QORJIN

💵 Қазақстанда долларлық депозиттер тиімдірек болады

Жақында қазақстандықтар долларлық жинақтарынан көбірек табыс таба алады. Ұлттық банк қазан айынан бастап валюталық салымдардың мөлшерлемесіне қойылған шектеулерді кезең-кезеңімен алып тастауды жоспарлап отыр. Бұл туралы ведомство төрағасының орынбасары Әлия Молдабекова мәлімдеді.

💡 Салымшылар үшін не өзгереді?
Қазіргі уақытта долларлық депозиттердің ең жоғары мөлшерлемесі 0,9% деңгейінде қатаң шектелген. Жақында банктерге еркіндік беріліп, олар кірістілікті көтере бастайды.

🔄 Мемлекетке бұл не үшін қажет?
12 жылдық қатаң "дедолларландыру" саясатының арқасында банктердегі валюталық салымдардың үлесі 80%-дан 20%-ға дейін төмендеді. Бірақ басқа мәселе туындады: табыстың төмендігінен адамдар долларды үйлерінде қолма-қол сақтауға, алтын сатып алуға немесе капиталды шетелдік бағалы қағаздарға салуға көшті. Ұлттық банк мөлшерлемелерді көтеру арқылы бұл қаражатты Қазақстанның банк жүйесіне қайтарғысы келеді.

📌 Инвестор үшін маңызды:
Өсім бірден емес, біртіндеп жүреді. Сонымен қатар, таяу уақытта теңгелік депозиттер (қазіргі орташа кірістілігі 14,7%) долларлық салымдарға қарағанда әлдеқайда тиімді болып қала береді.

📊 Инвесторлар 2025 жылы Қазақстан компанияларының дивидендтерінен нақты қанша табыс тапты?

Біз KASE индексіндегі басты компаниялардың дивидендтік кірістілігін олардың қазіргі нарықтық бағасына қарай есептеп шықтық.

🚀 Ең көп дивиденд төлеген үздік 3 акция қатарына Halyk bank, KEGOC және ҚазТрансОйл қағаздары кірді.

🏆 Кірістілік бойынша көшбасшылар:

Halyk bank - 15,37%
💰 Төлем көлемі: бір акцияға Т58,10. Банк акционерлерге жомарттық танытудан нарықтағы абсолютті көшбасшылығын сақтап тұр.

KEGOC - 10,67%
💰 Төлем көлемі: бір акцияға Т161,90 (екі жартыжылдық үшін Т80,9 ₸ + Т81).

ҚазТрансОйл - 9,57%
💰 Төлем көлемі: бір акцияға Т118,00.

👀 Ал қалған компанияларда жағдай қалай?

Индекстің басқа қатысушыларының (Қазатомөнеркәсіп, Kaspi.kz, ҚМГ, Air Astana және Қазақтелеком) дивидендтік кірістілігі туралы ертеңгі материалда айтатын боламыз. Өткізіп алмас үшін жазылыңыздар!

🏢📈 BCC Invest "Қазатомөнеркәсіп" акцияларын сатып алуды ұсынады: мақсатты баға - Т38 059

🎯 Брокер компанияның бір акциясын Т38 059 деп бағалайды. Бұл биржадағы қазіргі бағадан (Т30 539) 25%-ға жоғары.

💬 Компанияның 2026 жылдың 1-жартыжылдығындағы нәтижелері сенімді бағаланды: уранның қымбаттауы түсімді арттырды, бірақ салықтардың өсуі таза пайдаға сәл әсер етті.

📊 Негізгі көрсеткіштер:
✅ Түсім ⬆️9%-ға артып, Т718 млрд болды (былтыр Т660 млрд). Себебі уранды сатудың орташа бағасы 16%-ға өсіп, фунтына $67,88 жетті.
✅ Өндіріс көлемі ⬆️9%-ға өсіп, 13 291 тоннаны құрады.
🔻 Таза пайда ⬇️9%-ға азайып, Т240 млрд болды.

