Түркістан облысында нөмірсіз дрифт жасаған екі жүргізуші ұсталды

Түркістан облысы Қазығұрт ауданының Шарбұлақ елді мекенінде полиция қызметкерлері түнгі сағат 01:30 шамасында мешіт автотұрағында қауіпті дрифт жасаған екі жүргізушіні құрықтады. 20 жастағы екі азамат Mercedes-Benz және BMW автокөліктерінің мемлекеттік нөмірлерін шешіп алып, қауіпті маневрлер жасаған. Тәртіп бұзушылардың екі көлігі де арнайы айыптұраққа қойылып, оларға қатысты түнгі тыныштықты бұзу, маневр жасау қағидаларын бұзу және нөмірсіз көлік басқару фактілері бойынша тиісті әкімшілік хаттамалар толтырылды.