🇰🇬🇪🇺 Жээнбек Кулубаев менен Кая Каллас Кыргызстанга каршы санкция саясатын талкуулашты



Кыргызстандын тышкы иштер министри Жээнбек Кулубаев БУУнун Башкы Ассамблеясынын 81-сессиясынын жогорку деңгээлдеги жумалыгынын алкагында Евробиримдиктин тышкы иштер жана коопсуздук саясаты боюнча жогорку өкүлү Кая Каллас менен жолугушту.

🤝 Тараптар транспорт, энергетика, жашыл экономика жана санариптештирүү тармагындагы биргелешкен инвестициялык долбоорлорду талкуулашты.

📌 Кулубаев Кыргызстан санкцияларды мүмкүн болгон айланып өтүүгө жол бербөө боюнча жүргүзүп жаткан иштер тууралуу маалымат берип, өлкөнүн позициясын ЕБ мамлекеттерине жана тиешелүү түзүмдөргө объективдүү жеткирүүнүн маанилүүлүгүн белгиледи.

🇪🇺 Кая Каллас Кыргызстан менен саясий өнөктөштүктү кеңейтүүгө багытталган демилгелерди колдой турганын билдирип, өз ара кызыкчылык жараткан бардык багыттар боюнча кызматташууга даяр экенин белгиледи.

🔎 Тараптар санкция маселеси боюнча диалогду улантып, пайда болгон суроолорду өз убагында карап, өз ара алгылыктуу чечимдерди иштеп чыгууга макулдашты.


@kgosho Билип жаша!