𝑀𝑒𝑑𝑖𝑢𝑚’𝑑𝑎𝑔𝑖 𝐴𝑧𝑖𝑧𝑎

​​Imom Gʻazoliy muhabbatning 5 turi haqida fikr yuritib, insonning oʻziga, oʻzining aʼzolariga, salomatligiga boʻlgan muhabbatini birinchi oʻringa qoʻyadi. Uningcha, bu muhabbat Alloh, ota-ona, qarindosh-urugʻ, do'st-birodar, muhtoj-ehtiyojmandlar xizmatida boʻlishga imkon yaratuvchi vosita hisoblanadi. (Wikipediadan)

Quyidagi havola orqali miyaning 3D o'lchamdagi xaritasini ko'rishingiz mumkin.

https://www.brainfacts.org/3d-brain#intro=true&focus=Brain-cerebral_hemisphere-occipital_lobe

.

​​Bolalarning yolg’on gapirishi yosh rivojlanishi jihatidan normal holat sanaladi

​​Tushkun kayfiyatdan xalos bo‘lish uchun baxtli onlaringizni qog'ozga ko'chiring

​​Xarizmali insonlarning 4 xislati

Biz o‘zbeklarda “farishtali inson” degan tushuncha bor. G‘arbda esa bunday insonlarni “xarizmali inson” deyishadi.

Bir qarashda xarizma o’zining yashirin quvvati yoki jozibasi bilan bizni o’ziga maftun etayotgandek ko’rinadi. Uning mavjudligini inkor eta olmaymiz, ammo uning zamirida nimalar yotishini aytish mushkul. Ayrimlarda unga tug’ma xususiyat, ya’ni ba’zi bir shaxsiyat turlaridagina mavjud, boshqalarda esa umuman yo’q, degan notog’ri qarash mavjud.

Xarizmani ham izohlash, ham o’zlashtirish mumkin, unga “o’z jozibasi yoki ta’siri vositasida boshqa insonlarda ishtiyoq, qiziqish, yoki iliqlik uyg’otish qobiliyati.” deya ta’rif beriladi.

Bunday o’zgacha qobiliyatga ega insonlarning barchasida quyidagi 4 xislat mavjud:

1. Ular hayotni sevishadi.

Ularda yashashga chanqoqlik bor. Ular nolib emas, nishonlab yashaydilar. Bunday xususiyatga ega insonlarda quvonch va iliqlik tafti tuyiladi, ulardan quvvat tarqayotganini his qilamiz va bunday kayfiyat ulardan bizgayam yuqadi.
Xarizma kuchini namoyon etish uchun birgina tabassumning o’zi yetarli. Odamlar yuzdagi tabassumni ko’rishlari bilan jilmayishadi. Biz tabiatan o’z atrofimizdagi insonlar quvvatini olishga moslashganmiz. Hayotni sevuvchi insonlarda xarizmani uchratish mumkin, negaki ular butun xonani ijobiy quvvat bilan to’ldirishadi.

2. Ular eng yaxshisiga umid bog’lashadi.

Ular insonlardan faqat yaxshi narsalarni kutishadi yoki boshqacha aytganda, hammaga “10 ball qo’yishadi.” Ular insonlarni boricha emas, erishishi mumkin bo’lgan salohiyati doirasida ko’rishadi.
Odamlarga ishonch bildirsangiz va ularni o’z imkoniyatlaridan unumli foydalanishlariga undasangiz, o’z navbatida, ularning e’tiboriga tushasiz.

3. Ular umid bag’ishlaydilar.

Ular insonlar bilan ertani bugundan ko’ra yorqinroq tasvirlash asnosida muloqotga kirishadi. Ular uchun kelajak ajoyib imkoniyatlar va hali anglab yetilmagan orzular bilan limmo-lim.
Atrofidagi insonlarga ijobiylik ulashadilar va lahzadagi voqeylikka e’tiborli bo’lishsa-da, o’zlarini hozirgi vaziyatdan ayricha tasavvur etishadi.

