TGViewer
Channel Public Channel
MATH MENTOR | DAVRBEK

MATH MENTOR | DAVRBEK

@math_mentor

Al-Beruniy va ixtisoslashtirilgan maktablarga tayyorgarlik, MOCKlar, yozma ishlar va olimpiada masalalari.

Ta’lim haqidagi shaxsiy fikrlar va o‘quvchilar uchun amaliy maslahatlar.

Muallif: Oltiboyev Davrbek
Murojaat: @mathmentor_1
Open in Telegram
Subscribers
2.11K
Photos
447
Videos
52
Links
245

Showing posts older than #1809 · Back to latest

Older Posts 20 shown
Post #1808 2.03K

Forwarded from O‘zR FA Matematika instituti | O‘zbekiston Matematiklari

🔴 Tadqiqotchilar uchun “Akademik Qori Niyoziy merosi” ilmiy-metodik markazi tomonidan moliyalashtirilgan mukofot jamg‘armasi 106 000 000 so‘m bo‘lgan “Matematika fanining fan (matematikadan tashqari), ishlab chiqarish, texnologiya va tabiat sohalariga tatbiqi” mavzusida loyiha tanlovi o‘tkazildi.

Matematika fanining nazariy va amaliy imkoniyatlarini tabiiy fanlar, muhandislik, axborot texnologiyalari, sun’iy intellekt, sanoat, iqtisodiyot, tibbiyot, qishloq xo‘jaligi va boshqa sohalarda qo‘llashga qaratilgan innovatsion loyihalarni qo‘llab-quvvatlash hamda iqtidorli tadqiqotchilarning ilmiy salohiyatini rivojlantirish.

Tanlovda ixtisoslashtirilgan maktablar, akademik litseylar, texnikomlar va universitetlar o'qituvchilari va o'quvchilaridan tuzilgan jamoalar ishtirok etishlari mumkin.

📆Tanlovga arizalar 2026 yil 30 sentayabr kuniga qadr adashevjq@mail.ru elektron pochta manzili orqali qabul qilinadi.

📝Loyihaning talab va mezonlari bilan quyida tanishishingiz mumkin: Bu yerda


✅ mathnet.uz - Milliy matematika onlayn platformasi

💻 Ijtimoiy tarmoqlardagi sahifalarimiz:
Telegram | YouTube
  • 👍 6
  • 🔥 5
  • 🤔 2
Post #1807 2K
MATH MENTOR | DAVRBEK Assalomu alaykum, xayrli kech👋 Yangi o‘quv yilini ham boshlasak bo‘lar-a? Lichkamda ham online darslar haqida xabarlar ancha ko‘payib ketdi. Shu sabab yangi guruhlarni shakllantirishdan oldin sizlarning fikringizni bilib olmoqchiman. Darslarda qatnashish…
❗️ Hozirgacha 40 ga yaqin o‘quvchi ro‘yxatdan o‘tdi!

Yangi kursni imkon qadar mukammal va sizlarga qulay shaklda tashkil qilishimiz uchun online darslarga qiziqayotganlar formani to‘ldirib qo‘yinglar.

💜 Atigi 1 daqiqacha vaqt ketadi, savollar ham juda oson🙂

🔗 https://forms.gle/sS9dEB2udALN8WSu6

Javoblaringiz yangi guruhlarni to‘g‘ri shakllantirishimizga yordam beradi!

💬Telegram: @math_mentor
Google Docs 2026–2027 | MATH MENTOR online darslar Yangi o‘quv yili uchun online guruhlarni shakllantirishdan oldin o‘quvchilarning sinfi, maqsadi va darslarga bo‘lgan qiziqishini bilib olmoqchimiz. ❗️ Formani to‘ldirish hali guruhga qabul qilindingiz degani emas. Batafsil ma’lumotlar keyinroq beriladi.
  • ❤ 6
  • 🤝 5
Post #1805 1.83K
Assalomu alaykum, xayrli kech👋

Yangi o‘quv yilini ham boshlasak bo‘lar-a?

Lichkamda ham online darslar haqida xabarlar ancha ko‘payib ketdi. Shu sabab yangi guruhlarni shakllantirishdan oldin sizlarning fikringizni bilib olmoqchiman.


Darslarda qatnashish niyati borlar quyidagi qisqa formani to‘ldirib qo‘yinglar👇

🔗 https://forms.gle/sS9dEB2udALN8WSu6

Yaqin kunlarda esa yangiligimizni ham aytamiz, kuzatib boring!

