Қарағанды облысында 40 миллиард теңгенің мефедронын өндірген ірі есірткі зертханасы жойылды

Қарағанды облысында полиция қызметкерлері ҰҚКД және прокуратурамен бірлесіп, мефедрон өндірумен айналысқан трансұлттық қылмыстық топтың ірі есірткі зертханасының қызметін тоқтатты. Арнайы операция барысында 48 және 28 жастағы екі күдікті ұсталып, қамауға алынды. Зертхананы тінту кезінде 50 тонналық өнеркәсіптік цистерна, 16 тонна пайдаланылған сұйықтық және арнайы құралдар тәркіленді. Сарапшылардың есебінше, дайын мефедронның ықтимал көлемі 2 тоннаға (2 миллион бір реттік доза) жетіп, оның заңсыз нарықтағы бағасы 40 миллиард теңгені құрауы мүмкін еді. Қазіргі уақытта сотқа дейінгі тергеп-тексеру жүргізілуде.