьлідарская рэвалюцыя мо й таксама не была такой бязглуздай. Проста на нашым баку не было лейтэнантаў і капітанаў. Хаця, можа быць, калі б пратэстоўцы прарвалі пару кардонаў, у якіх, паводле іх уласных словаў, салдацікі сц*ліся ад віду натоўпу - яны б з’явіліся.

Таму я спадзяюся, што наступным разам ьам будуць прарваныя кардоны.

І спадзяюся гэта будзе ў 2024 годзе.

З Калядамі. Хай у 2024 годзе ў нашай кампаніі зьнікне сэнс.

У мяне радасьць.
Упершыню з 2020 года дошка BY_help стабільна паказвае максімум 10 задач на аплату. Бо цяпер мы падхапляем, апрацоўваем, імгненна выстаўляем і амаль імгненна аплочваем.

Я памятаю, калі ў 2020 годзе ў нас вісела па 700 адкрытых задач у нейкія моманты. Калі ў 2021 мы зьмянілі сістэму ўліку, колькасьць на аплату заўжды была трохзначнай.

Зараз, вядома, і запытаў стала меней - але іхны сярэдні памер павялічыўся ў разы ў параўнаньні зь сярэднімі €209 на канец 2020. Мы даем рады.

Bit.ly/byhelpme - штрафы, пазовы, адвакаты
Bit.ly/recoveryby - рэабілітацыя палітычных унутры і за мяжой

Нагадваем базавыя прынцыпы бясьпекі камунікацыі з нашай камандай.

ФОРМЫ
Падаць на дапамогу можна выключна празь дзьве формы, якія мы паўтараем з допісу ў допіс. Ніякіх іншых формаў нашай кампаніі не належыць!

Bit.ly/byhelpme - штрафы, пазовы, адвакаты
Bit.ly/recoveryby - медычная рэабілітацыя палітвязьняў

КАМУНІКАЦЫЯ
Мы камунікуем з акаўнту @michas_help, калі справа датычыць рэабілітацыі. Калі з вамі лістуюцца зь іншага аку - гэта ня мы.
Калі справа датычыць штрафаў ці пазова, валянтэр зьвяжацца з вамі з свайго працоўнага аку. Яго заўжды можна верыфікаваць ці праз прыватныя паведамленьні тут, ці напісаўшы да кіраўніка кампаніі, які камунікуе толькі і выключна з тг @eolonir.

Памятайце, калі ласка, што базавую бясьпеку, калі пішаце з РБ: VPN, чыстка гісторыі, чыстка паведамленьняў.

Дзякуй!

Для тых, хто кажа, што няма сістэмных праграм падтрымкі палітвязьняў: у 2023 годзе мы патрацілі сямізначную суму на медычную рэабілітацыю і асацыяваныя выдаткі (шэлтэры, дапамога з рэінтэграцыяй і падобнае) для былых палітвязьняў за мяжой. Унутры Беларусі мы патрацілі меньш, але ў праграму былі ўключаныя дзясяткі чалавек з былых палітзьняволеных. Мы чакаем, што ў 2024 годзе выйдзем на сямізначную падтрымку ўнутры РБ.


Bit.ly/byhelpme - для адвакатаў, пазоваў, штрафаў
Bit.ly/recoveryby - для медычнай рэабілітацыі былых палітзьняволеных

Reform.by: Наш проект может закрыться

Главный редактор @Reformby Федор Павлюченко сообщил, что проект Reform.by находится на грани закрытия. У редакции осталось денег на 1,5-2 месяца работы.

Редакция, которая состоит всего из нескольких человек, ежедневно делает большую работу — несколько человек пишут по 50-70 новостей в день, которые читают сотни тысяч беларусов.

Как и все другие медиа, реформ был заблокирован в Беларуси, а после ещё и выкинут из российских агрегаторов и пессимизирован в российских соцсетях и поисковиках. Но сейчас они столкнулись с более серьёзной проблемой — отказ финансирования от ключевого донора.

Вы можете поддержать редакцию Reform.by тут

Дарэчы, пра спадара Тысева, якому мы сабралі на аперацыю ўлетку аж 50 тысяч эўра і знайшлі, пасьля адмовы польскай "Караліны", месца ў берлінскім "Шарытэ".

У яго ўсё добра. Постаперацыйных ускладненьняў няма, выздараўленьне йдзе па пляне.

Дзякуй ад Віталя і ўсёй нашай каманды, хто спрычыніўся!

А пасьля збора на Віталя быў маратон салідарнасьці, якога, шчыра кажучы, я быў скептычны: ня верылася, што можна пасьля 50 тысяч сабраць яшчэ нешта істотнае. Сабралі - амаль 570 тысяч. Якія пасьпяхова разьмяркоўваюцца.

І яшчэ. Сёлета толькі на медычную рэабілітацыю палітычных была выдадзеная сума ў сем знакаў. За мяжой адкрытая сетка шэлтэраў. Аказваецца інтэграцыйныя дапамога. Дакладную лічбу напісаць не магу, мгненне забараняюць ("вы кто и куда вы меня тащите????")

