Астана вокзалында заңсыз еңбек еткен шетел азаматтары елден шығарылды

Астана станциясының теміржол вокзалы аумағында көлік полицейлері 22, 28 және 33 жастағы үш шетелдікті анықтады. Олар Қазақстан Республикасында тиісті рұқсат құжаттарынсыз құрылыс нысанында заңсыз жұмыс істеген. Сот шешімімен заңбұзушылар ел аумағынан шығарылды. Жалпы, жыл басынан бері көліктегі полиция департаменті көші-қон заңнамасын бұзған 3 043 шетел азаматын әкімшілік жауапкершілікке тартып, оның 837-сін сот шешімімен елден аластатты.