Uzpharmcontrol

🟦🟦🟦🟦🟦🟦🟦

SSV: JSST bilan amaliy hamkorlik yanada kengayadi

Ayni kunlarda Turkmanistonning Avaza shahrida bo‘lib turgan Sog‘liqni saqlash vaziri Eldor Adilov Jahon sog‘liqni saqlash tashkilotining Yevropa mintaqaviy byurosi direktori vazifasini bajaruvchi Korinn Kapuano bilan uchrashdi.

Muzokaralarda qayd etilganidek, yurtimizda tibbiyotni isloh qilishda JSSTning ekspertlik ko‘magi muhim ahamiyat kasb etadi.

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazida zamonaviy instrumental tahlil usullariga bag‘ishlangan seminar o‘tkazildi

Farmatsevtika mahsulotlari xavfsizligi davlat markazida tibbiy jihozlar sifat menejmenti tizimini takomillashtirish va O‘zMSt ISO 13485 xalqaro standartini milliy amaliyotga joriy etish masalalariga bag‘ishlangan seminar bo‘lib o‘tdi. Unda standart talablarini tatbiq etish jarayonidagi muammolar, ularning yechimlari hamda tibbiy buyumlar sifati va xavfsizligini ta’minlash istiqbollari muhokama qilindi.

👉 Batafsil

Telegram | Facebook | Instagram | Youtube

🟦🟦🟦

Yoshlarning ilmiy salohiyati e’tirofi: Xurshid Tursunov dotsent ilmiy unvoniga erishdi

Farmatsevtika mahsulotlari xavfsizligi markazi Dori vositalari sifatini nazorat qilish va standartlashtirish laboratoriyasi mudiri Xurshid Tursunov “Farmatsevtik kimyo va farmakognoziya” ixtisosligi bo‘yicha dotsent ilmiy unvoniga sazovor bo‘ldi.

Prezidentimiz tomonidan ilgari surilayotgan yoshlarni qo‘llab-quvvatlash, ilmiy izlanishlar uchun keng imkoniyatlar yaratish siyosati hamda Markaz rahbariyati tomonidan xodimlarning kasbiy va ilmiy salohiyatini rivojlantirishga qaratilayotgan e’tibor soha mutaxassislarining yangi yutuqlarga erishishida muhim ahamiyat kasb etmoqda.

Markaz jamoasi Xurshid Tursunovni ushbu yutuq bilan tabriklab, kelgusi ilmiy va kasbiy faoliyatida muvaffaqiyatlar tilaydi!

Telegram | Facebook | Instagram | Youtube

🔴 🟦🟦🟦

Uzpharmcontrol: Qonunchilik hujjatlari talablari buzilganligi, jumladan, dori vositalari va tibbiy buyumlarning narxini belgilash tartibini qo‘pol ravishda buzganligi oqibatida litsenziyaning amal qilishi bekor bo‘lgan dorixona, dorixona filialining manzillari va xodimlari (provizorlar, farmatsevtlar)ning yagona reestrdagi ma’lumotlari yangilandi.

👍 Mazkur ro‘yxatda 169 ta dorixona va ularning filiallari manzillari hamda xodimlari o‘rin olgan.

😎 Eslatib o‘tamiz, Farmatsevtika faoliyatini litsenziyalash va nazorat qilish boshqarmasi tomonidan reestrga kiritilgan ma’lumotlar ular kiritilgan vaqtdan e’tiboran uch yil davomida saqlanadi.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Dorixona xodimi dori vositasi va tibbiy buyumni berish paytida nimalarga eʼtibor berishi lozim? - Javob

👍 Sertifikatlashtirilgan sifat menejment tizimlarini davriy baholash qanday tartibda amalga oshiriladi? - Javob

👍 Oz‘MSt ISO 13485:2025 milliy standarti talablariga muvofiqlik sertifikati sohasini kengaytirish yoki qisqartirish qanday amalga oshiriladi? - Javob

👍 Sertifikatlashtirilgan sifat menejment tizimlari qanday hollarda maxsus auditlardan o’tkaziladi? - Javob

Telegram | Facebook | Instagram | Youtube

🟡 📰📰📰📰📰📰📰

❗️ O‘zbekiston – Qozog‘iston: tibbiyotdagi hamkorlikning istiqbolli yo‘nalishlari belgilab olindi

🇺🇿🇰🇿 Sog‘liqni saqlash vaziri Eldor Adilov Turkmanistonning Avaza shahrida Qozog‘iston Sog‘liqni saqlash vaziri Akmaral Alnazarova bilan uchrashdi.

