Bintu Sodiq

❔Юзим парвариши учун пилинглар қилдирсам жоизми?

Савол: Мен косметологга мурожаат қилган эдим, юзимни тозалашни айтди ва ҳар хил пилинглар қилинади, деди. Бир муолажаси бор экан, юзни тозалаб оқартиради ва бир йилгача шу ҳолатда юрилар экан. Бунга динимизда қаршилик йўқми, юзим парвариши учун қилдирсам жоизми?

❕Жавоб: Биз бу соҳа вакили эмаслигимиз учун маълумотимиз йўқ, лекин соҳамиздан келиб чиқиб, умумий қоидани айтиб ўтамиз. Шариатга хилоф ёки таҳорат ва ғусл нуқсонли бўлмаслиги керак. Валлоҳу аълам!

📚 Одинахон Муҳаммад Содиқ
“Омина” журналнинг 12-сонидан олинди.

@BintuSodiq

🟢 Танлов ғолиблари аниқланди!

Мавлид ойи муносабати билан қалбларимизда Расулуллоҳ соллаллоҳу алайҳи васалламга бўлган муҳаббат ва соғинчни яна бир бор уйғотган «Расулуллоҳ соллаллоҳу алайҳи васаллам билан бир дақиқа» танлов-марафонимиз ўз ниҳоясига етди.

Танловнинг ҳар икки босқичида иштирок этган мухлисаларимиз ўзларининг энг нозик кечинмалари, Расулуллоҳ соллаллоҳу алайҳи васалламга бўлган муҳаббат ва соғинчларини, эзгу орзулари ва дардларини қоғозга туширдилар. Мақолаларни саралаб, ҳар бир босқичдан биттадан мухлисамизни ғолиб қилдик.

🌷 Танлов ғолибалари билан танишинг:

1. Одинахон Саидумаралиева, Тошкент шаҳри
2. Ҳанифахон Таджибекова, Андижон вилояти

Ғолибаларимизни чин қалбдан муборакбод этамиз!

🤲 Аллоҳ таоло қалбларингиздаги гўзал муҳаббатни зиёда қилсин, қаламингиздан чиққан ҳар бир эзгу сўзни хайрли ва манфаатли қилсин. Барчамизни Расулуллоҳ соллаллоҳу алайҳи васалламнинг суннатларига эргашувчи, у зотни чин дилдан севувчи ва шафоатларига мушарраф бўлувчилардан қилсин.

❤️ @BintuSodiq

Аллоҳим, танимизга офият, қалбимизга хотиржамлик бер ва тилимизни саловотдан айирма.

🌱 Жума айёмингиз муборак бўлсин!

😀 @BintuSodiq

🌱 Нега биз ота-онамизга, баъзан эса узоқ аждодларимизга ҳам ўхшаймиз?

Бунинг сири — генларда!

Генлар орқали бизга нафақат ташқи кўриниш, балки кўплаб хусусиятлар ҳам мерос бўлиб ўтади.

Демак, ҳар биримизда аждодларимиздан бир парча бор.

🌱 @BintuSodiq

Kitob yozish g‘oyangiz bormi? Uni qo‘lyozmaga aylantirish vaqti keldi!

📚 “Keling, kitob yozamiz!” loyihasining 2-mavsumi uchun qabul ochildi.

Yaponiyadagi o‘zbek olimi, yuridik fanlari doktori, 10 dan ortiq kitoblar muallifi va tarjimoni Alisher Umirdinov mentorligidagi 6 oylik dasturda siz:
— kitob yozish jarayonini bosqichma-bosqich o‘rganasiz;
— g‘oyangizni kitob shakliga keltirasiz;
— yozuvchilik ko‘nikmalaringizni rivojlantirasiz;
— ijodkorlar davrasida birgalikda izlanasiz;
— dastur yakunida tayyor qo‘lyozma taqdim etasiz.

📝 Kimlar uchun?
Kitob yozishni istagan, o‘z g‘oyasini kitob shakliga keltirmoqchi bo‘lgan va yozuvchilik ko‘nikmalarini rivojlantirishni xohlaganlar uchun.