4. Ular o’zlarini baxshida etadilar.

Ular insonlardan o’z bilimi, salohiyati va muhim onlarini ayamay, ularni e’zozlaydilar. Birodarlikni qo’llab-quvvatlaydilar. Ular ahillikni qadrlashadi. Ular yolg’iz emaslar. (Inson taftini inson oladi, deganlari shunga bo’lsa kerak)
Xarizmali bo’lishning eng asosiy sharti insoniylikdir.

— Jon Maksvel

@pslog

​​Ayrim insonlar quvonch, g’am yoki sevgini his etishga noqobil insonlardek tuyiladi. Devid Robinson “aleksitimiya” qiyinchiliklari va uning biz bilmagan foydali tomonlarini kashf etadi.

​​‘Biz o’z fikrlarimiz mahsulimiz’

“Ong nimaniki o’ylashga va unga ishonishga qodir bo’lsa, uning bunga qurbi yetadi,” Napoleon Hill shunday degan edi. “Hamma gap bizning o’z fikrlarimizda. Biz o’z fikrlarimiz mahsulimiz,” Budda shunday ta’limot bergan edi. Hayotingiz mobaynida shunga o’xshash hikmatli so’zlarga ko’p bora duch kelgandirsiz. Endilikda ilm-fan buni tasdiqlashga kirishdi. Mana endi o’z fikrlarimiz hosilaga nechog’lik o’z ta’sirini o’tkaza olishi mumkinligini ham o’lchay, ham kuzata olamiz.

Stenford universiteti psixologi Kerol Duekning aniqlashicha, ayrim insonlarda “qotib qolgan tafakkur” bor bo’lib, bunday insonlar o’z qobiliyatlarini o’zgartira olishlari mumkinligiga ishonishmaydi. Boshqa bir guruh insonlarda esa “o’suvchan tafakkur” bor. O’suvchan ong egalari o’zlarini yaxshilab borish ustida ishlay olishga qodir ekanliklariga ishonadilar. Duek va uning hamkasblari 373 nafar o’quvchilarning 7-sinfdan boshlab, 8 sinfni tugallagunlarigacha bo’lgan tahsil olish davrini kuzatib borishdi. O’ylay oldimmi, demak qo’limdan keladi, deya fikr yurituvchi o’suvchan tafakkur egalari o’rtacha baxolar olishni boshlashgan bo’lsa, “qotib qolgan” tafakkur egalarining baxolarida bunday o’zgarish yuz bermagan.

Intellektual salohiyatni aniqlovchi IQ testlarini yechishdan avval IQ darajasi genlarga bog’liq emas, balki o’zgaruvchan ekanligi haqidagi maqolani o’qigan odamlarda IQ darajasi oshganligi tasdiqlangan.

@pslog

#tibbiyot_psixologiyasi

Ibn Sino shunday degan edi: "Barcha ruhiy kuchlarning manbai va ta’sir qiladigan joyi asabdir, uni ortiqcha
zo‘riqtirish turli kasalliklarga olib keladi. Bosh miya markazlari butun
organizm faoliyatini va ruhiy faoliyatni boshqaradi".

Ibn Sino xotiraning buzilishi bosh miyaning orqa qismi, tafakkurning buzilishi miyaning o‘rta qismi, idrokning buzilishi miya qorinchalarining zararlanishi bilan bog‘liq, deb fikr yuritgan. U
depressiya, epilepsiya, ongning buzilishlari, gallutsinatsiyalar,
alahsirash, tafakkur va xotira buzilishlari haqida ko‘p yozgan hamda
ularning turlarini o'rgangan.

@pslog

​​Eng yaxshi hadya shaxsiy barkamollikdir

Menga ko’pincha ushbu savol bilan murojaat etishadi, “Qanday qilib kimningdir o’zgarishiga, o’sishiga va yaxshiroq inson bo’lishiga yordam berishim mumkin?

Ko’p hollarda bu javob xayolingizdan ham o’tmaydi, javob esa shunday: Boshqalarga yordam qo’li cho’zishning birdan-bir yo’li, avvalo, o’zingizga yordam berishdir.