❓ Неліктен таза пайда азайды?
Компанияға түсетін салық жүктемесі артты. Пайдалы қазбаларды өндіру салығының (НДПИ) ставкасы 9%-дан 12,4%-ға дейін өсті. Сонымен қатар, еңбекақы мен амортизация шығындары көбейді.

🟢 Компанияға не қолдау көрсетеді?
Уранға деген әлемдік сұраныстың жоғары болуы мен бағаның өсуі.
Негізгі сатып алушы - Қытай (түсімнің 32%-ы немесе Т231 млрд).
Шілде айында компания 2025 жыл үшін Т335 млрд көлемінде дивиденд төледі.

🔴 Басты тәуекелдер:
Ресейден күкірт қышқылын экспорттауға салынған тыйым 2026 жылдың соңына дейін сақталады. Бұл өнімнің өзіндік құнын қымбаттатуы мүмкін.

Ұсыным - "Сатып алу".

📈📉🇰🇿 18 қыркүйектегі қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша)

🔼 KEGC (KEGOC): ₸1 517,95 (+0,3%)
🔼 KZAP (Қазатомөнеркәсіп): ₸30 800,00 (+0,3%)
🔼 CCBN (Банк ЦентрКредит): ₸4 787,49 (+0,1%)
🔼 HSBK (Халық Банк): ₸377,74 (+0,1%)
🔼 KMGZ (ҚазМұнайГаз): ₸35 560,00 (+0,03%)
🔻 KZTK (Қазақтелеком): ₸44 666,26 (-0,03%)
🔻 AIRA (Air Astana): ₸671,00 (-0,2%)
🔻 KCEL (Кселл): ₸3 169,92 (-0,2%)
🔻 KSPI (Kaspi.kz): ₸44 594,00 (-0,2%)
🔻 KZTO (ҚазТрансОйл): ₸1 232,52 (-1,3%)

#КүнҚорытындысы

❗Байбэк деген не және компаниялар өз акцияларын не үшін сатып алады?

Байбэк - компанияның өз акцияларын акционерлерден кері сатып алуы. Акциясын сатқысы келетін акционер ақша алады, ал акция компанияға өтеді.

📝Компания қанша акцияны, қандай бағамен және қай мерзімде сатып алуға дайын екенін алдын ала хабарлайды. Сатып алу биржада біртіндеп жүргізілуі немесе акционерлерге өтінім беру ұсынылуы мүмкін. Акцияны сату міндетті емес.

🔎Компанияға байбэк не үшін қажет?

Көбіне компания бос қаражатының бір бөлігін акционерлерге қайтаруды көздейді. Тағы бір ықтимал себеп - басшылық өз акцияларының бағасын төмен деп есептейді.

Акциясын сатқысы келетін акционер үшін байбэк - жарияланған шарттармен ақша алу мүмкіндігі. Ал сатқысы келмеген акционер акцияларын өзінде қалдырады.

👉Сатып алынған акциялар не болады?

Компания оларды өзінде қалдыра алады. Мұндай акциялар қазынашылық акциялар деп аталады: олар бойынша дауыс берілмейді және дивиденд төленбейді. Кейін компания бұл акцияларды қайта сатуы, қызметкерлерге сыйақы бағдарламасы аясында беруі немесе олардың күшін жоюы мүмкін.

🚀Соңғы уақытта Solidcore туралы іскерлік басылымдарда жиі жазылып жүр.

Әсіресе қыркүйектің басында жаңалық көп болды: компания бірінші жарты жылдықтың нәтижелерін жариялап, өз акцияларын $1,2 млрд-қа дейінгі сомаға кері сатып алу ниетін мәлімдеді.

Solidcore Қазақстанда алтын өндіреді, оның акциялары AIX биржасында саудаланады. 2026 жылдың бірінші жартыжылдығында компанияның түсімі $325 млн-нан $972 млн-ға, ал таза пайдасы $85 млн-нан $453 млн-ға өсті. Бұған алтын бағасының жоғары болуы, сондай-ақ алтынды өңдеу мен сатудың қалпына келуі ықпал етті.

