Көлік министрлігінде «Заң мен тәртіп» идеологиясын ілгерілетудің жаңа тәсілдері талқыланды

Қазақстан Республикасы Көлік министрлігінде Әдеп жөніндегі уәкілдің жұмыс жоспары аясында Көлік министрлігі мен Өнеркәсіп және құрылыс министрлігінің мемлекеттік қызметшілеріне арналған бірлескен семинар өтті.

Іс-шараның негізгі тақырыптары «Заң мен Тәртіп идеологиясын қоғамда ілгерілетудің жаңа тәсілдері»және «Заңсыз сыйақы және пара: ұғымы және айрықша белгілері» болды.

Семинарда Қазақстан Республикасы Бас прокуратурасының жанындағы Құқық қорғау органдары академиясының кафедра доценті, әділет кеңесшісі Нұрғали Берікұлы Рахимов дәріс оқыды.

Семинар барысында «Заң мен тәртіп» идеологиясының мәні мен тұжырымдамалық негіздері, оның заңдылық және әділеттілік қағидаттарымен өзара байланысы, сондай-ақ заңға бағыну мәдениетін қалыптастырудың және құқықтық сауаттылықты арттырудың заманауи тәсілдері қарастырылды.