📌 “Keling, kitob yozamiz!” silsilaviy seminar qatnashuvchilariga qo‘yiladigan talablar:

1. Sohasining mutaxassisi bo‘lishi.
2. Ilmiy tadqiqot olib borish va yozish tajribasiga ega bo‘lishi.
3. Xorijiy tilni bilishi (kamida ingliz tili) va u tillarda yozilgan matnlar bilan ishlay olish salohiyatiga egalik.
4. Yozmoqchi bo‘lgan kitobiga oid aniq g‘oyaga ega bo‘lishi.
5. Berilgan topshiriqlarni o‘z vaqtida bajara olishi.
6. Darslarda doimiy qatnashib, haftasiga kamida 9-10 soat ajratishi.
7. Mentorlar bilan faol ishlashi.
8. Silsilaviy seminarlar yakunida tayyor qo‘lyozmani taqdim etishi.
9. Oliy ta’limda kamida magistr darajasiga ega bo‘lishi ustunlik beradi.
10. Ustozlar va darslarga hurmat bilan munosabatda bo‘lmagan, topshiriqlarga befarq yondashgan ishtirokchilar mashg‘ulotlardan chetlashtiriladi.

📆 Boshlanish sanasi: 2-oktabr
⏳ Davomiyligi: 6 oy

🔗 Talablarimiz bilan batafsil tanishib, ishtirok etish uchun ushbu so‘rovnomani to‘ldiring.

Keyingi kitob taqdimoti aynan sizniki bo‘lishi mumkin!

🌐 Telegram
3️⃣ Instagram
🌐 YouTube
4️⃣ Facebook

@BintuSodiq

Бахтли оила — эркак меҳр беришни, аёл эса эркинлик ва ишонч беришни ўрганган жойда қурилади.

🌱 @BintuSodiq

❔Бўлажак куёвга касаллигим ҳақида айтишим керакми?

Савол: 4 ёшлигимда витилиго бўлганман ва даволатишган. Лекин танамда озгина оқ доғлар бор. Ҳозир оила қуриш арафасидаман. Билишимча, бу касаллик беш-ўн фоиз наслдан наслга ўтар экан. Менда витилиго борлиги эсимдан ҳам чиқиб кетган эди, тўйим маълум бўлгандан кейин аммамлар бу ҳақида менга эслатиб қолишди. Бўлажак умр йўлдошимга бу ҳақида айтишим жоизми?
 
❕Жавоб:
Айтиш лозим. Куёв буни билишга ҳақли.

Одинахон Муҳаммад Содиқ
“Омина” журналнинг 12-сонидан олинди.

@BintuSodiq

✍️ Халил ибн Аҳмад Фароҳидий ал-Басрий:
"Мен учун энг оғир вақт — таом ейдиган вақтимдир".

У зот наздида илмда бир муддат бўлмаслик қандай ҳам оғир! Ўз вақтини қизғониш эса бунчалар алангали...

📚 “Уламолар наздида вақтнинг қадри”

#vaqt_qadri
@BintuSodiq

🌱 @BintuSodiq

"Шундай касб танлагинки, бошқаларга фойданг тегсин”, — дердилар отам

Отам кўрсатган йўл нафақат касбимни, балки ҳаётимни ҳам ёритадиган йўл бўлишига ишонганман. Бугун эса бу сўзларнинг қадрини янада чуқурроқ ҳис қиламан.

"МЕН ҲАМ ОЛИМА БЎЛАМАН" кўрсатуви

@BintuSodiq

🎁 Namanganliklar uchun ajoyib yangilik!

"Peshqadam maktabi" o'quv markazining yana bir franshizasi Namangan shahrida tashkil etildi.

🟣Markazning ochilish tadbiri ko'tarinki kayfiyatda bo'lib o'tdi.

O'quv markazi ayol-qizlarning har taraflama rivojlangan, oila va jamiyatda o'z o'rniga ega bo'lishlari uchun xizmat qiladi!

🚩 Tez orada kurs va seminarlar haqida to'liq ma'lumot beramiz. Bizni kuzatishda davom eting.

Har bir qadamimiz jamiyat rivoji uchun.

🚀 @Peshqadam_Namangan
❤️ @BintuSodiq

Ўзимиз билан олиб кета оладиганимиз — фақат қилган яхшиликларимиздир.

😀 @BintuSodiq

Қуръон ўқиганда нима учун қалбимиз таъсирланмайди?

⭐️ Нега баъзан Қуръон тиловат қилсак ҳам, ичимиздаги совуқлик ва ғафлат тарқамайди?

⭐️ Видеода Қуръон қироатининг нозик сирлари ва соф қалб ҳақида тўхталади.