Boshqacha aytganda, boshqa bir inson koriga yaramog’im uchun o’z-o’zimni rivojlantirish eng maqbul yo’ldir. Agar hozirgi holatimdan ko’ra 10 karra mushohadaliroq yoki 10 karra kuchliroq bo’lsam, bu ota sifatidagi…ishdagi hamkasb sifatidagi…do’st sifatidagi sayohatimga qanday hissa qo’shishi mumkinligi haqida bir o’ylab ko’ring.

Xullas, kimgadir hadya etishingiz mumkin bo’lgan eng yaxshi sovg’a o’z-o’zingizni uzluksiz rivojlantirish — yaxshilanish, kuchliroq va zukkoroq bo’lib borishdir.

Agar samoloyotda uchgan bo’lsangiz, avialayner salonidagi har bir o’rindiq yuqorisida o’rnatilgan kislorod balonchasiga ko’zingiz tushgan bo’lsa kerak. U yerda tushunarli qilib shunday ko’rsatma berilgan, “Agar favqulodda holat ro’y berib qolsa, boshqalarga yordam berishdan avval o’z niqobingizni taqib oling.” Birinchi navbatda o’zingizni ehtiyot qiling. Bu falsafiy qarashga butun umrimiz davomida amal qilsak edi, u nihoyatda bebaho bo’lgan bo’lar edi.

Mening fikrimcha ota-onalar ushbu falsafiy tamoyilga ergashganlari maqbul. Agar ota-onalarning turmushi yaxshi kechsa, farzandlarining hayoti ham yaxshi kechishi turgan gap. Agar siz baxtni o’zingiz yaratishga o’rgansangiz, baxtiyorlik xislati o’z farzandingizda ham bo’ladi. O’zingiz uchun o’rnak bo’ladigan turmush tarzini yaratsangiz, bu oilangiz uchun ham yaxshi na’muna bo’ladi.

Shaxsiy rivojlanish atrofingizdagi insonlar xizmatida bo’lishingizga — farzandingiz, kasb-koringiz va elingiz koriga yarashingizga yordam beradi.

Aynan shu sababdan men rivojlanish ko’nikmalaridan saboq beraman. Agar o’z fazilatlaringiz, o’zingiz, o’z sog’lig’ingizni yaxshilash ustida ishlashdan to’xtamasangiz, siz o’zingizga hammani jalb etasiz, imkoniyatlarni jalb etasiz. Imkoniyatning o’zi sizni izlay boshlaydi. Martabangiz sizni oldinga yetaklaydi va odamlar sizga yaqin bo’lishni, hamkorlikda ishlashni xohlashadi.

Bularning bari esa o’z-o’zingizni uzluksiz rivojlantirish orqali muvaffaqiyatni o’zingizga jalb etishning imkoni bor, degan falsafiy qarash ustida ishlashdan bunyod bo’ladi.
— Jim Ron

@pslog

​​Kunning har daqiqasi bizga ayni lahzadagi kechinmalarimizga diqqat qaratish imkoniyatini taqdim etadi — siz nimani izlashni bilsangiz bo’lgani.

https://telegra.ph/Kundalik-hayotda-diqqat-etiborli-bolishning-7-ta-sodda-usuli-12-30

Har bir insonning o'z hikoyasi bor.

​​☘️ Bugunni eng yaxshi kunga aylantirish uchun 10 qadam

Og’ir dushanba kunidan o’zingizga kelishga urinyapsizmi yoki bugun o’sha yoqimsiz, omadsiz kunlardan birimi? Boshimizda omadsiz kunlar ham bor, lekin ularni boshdan kechirish majburiyati yo’q. Kuningiz siz istagan paytingizda eng yaxshi kun, shoshmang, eng zo’r kun bo’lishi mumkin. Ammo qanday qilib?

Fikrlaringiz va xatti-harakatlaringizga e’tiborli bo’ling. Quyida bugungi kunni boshlash uchun e’tiboringizga 10 ijobiy odat havola etilgan:

1. Men yashashga va tiriklik zavqini tuyishga harakat qilaman.
O’tmishim nihoyasiga yetgan, kelajagim esa mavhumlikda, shuning uchun har bir daqiqa uchun quvonib, undan minnatdor bo’laman.