📈 Muloqotda ikki davlat rahbarlarining sa’y-harakatlari bilan barcha sohalar qatori tibbiyotda ham o‘zaro aloqalar tobora kengayib, yangi mazmun bilan boyib borayotgani ta'kidlandi.

✅ Jumladan, tibbiy ta’lim, shifokorlar malakasini oshirish, famatsevtika tarmog‘i, birlamchi bo‘g‘inni rivojlantirish, ona va bola salomatligini asrash kabi yo‘nalishlarda samarali hamkorlik yo‘lga qo‘yilgan.

🔵 Muzokaralar chog‘ida Eldor Adilov ko‘p qirrali ikki tomonlama munosabatlarni yanada rivojlantirishga qaratilgan qator tashabbuslarni ilgari surdi.

🏥 Ulardan biri 100 nafar shifokor uchun O‘zbekiston va Qozog‘istonning yetakchi tibbiyot muassasalarida onkologiya, neyroxirurgiya, transplantologiya, kardiojarrohlik, pediatriya va boshqa yo‘nalishlar bo‘yicha qisqa muddatli stajirovkalar tashkil etishni ko‘zda tutadi.

💊 Vazir birlamchi tibbiy-sanitariya yordami va patronaj xizmatini takomillashtirish, chegaraoldi hududlar o‘rtasidagi aloqalarni mustahkamlash, ayrim dori vositalariga bo‘lgan talabni prognozlash hamda ularni ishlab chiqarishni mahalliylashtirish imkoniyatlarini o‘rganishni ham taklif etdi.

📄 Buning uchun har bir yo‘nalish bo‘yicha aniq chora-tadbirlar rejasi tayyorlanadi.

⏺ — Hamkorligimiz o‘tkazilgan uchrashuv yoki imzolangan memorandumlarning soni bilan emas, aniq natijalar bilan o‘lchanishi kerak, — dedi Eldor Adilov.

⚪️ O‘z navbatida, Akmaral Alnazarova chegaraoldi hududlardagi tibbiyot muassasalari o‘rtasida aloqalarni yanada mustahkamlash hamda o‘zaro tajriba almashinuvini davom ettirish muhimligiga alohida e’tibor qaratdi.

‼️ Uchrashuv yakunida kelgusi yillar uchun amaliy hamkorlikni rivojlantirishga qaratilgan yangi chora-tadbirlar rejasini ishlab chiqish zarurligi ta’kidlandi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram 🌐 Linkedin

🟦🟦🟦🟦🟦

O‘zbekistonning farmatsevtika sohasidagi islohotlari xalqaro maydonda taqdim etildi

O‘zbekiston Prezidenti tomonidan sog‘liqni saqlash tizimini modernizatsiya qilish, aholiga sifatli tibbiy xizmat ko‘rsatish imkoniyatlarini kengaytirish va farmatsevtika sohasini xalqaro talablar asosida rivojlantirishga qaratilgan islohotlar xalqaro konferensiyada taqdim etildi.

Turkmanistonning “Avaza” milliy turistik zonasida “Aholining sog‘liqni saqlash xizmatlari bilan umumiy qamrovi va barqaror rivojlanish maqsadlari” mavzusidagi II xalqaro konferensiya bo‘lib o‘tdi. Unda Sog‘liqni saqlash vaziri Eldor Adilov boshchiligidagi O‘zbekiston delegatsiyasi ham ishtirok etdi.

