TerDPI rasmiy telegram sahifasi

✨ O‘zbek tili va adabiyoti ustozlarini “E Voh” olimpiadasiga chorlaymiz!

🎉 21-oktyabr — O‘zbek tili bayrami hamda O‘zbekiston Qahramoni, xalq shoiri Erkin Vohidov tavalludining 90 yilligi munosabati bilan “E Voh” respublika o‘zbek tili va adabiyoti olimpiadasiga start berildi!

✅ Tashkilotchilar:
• UzReport axborot agentligi
• Xalqaro Nordik universiteti

🔗 Hamkorlar:
• O‘zbekiston Respublikasi Ta’lim va ilm-fan vazirligi
• Fan olimpiadalari markazi
• Bolalar Ombudsmani

🇺🇿 Respublikadagi umumtaʼlim maktab (davlat va xususiy), litsey, texnikumlarning o‘zbek tili va adabiyoti fani muallimlari.

✅ 2 bosqich:

✓  1-bosqich — onlayn: telegram bot orqali test
✓ 2-bosqich — offlayn: insho va test — ijodiy bellashuv!

⏳ Ro‘yxatdan o‘tish: 14-oktyabr, 24:00 gacha.

😎 @tasimo_login_bot
🌐 https://account.tasimo.uz/login

🕚 1-bosqich: 15-oktyabr, 19:00.

Mukofotlar: g‘oliblarni pul mukofoti va xorijiy stajirovka dasturlariga yo‘llanma kutmoqda.

🔥 Aziz ustozlar! Bellashing va o‘zingizni namoyon eting!

Facebook | Instagram | YouTube | Telegram

Xorijiy va nodavlat oliy ta’lim tashkilotlari talabalari uchun davlat granti tanloviga arizalar qabuli boshlandi

O‘zbekiston Respublikasi Prezidentining 2026-yil 10-apreldagi PF-58-son Farmoni bilan tasdiqlangan tartibga muvofiq, respublikamizda faoliyat yuritayotgan xorijiy oliy ta’lim tashkilotlari filiallari hamda nodavlat oliy ta’lim tashkilotlari talabalariga ajratilgan maqsadli davlat grantlari uchun tanlovda ishtirok etish bo‘yicha arizalarni qabul qilish boshlandi.

📆 Arizalar 2026-yil 10-oktabrdan 17-oktabrgacha (shu kuni ham) qabul qilinadi.

🌐 Arizalarni topshirish https://my.uzbmb.uz manzili orqali amalga oshiriladi.

👥 Tanlovda kimlar ishtirok etishi mumkin?

🎓 Tanlovda xorijiy oliy ta’lim tashkilotlarining O‘zbekistondagi filiallari hamda nodavlat oliy taʼlim tashkilotlarida bakalavriat taʼlim yo‘nalishlarining kunduzgi ta’lim shakliga qabul qilingan, davlat granti kvotalari ajratilgan ta’lim sohalarida tahsil olayotgan talabalar ishtirok etishlari mumkin.

Tanlov qanday o‘tkaziladi?

📝 Talabalar tegishli ta’lim yo‘nalishlari uchun belgilangan fanlar majmuasi bo‘yicha saralash imtihonlarida ishtirok etadi. Test sinovlari Bilim va malakalarni baholash agentligi tomonidan o‘tkaziladi.

☑️ Joriy yilda davlat oliy ta’lim tashkilotlariga kirish imtihonlarida mos fanlar majmuasi bo‘yicha ishtirok etgan talabalar o‘zlari to‘plagan ballari bilan ham tanlovda qatnashishi mumkin.

🗓️ Davlat grantlari belgilangan minimal o‘tish balini to‘plagan talabalar orasidan ballar ketma-ketligiga qatʼiy rioya qilgan holda, ajratilgan kvotalar doirasida taqsimlanadi.

‼️ Muhim! Tanlovt natijasida davlat grantiga tavsiya etilgan talabalarga grant butun o‘qish davri uchun ajratiladi. Bunda grant olgan talabalar o‘qishni tamomlagach, belgilangan tartibda davlat yoki davlat ulushi mavjud tashkilotlarda kamida 3 yil ishlab berish majburiyatini oladi.