2. Ongimda salbiy o’y-fikrlar uchun joy yo’q.
Baxt bu bizga beriladigan tanlov va men baxtiyor bo’lishni tanladim.

3. Sog’ligim, yaqinlarim, kasbim va vatanim uchun minnatdorman.
Og’ir damlarda chekkan ozorlarim uchun ham minnatdor bo’laman, ular mening ham shaxsiy, ham kasbiy rivojlanishimga yordam berdi.

4. O’z tanamga g’amxo’rlik qilaman,
me’yor va muvozanat so’zlarining mohiyatini, zamirini ongli ravishda tushunsam, o’z irodam va xatti-harakatlarimni boshqarish shunchalik osonlashadi.

5. Men bugun uchratadigan insonlar menga qanday muomalada bo’lishlarini istasam, men ham ularga xuddi shunday muomalada bo’laman.
Insonlar mening yonimda bo’lganlarida o’zlarini yaxshi ko’rishlarini istayman.

6. G’iybat, hasad va salbiy fikrlardan yiroq bo’laman.
Ko’pchilik insonlar o’z fikrlari haqida fikr yuritishmaydi. Ammo bugun, men jon-jahdim bilan ijobiy fikrlashga kirishaman.

7. Eng muhim vazifalarimni qayd etib boraman,
fikr-u xayolim yaqinlarim va yelkamdagi mas’uliyatlarda bo’lsa, ehtimol, hamma ishga ulgura olmasman, ammo har bir daqiqadan iloji boricha unumli foydalanishga harakat qilaman.

8. Boshqa insonlar orasida kamtar bo’lishga,
o’z “men”imni boshqarishga va atrofdagi insonlarga o’z qadr-qimmatlarini his qildirishga intilaman.

9. Insonlar koriga qanday qilib yaxshiroq yarashni o’rganaman.
Har tomonlama shaxsiy rivojlanishim boshqalarga qay darajada yordam qo’lini cho’zishim, yaxshilik qaytarishimga uzviy bog’liqdir.

10. Tanqidni o’zimga olmayman.
Ular faqat mening fikrlarimni tanqid qilishlari mumkin, ammo meni emas. Davom etishda bo’shashmayman.

@pslog

​​Eski yangi yil qo’shiqlaridan zerikdingizmi?

odysseyonline.com yakuniga yetayotgan dekabr oyiga o’zgacha tus bermoqchi bo’lsangiz, ushbu qo’shiqlarni tinglab ko’rishingizni tavsiya qiladi.

1. "Glittery"- Kacey Musgraves

2. "Mistletoe"- Justin Bieber

3. "Underneath The Tree" - Kelly Clarkson

4. "Take Me Home For Christmas" - Dan + Shay9

🎁 + Emilia Clarke - Last Christmas

@pslog

​​Hissiy intellekt

Hissiy intellekt - bu, sizning o’z hissiyotlaringiz hamda fikrlaringizni boshqara olish qobiliyatingizdir. O’z hissiy intellektingizni rivojlantirish qarorlar qabul qilish qobiliyatingizni o’stiradi, samimiy muloqot qurishingizga, tiniqroq fikrlashingizga va boshqalar bilan samimiy munosabatda bo’lishingizga yordam beradi.

💡 His-tuyg’ularingiz ijodkorlik, intuitsiya va ilhomlanish vositasi ekanligini anglang.

Hissiy intellekt o’z aql-u salohiyatingiz imkoniyatlarini ishga solib, shaxsiy munosabatlaringizda bir-birini tushunish va oradagi ishonchni mustahkamlashda ko’maklashishini anglang.

● O’z his-tuyg’ularingizga quloq tutib, ularni tinglash uchun vaqt ajrating.

👩 Hissiy intellekt sohibasi

• Atrofdagilarning hissiyotlarini tezda ilg’aydi.
• Intuitsiyasi kuchli.
• Vaziyatga moslasha biladi.
• Yaxshi suhbatdosh.
• O’zini anglagan.
• Kuchli motivatsiya sohibasi.