Мы працуем. Нават калі рэдка пішам.

Bit.ly/byhelpme - для адвакатаў, пазоваў, штрафаў
Bit.ly/recoveryby - для медычнай рэабілітацыі былых палітзьняволеных.

У Беларусі пачаўся чарговы суд над "вяртанцам". Яму пагражае да 15 гадоў пазбаўленьня волі за здраду. Відаць, вырашылі не разьменьвацца на дробязі.

Калі вы ўжо вырашылі вярнуцца й трапіліся ў пастку - то вось байхэлпаўскія праграмы дапамогі ўнутры краіны:

Bit.ly/byhelpme - аплата адвакатаў, штрафы, паловы (дзейнічае зь 2017 года)
Bit.ly/recoveryby - медычная дапамога для палітзьняволеных унутры Беларусі (дзейнічае зь сярэдзіны 2021 года)

Мы каардынуем дапамогу зь іншымі праграмамі.

Нагадваю каардынаты дапамогі для рэпрэсаваных і палітычных:
bit.ly/byhelpme - для рэпрэсаваных унутры Беларусі (штрафы, пазовы, адвакаты). Форма не мянялася ўжо тры гады.
bit.ly/recoveryby - праграма дапамогі палітычным вязьням унутры і па-за Беларусьсю.
Для падачы заяўкі патрэбен гугл-акаўнт. Пры падачы знутры Беларусі калі ласка рабіце заяўку не са свайго гугл-акаўнта і карыстайцеся з VPN.
Таксама ёсьць магчымасьць скантачыцца праз тэлеграм: @michas_help.

А зараз давайце пагаворым пра бяспечныя шляхі ў Беларусь. Даўгі пост з катэгорыі "навуковая фантастыка на трэцім паверсе".

Коратка: іх няма.

Больш разгорнута, гаворка будзе пра самалёт на Маскву і наземная дарога ў Беларусь, аўтобус праз фінскую мяжу (ізноў адкрываецца 14.12, наколькі - ня ведаю) і далей на Беларусь, самалёт Масква/Каралевец- Менск. Гэта тыя дарогі, якія яшчэ даюць нейкае ўражаньне бясьпекі, бо няма простага кантакту з наземнай беларускай мяжой з Польшчай ці Літвой.

Пра дарогу з Масквы на Менск лепш за ўсё сьведчыць выпадак Дыяны Лаўрыновіч (https://m.nashaniva.com/331690/). Зь Беларусі не было ніякіх сігналаў. Мяжу па зямлі з Расеі дзяўчына праехала без праблем. А потым па яе прыйшлі.

Чаму? Бо на мяжы нехта (расейцы, беларусы, пофіг) прасканавалі ёй пашпарт. І недзе задыміў белы дымок. Зондэркаманда падарвалася.

Палёты з Масквы ці Кёніга на Беларусь. Нават калі там няма фармальнага кантроля, то гэбэ мае доступ да баз PNR (Passenger Record Number). Прыняць кагосьці, хто ў базе, хай і не адразу, а праз пару дзён - пытаньне тэхнікі.

Цягнікі з Масквы на Беларусь. Вы падаеце дадзеныя пашпарту пры пакупцы білета. Калі насупраць вашага імя стаіць сьцяжок, то прыняць вас - пытаньне часу. Гэта адбудзецца празь дзень, праз два, праз тры, каб не рабіць цырку на вакзале. Але адбудзецца. Калі вы ў базе.

Ніхто таксама не адмяняў такой рэчы, як геатрэкінг. Калі нумар вашай роўмінгавай мабілы вядомы, то адтрэкаць рух яе па белсетцы - пытаньне да тэхналогій 2003 года. Гэта калі раптам нехта думае, што можна выратавацца, не перастаўляючы сімку.

Вы ня ўяўляеце, якія рэсурсы былі ўбуханыя ў сістэмы сачэньня ўнутры Беларусі за апошнія некалькі год. І наколькі яны інтэграваныя з расейскімі.

Калі вы трапілі ў жопу, але на свабодзе, то служба эвакуацыі BYSOL - ваш адзіны выхад. Але калі не пасьпелі, то BY_help можа падставіць плячо ў сэнсе аплат адвакатаў і падтрымкі сямей. Вось тут: bit.ly/byhelpme.

Безопасных дорог внутрь РБ нет.

Карыстаючыся нагодай паўтаруся, што мы застаемся адзінай вялікай арганізацыяй, якая завозіць дапамогу ўнутр Беларусі. Мы працягваем выплочваць штрафы і пакрываць калектыўныя разарэнчыя пазовы (калі ўжо зусім ніяк)

Форма заяўкі: bit.ly/byhelpme (для рэпрэсаваных)
Bit.ly/recoveryby - для рэабілітацыі былых палітвязьняў