💬Telegram: @math_mentor
Google Docs 2026–2027 | MATH MENTOR online darslar Yangi o‘quv yili uchun online guruhlarni shakllantirishdan oldin o‘quvchilarning sinfi, maqsadi va darslarga bo‘lgan qiziqishini bilib olmoqchimiz. ❗️ Formani to‘ldirish hali guruhga qabul qilindingiz degani emas. Batafsil ma’lumotlar keyinroq beriladi.
  • 👍 4
  • 🔥 2
Post #1804 2.22K
MATH MENTOR | DAVRBEK ❗️ Bu mavsumda nimalar qildik? ➡️ Avval bitta aniqlik: yuqoridagi natijalar aynan online guruhimizda tayyorlangan o‘quvchilarning natijalari. Man bu yil offline kurs o‘tmadim. O‘quvchilar boshqa ustozlarda ham parallel tayyorlangan bo‘lishi mumkin - bu…
Ustozlarga ham qiyin…

Apellyatsiya bergan bolalar ham o’zimizniki, ular ortda qoldirmoqchi bo’lgan ayrim bolalar ham o’zimizniki..

Ikki eshik o’t orasi😊
  • 😁 30
  • 💯 8
  • ❤ 4
  • 👍 3
Post #1803 2.38K
MATH MENTOR | DAVRBEK Xayrli kun, barchaga👋 ❗️ Bugun apellyatsiya berishning oxirgi kuni! Apellyatsiyaga topshirganlarga telefon orqali ham bog‘lanishayotgan ekan. ❓ Kimlarga xabar keldi? Kimningdir apellyatsiyasi rad qilindimi yoki apellyatsiya berganlarning barchasini Toshkentga…
❓ Bugun, o'zi umuman, Apellyatsiyaga kiradiganlarga maslahatlar kerakmi?
  • 🔥 9
  • ❤ 2
  • 👍 2
  • 🤝 1
Post #1802 2.35K
Ixtisoslashtirilgan ta'lim muassasalari agentligi 🖌 APELLATSIYA UCHUN ARIZALAR 7–11-AVGUST KUNLARI QABUL QILINADI Al-Beruniy xalqaro maktab-internatiga (2-bosqich) kirish imtihonlari natijalaridan qoniqmagan talabgorlar joriy yilning 7-avgustidan 11-avgustigacha apellyatsiya komissiyasiga ariza bilan murojaat…
Xayrli kun, barchaga👋

❗️ Bugun apellyatsiya berishning oxirgi kuni!

Apellyatsiyaga topshirganlarga telefon orqali ham bog‘lanishayotgan ekan.


❓ Kimlarga xabar keldi? Kimningdir apellyatsiyasi rad qilindimi yoki apellyatsiya berganlarning barchasini Toshkentga chaqirishyaptimi?

P.S. Toshkentga chaqirishning o‘zi ham ancha apellyatsiya berganlarni fikridan qaytaradi...
  • 👍 9
  • ❤ 2
  • 🕊 1
Post #1800 2.1K
MATH MENTOR | DAVRBEK Bu yilgi mavsumni ham sarhisob qilib olamiz
❗️ Bu mavsumda nimalar qildik?

➡️ Avval bitta aniqlik: yuqoridagi natijalar aynan online guruhimizda tayyorlangan o‘quvchilarning natijalari. Man bu yil offline kurs o‘tmadim.

O‘quvchilar boshqa ustozlarda ham parallel tayyorlangan bo‘lishi mumkin - bu hozir odatiy hol.

❗️ Bilasizlar, o‘zim PhD’da o‘qiyman va kunduzgi vaqtimning asosiy qismi ilmiy ishlarim bilan o‘tadi. Online ta’limni tanlaganimning yana bir yaxshi tomoni - viloyatlardagi iqtidorli o‘quvchilarga ham bir xil imkoniyat yaratish bo‘ldi.


Bu yilgi tayyorlovimiz 2 ta mavsumdan iborat bo‘ldi.

1️⃣ 1-mavsum sentabrda boshlandi.

Asosan matematika fundamentini mustahkamlash, 1-bosqich uchun kerakli mavzular, jonli darslar, testlar va tahlillar bilan ishladik.

2️⃣ Keyin imtihon tartibi va spetsifikatsiya o‘zgargach, fevralda 2-mavsumga start berdik.

