Mezon Kengashi

🔔Замонавий исломий молия тизими мавзусига бағишланган давра суҳбати

🎓Тошкент ислом институтида «Октябрь ойи – Ҳанафий мазҳабини ўрганиш ойи» доирасида 2 октябрь куни «Ислом молияси экотизими: банкчилик, бизнес ва ижтимоий молия» мавзусида давра суҳбати бўлиб ўтди.

Тадбирда Ислом молияси соҳасидаги амалиётчи мутахассислар сифатида «Mezon Kengashi» компаниясининг лойиҳа менежери Иродахон Фахриддин қизи Орипова ҳамда «Mezon Ta'lim» тренинг маркази академик бўлим координатори Наргизабону Мамуржон қизи Рахимова иштирок этдилар.

💬Суҳбат давомида:

*️⃣ Ислом банкларида қўлланиладиган шартнома турлари;
*️⃣ AAOIFIнинг Ислом молияси экотизимидаги ўрни;
*️⃣ Шариат кенгашлари ва уларнинг вазифалари;
*️⃣ Вақф фаолияти ва унинг аҳамияти муҳокама қилинди.

Учрашув ниҳоясида мавзу юзасидан институт талабалари ва устозлари билан қизиқарли савол-жавоблар бўлиб ўтди.

@mezontalim @mezonkengashi

AAOIFI вакиллари Ўзбекистонда: Ислом молиясини ривожлантириш масалалари муҳокама қилинди

3-сентябр куни "Mezon Kengashi" компанияси ташаббуси билан ва Ислом молияси соҳасидаги етакчи халқаро ташкилотлардан бири — AAOIFI билан ҳамкорликда давра суҳбати ташкил этилди.

Тадбирда Марказий банк вакиллари, тижорат банклар раислари ва раис ўринбосарлари, финтех компаниялар директорлари ҳамда молия муассасаларининг Ислом молияси департаменти раҳбарларидан иборат 40 нафарга яқин банк-молия соҳаси вакили иштирок этди. Давра суҳбатида AAOIFI'нинг МДҲ давлатларида Ислом молиясини ривожлантириш бўйича маркази директори Амиер Надер ва ташкилотнинг етакчи консултанти Др. Ҳарун Табрези қуйидаги мавзуларда маъруза қилдилар:

📌AAOIFI халқаро ташкилотининг роли, вазифалари ва фаолияти;
📌молия муассасаларининг AAOIFI'га институционал аъзо бўлишидан кутиладиган афзалликлар;
📌AAOIFI стандартларини ўзбек тилига таржима қилиш ҳамда унинг Ислом молиясини ривожлантиришдаги аҳамияти.

Муҳокама қилинган масалалар иштирокчиларда катта қизиқиш уйғотди, уларнинг бир қисми эса AAOIFI билан ҳамкорлик йўлга қўйиш ниятида эканини билдирди.

@mezonkengashi
@islommoliyasi
@AAOIFI_Uzbekistan

Markaziy bankning Islomiy moliya kengashi tashkil etildi

🔘 Markaziy bankda Islomiy moliya faoliyati bilan bogʻliq masalalarni muvofiqlashtiruvchi Markaziy bankning islomiy moliya kengashi tashkil etildi. Kengash islomiy bank faoliyatini amalga oshiruvchi banklar, islomiy moliyalashtirishga oid xizmatlarni ko‘rsatuvchi mikromoliya tashkilotlari, Omonatlarni kafolatlash agentligi hamda Markaziy bank nazorati ostidagi boshqa tashkilotlar tomonidan amalga oshiriladigan islomiy moliya faoliyatini muvofiqlashtiruvchi Markaziy bankning kollegial organi hisoblanadi.

🔘Kengash tarkibi Islom huquqi boʻyicha mutaxassis va texnik ekspert bo‘lgan 5 nafar a’zodan iborat.

Kengash quyidagi vazifalarni amalga oshiradi:

✅ islomiy moliya standartlari loyihalarini islomiy moliya boʻyicha xalqaro standartlar va mahalliy kontekstni inobatga olgan holda ishlab chiqadi;

✅ Markaziy bankka islomiy moliya faoliyatini tartibga solish va nazorat qilish masalalari yuzasidan xulosa va maslahatlar beradi, normativ-huquqiy hujjatlar loyihalarini ishlab chiqishda ko‘maklashadi, sohada yuzaga keladigan nizolar hamda bahsli masalalar bo‘yicha tushuntirish va izohlar beradi;

✅ banklar va mikromoliya tashkilotlariga islomiy moliya faoliyati bilan bog‘liq tavsiyalar va ko‘rsatmalar beradi, ular bilan davriy maslahat uchrashuvlarini o‘tkazadi;

✅ AAOIFIning yig‘ilishlarida Markaziy bank nomidan qatnashadi va zarur hollarda AAOIFI tomonidan ishlab chiqilgan hujjatlar loyihalariga o‘z takliflari va munosabatlarini taqdim etadi.

Kengash har yili Markaziy bank boshqaruviga oʻz faoliyati bo‘yicha yillik hisobotni taqdim etadi.

