Беларускія аўдыякнігі (audiobooks.by)

✨ Дзве новыя аўдыякнігі з’явіліся на «Кніжным Возе»!

Ажно два зборніка казак — менавіта тое, чаго не хапала нашым восеньскім вечарам.
🌌 «Калі космас быў белым» — зборнік казак для ўнутранага дзіцяці кожнага з нас. Цёплыя і душэўныя гісторыі ад Эльгі Паповай, якія дапамогуць ненадоўга выйсці з мітусні, адчуць сапраўднасць моманту, дададуць чараўніцтва ў звычайны дзень.
Прысядзьце на прыступку поруч з намаляваным вожыкам і дазвольце сабе быць сабой без усялякіх там дарослых абмежаванняў.
Дазвольце акну цёткі Машы глядзець у космас замест двара, падлічыце, колькі мышанят змесціцца ў галактыцы, па-добраму ўсміхніцеся злоснаму кантрадзілу, папіце гарбаты са снегам, а потым ідзіце далей у звыклае жыццё... але толькі не забудзьцеся, што вы ўжо трошачкі жырафа.

☁️ «Калі неба было маленькім» -– гэта зборнік казак Эльгі Паповай для дзетак.
Кожная гісторыя — тая яшчэ прыгода!

Вам цікава даведацца, як расло маленькае неба ці колькі часу займае падзенне з ложку? А як трапіць у Наадваротны горад? Ці можа возера знайсці сабе дом? Ці бывае кругазварот барашкаў у прыродзе? Дзе лунае слон і ці так гэта насамрэч проста – узяць і выцерці лужыну?
Цікава?
Тады рыхтуйце вашы вушкі і... Тры... Два... Адзін... Пагналі!

🎧 Чытае Аляксандр Ждановіч, а паслухаць навінкі можна проста зараз на «Кніжным Возе»!

✨ Навінка на «Кніжным Возе»: «Казкі: гісторыі (не) пра нас» Сяргея Календы!

Ніякіх пафасных цмокаў, самотных прынцаў ды непрадказальных фей. «Казкі: гісторыі (не) пра нас» Сяргея Календы – гэта кароткія, сюррэалістычныя гісторыі, якія працуюць як люстэрка. Быццам трапляеш у чужы дзіўны сон ці артхаўзны фільм. І чым далей слухаеш, тым выразней разумееш: усе гэтыя гісторыі насамрэч пра твае ўласныя думкі, адзіноту, пошук сябе і спробы зразумець гэты вар'яцкі свет. Цалкам магчыма, што сярод дзіўных гісторый ты знойдзеш праўду пра самога сябе.

🎧 Агучыў Ісай Свістулькін, а паслухаць можна проста зараз па спасылцы на нашым сайце і на «Кніжным Возе».

💥 Слухаем апавяданне Міхася Чарота «Бацюшка» ад Непаслухмяных Дзяцей Кастрычніка!

📓 Непаслухмяныя Дзеці Кастрычніка — аўдыякніжны праект, прысвечаны агучцы твораў рэпрэсаваных і расстраляных у 1930-я гады пісьменнікаў і паэтаў. 

Можа, у гэтым апавяданні Міхась Чарот сказаў болей, чым збіраўся? Імаверна, ён пісаў антырэлігійны твор, а выйшла апавяданне пра сапраўдную і дэкаратыўную веру. Хацеў напісаць маніфест атэізма, а напісаў даследванне душы. Хацеў, можа, працягнуць палітыку партыі, а працягнуў развагі Хрыста пра вернасць і здраду. А, магчыма, бачыў, як няпроста адбываецца тое, што падавалася простым? Як думаеце?

🎧 Паслухаць бясплатна можна проста зараз па спасылцы на нашым сайце і на пляцоўках праекта.

💥 Слухаем «Страту» Генрыха Далідовіча ад праекта «Беларуская літаратура»!