Байбэк аясында компания бір акцияға $11,66 ұсынып, 102,9 млн акцияға дейін сатып алуға дайын. Бұл баға 7 қыркүйекке дейінгі 30 күн ішіндегі сауда-саттықтың орташа бағасынан 10% жоғары.

Байбэк жарияланғаннан кейін Solidcore акцияларымен жасалған соңғы мәміленің бағасы шамамен $13-қа жетті - бұл кері сатып алу бағасынан жоғары. Алайда соңғы мәміленің бағасы бүкіл акция пакетін сол бағамен сатуға болады дегенді білдірмейді: бәрі сатып алушылардың сұранысы мен сауда көлеміне байланысты.

Акционерлер өтінімдерін 12 қазанға дейін бере алады. Егер сатуға ұсынылған акциялар саны компания белгілеген шектен асып кетсе, Solidcore әр қатысушы ұсынған акциялардың тек бір бөлігін сатып алады.

Компания бұл шешімін жоспарланған инвестицияларға қажет қаражаттан бөлек бос ақшасының болуымен түсіндіреді.

📈📉🇰🇿 17 қыркүйектегі қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша)

🔼 KZTO (ҚазТрансОйл): ₸1 248,80 (+2,8%)
🔼KSPI (Kaspi.kz): ₸44 698,69 (+2,5%)
🔼 HSBK (Халық Банк): ₸377,47 (+1,5%)
🔼 KZAP (Қазатомөнеркәсіп): ₸30 700,00 (+1,1%)
🔼 KCEL (Кселл): ₸3 174,91 (+0,3%)
🔼 AIRA (Air Astana): ₸672,36 (+0,3%)
🔼 KEGC (KEGOC): ₸1 513,50 (+0,2%)
🔼 CCBN (Банк ЦентрКредит): ₸4 782,02 (+0,04%)
🔻 KMGZ (ҚазМұнайГаз): ₸35 550,00 (-0,1%)
🔻 KZTK (Қазақтелеком): ₸44 680,00 (-0,2%)

#КүнҚорытындысы

📋Инвестициялаудың негізгі қағидалары

💸 Қор нарығына инвестиция салу - кіріс табу мақсатында ақшаңызды түрлі активке жұмсау. Оларға акциялар, облигациялар, бағалы металдар, инвестициялық қорлар мен ETF жатады.

1. Инвестицияны әртараптандыру

🪺 Әртараптандыру - ақшаны әртүрлі активке, салаға және өңірге бөлу. Мысалы, барлық қаражатты тек микроқаржы ұйымдарының (МҚҰ) облигацияларына салсаңыз, бір ұйым қарызын төлей алмаған жағдайда портфеліңіз айтарлықтай шығынға ұшырауы мүмкін. Мұндай оқиға нарықтағы басқа МҚҰ облигацияларының бағасына да әсер етуі ықтимал.

Ақшаны әртүрлі активке бөлу бір ғана компанияға немесе салаға тәуелділікті азайтады. Бірақ барлық актив бір мезгілде арзандауы мүмкін екенін де ұмытпаңыз.

2. Тәуекел мен ықтимал табысты салыстыру

⚠️ Жоғары табыс мүмкіндігі әдетте жоғары тәуекелмен қатар жүреді. Демек, көбірек табыс табу мүмкіндігі болса, елеулі шығынға ұшырау ықтималдығы да бар.

Актив таңдағанда қанша тәуекелге дайын екеніңізді ескеріңіз. Кей инвестор үшін қаражаттың сақталуы мен табыстың болжамды болуы маңызды. Басқалары жоғары табыс мүмкіндігі үшін бағаның қатты құбылуына дайын болуы мүмкін.

3. Инвестициялық жоспар құру

📝 Алдымен мақсатыңызды анықтаңыз: ақша не үшін және қашан қажет болады? Осыған қарай қандай активті таңдайтыныңызды және оған қанша қаражат бөлетініңізді шешуге болады.