Bu safar matematikaning yoniga fizika ham qo‘shildi va fizikani 0 dan boshlab o‘qitdik. Shu bilan birga matematika ham davom etdi, temp yanada oshdi: muntazam qiyin testlar, MOCKlar, tahlillar va asta-sekin yozma ish formatiga mos tayyorgarlikka o‘tdik.

❗️ 2-bosqich yaqinlashgach, o‘quvchilarning yozma ishlarini imtihon formatida tekshirib berdik!

💜 Shu bilan birga, @math_mentor asosiy kanalimizda bepul kontentlar ham to‘xtamadi.

— Al-Beruniy maktabi bo‘yicha yangiliklar;
— Ingliz tili + Matematika + Fizikadan MOCKlar;
— bot orqali tekshiruv, natija va reytinglar;
— testlardan keyin tahlillar berdik;
— yozma ishlar, qo‘llanmalar va imtihon oldi tavsiyalar berildi;

👌 Eng zo‘r tomoni - ko‘p testlarimiz yutuqli va sovrinli bo‘ldi. O‘quvchilar bilimini sinabgina qolmay, o‘zaro sog‘lom raqobat ham qildi🔥

❗️ Yana bir qiziq fakt: mavsum davomida biror joyda umuman pullik reklama bermadik. Shu bilan birga, yopiq guruhlarimizni eng arzon, sifatni tushirmagan holda olib bordik.


➡️ O‘quvchilar asosan testlarimiz, materiallarimiz va tavsiyalar orqali o‘zlari topib kelishdi. Ba’zi paytlarda ustozim Sardor Bozorboyev va Abrorjon Farmonovlar ham o‘z auditoriyalari bilan ulashib yordam berishdi. Ularga ham rahmat!

Xullas, bu jarayonda faqat dars o‘tmadik. Juda ko‘p yaxshi insonlar, ustozlar, ota-onalar va ajoyib o‘quvchilar bilan tanishdik. Man uchun mavsumning eng yaxshi tomonlaridan biri ham shu bo‘ldi 😊


Keyingi postda esa kadr ortida kimlar mehnat qilganini ham aytib o‘taman🤝

💬Telegram: @math_mentor
  • ❤ 12
  • 🔥 11
  • ⚡ 2
  • 👍 2
  • 👏 1
  • 🤩 1
Post #1799 1.59K
Al-Beruniy nomidagi xalqaro maktab-internati 📢 YAKUNIY KIRISH IMTIHONI NATIJALARI E’LON QILINDI! 2026–2027-o‘quv yili uchun Al-Beruniy nomidagi xalqaro maktab-internatiga qabulning yakuniy kirish imtihoni natijalari e’lon qilindi. 📊 Nomzodlar o‘z natijalari bilan quyidagi rasmiy platformalar orqali…
🏆 Al-Beruniy maktabiga tavsiya etilgan o‘quvchilarimiz!

❗️ Bo‘lajak Garvardchilar 2.0 online guruhida tayyorlangan va natijasini bizga yuborgan 10 nafar o‘quvchimiz maktabga tavsiya etildi.

👏 Barchangizni chin dildan tabriklayman!

❗️ Ushbu yo‘lda bolalarni qo‘llab-quvvatlagan ota-onalariga va offline tarzda bilim bergan barcha ustozlariga ham alohida rahmat!

❗️ Yana 3–4 nafar o‘quvchidan ham materiallarimiz foyda bergani haqida xabar berishdi. Ular bilan bevosita ishlamaganimiz uchun natijalarini ro‘yxatga kiritmadim. Foydamiz tekkanining o‘zi xursand qiladi 😊


➡️ Kirganlarga yana bir bor tabrik! Endi bu imkoniyatdan maksimal foydalaninglar🔥

💬Telegram: @math_mentor
  • 👏 23
  • 🔥 11
  • 🏆 4
  • 👍 2
  • ❤ 1
  • 🎉 1
Post #1798 1.5K
MATH MENTOR | DAVRBEK ❗️ Al-Beruniy maktabiga kirgan o‘quvchilarga Avvalo, hammangizni yana bir bor tabriklayman. Hozir biroz yaxshilab dam olib olinglar, bunga haqqingiz bor 😊 Lekin “Al-Beruniy maktabiga kirdim, bo‘ldi” deb xotirjam bo‘lib qolmanglar. Menimcha, Al-Beruniy maktabiga…
Kelinglar, endi men ham Al-Beruniy maktabiga kirgan o‘quvchilarimizni natijalarini ulashib qo‘yay 😊