👀 Новая агучка класічнага твора — вельмі раім паслухаць, нават калі вы добра знаёмыя з тэкстам.

Даволі звычайны пачатак: у клас прыязджае навічок. Далей таксама ўсё прагназавана: над ім кпяць, яго крыўдзяць, з ім не хочуць сябраваць. А вось потым расповед абарочваецца зусім нечаканым бокам. Не, тут не будзе барацьбы за павагу і перамогі, не будзе пакарання змоўшчыкаў ці выхаваўчых размоў. Але будзе такі паварот сюжэта, які прымусіць кожнага з нас спыніцца і пераацаніць усё, што мы ведаем пра дзяцей, дарослых, клас, навічкоў – і ўвогуле пра жыццё.

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!

🔥 «Крэмулятар» Сашы Філіпенкі ўжо на пляцоўках!

«Крэмулятар» — самы знакаміты раман Сашы Філіпенкі. Твор атрымаў прэстыжную французскую прэмію Trasnfuge як найлепшы еўрапейскі раман 2023 года. Раман распачынаецца падзеямі 23 чэрвеня 1941 года, калі наступ нямецкай арміі запускае ў СССР чарговую хвалю барацьбы са шпіёнамі. Твор паглыбляе чытача ў атмасферу 1930-х гадоў і грунтуецца на матэрыялах следчай справы першага дырэктара Маскоўскага крэматорыя Пятра Ільіча Несцярэнкі, праз паказанні і дзённікі якога можна прасачыць лёс чалавека на фоне знакавых падзей першай паловы ХХ стагоддзя: войнаў і рэвалюцыі, эміграцыі і вяртання ў СССР часоў тэрору. Аўтар даследуе ўнутраны свет чалавека, пастаўленага перад немагчымым выбарам.

📖 Выдавецтва папяровай версіі — «Gutenberg Publisher».

🎧 Агучыў Алесь Чыннік, а набыць і паслухаць можна па спасылцы на нашым сайце. Першую частку можна паслухаць бясплатна на YouTube.

🔥 Слухаем «Вершы і песні з Беларусі» Берветы Ірзвіцкай і Конрада Жывойты!

Audiobooks.by прадстаўляе гэтую аўдыякнігу як дыстрыб'ютар і партнёр праекта. Мы не былі стваральнікамі гэтай аўдыякнігі, але ганарымся магчымасцю падзяліцца ёю з вамі.

✨ «Вершы і песні з Беларусі» — гэта другі эксклюзіўны аўдыязборнік двух творцаў з Беларусі, якія пішуць свае творы як летапіс сучасных падзей у Беларусі і за яе межамі. Аўдыязборнік, які мы прапануем паважанаму слухачу — гэта калейдаскоп розных тэм і вобразаў, якія хвалююць шмат людзей розных узростаў, асабліва беларусаў, якія знаходзяцца ў Беларусі і за яе межамі. Тут Вы знойдзеце грамадства і палітыку, філасофію і лірыку, легенды і гісторыю. Асноўная тэма зборніку — сучаснае жыццё ў Беларусі ў тых умовах, якія склаліся на сённашні дзень.У зборнік увайшлі некалькі аўтарскіх песень на вершы Б. Ірзвіцкай, К. Жывойты, а таксама песні на вершы беларускіх паэтаў У. Караткевіча і В. Пазнякевіча.

🎧 Агучылі аўтары, а знайсці і паслухаць можна проста зараз на нашым сайце!

✨ Першая аўдыякніга-неспадзяванка восені ўжо на нашым ютуб-канале!

Нагадваем умовы: раз на месяц мы выкладаем адну платную аўдыякнігу на ютуб без назвы і аўтара. Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту? Ці даверыцеся лёсу?

Ніякіх папярэдніх стэрэатыпаў ці чаканняў. Проста аўдыякніга і вы.