"Қар кесегі" әсері қалай жұмыс істейді?

⚪ Инвестициядан түскен табысты жұмсамай, қайта салсаңыз, келесі жолы бастапқы ақшаңызға да, бұрынғы табысыңызға да табыс есептеледі.

💬Мысалы, сіз $1 000 инвестиция салдыңыз делік. Егер ол жыл сайын 10% табыс әкеліп, түскен табыстың бәрін қайта инвестицияласаңыз, 10 жылдан кейін сома шамамен $2 594 болады. Оның $1 594-ы - бастапқы салымнан артық жиналған ақша.

💡 Бұл тек есепті түсіндіретін мысал. Нақты инвестиция жыл сайын бірдей табыс әкелмейді: оның құны өсуі де, төмендеуі де мүмкін.

📚 Қысқасы, инвестицияны әртараптандыру, тәуекелді түсіну және нақты жоспар құру маңызды. Шешім қабылдар алдында таңдаған активіңіз туралы ақпаратты зерттеп отырыңыз.

🇺🇸 АҚШ-та пайыздық мөлшерлеме үш жылда алғаш рет өсті. Бұл нені білдіреді?

16 қыркүйекте АҚШ-тың орталық банкі - Федералдық резерв жүйесі (ФРЖ) мөлшерлеменің мақсатты аралығын 3,75–4% деңгейіне көтерді.

Бұл қандай мөлшерлеме? Ол АҚШ банктері бір-біріне қысқа мерзімге ақша қарызға бергенде қолданылатын пайызға бағдар болады.

Мөлшерлеме көтерілсе, АҚШ-та несие мен ипотека қымбаттауы, ал депозиттердің пайызы өсуі мүмкін. Адамдар қарызға азырақ ақша алып, көбірек жинақтайды. Компаниялар да шығындарын қысқартып, жаңа қызметкерлерді жалдауды немесе инвестициялық жобаларды кейінге қалдыруы мүмкін.

ФРЖ оны неге көтерді? АҚШ-та инфляция әлі жоғары. Осылайша ФРЖ шығындарды және бағаның өсуін баяулатуды көздейді.

🇰🇿 Ал Қазақстанда жағдай қандай? Ұлттық банк базалық мөлшерлемені сәуірдегі 18%-дан 16,25%-ға дейін төмендетті. Себебі бізде инфляцияның қарқыны бәсеңдеді: тамызда жылдық инфляция 9,8% болды. Бұл баға төмендеді деген сөз емес - баға әлі өсіп жатыр, бірақ бұрынғыдан баяуырақ. Ұлттық банк мөлшерлемені әрі қарай төмендету мүмкіндігі шектеулі екенін де ескертті.

ФРЖ шешімі бізге әсер ете ме? Жанама түрде әсер етуі мүмкін. АҚШ-тағы мөлшерлеме әлемдік қаржы нарығына ықпал етеді, ал нарықтағы өзгерістер теңге бағамына және шетелдік инвестициялардың бағасына әсер етуі ықтимал.

Қазақстанның базалық мөлшерлемесін Ұлттық банк белгілейді.

📈📉🇰🇿 16 қыркүйектегі қор нарығындағы сауда-саттық қорытындысы (тек KASE индексіне кіретін қазақстандық компаниялар бойынша)

✅ KMGZ (ҚазМұнайГаз): ₸35 577,20 (+0,4%)
✅ KZTK (Қазақтелеком): ₸44 770,00 (+0,4%)
✅ CCBN (Банк ЦентрКредит): ₸4 780,00 (0,0%)
✅ KSPI (Kaspi.kz): ₸43 600,00 (-4,4%)
✅ AIRA (Air Astana): ₸670,02 (-2,9%)
✅ KZAP (Қазатомөнеркәсіп): ₸30 359,00 (-1,3%)
✅ KZTO (ҚазТрансОйл): ₸1 215,02 (-0,9%)
✅ HSBK (Халық Банк): ₸372,00 (-0,5%)
✅ KCEL (Кселл): ₸3 165,35 (-0,5%)
✅ KEGC (KEGOC): ₸1 510,40 (-0,3%)
#КүнҚорытындысы

🎓 Halyk қоры 18 оқушыға мектепте оқуға грант берді

Halyk қайырымдылық қорының қолдауымен Қазақстанның әр өңірінен келген 18 оқушы Астана мен Алматыдағы халықаралық мектептерде білім алуға грант алды.