Nima dedingizlar, shu bahona Bu yilgi mavsumni ham sarhisob qilib olamiz🔥
  • 🔥 26
  • ❤ 8
  • 🆒 3
  • 👍 2
  • 👌 1
Post #1797 1.68K

Forwarded from Sh.A.R

Assalomu alaykum Davrbek. Meni oʻgʻlim sizni kurslaringizda oʻqimagan boʻlsada, (imtixonga 2 kun qolganda testlar kanalizga qoʻshilgan boʻlsa-da) lekin fidoiy, mehnatsevar, jonkuyar, oʻquvchilari un togʻdek suyanch, ishonch bera oladigan ustoz ekanligingizni korib hayron qoldim toʻgʻrisi👍😍. Xozirgi kunda sizdek vijdonli, halol ustozni topish qiyin meni nazarimda. Meni oʻgʻlim Al Beruniy 2 bosqich imtixonida 66 ball yigʻdi, lekin Mirzo Ulugʻbek maktabida oʻqiganligi un bu maktabga qabul qilinmadi🙈. Lekin meni oʻgʻlim 7 sinfda IELTS imtihonidan 7 ballni, 8 sinfda SAT imtixonidan 1380 ballni qoʻlga kiritgan. Davlatimiz rahbari UZBdagi barcha ingliz tili va matematika yoʻnalishida boʻlgan universitetlarga SAT bali 1200 yuqori boʻlgan abiturientlarni qoʻshimcha grant asosida qabul qilinishiga imkon bergan bir vaqtda, meni oʻgʻlimni 8 sinfdaligadayoq 1380 bali bo'la turib ushbu maktabga qabul qilinmasligi ham tasodif emas deb oʻylayman. Meni oʻgʻlim Al Beruniy maktabida oʻqiy olmasada lekin men ishonamanki, kelajakda InshaAlloh Google, Microsoft kabi kompaniyalarni boshqaruvchisiga aylanadi🤲 . Va men bir ona sifatida va'da beramanki oʻgʻlim kelajakda yurtimiz rivoji uchun va yurtimizda sizdek ustozlarni butun xalq e'zozlab, ardoqlab, hurmat qilishiga o'z hissalarini qo'shadi Inshaalloh 🤲. Sizga kattakon rahmat, bergan motivatsiyalariz un😊.
Oʻgʻlim kabi ushbu maktabga qabul qilinmagan bolalar sizlar hech ham hafa boʻlmanglar, sizlar birlashib bir guruh ochib, matem, fizika, ingliz tili bilimlaringizni boshqa ijtimoiy himoyaga muhtoj, moddiy imkoniyati yoʻq boʻlgan bolalar un bir loyiha tayyorlab, online taʼlim beringlar va ular eng yaxshi maktablarga sizlardan olgan bepul bilimlari asosida qabul qilinsala sizlar un bundan katta yutuq boʻlmaydi. Sizlarga tajriba boladi, portfolio boladi va eng asosiysi savob boladi.
Al Beruniy maktabiga oʻqishga qabul qilingan oʻquvchilar sizlardan iltimos, sizlar juda qattiq oʻqinglar, o'sha yerdagi bilimlarni, tajribalarni mukammal egallab kanikul vaqtlarida vaqt, imkon topib bizni farzandlarimiz BN boʻlishib turinglar iltimos. Barchangizga omad tilayman😊 !
  • 🔥 42
  • ❤ 8
  • 👏 6
  • 💯 3
  • 👍 2
  • 🤔 1
Post #1796 1.22K
MATH MENTOR | DAVRBEK ❗️ Xulosa qilib aytganda... O‘quvchilar, yuqoridagi postlarda sizlarga bitta narsani tushuntirishga harakat qildim: hali hech narsa tugagani yo‘q va kelajagingiz o‘z qo‘lingizda. 💜 TOP universitetlarga kirish yo‘lini bilganimcha sodda qilib tushuntirdim.…
Xayrli kun barchaga👋

O‘tgan kuni yozgan postlarimdan keyin ajoyib xabarlar keldi, katta rahmat😊

Shulardan birini sizlar bilan ham bo‘lishgim keldi👇
  • 🔥 10
  • 👍 1
Post #1795 1.75K
MATH MENTOR | DAVRBEK ❗️ Al-Beruniyga kira olmagan o‘quvchilarga | 3-qism 1️⃣ 11-sinf — universitetlarga hujjat topshiriladigan yil. Lekin tayyorgarlikni 11-sinf boshlangandan keyin emas, 10-sinfning oxiri va yozidan boshlash kerak. ➡️ AQSh universitetlari uchun umumiy ariza…
❗️ Xulosa qilib aytganda...