🎧 Шукайце спасылку на новую кнігу ў нашых сторыс, а таксама ў тэлеграме і ютубе!

✨ Зборнік казак Маляваныча з’явіўся на «Кніжным Возе»!
📚 Гэта зборнік казак, якія здабылі свой голас і пераўтварыліся з напісаных слоў у дзівосныя гукі. Часам вясёлыя, часам дзіўныя казкі пра прыгоды не звычайных герояў. Тут можна сустрэць тых, хто баіцца, хто хітруе, хто марыць, хто шукае сяброўства і сваё месца ў свеце.

Героі гэтых гісторый не заўсёды самыя моцныя і смелыя – але менавіта таму яны такія блізкія. Яны памыляюцца, сварацца, дапамагаюць адно аднаму і паступова адкрываюць простыя рэчы: што сяброўства важнейшае за перамогу, што слабасць не заўсёды азначае бездапаможнасць.

Казкі для дзяцей — але і для дарослых, якія яшчэ не перасталі марыць, глядзець на свет вялікімі вачыма і верыць, што цуд можа здарыцца зусім побач.

🤝Стварэнне аўдыяверсіі сталася магчымым дзякуючы беларусам і беларускам штата Вашынгтон.

🎧 Паслухаць навінкі можна проста зараз па спасылках на нашым сайце і на «Кніжным Возе»!

🔥 «Мая Галгофа» Ядвігі Бяганскай ужо на пляцоўках!

Дакументальна-біяграфічная аповесць беларускай пісьменніцы Ядвігі Бяганскай (1908–1992) як асобнае выданне публікуецца ўпершыню.

📖 Найважнейшы гістарычны дакумент і помнік чалавечай трываласці, які стаў часткай беларускай лагернай прозы побач з творамі Ларысы Геніюш, Францішка Аляхновіча і іншых. Бязлітасна шчырая споведзь жанчыны, якая прайшла ўсе магчымыя жахі савецкіх рэпрэсій. Драматычная хроніка выжывання, выключная гісторыя жаночага лёсу, мацярынскага болю і нязломнасці духу, якая захапляе сваёй праўдзівасцю з першай да апошняй старонкі.

🎨 Вокладка Ірыны Арахоўскай.

❤️ Вялікая падзяка людзям, якія наноў адкрылі свету гэтую кнігу. Дзякуючы вам, яе цяпер можна паслухаць.

🎧 Агучыла Крысціна Дробыш, а паслухаць бясплатна можна па спасылцы на нашым сайце. 

Падсумоўваем вынікі апошняга месяца лета. Што адбывалася ў нас і нашых калег у жніўні?

📙 Праект «Беларуская літаратура» выпусціў «У родны дом» Янкі Брыля, а таксама «Свіцязянку» Адама Міцкевіча.

📓 У Непаслухмяных Дзяцей Кастрычніка выйшлі аўдыяверсіі паэмы Уладзіміра Дубоўкі «І пурпуровы ветразей узвівы...» і нарыса Міхася Зарэцкага «Падарожжа на Новую Зямлю...».

📗 На старонцы беларускай інтэрнэт-бібліятэкі Камунікат з’явілася «На арбіце «Звязды» Валянціна Тараса.

📕 А нашая каманда выпусціла ажно дзве навінкі: «Занзібар» Сяргея Дубаўца ў аўтарскай агучцы і «Па-той-бок» Зараславы Камінскай.

❤️ Дзякуем, што застаяцеся з намі, даражэнькія. Працягваем запісваць і слухаць сваё!

А таксама маем для вас цудоўную навіну:
мы ўжо ва ўсю рыхтуем рэліз самага знакамітага рамана Сашы Філіпенкі! «Крэмулятар» з’явіцца на пляцоўках ужо ў наступным тыдні —  сачыце за абнаўленнямі, каб не прапусціць навінку.

💥 Слухаем «Падарожжа на Новую Зямлю...» Міхася Зарэцкага ад Непаслухмяных Дзяцей Кастрычніка!

