🌊 БУУ: Деңиз деңгээлинин көтөрүлүшү миллиондогон адамдарды көчүүгө мажбурлашы мүмкүн



БУУнун маалыматына караганда, кылымдын аягына чейин дүйнөлүк океандын деңгээли 50 сантиметрге көтөрүлсө, болжол менен 150–300 млн адам үй-жайын таштап кетүүгө аргасыз болушу мүмкүн.

💧 Дагы 500 млнго жакын адам таза сууга жана айыл чарба жерлерине жетүү мүмкүнчүлүгүнөн ажырашы ыктымал.

🌍 Деңиз деңгээлинин көтөрүлүшү азыр эле жүрүп жатат. Айрым Тынч океанындагы мамлекеттерде анын ылдамдыгы дүйнөлүк орточо көрсөткүчтөн эки эсеге жогору. Бангладеште деңиз суусунун кириши топурак менен таза суунун тузданышына алып келип, айыл чарбасына коркунуч жаратууда.

🌱 Адистер жээктерди коргоо үчүн мангр токойлорун көбөйтүү, дренаж системаларын түзүү, жаратылыш кырсыктары тууралуу эрте эскертүү системаларын өнүктүрүү жана кооптуу аймактарга жаңы конуштарды салбоону сунушташууда.

🏙️ Үйүн таштап кеткендердин көбү башка өлкөлөргө эмес, жээктеги жана айылдык аймактардан шаарларга көчүшү мүмкүн. Бул кабыл алган шаарлардын инфраструктурасына жана ресурстарына кошумча күч келтирет.

⚖️ Учурда эл аралык укукта «климаттык качкын» деген өзүнчө макам жок. Бирок деңиз деңгээли көтөрүлүп, аймагы жашоого жараксыз болуп калган мамлекеттердин суверенитетин жана жарандарынын укуктарын сактоо боюнча жаңы укуктук мамилелер калыптанууда.



@kgosho Билип жаша!