✈️ @MezonKengashi каналига аъзо бўлинг

Манба

🌍 ИТБ-2026 Бокуда: банк минтақавий номутаносибликларни қандай бартараф этмоқда?

16–19 июнь кунлари Боку шаҳрида Ислом тараққиёт банки (ИТБ) гуруҳининг “Барқарор фаровонлик йўлида минтақавий интеграция” мавзусидаги йиллик йиғилишлари бўлиб ўтди.
Озарбайжон сўнгги 15 йил ичида иккинчи бор саммитга мезбонлик қилиб, унга аъзо 57 мамлакат вакилларини бир жойга тўплади.

Қандай муаммолар муҳокама қилинди ва қандай ечимлар таклиф этилди:
🔹 Минтақалараро савдо ва инфратузилмадаги тафовут → ИТБнинг янги Минтақавий интеграция индекси жорий этилди

🔹 Энергия хавфсизлиги танқислиги → Трансчегаравий энергия йўлаклари бўйича амалий мисоллар тақдим этилди

🔹 Мамлакатларнинг сунъий интеллектга тайёргарлиги борасидаги рақамли тафовут → Қўшма платформалар ва СИ Академияси ташкил этилиши эълон қилинди

🔹 Барқарор ривожланиш мақсадли лойиҳалари молиялаштириш → $2,8 миллиард пакет тасдиқланди

🔹 Ислом молия саноатини ривожлантириш (бозор ҳажми
~$4–5 трлн) → Янги “Awqaf Free Zones” лойиҳаси таклиф этилди

Саммит якунида доктор Муҳаммад ал-Жассир ИТБ президенти лавозимига янги 5 йиллик муддатга қайта сайланди.
Бу эса Ўн йиллик стратегик дастур (2026–2035) доирасидаги йўналишнинг давомийлигини таъминлайди.

Кейинги постларда ҳар бир инсайтни батафсил кўриб чиқамиз. 👇

@AAOIFI_Uzbekistan
@MezonKengashi
@IslomMoliyasi
@MezonTalim

AAOIFI Шариат стандартлари китоби ўзбек тилига таржима қилинади

AAOIFI Ислом молиясини ривожлантириш маркази ҳамда Mezon Kengashi консалтинг компанияси ўртасида AAOIFI Шариат стандартлари китобининг расмий ўзбек тилидаги таржимасини тайёрлаш бўйича келишув имзоланди.

2026-йил 17-май куни имзоланган мазкур лойиҳа 61 та стандартдан иборат, қарийб 1 200 саҳифалик AAOIFI Шариат стандартлари китобининг амалдаги энг сўнгги араб тилидаги расмий нашрини бевосита ўзбек тилига таржима қилишни назарда тутади.

Мазкур келишув AAOIFI ва Mezon Kengashi ўртасида 2025-йил 26-декабрда йўлга қўйилган стратегик ҳамкорликнинг кейинги босқичи ҳисобланади.

AAOIFI стандартларининг ўзбек тилидаги расмий нашрининг тайёрланиши Ўзбекистонда 2026-йил 29-июндан кучга кириши белгиланган қонун асосида янги шаклланадиган тизимнинг самарали ва изчил жорий этилиши учун ҳам муҳим аҳамият касб этади.

Шунингдек, ушбу ташаббус ўзбек мутахассисларига AAOIFI'нинг халқаро миқёсда тан олинган профессионал сертификатлаш дастурларини ўз она тилларида ўзлаштириш имкониятини тақдим этади.

✔️ Ушбу янгилик AAOIFI ташкилотининг расмий веб-сайтида эълон қилинган матбуот хабарида тасдиқланган.

✔️ Мазкур матбуот хабарининг ўзбек тилидаги таржимасини ўқишингиз мумкин.

@AAOIFI_Uzbekistan
@MezonKengashi
@IslomMoliyasi

@MezonTalim

"Ҳаттоки мен атеист бўлганимда ҳам Ислом молиясига муҳаббат қўйган бўлар эдим".

— Хондамир Нусратхўжаев, Ислом молияси бўйича халқаро эксперт, AAOIFI'нинг сертификатланган тренери ва Ислом тараққиёт банки мутахассиси.

Шунингдек, Ислом молияси бўйича Mezon Kengashi консалтинг компанияси директори — Музаффар Ҳусниддинов ва етакчи лойиҳа раҳбарлари иштирокида самимий суҳбат бўлиб ўтди.

Суҳбат давомида Ислом молиясининг қатор асосий тушунчалари, ҳалол даромад, қарз, савдо ва замонавий молиявий муносабатлар каби долзарб мавзулар қамраб олинди.

➡️ Тўлиқ суҳбатни томоша қилинг

@TVIrfon
@MezonKengashi
@IslomMoliyasi

Ассалому алайкум!

Мezon Kengashi жамоаси сифатида барчангизни муборак Қурбон ҳайити билан самимий табриклаймиз.

Ушбу улуғ айём барчамиз учун тинчлик-хотиржамлик, файз-у баракот ва бахт-саодат олиб келсин.

Қурбон ҳайити муборак бўлсин!

Ҳурмат билан,
Mezon Kengashi жамоаси