📓 Непаслухмяныя Дзеці Кастрычніка — аўдыякніжны праект, прысвечаны агучцы твораў рэпрэсаваных і расстраляных у 1930-я гады пісьменнікаў і паэтаў. 

Новая Зямля - так звалася мара габрэяў, што пайшлі за Маісеем з егіпецкага палону. Новая Зямля - так звалася мара лесніка Міхася, створанага нашым класікам. Пакаленне рамантыкаў маладой краіны таксама марыла: пра супольную працу на зямлі, механізацыю, меліярацыю, мадэрнізацыю і вызваленне ад цяжкай сялянскай долі. Цяпер мы ведаем, чым абярнулася гэтая ўтопія. Але ў той час, калі Міхась Зарэцкі выправіўся ў сваё падарожжа, мара яшчэ спрабавала стаць рэальнасцю. У які момант з ёй здарылася непапраўнае? Магчыма, вы заўважыце?

🎧 Паслухаць бясплатна можна проста зараз па спасылцы на нашым сайце і на пляцоўках праекта.

💥 Слухаем «Свіцязянку» Адама Міцкевіча ад праекта «Беларуская літаратура»!

👀 Новая агучка класічнага твора — вельмі раім паслухаць, нават калі вы добра знаёмыя з тэкстам.

«Што гэта за хлопец з поглядам шчасным
Поруч са стройнай дзяўчынай
Крочыць павольна пад месяцам ясным
Берагам Свіцязі сіняй?..»

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!

🔥 «Па-той-бок» Зараславы Камінскай ужо на пляцоўках!

🔄 Дзеянне ў гэтай кнізе адбываецца па той бок і па гэты. Па гэты бок, іншымі словамі, тут — таямнічае знікненне дзяўчыны і з’яўленне новых дадзеных, якія могуць перавярнуць уяўленне пра беларускіх традыцыйных лялек. А па той бок — тыя ж лялькі выконваюць свае магічныя абавязкі: абараняюць гаспадароў, дапамагаюць змагацца з нячысцікамі, але часам і самі ператвараюцца ў злыдняў. І як заўжды, калі дачытаеце кнігу, зможаце вырашыць, па які бок — вы.

🎧 Агучыла Ядзвіга Дзяюн, а набыць і паслухаць можна па спасылцы на нашым сайце. Слухайце першую частку бясплатна на нашым YouTube.

💥 Слухаем «На арбіце «Звязды» Валянціна Тараса ад «Камуніката»!

«На выспе ўспамінаў» — гэта ўнікальны летапіс жыцця душы чалавека, які прайшоў праз выпрабаванні вайны (быў партызанам), каханне, смерць, сяброўства і здраду. Аўтар стварае асабістую карціну эпохі «паўзверх старонак» афіцыйнай гісторыі СССР і Беларусі. 

Чытаць галоўную афіцыёзную газету сярэдзіны 50-х гадоў мінулага стагоддзя. Які занятак можа быць больш сумным? І, разам з тым, як жа весела чытаць пра тое, што адбывалася «за кулісамі» таго органу ЦК КПБ. Вядома, справа ў тым, хто апісвае тую эпоху. Так рассмяшыць мог толькі Валянцін Тарас. І гэта не набор рэдакцыйных баек. Гэта сапраўдная трагікамедыя.

🎵 Музыка: Таццяна Карпіловіч

🎧 Агучыў Зміцер Бартосік, а паслухать бясплатна можна проста зараз на «Камунікаце».

Звяртаемся да ўсіх падпісантаў: дапамажыце нам абраць кнігу для агучкі!

У нас ёсць магчымасць запісаць адну кнігу выдавецтва Skaryna Press — і мы вырашылі спытаць вас, што вам хацелася б пачуць у аўдыя.