Robert Hellerning "Ish va shaxsiy hayot o'rtasidagi muvozanatni saqlash." kitobidan.

@pslog

Bir inson bilan 6 yıl birga umrguzaronlik qilib, uni qalban tanishingizni his eta olmaysiz. Yoki boshqa bir inson bilan 6 kun hayot kechirib, u sizga bolalikdan beri tanishdek his etasiz. Hayot bir tekis emas.

@pslog

​​Xavotir yenguvchanlik xususiyatiga ega shifobaxsh o’simliklar

Nega uyda parvarish qilinadigan o’simliklar xavotirni yengishda qo’l keladi?
Uy o’simliklarining xususiyatlaridan biri havo sofligini ta’minlashdir, negaki ular karbonat angdrid moddasini o’ziga yutib, buning evaziga kislorod ishlab chiqaradi. Uy (yoki offisdagi) o’simliklarning shifobaxsh xususiyatlari faqat bular bilan cheklanib qolmaydi, ular shuningdek:

1. Diqqatni oshiradi
2. Kayfiyatni yaxshilaydi
3. Mahsuldorlik va ijodiy fikrlashni o’stiradi
4. Qon bosimini pasaytiradi
5. Salomatlikni yaxshilaydi
6. Ziyraklikni oshiradi


Xavotir yenguvchanlik xususiyatiga ega bo’lgan eng shifobaxsh o’simliklar qaysilar?


Lavanda

Lavanda guli ham ranggi, ham ifori bilan boshqa gullardan ajralib turadi. Tadqiqotlar lavanda moyi xavotir va depressiyani davolashda qo’l keluvchi vosita ekanligini tasdiqlagan, u stress va bezovtalikdan ma’lum muddatga ozod qiladi.

Xrizantema

Ro’yhatdagi boshqa gullar kabi ular ham o’z atrofidagi havoni tozalash xususiyatiga egaligi bilan ajralib turadi. Xrizantemlar amoniya, toluol va formaldegid gazlarini haydash xususiyatiga ega. Ularning ranglari har yerda kayfiyatni ko’tarishini aytmasa ham bo’ladi.

Jasmin

Jasminning tinchlantiruvchi iforiga tashakkurlar bo’lsin, u xuddi lavanda kabi xavotir alomatlarini yengillatishda ayni muddao. Bu borada u depressiya va xavotirdan forig’ bo’lishga yordam beradi. Xonadonni bezashdan tashqari undan juda ko’p maqsadlarda foydalanish mumkin. Undan choy va malham ham tayyorlanadi.

Pechak

Havoni tozalash borasida pechakgulga teng keladigani yo’q. NASA tomonidan o’tkazilgan tadqiqotlarga ko’ra, pechakgul trixloretilin va benzol kabi gazlarni haydovchi eng yaxshi o’simlik hisoblanadi.

@pslog

Miyaning 83 mingta skanerlari bizga nima haqida hikoya qiladi?

🔴 Miyaning 83 mingta skanerlari bizga nima haqida hikoya qiladi?

🗣 Deniel Emen

❗️Videoda subtitrlar orasidan o'zbek tilini tanlang❗️

📄 Mazkur nutq mahalliy TEDx anjumanida so'zlangan, TED konfrensiyalardan mustaqil ravishda tashkillashtirilgan. Ushbu nutqda, doktor Deniel Emen, u va uning hamkasblari tomonidan 83 mingta miya skanerlarini ko'zdan kechirib o'rgangan saboqlarini o'rtoqlashadi.

⏱ ~14 min

https://t.me/TEDxUzbekistan
.

​​Richard Brenson, Barak Obama Jessika Ernis Hill, Bryus Li — bu insonlar o’rtasidagi mushtaraklik nimada namoyon bo’ladi?Muvaffaqiyatli inson bo’lish bilan birga ular barvaqt uyg’onishadi! Ularning muvaffaqiyat sirlari nimada ekanligini bilmoqchimisiz?

​​⏰ Eng yaxshi taym-menejment (vaqtni tashkillashtirish) usullari