Гаҗәеп татар теле. Оя сүзләр

"Гаҗәеп татар теле" шәлкемендә бүген бер уен уйнап алыйк. Ике тартык һәм бер сузыктан торган “тартык-сузык-тартык” (ТСТ) рәвешендәге сүзләрне барлыйк.

❄️Урамда КЫШ, шуңа күрә, мисал итеп, К һәм Ш хәрефләрен алыйк. Алар арасына төрле сузыклар куеп нинди сүзләр төзеп була?

🪹Андый сүзләрне "оя сүзләр" дип атарга була. Димәк, К*Ш оясына нинди сүзләр керә?

КЫШ – Ел фасылы
КАШ – Күз өстендәге куе төкләр
КОШ – Тәне каурый, йон белән капланган, томшыклы һәм канатлы хайван
КӨШ – Кош-кортны куганда әйтелә торган сүз
КЕШ – кечкенә ерткыч җәнлек (соболь)
КУШ – Ике, парлы
КҮШ – Ябулы арба яки чананың өсте, түбәсе

Шулай итеп, К*Ш оясында 7 сүз табылды. Җиделе оя.

🙋‍♂️ Ә сез ничә сүзле оя таба аласыз? Татар телендә сигезле йә тугызлы оялар бармы? Кем күбрәк һәм зуррак оялар таба ала?

✍️ Фикерегезне комментка языгыз. Тапкан ояларның сүзләрен дә китерегез.

#гаҗәеп_татар_теле #оя_сүзләр

TatSoft | @ipsanrt