У нас два варыянты: 

«Дубовые яблочкі» Вольгі Касцюк — шчыры, эмацыйны і смелы праект асабістага летапісу і медытацыі пра шматаблічча сям’і, пра мову, дзяцінства і сталасць, жаноцкасць і мацярынства, пра новую і далёкую краіну, што стала домам.

«Партрэт Дорыяна Грэя» — спакуслівы, вусцішны і бясконца цытаваны раман — літаратурная класіка і люстэрка для кожнай эпохі.

Галасуйце за больш прываблівы варыянт — а мы збяром вынікі і пачнём працу над новым рэлізам!

Даражэнькія, audiobooks.by шукае мастака ці мастачку!

Мы рыхтуем да выхаду другую аўдыякнігу Клёка Штучнага і шукаем чалавека, які створыць для яе вокладку.

📍 Важная ўмова: нам патрэбны мастак ці мастачка з Гродна.

Калі вы малюеце, працуеце з ілюстрацыяй, графікай ці іншымі візуальнымі формамі і вам цікава зрабіць вокладку для беларускай аўдыякнігі — напішыце нам у прыватныя паведамленні. А калі ведаеце чалавека, якому гэта можа быць цікава, — абавязкова перашліце яму наш запыт!

🔥 Доўгачаканая навінка: «Занзібар» Сяргея Дубаўца ўжо на пляцоўках!

Летась гэтая кніга заняла першае месца Прэміі Гедройця, а проста ад зараз яе можна паслухаць у агучцы спадара аўтара.

💬 Аўтар кажа пра кнігу: «Як распавесьці сваю гісторыю і не занудзіць чытача? Вельмі проста. Трэба за той самы час расказаць мноства гісторыяў, дзе будзе шмат пэрсанажаў і сюжэтаў (абавязкова пра любоў), розных жанраў і падарожжаў як у часе, так і ў прасторы, будуць кантэксты і амаль ня будзе цябе самога, бо ўсё гэта разам і будзе — твая гісторыя, сьведкам і ўдзельнікам чаго ты быў сам, і што ня выпала з памяці».

🎧 Агучыў Сяргей Дубавец, а набыць і паслухаць можна па спасылцы на нашым сайце. Слухайце першую частку бясплатна на нашым YouTube.

💥 Слухаем паэму Уладзіміра Дубоўкі «І пурпуровых ветразей узвівы...» ад Непаслухмяных Дзяцей Кастрычніка!

📓 Непаслухмяныя Дзеці Кастрычніка — аўдыякніжны праект, прысвечаны агучцы твораў рэпрэсаваных і расстраляных у 1930-я гады пісьменнікаў і паэтаў. 

У гэтай паэме ёсць усё, што можа захапіць: яскравыя перабольшанні, вострая дыскусія, адчайная смеласць і нечаканыя рыфмы. У той жа час ёсць тое, што можа адштурхнуць: моўныя эксперыменты, жорсткія абагульненні, складаны рытм. Але галоўнае - у ёй ёсць няпростая эпоха, раскладзеная па палічках, і прамоўленая з тымі жарсцю і складанасцю, якіх яна ад нас вымагае.

🎧 Паслухаць бясплатна можна проста зараз па спасылцы на нашым сайце і на пляцоўках праекта.

Даражэнькія, у жніўні праект «аўдыякніга-неспадзяванка» бярэ невялічкую паўзу.

У гэтым месяцы мы не будзем, як звычайна, выкладаць адну з нашых платных кніг бясплатна і прапаноўваць вам здагадацца, што гэта за твор.

Гэтым разам вы адразу будзеце ведаць кнігу і аўтара — гэта «Шлях дробнай сволачы» Евы Вежнавец, пісьменніцы, якая пайшла з жыцця ў мінулым месяцы, і якой нам так востра не хапае ўжо цяпер.

Мы робім гэты твор бясплатным на месяц — і запрашаем усіх жадаючых паслухаць яго.