📚 Кыргызстанда окуу китептерин чыгарууну тездетүү тапшырылды



Министрлер кабинетинин төрагасы Адылбек Касымалиев мектептерди окуу китептери, иш дептерлери жана мугалимдер үчүн усулдук колдонмолор менен камсыздоо маселеси боюнча жыйын өткөрдү.

📖 Жыйын 12 жылдык билим берүүгө өтүүнүн алкагында окуу адабияттарын чыгаруу жана мектептерге жеткирүүгө арналды.

💰 2025-жылы окуу китептерин чыгарууга 855 млн сом жумшалып, жалпы 4 млн 735 миң 870 даана окуу-усулдук комплекс басылып, мектептерге жеткирилген.

📦 2026-жылы окуу материалдарын чыгарууга бюджеттен 744 млн сом каралган. Кошумча 16,2 млн сом бөлүнгөн. Жалпысынан 3 млн 668 миң 606 даана материал чыгаруу пландалган. Анын 2 млн 455 миң 868 даанасы мектептерге жеткирилген, 1 миллиондон ашыгы дагы жеткирүү стадиясында.

⚠️ Буга чейин окуу китептеринин базарларда эркин сатылып жатканы боюнча маалыматтар чыккан. Бул фактыны укук коргоо органдары текшерип жатат.

📌 Жыйынтыгында Билим берүү министрлигине окуу китептерин иштеп чыгуу, даярдоо жана басып чыгаруу иштерин тездетүү, тиешелүү адистерди жана эксперттерди тартуу тапшырылды. Мектептердин китептер менен камсыз болушу ай сайын көзөмөлдөнүп турат.



@kgosho Билип жаша!