O‘quvchilar, yuqoridagi postlarda sizlarga bitta narsani tushuntirishga harakat qildim: hali hech narsa tugagani yo‘q va kelajagingiz o‘z qo‘lingizda.

💜 TOP universitetlarga kirish yo‘lini bilganimcha sodda qilib tushuntirdim. Menimcha, endi ko‘z oldingizda hech bo‘lmasa aniq bir yo‘nalish paydo bo‘ldi.

➡️ Bu uddalab bo‘lmaydigan ish emas. Hozirgi kunda juda ko‘p o‘zbekistonlik o‘quvchilar kuchli universitetlarga kiryapti. Bir necha yil oldin “voooy, daxshat”dek ko‘ringan narsa, sekin-sekin odatiy holga aylanib boryapti))

💜 Shuning uchun hozir harakatni boshlanglar. Yuqorida yozganlarim to‘liq yo‘l xaritasi bo‘lmasligi mumkin, lekin izlanishni boshlasangiz, qolganini yo‘l davomida o‘rganib borasizlar.

➡️ Portfolio, research, grant va application bo‘yicha yordam beradigan jamoalar ham ko‘p. Pulliklari ham bor, beminnat yordam beradiganlari ham.

💜 Lekin bu albatta kimdandir pullik yordam olishingiz kerak degani emas. O‘zingiz ham bemalol qila olasizlar. Muhimi — to‘g‘ri reja, to‘g‘ri yo‘nalish, yaxshi ustozlar va kerakli insonlarni uchratish. Avvalo o‘zingiz izlanib, imkoniyatlaringizni to‘g‘ri ishlatishni o‘rganinglar.

❗️ Faqat bitta narsani unutmanglar: hech qachon natija yoki faoliyatingizni soxtalashtirmanglar.

➡️ Fundamentni hozirdan to‘g‘ri qursangiz, keyin ancha oson bo‘ladi.

☝️ Agar kimdadir qo‘shimcha fikr, tajriba yoki foydali tavsiya bo‘lsa, bemalol yozib qoldiringlar.

➡️ Gapning indallosi, Al-Beruniy maktabiga kira olmagan o‘quvchilarimizni shunchaki tashlab qo‘ygim kelmadi. Yuqoridagi 3 ta post — aynan sizlarga maslahatlarim!

Kayfiyatni tushirmanglar, oldinda hali juda ko‘p imkoniyat bor. Balki bir necha yildan keyin shu postlarni kulib eslarsizlar 😄

Agar shu yergacha o‘qigan bo‘lsangiz va shuncha yozganlarim foydali bo‘lgan bo‘lsa, reaksiya va fikrlaringizni ayamanglar 😊

Thank you for your attention!

💬Telegram: @math_mentor
  • 🔥 46
  • ❤ 9
  • ⚡ 8
  • 👍 3
  • 🤩 1
Post #1794 1.41K
MATH MENTOR | DAVRBEK ❗️ Al-Beruniyga kira olmagan o‘quvchilarga | 2-qism 1️⃣ 10-sinfni kuchli portfolio quradigan yil qilinglar. 9-sinfda kelajakdagi yo‘nalishingizni aniqlagan bo‘lsangiz, 10-sinfda shu yo‘nalish bo‘yicha jiddiy va ko‘rinadigan natija qilishga harakat qilinglar.…
❗️ Al-Beruniyga kira olmagan o‘quvchilarga | 3-qism

1️⃣ 11-sinf — universitetlarga hujjat topshiriladigan yil.

Lekin tayyorgarlikni 11-sinf boshlangandan keyin emas, 10-sinfning oxiri va yozidan boshlash kerak.

➡️ AQSh universitetlari uchun umumiy ariza topshirish tizimi odatda 1-avgustdan ochiladi. Erta topshirish muddatlari ko‘pincha noyabr boshida, oddiy topshirish muddatlari esa yanvar boshida bo‘ladi.

➡️ Angliyada jarayon yanada ertaroq boshlanadi: Oxford va Cambridge kabi universitetlarga hujjatlar odatda 15-oktabrgacha topshiriladi. Aniq sanalarni esa har yili universitetlarning rasmiy saytlaridan tekshirib borish kerak.

2️⃣ Universitetni faqat nomi yoki reytingiga qarab tanlamanglar.

