Батыс Қазақстан облысында жайылымнан алты жылқы ұрлағандар ұсталды

Батыс Қазақстан облысының Жаңақала ауданында полиция қызметкерлері жайылымдық жерден алты жылқы ұрлаған екі күдіктіні құрықтады. Тергеу барысында жергілікті екі тұрғынның 1,8 миллион теңгені құрайтын малды ұрлап, қораға қамағаны, кейін Атырау қаласына апарып сатқаны анықталды. Қазіргі уақытта аталған дерек бойынша сотқа дейінгі тергеу амалдары жүргізіліп жатыр.