⭐️ Устоз Анвар Аҳмад
📚 "Руҳий тарбия" китоби шарҳидан.

🌱 @BintuSodiq

ПАЙҒАМБАР УЙИДАГИ ҚАРШИЛИК

Қуръонда зикри келган аёллар қиссаси
ҚУРЪОН ВА АЁЛ

🌱 Савол:

— Жуфтлик ҳикмати, энг аввало, садоқат, адолат ва муҳаббат туйғулари билан камол топиши ҳақида Одам Ато ва Момо Ҳаво қиссаларидан билиб олдик. Кейинги юборилган Нуҳ ва Лут пайғамбарлар ўз жуфтлари ва аҳли оиласи билан синовга солинди ва ўртадан ўша ҳикмат кўтарилди, яъни муҳаббат ва садоқат қайсидир маънода хиёнат ва ишончсизлик билан алмашди. Бу хиёнатни фақатгина ўз жуфтига эмас, балки яратилиш ҳикматига, яъни ўз-ўзига хиёнат деб тушунсак, тўғри бўладими?

🌱 Жавоб:

— Хиёнатлари ҳақида гапирадиган бўлсак, бу эр-хотиннинг орасида бўладиган хиёнат эмас, балки динга хиёнат қилиш, Аллоҳга хиёнат қилиш, бош тортиш, иймон келтирмаслик, Аллоҳ таолонинг ваҳдониятини тан олмасликдир.

Нуҳ алайҳиссаломнинг аёллари нима қилди? Фақатгина куфр келтирдими? Йўқ, куфр келтириш билан кифояланмади.

Аслида бундай зотларни машаққатли йўлларида жуфтлари мададкор бўлишлари керак. Нуҳ алайҳиссалом, айтиб ўтганимиздек, жуда узун йиллар машаққат чекканлар, оғир даъват ишларини олиб борганлар, ҳаётлари осон бўлмаган. Жуфтлари сифатида, сокинлик топувчи рафиқалари сифатида, энг яқин кишилари сифатида аёллари мададкор бўлиб туриши керак эди. Лекин аёллари куфр келтиргани, иймон келтирмагани етмагандек, уларга қаршилик қилди.

Бунинг ёрқин мисоли сифатида Пайғамбаримиз соллаллоҳу алайҳи васалламнинг завжаларини олишимиз мумкин. Хадича розияллоҳу анҳо жуда ҳам гўзал зарбулмасал бўла оладилар. Бу маънода Пайғамбаримиз соллаллоҳу алайҳи васаллам вақтики, даъват билан келганларида, илк иймон келтирган инсон сифатида Хадича онамизни таниймиз. Ҳеч шубҳасиз, айтишлари билан, бу хабарни беришлари билан иймон келтирдилар. Ана шу ҳолат кишилар учун энг катта шарафдир. Иймон келтириш билан кифояланиб қолмасдан, неча йиллар машаққатли даъват йўлида улар билан елкама-елка турдилар, машаққатларни биргаликда кўтардилар.

Ҳаттоки, Пайғамбаримиз соллаллоҳу алайҳи васаллам Хадичадан кейин у кишининг хотиралари ҳақида яхши гапларни айтиб: «Ҳамма мени ёлғончига чиқарганда у менга тасдиқ қилди, яъни ишонди, мени тасдиқлади, ҳамма молини қизғонган пайтда у мендан ҳеч нарсасини қизғонмади», деб айтар эдилар. Бу эса аёл кишига ниҳоятда катта шарафдир. Хадича онамиз вафот этган йилларини Пайғамбаримиз соллаллоҳу алайҳи васаллам «маҳзунлик йили» деб атадилар. Чунки нафақат ўзлари, балки бутун мусулмон умматига катта жудолик бўлган эди. Хадича онамизнинг фазилатларини санаб адоғига етиб бўлмайди.

Қарангки, шунинг муқобилида турувчи аёллар ҳам бўлган экан. Унга Нуҳ алайҳиссаломнинг аёлини мисол қилиб келтиришимиз мумкин. Нуҳ алайҳиссаломни кема ясашда, даъват ишларида қавмлари ёлғончиликда айблашган, туҳмат қилишган, масхаралашган. Ана шу масхара қилувчилар ичида, минг афсуски, аёллари ҳам бор эди. У кофир қавм билан бирга бўлиб, эрларига тескари бўлган ва улар билан қўшилиб масхара қилиб, ёлғончига чиқариб, нимаики азият бўлса, берган.

