Шәышықәса еиҳаны изхыҵуа — анышәаԥшь иалхәу адырган.

Ари амаҭәар Сергеи Дбар ихьӡ зху Гәдоуҭатәи аҳәынҭқарратә музеи ҳамҭас иаиҭеит Аслан Амԥар.

"Аслан Амԥар иҷкәын Аԥсны жәлар Рџьынџьтәылатә еибашьраҿы дҭахеит, иара лассы-лассы ҳмузеи ахь даауан. Зны иаҳзааигеит абри адырган, усҟан ус иҳәеит "абри адырган шаҟа мгьал аӡхьо сызшәаҳәаӡом" ҳәа. Акыр шықәса ҵуеит иара иԥсҭазаара далҵижьҭеи, аха абри адырган ҳмузеи аҟны ахатә ҭыԥ ааннакылеит", — лҳәеит амузеи аиҳабы Гәыгәыца Џьыкырԥҳа.

🖇 Аԥсны жәлар Рџьынџьтәылатә еибашьра иазку Сергеи Дбар ихьӡ зху Гәдоуҭатәи аҳәынҭқарратә музеи аартын 1994 шықәсазы. Иахьа Гәдоуҭатәи амузеи азалқәа 8 рыла ишьақәгылоуп.
#social