📌 Hurmatli talabalar!
Davlat granti tanlovida ishtirok etish istagida bo‘lsangiz, 17-oktabr kuni yakuniga qadar my.uzbmb.uz platformasi orqali ro‘yxatdan o‘tib, ariza topshirishingiz mumkin.

Facebook | Instagram | YouTube | Telegram

#OAV_BIZ_HAQIMIZDA

Termiz shahri tarixini o‘rganishga bag‘ishlangan xalqaro anjuman o‘tkazildi.

✍️ TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

Avazadagi sammitlar Prezident Shavkat Mirziyoyevning keng mintaqamiz tinch, xavfsiz, iqtisodiy jihatdan kuchli bo‘lishini ta’minlash, Mustaqil Davlatlar Hamdo‘stligini ishonch va umumiy taraqqiyot makoniga aylantirish bo‘yicha muhim tashabbuslari bilan ahamiyatli bo‘ldi. MDHning navbatdagi sammiti O‘zbekistonda o‘tadi.

Facebook | Instagram | YouTube | Telegram

🎉🎉🎉🎉🎉🎉🎉🎉🎉🎉

📚 “QATAG‘ON QURBONLARINING HAYOTI VA FAOLIYATIGA BAG‘ISHLANGAN ILMIY MAQOLALAR, YOZMA MULOHAZALAR” TANLOVINING INSTITUT BOSQICHI G‘OLIBLARI ANIQLANDI!

Termiz davlat pedagogika institutida qatag‘on qurbonlarining hayoti va faoliyatini o‘rganish, ularning millat va Vatan taraqqiyotiga qo‘shgan hissasini keng targ‘ib etish maqsadida tashkil etilgan tanlovning institut bosqichi yakunlandi.

Tanlov davomida ishtirokchilarning ilmiy maqolalari hakamlar hay’ati tomonidan belgilangan mezonlar asosida baholandi. Shuningdek, talabalar “Yozma mulohaza (esse)” sharti orqali mavzu yuzasidan o‘z fikr-mulohazalarini bayon etdilar.

🏆TANLOV G‘OLIBLARI:

🥇 1-o‘rin — Jabborov Bunyod Akbarovich — 170 ball; (Pedagogika va ijtimoiy fanlar fakulteti)
🥈 2-o‘rin — Mamayusupova Diyora Baxtiyorovna — 160 ball; (Tillar fakulteti)
🥉 3-o‘rin — Muxammadiyeva Farangiz Baxodir qizi — 155 ball. (Pedagogika va ijtimoiy fanlar fakulteti)

🎉 G‘oliblarni samimiy muborakbod etamiz va kelgusi ilmiy-ijodiy faoliyatlarida muvaffaqiyatlar tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#Xalqaro_olimpiada

🧪 ABU RAYHON BERUNIY NOMIDAGI XALQARO KIMYO OLIMPIADASI O‘TKAZILADI

Oliy ta’lim tashkilotlari talabalari o‘rtasida kimyo fani bo‘yicha Abu Rayhon Beruniy nomidagi Xalqaro olimpiada — Abu Rayhan Biruni International Chemistry Olympiad (ABICO) tashkil etilmoqda.

🏆 Xalqaro olimpiada g‘oliblari uchun imtiyoz!

Olimpiada g‘olibi bo‘lgan O‘zbekiston talabalari tegishli mutaxassisliklar bo‘yicha magistraturaga davlat granti asosida, imtihonlarsiz qabul qilinadi.

📍 O‘tkazilish joyi: Xorazm viloyati, Ma’mun universiteti

📅 O‘tkazilish sanasi: 2026-yil 1–5-dekabr

Kimyo faniga qiziquvchi talabalar uchun xalqaro maydonda o‘z bilim va mahoratini sinovdan o‘tkazish imkoniyati!

Facebook | Instagram | YouTube | Telegram

#Qonunchilik_yangiliklari

❗️ Oliy ta’lim tashkilotlari talabalari o‘rtasida fan olimpiadalarini tashkil etishning yangi tartibi belgilandi

Hukumatning 2026-yil 17-sentyabrdagi 499-son qarori bilan “Oliy ta’lim tashkilotlari talabalari o‘rtasida fan olimpiadalarini tashkil etish va iqtidorli talabalarni qo‘llab-quvvatlash tartibi to‘g‘risida”gi nizom tasdiqlandi.