Konferensiyada MDH davlatlari sog‘liqni saqlash vazirlari, parlamentlar, JSST, MDH hamda boshqa xalqaro tashkilotlar vakillari qatnashdi. Yalpi majlisda Eldor Adilov O‘zbekistonda sog‘liqni saqlash tizimini modernizatsiya qilish, birlamchi tibbiy-sanitariya yordamni kuchaytirish, raqamlashtirish va aholining tibbiy xizmatlardan foydalanish imkoniyatlarini kengaytirish bo‘yicha amalga oshirilayotgan ishlarni taqdim etdi.

Konferensiyaning II sessiyasida"Farmatsevtika mahsulotlari xavfsizligi markazi" DM direktori Alisher Temirov “O‘zbekistonda farmatsevtika sohasini tartibga solishdagi islohotlar” mavzusida ma’ruza qildi. Unda farmatsevtika bozorini tartibga solish tizimini takomillashtirish, dori vositalarining sifati va xavfsizligini ta’minlash hamda zamonaviy regulyator mexanizmlarni joriy etish bo‘yicha O‘zbekistonda amalga oshirilayotgan islohotlar xalqaro ishtirokchilarga taqdim etildi.

Shunigdek konferensiya doirasida sog‘liqni saqlash sohasida davlatlararo hamkorlikni kuchaytirish, dori vositalaridan foydalanish imkoniyatlarini kengaytirish va milliy tajribalarni almashish masalalari ham atroflicha muhokama qilindi.

Telegram | Facebook | Instagram | Youtube

🟦🟦🟦

Tibbiy jihozlarni ro‘yxatdan o‘tkazish: Markaz rahbariyati ishtirokida ochiq muloqot o‘tkazildi

Tibbiy jihozlarni davlat ro‘yxatidan o‘tkazish jarayonlarini raqamlashtirish va elektron xizmatlardan foydalanishni yanada soddalashtirish masalalari Markaz rahbariyati ishtirokidagi ochiq muloqotda muhokama qilindi. Unda Uzpharminfo.uz axborot tizimidagi so‘nggi yangilanishlar taqdim etilib, 50 dan ortiq soha vakillarining savol va takliflari tinglandi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika mahsulotlarini sinash sohasida yangi bosqich: Sinov markazi akkreditatsiyadan o‘tdi

"Farmatsevtika mahsulotlari xavfsizligi markazi" DMning Sinov markazi O‘zMSt ISO/IEC 17043:2025 talablari asosida malaka sinovlari provayderi sifatida akkreditatsiyadan o‘tdi. O‘zbekiston akkreditatsiya markazida bo‘lib o‘tgan uchrashuvda Sinov markaziga berilgan O‘ZAK.MP.0007 raqamli akkreditatsiya guvohnomasini Farmatsevtika mahsulotlari xavfsizligi markazi direktorining birinchi o‘rinbosari Nozim Berdiyev tantanali ravishda qabul qilib oldi.

👉 Batafsil

Telegram | Facebook | Instagram | Youtube

🟦🟦🟦

Urganchda Markazning zamonaviy farmatsevtika laboratoriyasi ishga tushirildi

Urganch shahrida Farmatsevtika mahsulotlari xavfsizligi markazining hududiy filiali yangi bino va zamonaviy laboratoriya majmuasi bilan faoliyatini qayta boshladi. 40 dan ortiq zamonaviy sinov uskunasi bilan jihozlangan filial laboratoriyasi endilikda 37 ta sinov obyekti bo‘yicha 789 xil sinovni amalga oshirish imkoniyatiga ega bo'ldi. Buning natijasida Xorazm, Qoraqalpog‘iston va Buxoro hududlaridagi farmatsevtika mahsulotlari sifat nazoratini yangi bosqichga olib chiqiladi.

