Шу қаласында тұрғынның ауласынан 10 келіден астам гашиш тәркіленді

Жамбыл облысы Шу қаласында өткізілген "Қарасора - 2026" және "Дәрмек" арнайы операциялары аясында 39 жастағы жергілікті тұрғын ұсталды. Күдіктінің үйінің ауласын тінту кезінде 10 келі 108 грамм гашиш есірткі заты табылып, тәркіленді. Аса ірі мөлшерде есірткі сақтау фактісі бойынша сотқа дейінгі тергеп-тексеру басталып, күдікті уақытша ұстау изоляторына қамалды.