Атырауда түнгі тыныштықты бұзған 2 700-ге жуық тұрғын жауапқа тартылды

Атырау облысында жыл басынан бері түнгі уақытта тыныштықты бұзудың 2 656 дерегі тіркелді. Оның ішінде 57 жағдайда тұрғындардың демалысына кедергі келтіріп, көлік құралын басқару фактісі анықталған. Мегаполисте түнде қатты музыка қою мен шу шығару деректері басым болып тұр. Полиция қызметкерлері заңбұзушыларға қатысты әкімшілік шаралар қолданып, азаматтарды түнгі сағат 22:00-ден кейін көршілердің тыныштығын бұзбауға және тәртіп сақтауға шақырады.