Вершы нікому не патрэбныя

Былі ў гарах. Дачка першы раз сама зайшла па сінім маршруце на Любань (1211 метраў), што ў Горцах (Заходнія Бескіды).

Гэта быў першы раз, калі яна начавала у палатцы - на гары знаходзіцца даволі прыемная палатачная база. (15 зл за месца ў палатцы). Трэба мець толькі свой спальны мяшок. На месцы ёсць туалеты, вада, кава і гарбата, посуд, пледы. Карацей, дабротнае месца. Увечары вогнішча і спевы пад гітару, а таксама забавы з сябрамі (з дачкой паехалі 3 сябра з дзіцячага садку). Апроч таго, можна пахадзіць па ваколіцы, з цікавымі месцамі.

Калі дачка падымалася на гару, на апошнм фрагменце, які быў даволі складаны, у яе здарыўся крызіс. Шчыра кажучы, у мяне самога ў той момант былі падобныя думкі. Усё ж такі было цяжка пасля 3 гадзін пад'ёму. Аднак дачка ўсё адолела. Чарговы раз ганаруся.

Апроч базы на Любані знаходзіцца драўляная вежа. Менавіта там наступнага ранку а 5 гадзіне мы сустракалі світанак. Вельмі маляўніча і прыгожа. Дзеля такіх момантаў і краявідаў варта крыху папацець падчас узыходжання на гару.

Далучаю некалькі фотак. Калі хто будзе ў тых месцах, то з чыстым сумленнем магу рэкамендаваць гэтую базу. Трэба толькі загадзя зарэзэрваваць палатку праз сайт. Людзей даволі шмат, але месца хапае ўсім і ніхто нікому не замінае. А заранак на Любані - найлепшая ўзнагарода для ўсіх падарожных.

Чарговая, ужо шостая гадавіна, але нешта нічога з гэтай нагоды пісаць не хочацца. Усё ужо напісана да нас і без нас.

Летуцень зрабіў з нашых дачок маленькіх феміністак 💜

Кракаў 🖤❤️

Сёння тры гады, як не стала Жвіра...

Олегыч попал в больницу с кетоацидозом и попал на бабки в связи с лечением, по такому поводу срочно делаем чарити гиг в следующий понедельник в бирстейшне.
Инфа тут: https://www.instagram.com/p/DbYbYP5jCXg/

Сахарный дыябет - непрадказальнае захворванне. Я ўжо пісаў аб тым, што некалькі год таму пачаў бегаць, таму што ў мяня выявіліся павышаны халестэрын і цукар. Бег усё выраўняў. Бег усё спальвае, таму ўсім раю бегаць. Дарэчы, набегаў у гэтым месяцы болтштза 153 км. Але ж я не аб гэтым.

Месяц таму ў Кракаў прыехаў мой старынны сябар, у якога дыябет. Ён на некалькі год старэйшы. Коліць сабе інсулін, але шмат паліць і перабольшвае з алкаголем. Мы не бачыліся шмат гадоў, і ў той дзень, калі мы павінны былі сустрэцца, у яго здарыўся інфаркт. Сустрэліся мы ўжо ў мясцовым шпіталі. Ён, канешне, ачуняў, усё добра. Аднак філасофію спажывання яму трэба будзе радыкальна перагледзець.

І вось некалькі дзён таму даведаўся, што іншая асоба, творчасць якой я вельмі паважаю, трапіла ў непрыемную сітуацыю, звязаную з дыябетам. Дзяніс з Ковельскіх Псоў апынуўся ў шпіталі з кетаацыдозам. Патрэбна дапамога. Калі вы ў Варшаве, то схадзіце на канцык у яго падтрымку. І беражыце сябе.

Шаноўнае спадарства, тут калегі папрасілі падзяліцца з вамі інфармацыяй.

Запрашаем беларусаў і беларусак Польшчы прайсці апытанне пра ахвяраванні на грамадскія праекты і дабрачыннасць

Узаемная падтрымка і салідарнасць-важная частка беларускага досведу. Пры гэтым грамадскія арганізацыі і праекты часта сутыкаюцца з недахопам рэсурсаў.

Каб разабрацца, як зрабіць ахвяраванні больш эфектыўнымі, зручнымі і бяспечнымі, Лятучы Ўніверсітэт і даследчая кампанія Civitta Institute праводзяць апытанне беларусаў і беларусак у Польшчы.

Падзяліцеся вашым меркаваннем аб фарматах і мэтах ахвяраванняў, а таксама аб матывах і бар'ерах, якія ўплываюць на рашэнне данаціць. Вынікі дапамогуць беларускім грамадскім арганізацыям лепш зразумець запыты аўдыторыі.

Запаўненне анкеты зойме каля 7 хвілін, усе адказы строга канфідэнцыйныя.

🔗 Прайсці апытанне

Калі ў вас ёсць пытанні пра даследаванне, Вы можаце звязацца з кіраўнікамі:
Андрэй Ягораў, Telegram
Філіп Біканаў, Telegram

Дзякуй за ваш час і ўклад у даследаванне!

Сябры і сяброўкі з Беларусі, якія жывуць у Польшчы. Ёсць просьба. Таварыш з суседняга канала
папрасіў зарэпосціць інфармацыю аб цікавай апытанцы. Чым больш рэспандэнтаў_к адкажа на пытанні, тым больш рэпрэзентатыўныя будуць вынікі. Запаўненне анкеты зойме каля 7 хвілін.

Думаю, што варта падтрымаць сучасную беларускую сацыялогію, я асабіста ўжо прайшоў апытанку. Калі маеце 7 хвілін, калі ласка, запоўніце і пашэрце анкету сярод сваіх знаёмых.