Оя сүзләр уены нәтиҗәләре

🪹 Оя сүзләр уены шуның белән тәмам, хөрмәтле укучылар. Бу уенда гүзәл затларыбыз өстенлек итте. Нәтиҗәләр түбәндәгечә:

🥇Иң оста оя сүзләр табучы дип Мәсхүдә исемле укучыбыз табылды. Ул безгә бер дүртле һәм ике җиделе оя табып җибәрде. Җәмгысе – 19 сүз:

Т*Н оясы (тун, тон, төн, тән, тын)
К*Н оясы (кол, көл, кул, күл, кыл, кил, кал)
Т*З оясы (таз, тоз, төз, туз, түз, тез, тиз)

🥈Икенче урында – Рәмзия исемле укучыбыз. Ул безгә бер бишле һәм бер алтылы оя табып җибәрде. Җәмгысе – 11 сүз:

Т*Ш оясы (төш – сон, таш – камень, тиш – сделай дырку, тыш – снаружи, түш – грудь, теш – зуб)
С*Т оясы (сөт – молоко, сат – продай, сыт – раздави, сүт – развяжи, сут – растительный сок)

🏅Тагын бер укучыбыз – Раушания ханым – ике җиделе оя табып җибәрде. Ләкин алар, без сораганча ТСТ (тартык-сузык-тартык) түгел, ә СТС (сузык-тартык-сузык) рәвешендә.

👏 Шулай да, Раушания ханымны да билгеләп үтәргә булдык. Ул – иң актив укучыларыбызның берсе, алдарак узган Омоним бәйгесендә Иң оста омонимчы дип табылган иде.

💐 Җиңүчеләребезне котлыйбыз һәм киләчәктә дә уңышлар телибез!

🙏Уенда катнашкан барлык укучыларыбызга рәхмәтебезне белдерәбез!

#гаҗәеп_татар_теле #оя_сүзләр

TatSoft | @ipsanrt