Вақтики келиб, кема йўлга тушадиган бўлганда ҳам, эрларига йўлдош бўлишни эмас, кофирлар билан қолишни афзал билган. Оқибатда улар билан биргаликда ҳалок бўлган. Мана шулар хиёнат деб аталмоқда.

«Маҳалла» радиокан
алининг «Маърифат чироқлари» кўрсатуви журналисти Умида Ғаффорованинг саволларига устоза Одинахон Муҳаммад Содиқ жавоб берган.

📚 «Омина» журналининг 11-сонидан (2026 йил) олинди.

🌱 @BintuSodiq

Йўлдаги озорни кетказиш ҳам садақадир!

«...Йўлдан тош, тикон ва суякни четлатишинг — сен учун садақадир».

(Имом Бухорий ривояти)
📚 «Одоблар хазинаси».

🟢 «Суннат фақат сўз эмас»

🌱 @BintuSodiq

Ўзингдан қўрқиб, мағфиратинг ва раҳматингдан умидвор бўлиб йиғлайдиган, нажот топувчи бандаларингдан қилгин!

@BintuSodiq

Ходимамиз халқаро миқёсда эътироф этилди

«Пешқадамлар карвони» муассасаси медиа бўлими раҳбари Гўзал Дадамуҳаммедова «Достойнейшая» («Энг муносиб») кўкрак нишони билан тақдирланди.

Мазкур мукофот 2023 йилда Россия мусулмон аёллар ташкилотлари жамоат ҳаракати ҳамда «Евроосиё аёллар гуманитар академияси» томонидан таъсис этилган бўлиб, илм-фан, маърифат, ёшлар тарбияси ва хайрия ишларига салмоқли ҳисса қўшган хотин-қизларга тақдим этилади.

Мукофотни «Aиша» халқаро аёллар клуби раҳбари Марям Бариева топширди. Бу эътироф Гўзал Дадамуҳаммедованинг ташкилот билан ҳамкорликда хотин-қизлар маърифати ва таълимини ривожлантириш йўлидаги фидокорона меҳнатлари самарасидир.

«Пешқадамлар карвони» жамоаси Гўзал Дадамуҳаммедовани ушбу муносиб эътироф билан чин дилдан муборакбод этади. Илм-маърифат йўлидаги хайрли ва сермаҳсул фаолиятида улкан зафарлар тилаймиз!

@BintuSodiq

Араб тили ва Уммон маданияти — халқаро тажриба ва ёндашувлар

🗓2026 йил 16 сентябрь куни Уммон Султонлигининг Тошкентдаги элчихонасида "Уммон Султонлигининг араб тилини ва Уммон маданиятини дунё бўйлаб бошқа тилларда сўзлашувчиларга ўргатишдаги ўрни» мавзусида тадбир бўлиб ўтди.

Тадбир доирасида араб тили ва Уммон маданиятини бошқа тилларда сўзлашувчиларга ўргатиш соҳасида 18 йилдан ортиқ тажрибага эга, мазкур йўналиш бўйича магистр даражасини олган, Европа, Осиё ва Америкадаги қатор университетларда фаолият юритган мутахассис устоз Ҳузайм бин Муҳаммад ал-Манийъий маъруза қилди.

Маърузада араб тилини ўқитишнинг замонавий усул ва ёндашувлари, Уммон Султонлигининг араб тили ҳамда миллий маданиятини халқаро миқёсда тарғиб қилиш борасидаги тажрибаси, шунингдек, маданий-маърифий ҳамкорликни ривожлантириш масалалари муҳокама қилинди.

Тадбирда Уммон Султонлигининг Ўзбекистондаги Фавқулодда ва мухтор элчиси Вафо Жабр Носир ал-Бусаидий хоним, Ташқи ишлар вазирлиги ходимлари, юртимиздаги олий таълим муассасаларининг араб тилига ихтисослашган факултет талабалари ҳамда Уммон Султонлигида таҳсил олган юртдошларимиз иштирок этдилар.

Тадбир якунида араб тили ва Уммон маданиятини ўрганиш, таълим соҳасидаги тажриба алмашинувини ривожлантириш ҳамда икки давлат ўртасидаги маданий-маърифий алоқаларни янада кенгайтириш масалалари юзасидан фикр алмашилди.

@BintuSodiq