🔰 Olimpiadalar uchun nazorat materiallarini ishlab chiqish, iqtidorli talabalar zaxirasini shakllantirish hamda tashkiliy jarayonlarni muvofiqlashtirish vazirlik huzuridagi Oliy ta’limni rivojlantirish va global hamkorlik markazi tomonidan amalga oshiriladi.

📌 Nizomga ko‘ra:

▪️Olimpiada ishtirokchilarini ro‘yxatga olish, jarayonlarni monitoring qilish va natijalarni shaffof e’lon qilish uchun yagona elektron axborot tizimi yuritiladi.

✅ Respublika fan olimpiadalari 2 bosqichda o‘tkaziladi:
1-bosqich — oliy ta’lim tashkilotlarida bakalavriat talabalari o‘rtasida;
2-bosqich — vazirlik tomonidan belgilangan tayanch oliy ta’lim tashkilotlarida;

▪️ Har bir bosqichda 1-, 2- va 3-o‘rinlarni egallagan g‘oliblar keyingi bosqichga tavsiya etiladi;

▪️ Olimpiadalar o‘tkaziladigan auditoriyalar videokuzatuv kameralari bilan jihozlanadi. Olimpiada jarayonida aloqa vositalari va qo‘shimcha manbalardan foydalanishga yo‘l qo‘yilmaydi;

▪️ Olimpiada natijalari musobaqa o‘tkazilgan kunning o‘zida e’lon qilinadi;

▪️ Natijalardan norozi ishtirokchilar olimpiada natijalari e’lon qilingan kunning o‘zida apellyatsiya komissiyasiga yozma murojaat qilishi mumkin;

▪️ O‘zbekiston talabalari ishtirok etishi lozim bo‘lgan nufuzli xalqaro olimpiadalar ro‘yxati vazirlik tomonidan tasdiqlanadi va har yili yangilanadi;

▪️ Xalqaro olimpiadalarda ishtirok etish uchun terma jamoalarni saralash, maqsadli tayyorlash va ularning ishtirokini ta’minlash alohida reglament asosida amalga oshiriladi.

🏆 G‘oliblar qanday rag‘batlantiriladi?

Respublika fan olimpiadalari:
🥇 1-o‘rin — talabaga 50 BHM, ustoziga 25 BHM;
🥈 2-o‘rin — talabaga 40 BHM, ustoziga 20 BHM;
🥉 3-o‘rin — talabaga 30 BHM, ustoziga 15 BHM miqdorida bir martalik pul mukofoti.

Xalqaro olimpiadalar:
🥇 1-o‘rin — talabaga 100 BHM, ustoziga 50 BHM;
🥈 2-o‘rin — talabaga 75 BHM, ustoziga 40 BHM;
🥉 3-o‘rin — talabaga 50 BHM, ustoziga 30 BHM miqdorida bir martalik pul mukofoti beriladi.

➡️ Shuningdek, xalqaro olimpiada g‘oliblarini tayyorlagan ustozlarga lavozim maoshining 100 foizi, respublika fan olimpiadasining II bosqichi g‘oliblarini tayyorlagan ustozlarga esa 50 foizi miqdorida har oylik ustama to‘lanadi.

❇️ Shuningdek, oliy ta’lim tashkilotlari, davlat organlari va boshqa manfaatdor tashkilotlar bilan kelishilgan holda qo‘shimcha fan olimpiadalarini tashkil etish imkoniyati ham belgilandi.

🔖2027-yil 1-yanvarga qadar kimyo va biologiya fanlaridan talabalar o‘rtasida xalqaro fan olimpiadalarini tashkil etish choralari ko‘riladi.

Markazning rasmiy sahifalari:

Veb sayt | Telegram | Instagram |YouTube | Facebook

✨✨✨✨✨🎬🎬🎬🎬🎬🎬

🌐 Termiz davlat pedagogika institutida 8-9-oktabr kunlari “Termiz shahrining ijtimoiy-iqtisodiy va madaniy taraqqiyoti (1925–2026-yillarda)” mavzusida xalqaro ilmiy-amaliy anjuman bo‘lib o‘tdi.