10-sinf oxiriga kelib quyidagilar aniq bo‘lishi kerak:

— qaysi davlatda o‘qimoqchisiz;
— qaysi yo‘nalishga topshirasiz;
— universitet sizning maktab hujjatingizni qabul qiladimi;
— IELTS, SAT yoki boshqa qanday talablar bor;
— grant va moliyaviy yordam beradimi.

Faqat 3–4 ta mashhur universitetga yopishib qolmasdan, ro‘yxatni juda kuchli, real va kirish imkoniyati nisbatan yuqoriroq universitetlardan tuzgan ma’qul.

3️⃣ 11-sinfda chiqishi mumkin bo‘lgan muammolarni hozirdan hal qilinglar.

Ko‘pchilik 11-sinfga kelib bir paytning o‘zida IELTS/SAT topshirish, universitet qidirish, essay yozish, tavsiyanoma va grant hujjatlarini tayyorlashga tushadi. Natijada vaqt qisib, hamma ish shoshma-shosharlik bilan bajariladi.

Shuning uchun 10-sinf oxirigacha:

— IELTS va SAT natijangiz hamda amal qilish muddatini tekshirib qo‘yinglar;
— yo‘nalishingiz va taxminiy universitetlar ro‘yxatini aniqlanglar;
— loyiha, olimpiada va boshqa yutuqlaringizni tartibli saqlab boringlar;
— sizni yaxshi biladigan ustozlar bilan yaxshi akademik aloqa o‘rnatinglar;
— grant kerak bo‘lsa, oilangiz bilan moliyaviy imkoniyat va kerakli hujjatlarni oldindan muhokama qilinglar.

Xullas, 10-sinf yoziga kelib akademik natijalar, portfolio va asosiy yo‘nalish deyarli tayyor bo‘lishi kerak.

💜 Qisqacha:

1. 9-sinf — poydevor va yo‘nalish.
2. 10-sinf — portfolio va real natija.
3. 11-sinf — universitet tanlash, essay, tavsiyanoma, grant va application.

❗️ Al-Beruniy maktabiga kira olmaganingiz yo‘l tugadi degani emas.

Shunchaki endi o‘z yo‘lingizni o‘zingiz aniq reja bilan qurishingiz kerak🔥

💬Telegram: @math_mentor
  • 🔥 26
  • ⚡ 5
  • ❤ 5
Post #1793 1.34K
MATH MENTOR | DAVRBEK ❗️ Al-Beruniyga kira olmagan o‘quvchilarga | 1-qism 1️⃣ Avvalo, bir narsani to‘g‘ri tushunib olaylik: Al-Beruniy maktabiga kira olmaganingiz — TOP universitetlarga boradigan yo‘lingiz yopildi degani emas! Al-Beruniy maktabi katta imkoniyat, lekin yagona…
❗️ Al-Beruniyga kira olmagan o‘quvchilarga | 2-qism

1️⃣ 10-sinfni kuchli portfolio quradigan yil qilinglar.

9-sinfda kelajakdagi yo‘nalishingizni aniqlagan bo‘lsangiz, 10-sinfda shu yo‘nalish bo‘yicha jiddiy va ko‘rinadigan natija qilishga harakat qilinglar.

IELTS va SAT olishni ham ortiqcha cho‘zib yubormanglar. Kerakli natijani olgandan keyin, vaqtingizni boshqalardan ajratib turadigan ishlarga sarflanglar.

2️⃣ Portfolio — 20–30 ta sertifikat yig‘ish degani emas.

Man 10-sinf uchun mana shu formulani tavsiya qilaman:

1 ta aniq yo‘nalish + 1–2 ta jiddiy natija + 1 ta uzoq muddatli loyiha yoki research + real foyda


Masalan, matematikasi kuchli o‘quvchi:

— jiddiy olimpiadalarda qatnashishi;
— matematika yoki statistika bo‘yicha research qilishi;
— Python, GeoGebra yoki Desmos yordamida model va dastur yaratishi;
— maktabda matematika klubi ochishi;
— kichik sinflarga bepul va muntazam dars berishi;
— sifatli masalalar va yechimlar bazasini yaratishi mumkin.

3️⃣ Research va volontyorlik ham kuchli portfolioning bir qismi bo‘lishi mumkin.

Research — oddiy referat emas. Aniq savol yoki muammoni tanlab, ma’lumot yig‘ish, tahlil qilish va o‘z xulosangizni maqola, hisobot yoki loyiha ko‘rinishida chiqarish kerak. Imkon bo‘lsa, ustoz yoki mutaxassis bilan ishlanglar, lekin ishda aynan sizning hissangiz aniq ko‘rinsin.