📌 Бағдарлама 2021 жылдан бері жүзеге асырылып келеді. Осы уақыт ішінде 90-ға жуық оқушы оқу грантын алған. Қордың мәліметінше, бағдарламаға шамамен Т500 млн бөлінген.

📊Биржалық индекс дегеніміз не?

Әлемдік қор биржаларында ондаған мың компанияның бағалы қағаздары саудаланады. Олардың барлығының бағасын күн сайын бақылау мүмкін емес. Сондықтан нарықтағы жалпы жағдайды бағалау үшін биржалық индекстер қолданылады.

🛒 Биржалық индексті ортақ белгі бойынша топтастырылған бағалы қағаздар "себеті" деп елестетуге болады.

Индекс жекелеген компаниялардың емес, нарықтың немесе оның белгілі бір сегментінің жалпы бағытын көрсетеді.

Индекс өссе, оның құрамындағы акциялардың басым бөлігі немесе салмағы жоғары компаниялардыңакциялары қымбаттап жатыр деген сөз.

🌍 Әлемдегі ең танымал қор индекстері:

🔸S&P 500 - АҚШ-тың 500 жетекші ірі компаниясының акцияларын қамтитын индекс. Ол америкалық қор нарығының негізгі көрсеткіштерінің бірі саналады.

🔸 DowJones Industrial Average - АҚШ-тың 30 ірі компаниясы акцияларының бағасы орта есеппен қалай өзгеріп жатқанын көрсететін индекс.

🔸Nasdaq-100 - Nasdaq биржасында акциялары саудаланатын 100 ірі қаржылық емес компанияның индексі. Оның құрамында технологиялық компаниялардың үлесі жоғары, бірақ индекс тектехнология секторымен шектелмейді.

🇰🇿 Қазақстан қор нарығының негізгі индикаторы - KASE индексі.

KASE индексі ресми тізіміндегі ең өтімді акциялар бағасының өзгеруін көрсетеді.

📋KASE индексіне 10 компания кіреді.

Тикер - биржада компанияның акциясын белгілеу үшін қолданылатын қысқартылған код. Мысалы, Халык банк акциясының тикері - HSBK.

Компаниялардың KASE индексіндегі салмағы:
🔸 Kaspi.kz (KSPI) -13,81%;
🔸 ҚазМұнайГаз (KMGZ) - 13,31%;
🔸 Банк ЦентрКредит (CCBN) - 12,98%;
🔸 Kcell (KCEL) - 12,84%;
🔸 Халық Банкі (HSBK) - 12,68%;
🔸 Қазатомөнеркәсіп (KZAP) - 12,32%;
🔸 Air Astana (AIRA)- 10,59%;
🔸 KEGOC (KEGC) - 4,71%;
🔸 ҚазТрансОйл (KZTO) - 3,53%;
🔸 Қазақтелеком (KZTK) - 3,23%.

📈Мысалы, KASE индексі бір күнде 1%-ға өссе, индекске кіретін акцияларжалпы алғанда қымбаттады деген сөз. Бірақ әр акцияның бағасы 1%-ғаөсті дегенді білдірмейді: біреуі қымбаттап, екіншісі арзандауы мүмкін.

📌 2026 жылғы 15 қыркүйектің қорытындысы бойынша KASE индексі 7 888,46 тармақты, ал оның өкілдік тізімінекіретін компаниялардың жалпы нарықтық капиталдандыруы шамамен Т45,7 трлн құрады.

