🏫 Бишкекте айрым окуучулар эмне үчүн 4 нөөмөттө окуп жатат?



Бишкектин «Ак-Ордо» конушундагы №104 мектепте окуучулар 4 нөөмөттө билим алып жатканы социалдык тармактарда кызуу талкуу жаратууда. Айрым параллелдерде класстардын саны «А»дан «Ф»ке чейин жетет.

📚 Мектепте учурда 119 класс-комплектте 4,2 миңден ашуун окуучу билим алат. Ал эми имараттын долбоордук кубаттуулугу болгону 750 окуучуга эсептелген.

⏰ Окуу тартиби:
🔹 1–2-класстар — 4 нөөмөт, сабак 40 мүнөт;
🔹 3–4-класстар — 3 нөөмөт, сабак 45 мүнөт;
🔹 5–11-класстар — 2 нөөмөт, сабак 45 мүнөт.

🏗️ Бишкек мэриясынын маалыматына караганда, бул убактылуу чара. Мектептин жанында экинчи корпус курулуп жатат. Ал пайдаланууга берилгенден кийин окуучулар үчүн орундар көбөйүп, окуу тартиби кайра каралат.

👨‍👩‍👧‍👦 Мектептеги окуучулардын баары «Ак-Ордо» конушунун тургундары. Калктын жана мектеп жашындагы балдары бар үй-бүлөлөрдүн санынын көбөйүшү окуучулардын кескин өсүшүнө себеп болгон.



@kgosho Билип жаша!