Volontyorlik ham bir kunlik tadbir yoki sertifikat uchun emas, davomiy va real foyda beradigan bo‘lsin.

Masalan:
“8 oy davomida 25 nafar o‘quvchiga bepul matematika darsi o‘tdim, ulardan 10 nafari olimpiadaning keyingi bosqichiga o‘tdi.”


Volontyorlikni o‘z yo‘nalishingiz bilan bog‘lasangiz yanada kuchli bo‘ladi.

Muhimi — nima qilganingiz va qanday natija chiqarganingiz.

4️⃣ Qilgan ishingizning natijasi ko‘rinsin (isboti bo‘lsin).

Har bir faoliyat bo‘yicha quyidagilarni saqlab, yig‘ib boringlar:

— qancha vaqt davom ettirdingiz;
— aynan qanday vazifa bajardingiz;
— nechta odamga foyda berdi;
— qanday natija chiqdi;
— rasm, video, havola, maqola, sertifikatlar.

Application vaqtida “qatnashdim” degan gapdan ko‘ra, “mana shu ishni boshladim, mana buncha davom ettirdim va mana bu natijani chiqardim” degan isbot kuchliroq bo‘ladi.

☝️ Faqat portfolio qilaman deb maktab baholarini tushirib yubormanglar. Kuchli faoliyat bilan birga yaxshi akademik natija ham bo‘lishi kerak.

❗️ 10-sinf oxiriga kelib:
“Men mana shu yo‘nalishda mana bunday real ish qildim va mana bu natijaga erishdim”

deb aniq ayta olishingiz kerak.

Keyingi postda 11-sinfdagi application jarayoni: universitet tanlash, essay, tavsiyanoma va grant hujjatlarini qachondan boshlash kerakligi haqida yozaman 🔥

💬Telegram: @math_mentor
  • 🔥 16
  • ❤ 8
  • ⚡ 2
  • 👏 2
Post #1792 1.24K
MATH MENTOR | DAVRBEK ❗️ Al-Beruniy maktabiga kirgan o‘quvchilarga Avvalo, hammangizni yana bir bor tabriklayman. Hozir biroz yaxshilab dam olib olinglar, bunga haqqingiz bor 😊 Lekin “Al-Beruniy maktabiga kirdim, bo‘ldi” deb xotirjam bo‘lib qolmanglar. Menimcha, Al-Beruniy maktabiga…
❗️ Al-Beruniyga kira olmagan o‘quvchilarga | 1-qism

1️⃣ Avvalo, bir narsani to‘g‘ri tushunib olaylik:

Al-Beruniy maktabiga kira olmaganingiz — TOP universitetlarga boradigan yo‘lingiz yopildi degani emas!

Al-Beruniy maktabi katta imkoniyat, lekin yagona yo‘l emas. Maktab - shunchaki vosita. Asosiy natijani baribir o‘quvchining o‘zi, bir necha yillik mehnati va to‘g‘ri tuzilgan reja beradi.

☝️ Qolaversa, ko‘pchiligingiz noldan boshlamayapsizlar: ingliz tilingiz yaxshi, ayrimlaringizda IELTS bor, matematikangiz ham yomon emas. Oldingizda hali taxminan 3 yil vaqt bor. Uni to‘g‘ri ishlatsangiz, oddiy maktabda o‘qib ham kuchli universitetlarga hujjat topshirishingiz mumkin.

2️⃣ 9-sinfni poydevor yili qilinglar:

— matematikani kuchaytiringlar;
— IELTSdan yuqoriroq ball olinglar;
— SAT boshlanglar va imkon qadar 9-sinf oxiri yoki 10-sinf boshida yaxshi natija qilinglar;
— maktab baholarini tushirib yubormanglar;
— kelajakdagi yo‘nalishingizni aniqlanglar.

Faqat IELTSni juda erta topshirib qo‘ymanglar - universitetga hujjat topshirish vaqtida amal qilish muddati tugab qolmasin.

Eng muhimi, IELTS va SAT — yakuniy maqsad emas. Ular universitet eshigini ochadigan vosita, xolos.

3️⃣ 9-sinf oxiriga kelib:

“Men nimam bilan boshqa o‘quvchilardan ajralib turaman?”


degan savolga javobingiz bo‘lishi kerak.

💜 Matematikasi kuchli o‘quvchilar esa 9-sinfdayoq portfolio uchun sekin harakatni boshlasa ham bo‘ladi.

