Алматыда «Таза қала» акциясы аясында 32 мыңнан астам құқық бұзушылық анықталды

Алматы қаласында тазалық пен санитарлық талаптарды сақтауға бағытталған «Таза қала» профилактикалық акциясы жалғасып жатыр. Шара барысында патрульдік полиция көлік терезесінен қоқыс тастау және жол жиектерін ластау сияқты заңбұзушылықтарға ерекше назар аударуда. Жыл басынан бері мегаполисте осындай 32 мыңнан астам фактінің жолы кесіліп, кінәлілер жауапкершілікке тартылды. Полиция департаменті қала тазалығы әрбір азаматтың жауапкершілігінен басталатынын еске салып, тұрғындарды қоршаған ортаға ұқыпты қарауға үндейді.