Петропавлда полицейлер тұрғынды 1,1 миллион теңгесінен айырылудан сақтап қалды

Солтүстік Қазақстан облысы Петропавл қаласындағы сауда үйлерінің бірінде кезекшілікте жүрген ЖҚАЖ қызметкерлері Қарасай Ботпаев пен Бауыржан Ахмет кезекті интернет-алаяқтықтың алдын алды. Банкомат маңында қолында бір бума ақша ұстап, телефонмен алаңдап сөйлесіп тұрған 57 жастағы қала тұрғыны тәртіп сақшыларының назарын аударған. Белгілі болғандай, Telegram мессенджері арқылы алаяқтардың арбауына түскен азамат "криптовалютадан табыс табамын" деген үмітпен оларға 1,1 миллион теңге аударуға дайындалған. Полицейлердің қырағылығы мен дер кезінде түсіндіру жұмысын жүргізуінің арқасында жергілікті тұрғын қаржылық шығыннан аман қалды.