👉 Batafsil

Telegram | Facebook | Instagram | Youtube

🟦🟦🟦

Davlat organlari va tashkilotlarining, davlat ishtirokidagi korxonalarning komplayens va korrupsiyaga qarshi ichki nazorat tuzilmalari faoliyati tartibga solindi

Davlat organlari va tashkilotlarining, davlat ishtirokidagi korxonalarning komplayens va korrupsiyaga qarshi ichki nazorat tuzilmalari faoliyatiga oid idoraviy hujjat davlat ro‘yxatdan o‘tkazildi (ro‘yxat raqami 3950, 2026-yil 3-oktabr).

Ushbu hujjat bilan davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq bo‘lgan xo‘jalik jamiyatlarida komplayens va korrupsiyaga qarshi ichki nazorat tuzilmalarining vazifalari, funksiyalari, huquq va majburiyatlari hamda ularning faoliyatini tashkil etish tartibi belgilanmoqda.

👉 Batafsil

Telegram | Facebook | Instagram | Youtube

#Audiopodkast
🔴 🟦🟦🟦

❗️"Elektron retsept" tizimi bo‘yicha audiopodkast o‘tkaziladi

➕ Sog’liqni saqlash vazirligi Matbuot xizmati tomonidan tashkil etilayotgan navbatdagi audiopodkastda "Elektron retsept" tizimining mazmun-mohiyati, uni joriy etishdan ko‘zlangan maqsad va aholi uchun yaratiladigan qulayliklar haqida so‘z yuritiladi.

🎤 Ovozli chat ertaga, 7-oktabr kuni soat 16.00 da Sog‘liqni saqlash vazirligining rasmiy telegram kanali — @ssvuz orqali o‘tkaziladi.

🎙 Ekspert — SSV huzuridagi "Farmatsevtika mahsulotlari xavfsizligi markazi" davlat muassasasi mutaxassisi Dinoza Kamolova.

❓Sizda ham elektron retsept bo‘yicha savollar bormi? Unda audiopodkastni o‘tkazib yubormang!

🚑 SSV Matbuot xizmati.

🌐 Web-site 🔵Telegram 👥 Fb 📷 Instagram

🟦🟦🟦

Farmatsevtika mahsulotlarini sinash sohasida yangi bosqich: Sinov markazi malaka sinovlari provayderi sifatida akkreditatsiyadan o‘tdi

Farmatsevtika mahsulotlari xavfsizligi markazi Sinov markazi O‘zMSt ISO/IEC 17043:2025 talablariga muvofiq malaka sinovlari provayderi sifatida akkreditatsiyadan o‘tdi. Hamda O‘ZAK.MP.0007 akkreditatsiya raqami berilib, O‘zbekiston milliy akkreditatsiya tizimi reyestriga kiritildi. Mazkur akkreditatsiya Sinov markazining ushbu yo‘nalishdagi faoliyatni belgilangan xalqaro talablar asosida amalga oshirish bo‘yicha kompetentligini tasdiqlaydi.

👉 Batafsil

Telegram | Facebook | Instagram | Youtube

🟦🟦🟦

Samarqand viloyatida “Farmakonazorat” milliy elektron axborot tizimi bo‘yicha o‘quv-seminarlar o‘tkazildi

Samarqand viloyatidagi tibbiyot muassasalari xodimlari uchun farmakologik nazorat sohasiga bag‘ishlangan keng qamrovli o‘quv-seminarlar o‘tkazildi. Unda jami 1 600 nafar tibbiyot xodimi qamrab olinib, ularga dori vositalarining nojo‘ya reaksiyalarini aniqlash, qayd etish, baholash va belgilangan tartibda xabar berish, shuningdek, “Farmakonazorat” milliy elektron axborot tizimidan foydalanish bo‘yicha amaliy tushuntirishlar berildi.

Seminarlar davomida farmakologik nazorat talablarini amaliyotga samarali joriy etish, nojo‘ya reaksiyalar to‘g‘risidagi ma’lumotlarni tizimga to‘g‘ri, to‘liq va o‘z vaqtida kiritish hamda jiddiy nojo‘ya reaksiyalar yuzasidan tezkor xabar berish masalalariga alohida e’tibor qaratildi.

Telegram | Facebook | Instagram | Youtube