📱 Мобильді аударымдар лимитін Т1 млн-ға дейін ұлғайту жоспарланып отыр

Ұлттық банк банкаралық мобильді төлемдер жүйесіндегі бір операцияға белгіленген базалық лимитті арттыруды ұсынып отыр:

▪️ қазіргі лимит - Т500 мың;

▪️ ұсынылып отырған лимит - Т1 млн;

▪️ жоба қабылданса, жаңа лимиттер 2026 жылғы қазанда күшіне енуі мүмкін.

💰 Қазақстандықтарды криптовалютадан түскен табысқа салынатын салықтан уақытша босату ұсынылды

Ұлттық банк Қазақстандағы цифрлық активтер саласын дамыту жоспарын ұсынды.

Негізгі ұсыныстар:

▪️ 2026-2028 жылдары жеке тұлғалардың цифрлық активтермен операциялардан түсетін табысын жеке табыс салығынан (ЖТС) босату көзделіп отыр. Жеңілдік тек Қазақстанда лицензия алған провайдерлер арқылы жасалған операцияларға қолданылады.

▪️ Қазақстанда шығарылған стейблкоиндарды тауарлар мен қызметтерге ақы төлеу, халықаралық сауда және трансшекаралық аударымдар үшін пайдалануға рұқсат беру жоспарлануда.

▪️ Нарықта цифрлық активтерді шығару, сату, айырбастау және сақтау, сондай-ақ есеп айырысуды жүзеге асыру қызметтерін ұсынатын толық циклді провайдерлер пайда болады. Бұл жүйеге банктер, брокерлер және басқа да қаржы ұйымдары қосылады.

▪️ Жалпы энергия жүйесіне түсетін жүктемені арттырмау үшін майнингке автономды және жаңартылатын энергия көздерінің бос қуаттарын пайдалану ұсынылады.

▪️ Ұлттық банк жанынан Цифрлық активтер және төлем жүйелері комитеті құрылады. Ол осы саланы реттеуге, лицензиялауға және қадағалауға жауап береді.

💬 Халықаралық Moody’s агенттігі Halyk Bank-тің (HSBK) депозиттері бойынша ұзақ мерзімді рейтингін "Baa1" деңгейінде растады. Болжам - "Тұрақты".

✅ "Baa1" - инвестициялық санаттағы жоғары рейтинг. Бұл Moody’s банктің өз қаржылық міндеттемелерін орындау қабілетін жеткілікті сенімді деп бағалайтынын білдіреді.

📈 Halyk рейтингін қолдайтын негізгі факторлар:

🔹 Банктің капитал қоры жоғары деңгейде - 18,5%.

🔹 Өтімді активтер барлық активтердің 27%-ын құрайды. Бұл - қажет болған жағдайда банк өз міндеттемелерін орындау үшін жылдам пайдалана алатын қаражат.

🔹 Активтердің рентабельділігі 4%-дан жоғары. Moody’s алдағы 12-18 айда банктің жоғары табыстылығы сақталады деп күтеді.

🔹 Halyk Қазақстандағы ең ірі банк болып қала береді. 2026 жылғы 1 шілдеде оның үлесіне банк секторы активтерінің 28,6%-ы тиесілі болды.

Проблемалық қарыздар үлесінің кредиттік портфельдің 8,6%-ына дейін өсуі. Moody’s алдағы 12-18 айда бұл көрсеткіш 8–9% деңгейінде тұрақталады деп күтеді.

🔎 "Тұрақты" болжам Moody’s әзірге банк рейтингінің өзгеруін күтпейтінін білдіреді.

💡 Инвестицияны неден бастау керек? (Инвестордың алғашқы 4 қадамы)

Инвестиция әлеміне кіру табалдырығы қазір рекордтық деңгейде төмендеді: алғашқы акция немесе облигацияны сатып алу үшін шотта азғантай соманың болуы жеткілікті.

