🥔 Айыл чарба министрлиги картошка импортун 2027-жылдын 1-мартына чейин чектөөнү сунуштады



Кыргызстандын Айыл чарба министрлиги картошканы импорттоого убактылуу чектөө киргизүүнү сунуштады. Тиешелүү токтом долбоору коомдук талкууга чыгарылды.

Министрликтин маалыматына караганда, чектөө 2027-жылдын 1-мартына чейин колдонулушу мүмкүн. Максат — ички өндүрүш калктын керектөөсүн толук камсыздап жаткан шартта, ата мекендик фермерлерге түшүмүн сатууга мүмкүнчүлүк берүү.

🌱 2026-жылы Кыргызстанда болжол менен 1,249 млн тонна картошка өндүрүлөрү күтүлүүдө. Калктын жылдык керектөөсү — 799,7 миң тонна.

Министрлик өлкөнүн картошка менен өзүн-өзү камсыздоо деңгээлин 181,9% деп көрсөтүүдө. Бирок ведомство келтирген өндүрүш жана керектөө көлөмдөрүн эсептегенде бул көрсөткүч 156,3%га жакын болот.

📌 Министрликтин позициясы боюнча, ички өндүрүш өлкө рыногун ата мекендик картошка менен камсыздоого жетиштүү болгондуктан, чет өлкөдөн ири көлөмдө импорттоого зарылдык жок.



@kgosho Билип жаша!