Keyingi postda 10-sinfda qanday kuchli portfolio qurish va aynan nimalarga e’tibor berish kerakligini yozaman🔥

💬Telegram: @math_mentor
  • 🔥 32
  • ❤ 5
  • 👏 5
  • ⚡ 2
  • 👍 1
Post #1791 1.11K
MATH MENTOR | DAVRBEK ❗️ Al-Beruniy maktabiga kirgan o‘quvchilarga Avvalo, hammangizni yana bir bor tabriklayman. Hozir biroz yaxshilab dam olib olinglar, bunga haqqingiz bor 😊 Lekin “Al-Beruniy maktabiga kirdim, bo‘ldi” deb xotirjam bo‘lib qolmanglar. Menimcha, Al-Beruniy maktabiga…
❗️O‘tgan yili kirgan o‘quvchilarning ota-onalariga ko’ra, fikrimiz to‘g‘ri!

Endi navbat - kira olmaganlar uchun aniq tavsiyalarga 🔥
  • 🔥 25
  • ❤ 5
  • 👍 2
  • ⚡ 1
Post #1790 1.2K
MATH MENTOR | DAVRBEK Assalomu alaykum, xayrli kun barchaga! Bugun sizlar bilan imtihondan keyingi muhim masalalar haqida gaplashamiz. Avvalo, apellyatsiya berish tartibi va qaysi holatlarda apellyatsiya berish kerakligi haqida tushuntirib o‘tamiz. Shuningdek, maktabga kirgan…
❗️ Al-Beruniy maktabiga kirgan o‘quvchilarga

Avvalo, hammangizni yana bir bor tabriklayman. Hozir biroz yaxshilab dam olib olinglar, bunga haqqingiz bor 😊

Lekin “Al-Beruniy maktabiga kirdim, bo‘ldi” deb xotirjam bo‘lib qolmanglar. Menimcha, Al-Beruniy maktabiga kirish - kemaga chiqish, xolos. Kemaga chiqqaningiz bilan hali manzilga yetib borgan bo‘lmaysiz.

Maktabda darslarni birinchi kundanoq mas’uliyat bilan olib ketishga harakat qilinglar. Vazifalarni yig‘ib qo‘ysangiz, keyin yetib olish qiyin bo‘ladi. Ko‘p fan, ko‘p uyga vazifa, tez-tez imtihonlar bo‘ladi. Faqat o‘zingiz yaxshi ko‘radigan 2-3 ta fanga yopishib olib, qolganlarini tashlab qo‘ymanglar!

❗️ Yana bir muhim narsa — uyqu va sog‘liq. O‘tgan yilgi o‘quvchilardan eshitganim, aynan vazifalar, imtihonlar, stress va uyqusizlik ancha qiynagan. Shuning uchun vaqtni to‘g‘ri taqsimlashni hozirdan o‘rganinglar!

Agar maqsadingiz TOP universitetlar bo‘lsa, Al-Beruniy maktabida o‘qishning o‘zi bilan cheklanib qolmanglar. IELTS, SAT, olimpiadalar, loyihalar va portfolio uchun ham asta-sekin hozirdan harakat qilish kerak.

Al-Beruniy maktabi sizlarga juda yaxshi imkoniyat beradi. Endi shu imkoniyatdan qanday foydalanish o‘zingizga bog‘liq.

Hali maqsadingizga yetmadingiz, shunchaki maqsadingiz tomon yaxshi kemaga chiqib oldingizlar🔥

💬Telegram: @math_mentor
  • 🔥 28
  • 👍 5
Post #1789 1.14K
MATH MENTOR | DAVRBEK ❗️ Namunaviy apellyatsiya murojaati Albatta, har bir o‘quvchining vaziyati har xil. Quyidagi matnni shunchaki ko‘chirib yubormanglar — o‘z natijangiz va yozgan yechimlaringizga qarab moslab yozinglar. Assalomu alaykum! Matematika fanidan qo‘yilgan 7 ball…
❓ Davom etaveraymi, foydali bo‘lyaptimi?

Endi navbat — kirganlar nima qilishi kerak, kirmaganlar esa bundan keyin qanday yo‘l tutishi kerak degan mavzuga.
  • 🔥 27
  • 👍 10
  • ❤ 4
  • 👌 1
Older posts →
Threads Profile ViewerView any public Threads profile without an account.Open ThreadLook →Writing with AI? Make it sound human.Metric37 rewrites AI drafts so they read naturally. Free AI detector, 1,500 words free.Try Metric37 →