🛒🇷🇺 1-октябрдан Россиядагы маркетплейстер товарларды катуу текшере баштайт: Кыргызстандык сатуучуларга эмне өзгөрөт?



1-октябрдан тарта Россиядагы маркетплейстер товарларды жарыялоодон мурун мамлекеттик реестрлер аркылуу текшерет. Бул талап Кыргызстандык сатуучуларга да тиешелүү.

📌 Товар карточкасын түзүүдө сатуучу ТН ВЭД ЕАЭБдин 10 орундуу жана/же ОКПД2нин 9 орундуу кодун көрсөтүшү керек.

🔎 Эгер товарга сертификат, декларация, маркировка же башка уруксат документтери талап кылынса, маркетплейс алардын маалыматтарын мамлекеттик системалардан текшерет. Текшерүү 3 жумуш күнүнө чейин созулушу мүмкүн.

❌ Эгер милдеттүү текшерүүлөрдүн бири оң жыйынтык бербесе, жаңы товар карточкасы жарыялоого чыгарылбайт. Кыргызстандык сатуучу керектүү документтерди кошпосо, товар Россиядагы сатып алуучуларга көрүнбөй калышы мүмкүн.

👕 Бул өзгөрүү өзгөчө кыргызстандык кийим өндүрүүчүлөргө жана сатуучуларга маанилүү. Анткени кийимдердин айрым категорияларына милдеттүү маркировка жана шайкештик документтери талап кылынат.

⏳ Эски карточкалар 1-октябрда дароо өчүрүлбөйт. 1-октябрга чейин жарыяланган товарларды текшерүүгө 180 күндүк өткөөл мезгил берилет. Бирок жаңы түзүлгөн же 1-октябрдан кийин өзгөртүлгөн карточкалар жаңы эрежеге дароо түшөт.

💡 Кыргызстандык сатуучуларга товарларынын ТН ВЭД коддорун, сертификаттарын, декларацияларын жана карточкадагы маалыматтарын алдын ала текшерүү сунушталууда.



@kgosho Билип жаша!