Капиталды дұрыс қалыптастыру, брокерлік шотты қашан ашу керектігін түсіну және алғашқы активтерді таңдау үшін мына 4 негізгі қадамға назар аударыңыз:

📌 1. Қаржылық қауіпсіздік жастығын құру
Инвестицияға соңғы ақшаны немесе қарызға/кредитке алған қаражатты салуға болмайды. Нарықтағы уақытша құбылмалылық кезінде ақша шұғыл қажет болып қалса, активтерді арзан бағада сатуға мәжбүр боласыз.
💡Алтын ереже: Инвестиция бастамай тұрып, кемінде 3-6 айлық шығыныңызды өтейтін соманы жедел қолжетімді банк депозитінде сақтаған жөн.

📌 2. Мақсат пен инвестициялау мерзімін анықтау
Нақты мақсатсыз портфель құру мүмкін емес. Инвестицияның негізгі бағытын анықтап алған дұрыс:
🔹Қысқа мерзім (1-3 жыл): Тұрғын үйге бастапқы жарна, ірі сатып алулар.
🔹Ұзақ мерзім (5-10+ жыл): Балалардың білімі, зейнетақы капиталын қалыптастыру.
Инвестициялау мерзімі неғұрлым ұзақ болса, портфельдің әртүрлі құралдар арасындағы тепе-теңдігін соғұрлым икемді жоспарлауға болады.

📌 3. Тәуекел-профильді анықтау (Risk Profile)
Нарықтағы баға ауытқуларына психологиялық тұрғыдан қаншалықты дайын екеніңізді түсіну маңызды:

Консервативті инвестор: Негізгі мақсаты - капиталды сақтау және тұрақты кіріс алу (депозиттер, мемлекеттік және сенімді корпоративтік облигациялар)

Ұстамды инвестор: Тәуекел мен кірісті тең ұстайды, портфелін облигациялар мен акцияларға бөлгісі келеді.

Тәуекелшіл инвестор: Жоғары кіріс үшін құбылмалылыққа дайын, ұзақ мерзімді өсуге бағытталған (акциялар, ETF және өсу әлеуеті жоғары құралдар).

📌 4. Сенімді брокерді таңдау

Қазақстанда бағалы қағаздар саудасына қатысу үшін лицензияланған брокерді таңдау - инвестициялық қауіпсіздіктің негізі.

👉Брокерді қалай дұрыс таңдау керектігі, лицензияны тексер туралы біз өткен материалымызда айтқан болатынбыз.

Қаржылық тәуекелсіз алғашқы қадамдар үшін инвестициялық симуляторлар мен демо-шоттарды (мысалы, Halyk қосымшасында) пайдаланған жөн. Бұл автомектептегі симулятор сияқты: өз ақшаңызды тәуекелге тікпей, виртуалды қаражатқа акция сатып алып-сатуды үйренесіз.

💬 Сіз инвестиция бастауда қай кезеңдесіз? Тәжірибеңізбен немесе сұрақтарыңызбен комментарийде бөлісіңіз!

🏦Halyk Bank криптовалютамен QR-код арқылы төлем жасау жүйесіне қосылады

Алдағы интеграция туралы Үкімет отырысында жасанды интеллект және цифрлық даму вице-министрі Ғиззат Байтұрсынов мәлімдеді.

Halyk Bank-тің жүйеге нақты қашан қосылатыны әзірге айтылған жоқ.

Қазір сервис Binance Kazakhstan және Alatau City Bank платформаларының негізінде жұмыс істейді. Ол ел бойынша 5 мыңнан астам сауда нүктесінде қолжетімді. Вице-министрдің мәліметінше, жүйе арқылы 100-ден астам транзакция жүргізілген.

🔎Төлем жасау тәртібі әдеттегідей: сатып алушы QR-кодты сканерлеп, тауар ақысын криптоәмиянындағы қаражатпен төлейді. Осы сәтте цифрлық актив автоматты түрде айырбасталып, сатушының банк шотына теңге түседі.

Halyk Bank-тің қосылуы мұндай төлемдерді кең аудиторияға қолжетімді етуі мүмкін. Алайда сервис қандай криптовалюталарды қолдайтыны, комиссия мөлшері және бұл мүмкіндік банктің барлық клиентіне ұсыныла ма - әзірге белгісіз.