Anjumanning asosiy maqsadi 1925–2026-yillar davomida Termiz shahrining siyosiy, ijtimoiy-iqtisodiy va madaniy taraqqiyotini ilmiy jihatdan o‘rganish, yangi ilmiy manbalar hamda tadqiqot natijalarini ilmiy jamoatchilikka taqdim etish va zamonaviy rivojlanish istiqbollarini muhokama qilishdan iborat bo’ldi.

Anjumanni institut rektori A. Xasanov kirish so‘zi bilan ochib, Termiz shahrining tarixiy taraqqiyotini ilmiy manbalar asosida o‘rganish, uning boy madaniy merosini tadqiq etish va ilmiy izlanishlar natijalarini keng targ‘ib qilish muhimligini ta’kidladi.

🏛 Shuningdek, xalqaro anjuman ishtirokchilari Termizning qadimiy yodgorliklari bilan ham tanishdilar. Yaponiya, Fransiya, Rossiya, Qozog‘iston va Tojikistondan tashrif buyurgan professor-o‘qituvchilar uchun ma’rifiy sayohat tashkil etilib, ular Fayoztepa va Qoratepa arxeologik yodgorliklari hamda Hakim at-Termiziy maqbarasi bilan yaqindan tanishdilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🎗️🎗️🎗️🎗️🎗️

🗂Giyohvandlik va huquqbuzarliklarning oldini olishga qaratilgan profilaktik tadbir o’tkazildi

🤩 Termiz davlat pedagogika institutida talaba-yoshlar o‘rtasida giyohvandlikning oldini olish, sog‘lom turmush tarzini targ‘ib qilish hamda kiberxavfsizlik va huquqiy madaniyatni yuksaltirishga qaratilgan profilaktik tadbir tashkil etildi.

👥 Tadbirda Surxondaryo viloyati IIB Tergov-kiberxavfsizlik xizmati Jinoyat qidiruv boshqarmasi tezkor xodimi, mayor A. Xasanov, Viloyat narkologiya dispanseri mutaxassis shifokori B. Baratov, institutning Yoshlar masalalari va ma’naviy-ma’rifiy ishlar bo‘yicha birinchi prorektori U. Turamuratov, institut profilaktika inspektori B. Allaberdiyev, professor-o‘qituvchilar, institut xodimlari hamda talaba-yoshlar ishtirok etdilar.

🗣 Uchrashuv davomida mutaxassislar tomonidan giyohvandlik va psixotrop moddalarni iste’mol qilishning inson salomatligi, hayoti va kelajagiga salbiy ta’siri, shuningdek, bunday illatlarning oldini olish masalalari yuzasidan tushuntirishlar berildi.

💬 Tadbir yakunida talaba-yoshlar o‘zlarini qiziqtirgan savollarga mutaxassislardan batafsil javob oldilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🎓 #Himoya_2026
📅 2026-yil 9-OKTABR | 🕙 10:00

✨ Falsafa doktori (PhD) ilmiy darajasini olish uchun yozilgan dissertatsiya ishi muvaffaqiyatli himoya qilindi!

🎓 Norboyev Nabijon Narziqulovich Termiz davlat pedagogika instituti huzuridagi PhD.01/2025.27.12.Ped.11.01 raqamli Ilmiy kengashning majlisida “Oʻquvchilarda mantiqiy fikrlash koʻnikmalarini shaxmat oʻyini orqali shakllantirish texnologiyasi (5-7 sinf oʻquvchilari misolida)” mavzusidagi dissertatsiya ishini muvaffaqiyatli himoya qildi.

📖 13.00.01- Pedagogika nazariyasi. Pedagogik ta’limotlar tarixi ixtisosligi bo‘yicha pedagogika fanlari bo‘yicha falsafa doktori (PhD) ilmiy darajasini olish uchun yozilgan mazkur ilmiy tadqiqot ishi o‘zining dolzarbligi, ilmiy yangiligi va amaliy ahamiyati bilan e’tirof etildi.

👏 TerDPI jamoasi nomidan Norboyev Nabijon Narziqulovichni ushbu yuksak ilmiy yutug‘i bilan samimiy tabriklaymiz hamda kelgusidagi ilmiy-pedagogik faoliyatida ulkan muvaffaqiyatlar, mustahkam sog‘liq va yangi zafarlar tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram